Lunes 08:30 - 14:30 Martes 08:30 - 14:30 Miércoles 08:30 - 14:30 Jueves 08:30 - 14:30 Viernes 08:30 - 14:30

Emprego e Desenvolvemento Local Xove

Casa
España
Jove
Emprego e Desenvolvemento Local Xove

Departamento de Emprego e Desenvolvemento Local do Concello de Xove

28/07/2026

Axudas da Xunta de Galicia para establecementos de negocio que empreguen produtos de madeira

A Xunta de Galicia publicou unha nova liña de axudas destinada, entre outros beneficiarios, a establecementos de negocio que empreguen produtos de madeira como elementos estruturais.

📅 Prazo de solicitude: do 30 de xullo ao 31 de agosto de 2026.

As axudas concederanse por orde de entrada das solicitudes, polo que se recomenda tramitar a solicitude canto antes.

Liñas de axuda para establecementos de negocio

Liña 1.1 – Redacción de proxectos de construción nova, rehabilitación ou reforma (MR502B)

Axuda de ata o 70 % do investimento subvencionable.
Importe máximo: 35.000 €.

Liña 2.1 – Utilización de produtos de madeira en obra nova, rehabilitación ou reforma (MR502F)

Axuda de ata o 70 % do investimento subvencionable.
Importe máximo: 200.000 €.

Usos dos establecementos

As actuacións poderán estar destinadas a establecementos de uso:

Industrial
Comercial
Recreativo
Hoteleiro
Oficinas
Sanitario
Asistencial
Educativo e cultural
Deportivo
Prazo de execución

As actuacións subvencionables deberán estar comprendidas dentro dos seguintes períodos:

1ª anualidade: do 1 de xaneiro de 2026 ao 9 de outubro de 2026.
2ª anualidade: ata o 30 de xuño de 2027.

⚠️ Importante: quedan excluídas as actuacións que xa estean rematadas na data de presentación da solicitude.

Se estás a planificar unha nova construción, rehabilitación ou reforma dun establecemento e queres incorporar produtos de madeira na estrutura, esta convocatoria pode ser unha oportunidade para financiar parte dos custos do proxecto e/ou da obra.

20/07/2026

🌊 O noso mar faiche ben.

O proxecto Pesca Saúde, promovido polos Grupos de Acción Local do Sector Pesqueiro (GALP), nace para poñer en valor os beneficios do consumo de peixe e marisco frescos na nosa saúde, promovendo unha alimentación máis saudable, equilibrada e baseada nos produtos do mar de proximidade. Ademais de fomentar bos hábitos alimentarios, esta iniciativa tamén apoia o comercio local e o traballo das nosas peixerías.

🐟 A Peixería Barreira de Xove forma parte desta campaña e xa podes canxear nela os teus vales de aforro ata o 31 de xullo.

Se participaches nas actividades de Pesca Saúde e recibiches un vale, este é o momento de aproveitalo para encher a túa mesa de produto fresco, de calidade e con todos os beneficios nutricionais que ofrece o noso mar.

ℹ️ Consulta toda a información sobre o funcionamento da campaña, os establecementos adheridos e as condicións dos vales na páxina dos GALP e de Pesca Saúde.

09/07/2026

CAFETEAR: un espazo para conectar, compartir e medrar

CAFETEAR é unha iniciativa promovida polo Departamento de Emprego e Desenvolvemento Local do Concello de Xove que nace coa finalidade de crear un punto de encontro entre persoas emprendedoras e empresarias do municipio. A proposta consiste en compartir un café mentres se fortalecen relacións profesionais, se intercambian experiencias e se xeran novas oportunidades de colaboración.

As reunións celébranse, de maneira habitual, o primeiro luns de cada mes, entre as 8:00 e as 9:00 horas, nun ambiente distendido, próximo e participativo. Cada sesión ten lugar nun establecemento de hostalaría diferente do municipio, favorecendo tamén o coñecemento e a dinamización do comercio local.

De forma excepcional, o CAFETEAR deste mes celebrarase o 13 de xullo, no Café Bar Pepe, mantendo o mesmo horario de 8:00 a 9:00 horas. Nesta ocasión, o encontro estará aberto non só ás persoas emprendedoras e empresarias de Xove, senón tamén a todas aquelas que desexen participar, aínda que desenvolvan o seu proxecto empresarial fóra do municipio. Falaremos das axudas e subvencións abertas en prazo de solicitude, en concreto explicaremos o PROGRAMA EMEGA.

Durante o encontro, as persoas participantes teñen a oportunidade de presentar a súa actividade, compartir as súas inquedanzas, necesidades e proxectos, así como coñecer outras iniciativas empresariais e explorar posibles vías de colaboración.

Os principais obxectivos do CAFETEAR son:

Tecer redes de colaboración entre as empresas participantes e o Departamento de Emprego e Desenvolvemento Local.
Dar a coñecer os produtos e servizos das empresas asistentes, favorecendo o coñecemento mutuo.
Identificar necesidades formativas e de apoio para planificar accións e servizos adaptados á realidade empresarial.
Promover campañas e iniciativas conxuntas de difusión, promoción e publicidade.
Compartir información de interese sobre formación, subvencións, axudas, recursos e outras oportunidades para o tecido empresarial.

Ven CAFETEAR con nós o próximo luns.

08/07/2026

O departamento de emprego e desenvolvemento local do Concello de Xove informa da subvención da Xunta: PROGRAMA EMEGA, dirixida a mulleres emprendedoras, empresarias de calquera forma xurídica.

