12/02/2024
ديما خود العبرة من الأشياء ماتكونش غير كتفرج و صافي حيت واخا كون المغرب هو لي ربح اللقب أنت ما غاديش يعطوك شي بركة باش تعيش او تقرا او تزوج او تشري دارك حتى انت وتخرج من الكراء أو أو او ... ، المهم نرجعو للموضوعنا شكون كان يقول بلي الكوديفوار غاتفوز باللقب من بعد ما خرجات من البطولة ؟!! لكن القدر عطاها فرصة جديدة و هي استغلتها مزيان .
أجي نشوفو كيفاش نطبقو هادشي في حياتنا اليومية ، كلنا باغين نعيشو مزيان و نلبسوا مزيان و نسافرو ووو ، لكن السؤال المطروح هو اشنو كدير باش توصل لداكشي لي بغيتي و كيفاش كدير؟؟ حيت بعض المرات وخا كيبان لك انه كدير شي حاجة ولكن في الحقيقة ماكافيش ، حيت كاين واحد نوع كيديباني و كيتسنى زعمة في الفرصة حتى تجيه عاد يبدا الخدمة ، و هذا خطأ خاصك أنت لي تحط راسك في أماكن لي ممكن تصادف فيها فرصتك حيت الى ماجاتش عندك خاصك انت لي تمشي عندها ، وفاش تلقاها تيق في راسك و آمن بيه و تأكد بلي حتى أنت تقدر عادي خاص غير توكل على الله و ربي غادي يعاونك ، ماتبقاش تقول هذه موحال نديرها او نوصل ليها و ماتكونش انسان متشائم كتحط المشاكل و الفشل قبل حتى من المحاولة ، خرج من منطقة راحة ديالك الى بغيتي تنجح ، حيت كلما كان حلمك كبير ، كان طريقه طويل و صعيب ، و هادشي مايخليكش تخاف من الاحلام الكبيرة وخا تبان لك شبه مستحيلة حيت كتبقى ممكنة 😉
تيق في راسك البطل و ماترضاش غير بلي كان ، ماتبقاش حاضي ناس لي سبقوك حيت تقدر تجي من وراهم و تفوتهم ، و كنظن شفتي المنتخب الوطني متصدر المجموعة تقول هذا يبقى تال النهائي ، ماتش الأول خرج الخبار في راسكم ، مهم حتى حاجة ماصعيبة ، مادام الله معنا ❤️ لا خوف علينا ، أقول قولي هذا و أستغفر الله لي و لكم 👨🏻⚕️💪🏻
