CEIP Rosalia De Castro de Lugo

07/07/2026

Aprendendo Prehistoria con STOP MOTION.
As imaxes pertencen ao traballo previo antes da realizacion das fotografias que acompañaron o proxecto. O alumnado construiu todo o que aparece nas imaxes, agás os bonecos empregados de Play Mobil; as cabanas, os lugares onde vivían na Prehistoria, dependendo do período e, así tiñan que ir mudando o escenario do Paleolítico, ao Neolítico ou a Idade dos Metais; colocaron lagos ou ríos para a pesca, crearon utensilios propios daquel período, crearon covas e as pintaron con debuxos propios dese período de tempo; trouxeron animais e cultivaron campos co inicio da agricultura e a gandería; crearon armas e utensilios de diferentes metais e, incluso apareceu a roda e a vela.Finalmente, crearon instrumentos musicais que, segundo investigaron, se empregaban nesa época e fixeron algunha danza ritual para conmemorar algún acontecemento importante.
Foi un traballo arduo, laborioso, de moita investigación e grendes doses de paciencia para montar todo ese escenario e, todo para unha pequena película de poucos minutos. Pero, a experiencia foi fantástica e quedará na retina do alumnado de sexto que, agora, coñecen moito máis dun período tan longo como foi a Prehistoria.

07/07/2026

CLUB DE CIENCIA
O feito de traballar con minerais en sexto de primaria deunos a oportunidade de facer experimentos relacionados coa "cristalización·.
Experimento das xeodas.- Rochas cunha sorpresa adentro
As xeodas son rochas que conteñen cristais dentro delas. Por fora parecen rochas comúns e correntes ¡pero por dentro son moi fermosas! Na natureza, as xeodas tardan moito tempo en formarse, pero nós fixemos unha xeoda de imitación nus poucos días, empregando un ovo, alumbre de potasio, pegamento, auga quente e... moita paciencia. A través deste experimento, coñeceron un pouco máis acerca do proceso da cristalización.
Tamén, empregamos bicarbonato de sodio e auga quente para tentar crear cristais como nas cavernas ou covas (estalactitas e estalagmitas). Ainda que son fenómenos da naturaleza que toma miles de anos en realizarse, tentamos recrealas no laboratorio!

07/07/2026

ESTUDO DA XEOLOXÍA.-
O alumnado de sexto culminou con entusiasmo e dedicación unhas semanas dedicadas ao estudo das rochas, minerais e fósiles; unhas semanas nas que descubriron estos tesouros que nos proporciona a natureza. A lo longo de varias semanas observaron, investigaron e profundizaron no mundo mineral, desenvolvendo unha mirada atenta e respectuosa cara ao noso planeta Tierra.
Como peche deste proceso, realizaron uns traballos, axudados da Intelixencia Artificial e de Canva, tipo póster, onde plamaron as carácteristicas máis importantes do mineral, rocha ou fósil que elixiran. Os verdadeiros protagonistas destas obras foron a amatista, o cuarzo, o cobre, o diamante, o ámbar, o ópalo, o zafiro, a fluorita a malaquita e, tantos outros; pedras e fósiles que nos falan da diversidade, a fuerza e a harmonía do mundo natural.
E para rematar decidiron compartir os seus coñecementos co alumnado de cuarto de primaria que, no laboratorio, estivo moi atento ás explicacións que lles brindaban os alumnos e alumnas de sexto.
Sempre é un pracer compartir con outros aquelos que aprendes!

06/07/2026

EXCURSIÓN FINAL CURSO E DE ETAPA.-
O alumnado de sexto de primaria realizaron a última excursión do curso e da etapa á Ribeira Sacra. Despois dunha viaxe no catamarán polo canón do río Sil na que lles foron explicando a formación do mesmo e o que podían ver nas súas beiras (viñedos, formacións rochosas e distintas especies de animais), nos diriximos ao mosteiro de San Pedro de Rochas,situado no monte Barbeirón e rodeado de formacións rochosas que puideron darlle nome a este lugar, onde visitaron a Casa Prioral, edificio de finais do século XVII que probablemente ocupa o solar onde estaba o primitivo mosteiro, que desapareceu tras ser destruído nun dos múltiples incendios que arrasaron este luga e, que na actualidade acolle un centro de interpretación de Ribeira Sacra, e a igrexa que é con toda seguridade a parte máis importante do conxunto arquitectónico. Outra das peculiaridades de San Pedro de Rocas é que conserva no piso da igrexa unha serie de sepulcros antropomorfos.

A fachada actual da igrexa erixiuse no século XIX e foi concibida imitando o estilo construtivo da Casa Prioral.

O campanario foi, e probablemente será, o símbolo deste mosteiro. Aínda que se trata dunha espadana bastante frecuente en Galicia, faina diferente de todo o que ata agora poidamos ter visto a súa localización, xa que se atopa sobre un monólito de rocha natural de gran altura.

