Instituto de Estudos Miñoráns

31/08/2026

O Instituto de Estudos Miñoráns (IEM), co patrocinio do Concello de Gondomar e a colaboración da Editorial Galaxia na edición da obra premiada, convoca o XVII Premio de Poesía Victoriano Taibo 2026.

Consulta as bases na seguinte ligazón:

https://iem.gal/premio-victoriano-taibo/convocatoria-premio-de-poesia-victoriano-taibo-2026/

27/08/2026

ANULADA A XEIRA PREVISTA AOS PRETRÓGLIFOS DO MONTE TETÓN
Dadas as previsións climatóloxicas para hoxe, e por seguridade, vémos na obriga de suspender e/ou anular a xeira prevista para esta noite ás 21 h. a*o petróglifos do Monte Tetón.
Agardamos poder realizala noutra data no mes de setembro, se o tempo o permite.

22/08/2026

O vindeiro xoves 27 de agosto achegarémonos ao Monte Tetón para descubrir o seu importante patrimonio arqueolóxico e natural.

A actividade, “Os Petroglifos das Portaxes como lugar de xuntanza ritual e social”, permitirá coñecer os gravados rupestres do monte e afondar no seu significado, na súa historia e na relación que estes espazos tiveron como lugares de encontro da comunidade.

A visita estará guiada por Xosé Luís Vilar, que nos acompañará neste percorrido para interpretar os petróglifos e o territorio que os rodea.

📍 Punto de encontro: Alto do Padrón, KM 12300 PO-344 42º 03´46.8´´N – 8º44´39.6´´W Gondomar-Tomiño
🕘 Saída: 21:00 h
📅 Data: xoves, 27 de agosto

Unha oportunidade para g***r do patrimonio, da paisaxe e da historia do Monte Tetón nunha actividade para compartir e aprender en boa compañía.
Concello de Tomiño

19/08/2026

19/08/2026

Martes 18 de agosto XEIRA DA COLEXIATA DE BAIONA AO ALTO DE MONTERREAL
Guía: Anxo Rodriguez Lemos, cronísta oficial do concello de Baiona.
Onte martes tivemos unha nova xeira de verán do IEM pola vila de Baiona. Desta volta contamos co noso compañeiro do IEM o doutor en Historia Moderna pola USC Anxo Rodriguez Lemos, que asemade é cronísta oficial do concello de Baiona e que nos levou polas rúas do casco vello da Real Vila, dende a Colexiata ata Monterreal para facer, paseniñamente e con moita e variada información, o que era a vella Procesión do Corpus Cristi. Os trocos e vicisitudes que se foron dando ao longo da historia e unha ollada demorada a historia de Baiona e os seus recantos, casas e rúas.
Grazas a todas/os os que nos acompañastes nesta xeira, e grazas a Anxo por compartir con nós os seus saberes e investigacións. Agardamos con devezo a chegada dese libro que está as portas de saír impreso no que nos fala de máis historia de Baiona e os baioneses, desta volta usando a Danza das espadas como pretexto narrativo.

PD.
Hoxe mércores 19 de agosto temos aínda prazas para a nova xeira en barco, con saída ás 21.30 h do peirao de Baiona, na zona de embarque no pantalán do barco que vai as Cíes.

18/08/2026

Xeira Náutica polo Mar de Baiona e Panxón

No marco das Xeiras do IEM 2026, o Instituto de Estudos Miñoráns organiza unha nova Xeira Náutica polo Mar de Baiona e Panxón, unha actividade que convida a descubrir desde o mar a historia, a paisaxe e o patrimonio mariñeiro dun dos treitos máis singulares da costa galega.

A travesía celebrarase o mércores 19 de agosto, con saída ás 21:30 horas desde o Peirao de Baiona.

A actividade estará guiada por Xosé Lois Vilar, quen achegará aos participantes unha visión histórica, cultural e etnográfica do litoral, poñendo en valor a relación entre o mar e as comunidades que habitaron e habitan este territorio.

As persoas interesadas poden reservar a súa praza a través da páxina web do IEM: https://iem.gal/product/xeira-nautica-polo-mar-de-baiona-e-panxon/

O prezo da actividade é de 18 euros para as persoas non socias e de 15 euros para as persoas socias.

A realización da xeira está condicionada a un mínimo de 150 prazas cubertas.

Esta proposta constitúe unha magnífica oportunidade para vivir unha experiencia diferente, gozando dunha travesía ao solpor mentres se afonda no coñecemento da historia, da paisaxe e do valioso patrimonio marítimo de Baiona e Panxón.

15/08/2026

Descubre Baiona a través da súa historia!!!

Nesta visita percorreremos da man do historiador Anxo Rodríguez Lemos o camiño desde a Colexiata ata o Alto de Monterreal, coñecendo historias, lendas e algúns dos episodios que marcaron o pasado da vila.

Un percorrido para coñecer, pasaear e descubir a historia que agocha Baiona. Non perdas a oportunidade!!