07/08/2026
Outra semana chea de aprendizaxes, creatividade e diversión no Campamento Inclusivo de PASENIÑO! 💙☀️
Esta semana seguimos enchendo o noso campamento de experiencias inesquecibles, compartindo momentos que fomentan a inclusión, a convivencia e o desfrute de todas as persoas participantes.
Comezamos a semana cun obradoiro de arxila branca, no que demos renda solta á creatividade, modelando diferentes figuras e traballando a motricidade fina, a imaxinación e a expresión artística.
Continuamos cunha xornada de deporte e xogo libre, na que o movemento, a cooperación e a diversión foron os grandes protagonistas. A través do xogo reforzamos valores como o respecto, o compañeirismo e a participación.
A emoción chegou tamén coa nosa Bingo Party, unha actividade moi esperada na que non faltaron as risas, a ilusión e os bos momentos compartidos, favorecendo a atención, a concentración e a interacción entre o grupo.
Nos últimos días realizamos un obradoiro de cartón-pedra, creando figuras con diferentes materiais e desenvolvendo a creatividade, a paciencia e o traballo en equipo. Grazas o equipo de Aspadex-Más que un regalo
E para despedir esta fantástica semana celebramos unha divertida festa de baile de disfraces, na que a música, o baile, os disfraces e as risas encheron a mañá de alegría. Unha xornada especial para expresarnos libremente, compartir e celebrar todo o vivido durante estes días.
Cada actividade é unha oportunidade para aprender, medrar e crear recordos inesquecibles nun espazo onde a inclusión, a diversidade e o respecto son sempre os verdadeiros protagonistas.
Grazas ás familias pola confianza e ás nosas rapazas e rapaces por encher cada día de ilusión, entusiasmo e sorrisos. Seguimos facendo do noso Campamento Inclusivo un lugar onde cada persoa pode ser ela mesma e desfrutar dun verán único.
💙 Seguimos creando experiencias, amizades e momentos que quedarán para sempre no recordo.
Verán2026