Este programa inclúe subvencións de ata 22.000 euros para crear emprego feminino, mantelo, introducir melloras, conciliar,...

Podes pedir máis información ou axuda para a súa solicitude chamando ao Concello de Xove: 982592001.

01/07/2026

O Concello de Xove selecciona persoal para a brigada de incendios subvencionada pola Xunta de Galicia.

O prazo para inscribirse no proceso de selección remata este venres 03/07/2026.

As prazas ofertadas son as seguintes: 1 técnico/a xefe/a de brigada, 1 peón/oa conductor e 3 peóns/oas forestais, a provisión, como persoal laboral temporal farase mediante concurso-oposición.

Para máis información e inscricións pódese chamar ao Rexistro do Concello de Xove: 982592001

17/06/2026

O Polo de emprendemento e apoio ao emprego de Mondoñedo organiza un encontro de networking para mulleres emprendedoras na Casa do Cabo, en Morás-Xove. A xornada busca impulsar o intercambio de experiencias e colaboracións entre proxectos emprendedores do territorio liderados por mulleres.

🗓️ Luns, 22 de xuño I 16:30 h - 18:00 h

📍 Casa rural Casa do Cabo. Lugar O Carballo 6, Morás. Xove, Lugo

Encontro de networking para mulleres emprendedoras: un espazo pensado para ti, que estás creando, impulsando ou soñando un proxecto propio na contorna do Polo de emprendemento e apoio ao emprego de Mondoñedo.

Será moito máis ca unha xornada: será unha oportunidade para coñecernos, compartir experiencias reais do camiño emprendedor e xerar alianzas que poden abrir novas portas.

A cita será na Casa do Cabo, en Morás-Xove, un lugar especial onde o mar e a terra se atopan ao carón do Cabo Morás e dos impresionantes Acantilados de Papel. Un escenario privilexiado para parar, inspirarse e mirar ao futuro con novas perspectivas.

Durante o encontro coñecerás proxectos emprendedores da zona, descubrirás o programa Medrando Xuntas da Rede Eusumo e, sobre todo, participarás nun café networking pensado para conversar sen présas, conectar con outras mulleres coma ti e deixar que xurdan colaboracións reais.

Se es emprendedora, se tes unha idea en mente ou se simplemente queres formar parte dunha rede que impulsa o talento feminino no rural, este é o teu lugar.

Porque emprender tamén é acompañarse. E xuntas, chegamos máis lonxe.

Inscríbete e forma parte desta rede que está a medrar contigo: https://polosemprendemento.gal/calendar/emprender-en-feminino

01/06/2026

O Concello de Xove selecciona 3 socorristas para as praias de Lago e Portocelo.

O contratato empeza o 01 de xullo e remata o 31 de agosto.

O soldo (antes de impostos) é de 1.800 euros. A xornada é de 40 horas semanais a realizar no horario de apertura de praias, é dicir das 12:00 ás 20:00 horas de luns a domingo, tendo un día libre por semana ( que non pode coincidir coa fin de semana).

É requisito figurar no Rexistro de Socorristas Acuáticos en Espazos Naturais ou ter formalizado a súa solicitude de inscrición reunindo as condicións necesarias, ademais é imprescindible estar en situación de desemprego no Servizo Público de Emprego de Galicia como demandante sen ocupación.

Se tes interese nestas prazas ou sabes dalguén a quen lle pode interesar, contacta comigo. Rosa Lage 982592001.

27/05/2026

Desde hoxe podes descargar o teu Bono Activa Comercio para ter descontos nos establecementos comerciais.

En Xove podemos canxealos nos seguintes negocios:
LIBRERÍA BASANTA
ESTÉTICA MARTA
CATYCRIS
PELUQUERÍA CAPYLARIS
FINA MODA Y COMPLEMENTOS
FLORISTERÍA FINA
MARÍA FERNANDES
PELUQUERÍA Y ESTÉTICA FINA

Como clientela e, podes descargalo na páxina: https://bonosactivacomercio.gal

Como comerciante aínda podes adscribirte nesa mesma páxina.

Pero apura, que se acaban enseguida!!!

No comercio local siempre gañamos, e con este bono, ademais aforramos.

27/05/2026

Desde hoxe podes descargar o teu Bono Activa Comercio para ter descontos nos establecementos comerciais.

En Xove podemos canxealos nos seguintes negocios:
LIBRERÍA BASANTA
ESTÉTICA MARTA
CATYCRIS
FINA MODA Y COMPLEMENTOS
FLORISTERÍA FINA
MARÍA FERNANDES
PELUQUERÍA Y ESTÉTICA FINA

Como clientela e, podes descargalo na páxina: https://bonosactivacomercio.gal

Como comerciante aínda podes adscribirte nesa mesma páxina.

Pero apura, que se acaban enseguida!!!

No comercio local siempre gañamos, e con este bono, ademais aforramos.

26/05/2026

Rosa Lage 982592001.

Dirección

Camiño Real S/n
Jove

Horario de Apertura

Lunes	08:30 - 14:30
Martes	08:30 - 14:30
Miércoles	08:30 - 14:30
Jueves	08:30 - 14:30
Viernes	08:30 - 14:30

Teléfono

+34982592001

Página web

http://emprego.xove.es/

Notificaciones

Sé el primero en enterarse y déjanos enviarle un correo electrónico cuando Emprego e Desenvolvemento Local Xove publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Escuela/facultad

Enviar un mensaje a Emprego e Desenvolvemento Local Xove:

¿Quieres que tu escuela/facultad sea el Escuela/facultad mas cotizado en Jove?