Outro dos espazos de obrigada visita é a fonte de San Bieito, da que se di que as súas augas son milagrosas. É un chafariz natural onde vén a auga por entre os penedos. Esta fonte dedicouse por tradición dos aldeáns a San Bieito. Antigamente dicían que a quen metía unha verruga na auga e rezaba un Nosopai, él curábao.

04/07/2026

Traballos sobre mitoloxía grega.-
O alumnado de sexto estivo a traballar nun proxecto sobre a mitoloxía grega para tratar de comprender que, non é unicamente un fabuloso conxunto de relatos entrelazados, repletos de feitos extraordinarios, de fazañas incribles, de crueis vinganzas e de castigos inimaxinables, de amores cegos e de odios acérrimos, senon que ten un marcado carácter didáctico, é dicir, quere ensinarnos algo que transcende todo iso, algo sobre a propia natureza dos seres humanos.
Falamos das fontes historiográficas das que se obteñen estes coñecementos, salientando o valor das fontes literarias e das arqueolóxicas.
Tamén quixemos sinalar o papel da muller neste mundo xerarquizado recordando que naquela cultura limitábase, polo xeral, a ser esposa e nai. As excepcións, como o triunfo de Atenea sobre Poseidón no favor dos atenienses, serviron para poñer o contrapunto á tendencia xeral. Son deuses de aspecto varón os que se reparten o mundo. Ningunha muller. Observar este universo desde o noso prisma moderno, con outra moral, é unha oportunidade magnífica para educar na reflexión, pero temos que ser sempre conscientes de que eses criterios mudaron de raíz ao longo dos tempos. Os castigos dos deuses, por moi desproporcionados que nos parezan hoxe, obedecen a outros códigos, a outros pensamentos. Non se pode romper a harmonía divina. Quen o fai, merece castigo.
Entender ese carácter didáctico, máis alá do anecdótico de cada relato mitolóxico, é quizais a aprendizaxe máis valiosa para uns nenos e nenas que comezan a comprender a profundidade filosófica e moral que se agocha no que ata agora simplemente parecía unha colección de contos curiosos.
No enorme tesouro da mitoloxía grega está agochado un saber universal que sempre vai valer a pena descubrir.

https://youtu.be/FBXDLUmFAmc
https://youtu.be/NxYw71-fv3o
https://youtu.be/d-kGKesR8mo
https://youtu.be/D59c84V4yfw

Share your videos with friends, family, and the world.

04/07/2026

GAÑAR COA CIENCIA.
Proxecto realizado en sexto de primaria con material de Polos Creativos, en concreto con Lego Brick Motion Essential e relacionado con Newton e as Leis da Dinámica. Desenvolvemos a comprensión do alumnado sobre as forzas e o movemento a medida que participan e realizan investigacións sobre os efectos das forzas equilibradas e non equilibradas. Investigan os patróns no movemento dn obxecto para desenvolver a súa capacidade de precedir o movemento futuro.. Durante o proceso, desenvolven as súas habilidades colaborativas, o traballo en grupo e o proceso científico.
https://www.youtube.com/watch?v=aWL3A5OPIFw

Proxecto realizado con material de Polos Creativos, en concreto con...

07/06/2026

Aprendendo Prehistoria con STOP MOTION.
O stop motion é unha técnica na que se anima un obxecto ou varios obxectos a través da toma de fotografías. Desta forma, parece tomar movemento. Así pois, fotograma a fotograma utilízase para producir movementos animados de calquera obxecto, xa sexa ríxido ou maleable, no noso caso optamos por bonecos e figuras de Play Mobil e outros obxectos realizados por eles con cartón, plastilina, etc.
Con esta técnica traballamos a Prehistoria.
Dunha forma divertida, o alumnado de sexto de primaria aprendeu sobre este período, con investigacións realizadas con libros da biblioteca e o material proporcionado, investigaron sobre este período, e tras ter a adquisición de contidos, procedemos á creación dun guión visual, onde debían realizar un resumo das imaxes e posta en escena que se ía ver no vídeo.
Alén de realizar o vídeo en stop motion, posteriormente, gravaron o audio, describindo as imaxes. Descargada a aplicación, e postos os dispositivos nos trípodes, o alumnado comezou a tomar as fotos do proxecto. Un gran traballo en equipo xa que hai que ir
coordinándose para ir movendo os bonecos e tomar a foto.
Trátase de crear experiencias asociadas a tecnoloxía dixital que conseguen efectos transformadores. Co proxecto, desenvolvemos todas as competencias, pero sobre todo, a lingüística, a dixital e espírito emprendedor.

https://youtube.com/playlist?list=PL4uO5yMjgkzc80UWne9oDAUTdW5vCDy6Y&si=OLl0bUdKpVgp40KL

Vídeos sobre Prehistoria