Euskal Herriko Ikastolak

EUSKALDUNTZEN DUEN HEZKUNTZA BEHAR DUGU

Hezkuntza sistemak ez du behar bezain beste eta behar bezain ondo euskalduntzen. Hori da Unibertsitaterako Sarbide Probak azaleratu duen sakoneko arazoa.

Hezkuntza sistema propio euskalduna indartu eta zabaldu behar dugu, euskararen biziberritzean jauzi berri bat emateko.

Euskalduntzea ezin da euskara ikasgaira mugatu. Euskal dimentsioa elikatzeko, ikasgai guztietan eta ikasgelatik kanpo, espazioak sortzen jarraitu behar dugu. Euskaldun osoak hezteko.

Larria da USAP azterketen inguruan epaitegien esku hartzea. Berriz ere, euskararen aurka egiten dutelako. Berdintasuna kolokan jartzen dutelako. Eta hezkuntza sistema kaltetzen dutelako.

Horrelako esku hartzeek agerian uzten dute, herri gisa gorpuzten gaituzten egitura propioen beharra. Herritik eta herriarentzat sortuak. Herritarrok eta herritarrontzat kudeatuak.

Ikastolok bidea urratzen jarraituko dugu. Euskaldun osoak hezteko espazio eta aukera berriak sortzen. Gaurko autoeraketatik, biharko euskal hezkuntza elikatzen. Biharko herritar euskaldunak gaurdanik hezten.

Auzolanaren indarrez, euskararen taupadak berpiztu ditugu gaur Amurrion.

Ikastolok Araba Euskaraz josten dugu egunez egun, Amurriotik Argantzunera eta Gasteiztik Lapuebla de Labarcara.

Eskerrik asko gaur Amurrio bete duzuen milaka euskaltzale eta Ikastolazaleei. Jarrai dezagun elkarrekin Araba euskaratik eta euskaraz josten.

Eskerrik asko, belaunaldi berrientzat eta herri honentzat, bide berri bat zabaltzeagatik ❤️‍🔥

Eskerrik asko, hasieratik bukaera arte, euskaraz ikasteko eskubidea praktikan jartzeagatik.

Erakutsi duzue, Ikastolen hezkuntza proiektua ez dela ikasgelara mugatzen, balio sistema oso bat dela bertan lantzen dena.

Jarrai dezagun, egunez egun eta herriz herri, Euskal Herria euskaraz josten.

115 ikastola, herri bat ❤️‍🔥

115 komunitate, eta komunitate bera.

Gure neurria hori da: herri eta ikastola komunitate bakoitzak bere inguruan eragiten duena, eta denok batera osatzen dugun sarea.

Gure babes beroena, bihar Baxoko Matematikako azterketa euskaraz eginen duten gure Ikastolako ikasleei.

Datozen belaunaldientzat eta herri honentzat bide berri bat ari direlako zabaltzen.

Ikastolok, egunez egun eta herri herriz, Euskal Herria euskaraz josten jarraituko dugu.

Komunitatea

📚✨ JUUL 2026 sariak banatu genituen Zizur Nagusian, euskal literaturaren eta irakurzaletasunaren aldeko Ikastolen konpromisoa berrituz.

Euskal Herriko 47 Ikastoletako milaka ikasleren 14.817 botoei esker, euskal idazle eta ilustratzaileek merezitako aitortza jaso zuten, irakurtzeak munduak zabaltzen dituela gogoraraziz. 💫

Pantailen eta berehalakotasunaren garaian, liburuek irudimena pizten, pentsamendua aberasten eta euskaraz sortzen laguntzen dute. Horregatik, JUUL ez da sari bat bakarrik: irakurzaletasunaren, sormenaren eta euskararen aldeko komunitate oso baten ospakizuna da. 💚

Eskerrik asko parte hartu duzuen ikasle, irakasle, familia eta sortzaile guztiei. Jarrai dezagun elkarrekin etorkizuna euskaraz idazten eta marrazten. ✍️🎨📖

Sormena NafarroaOinez

❤️‍🔥 Bilboko bihotzak euskaraz arnastu du Ibilaldiaren eta auzolanaren indarrez.

💪🏽 Hiri Kiribili Bil lelopean komunitatearen konpromisoa eta indar eraldatzailea plazaratu ditugu hiriaren erdigunean. Guk Bilbo bezainbeste, behar ditu Bilbok Ikastolak.

🤝 Indarrak batzeko unea da, euskararen eta euskal kulturaren transmisioan jauzi berri bat emateko.

🫰🏽 Zorionak Kirikiño Ikastolako komunitate osoari!

💪 Ikastolen sarearen indarrez Ministerioa mugitu da eta Baxoa euskaraz egiteko eskubidean aurrerapauso handia eman dugu. Herria mugitu izanak, mugiarazi du Estatua.

Handia da herritarren eta ikastola sarearen indarra. Entzun behar izan gaituzte. Baxoa euskaraz egiteko bidean baldintza guztiak bermatu arte lanean jarraituko dugu. Ekainaren 12an gure ikasleek euskaraz egingo dute matematikako azterketa eta alboan izango gaituzte.

⁠Eskubideak lortzea lan eta ekimen kolektiboaren emaitza da. Euskal Herrian euskaraz ikasteko eskubidearen alde ekinean jarraituko dugu. Euskal Herria euskaraz josten jarraituko dugu.

Laku bat orroka euskararen eta ikastolen alde.
Eskerrik asko aurtengoan ere Senperera gerturatu zareten milaka euskaltzaileei.
Ikastolek, Euskal Herria euskaraz josten jarraituko dugu. Auzolanean eta herri ekimenetik.
Herriz herri, herri bat euskaraz josten.