Lunes 09:00 - 18:00 Martes 09:00 - 18:00 Miércoles 09:00 - 18:00 Jueves 09:00 - 18:00 Viernes 09:00 - 14:00

Colexio Plurilingüe Vila do Arenteiro

Casa
España
Carballino
Colexio Plurilingüe Vila do Arenteiro

Colexio que se atopa en O Carballiño (Ourense). Colegio que se encuentra en O Carballiño (Ourense)

09/09/2026

🏫 Hoxe comeza un novo curso… e hai 40 anos tamén comezaba unha nova historia.
Coincidindo co inicio deste curso, viaxamos atrás no tempo ata aquel día de hai 40 anos no que o noso colexio abría as súas portas por primeira vez.
📸 Esta fotografía da inauguración lévanos a aquel momento no que todo estaba por vivir: os primeiros alumnos, os primeiros profesores, os primeiros días de clase…
Hoxe volvemos abrir as portas para comezar un novo curso e un novo capítulo desta historia que xa suma catro décadas.
💙 40 anos despois, seguimos comezando xuntos.
🎒 Bo comezo de curso a toda a comunidade educativa!

04/09/2026

🏫 E así quedou o noso colexio…
Despois das obras, do esforzo e de tantos meses de traballo, o proxecto convertíase finalmente nunha realidade.
Esta imaxe móstranos o colexio xa rematado, tal e como era hai 40 anos. Un edificio que pronto se enchería de voces, xogos, aprendizaxes e historias que, co paso do tempo, formarían parte da súa memoria.
📸 Unha fotografía para mirar atrás e lembrar os comezos dunha historia que aínda continúa.
💙 40 anos despois, seguimos facendo escola.

31/08/2026

📸 Unha ollada ao colexio de hai 40 anos…
Así era o noso colexio nos seus primeiros anos. Unha imaxe que nos permite viaxar atrás no tempo e ver como era aquel lugar que pouco a pouco se foi enchendo de vida.
🏫 Desde aquela primeira vista ata o colexio que hoxe coñecemos pasaron 40 anos de historias, aprendizaxes, encontros e xeracións.
O tempo cambiou moitas cousas, pero hai algo que permanece: o colexio como lugar de encontro e como parte da vida de tantas persoas. 💙
Seguimos recuperando imaxes para lembrar de onde vimos e celebrar todo o camiño percorrido.
En setembro, cumprimos 40 anos! 🎉

26/08/2026

🏗️ E así foi tomando forma o noso pavillón…
Hai anos, estas imaxes mostraban como se erguía un novo espazo no colexio: o pavillón, que co tempo se convertería en escenario de xogos, deporte, actividades e tantos momentos compartidos.
📸 Hoxe recuperamos estas fotografías para lembrar como se construíu aquel espazo que forma parte da historia da nosa institución.
Porque detrás de cada parede, cada fiestra e cada pista hai moitas historias que contar.
💙 40 anos despois, seguimos lembrando como comezou todo.

21/08/2026

🏗️ Hai 40 anos, todo estaba por comezar…

Estas fotografías lévannos ata os primeiros pasos da construción do noso colexio: un proxecto que pouco a pouco foi collendo forma para converterse no lugar que hoxe coñecemos.

📸 As paredes levantábanse, pero tamén comezaba a construírse unha historia.

Unha historia feita de anos, de xeracións e de moitos momentos compartidos.

En setembro cumprimos 40 anos e queremos celebralo lembrando tamén aquel primeiro día, cando todo era só un proxecto e un soño.

💙 40 anos despois, seguimos facendo historia.

14/08/2026

🏗️ Así comezou todo…

Hai 40 anos, onde hoxe está o noso colexio, aínda había obras, proxectos e moitos soños por construír.

Compartimos estas fotografías da construción do colexio, imaxes que nos levan ao momento no que comezaba a tomar forma un lugar que, catro décadas despois, segue sendo parte da vida de tantas persoas.

📸 40 anos despois, miramos atrás para lembrar como comezou esta historia.

E isto é só o principio… 💙

En setembro celebramos 40 anos.

09/08/2026

🐙🌋 DÍA GRANDE NO CARBALLIÑO! 🌋🐙
Hoxe o noso pobo viste de festa para celebrar a LXVI Festa do Pulpo, e dende o CPR Plurilingüe Vila do Arenteiro querémonos sumar a esta xornada tan especial.
Este ano a festa ten un sabor moi particular grazas á homenaxe a Lanzarote. Un irmandamento único entre a tradición da nosa terra, os aromas da caldeira e a enerxía volcánica das Canarias! 🌊🔥
No colexio tamén nos unimos á celebración mantendo vivas as nosas raíces, a convivencia e o orgullo de formar parte de O Carballiño.
🥳 Desexámosvos a toda a comunidade educativa, veciños e visitantes un feliz día do pulpo en familia e entre amigos!
👉 E vós, xa probastes a primeira ración do día? Contádenos como o estades celebrando! 👇
OrgulloCarballiñés EducaciónConValores

08/08/2026

🌞🌑 Lembrades o eclipse de 2015?

Co gallo do eclipse que poderemos observar estes días, queremos botar a vista atrás e lembrar unha xornada moi especial no noso colexio.

O 20 de marzo de 2015, un grupo de alumnado de 4º da ESO, acompañado polo profesor de Física e Química, reuniuse no parque municipal do Carballiño para vivir en directo un dos grandes espectáculos astronómicos da década.

Aquela mañá converteuse nunha auténtica aula ao aire libre. Ademais de observar o eclipse con lentes homologadas e outros métodos de observación indirecta, o alumnado aprendeu como se produce este fenómeno e a importancia de contemplalo sempre con seguridade.

Once anos despois, volvemos ter a oportunidade de mirar ao ceo con curiosidade e admiración. Que este novo eclipse esperte, unha vez máis, a paixón pola ciencia e pola observación do universo.

02/08/2026

Se unieron en 1986 tras el cierre de la escuela en la que trabajan en O Carballiño

02/08/2026

🌿 Ás veces a natureza escríbenos pequenas historias.

Esta semana, un corzo🦌 detívose na entrada do noso colexio. Unha visita breve, silenciosa e fermosa, que nos emocionou porque o corzo tamén habita desde sempre no noso escudo, formando parte da nosa identidade.

Neste ano tan especial, no que celebramos o 40º aniversario da inauguración do centro🎉, quixemos entender esta visita como un símbolo: un encontro entre a historia e o presente, entre o que fomos e todo o que aínda está por vir.

📚 Durante corenta anos, este colexio foi un lugar onde medraron xeracións de nenas e nenos, onde cada curso deixou pegadas, soños, aprendizaxe e lembranzas que permanecen.

🍃 Quizais o corzo só seguía o seu camiño. Ou quizais veu lembrarnos que hai lugares que gardan unha alma especial.

Corenta anos despois, seguimos escribindo esta historia entre todas e todos💚.

✨ Grazas por formar parte destes 40 anos de vida, aprendizaxe e ilusión.

Dirección

Carballino

Horario de Apertura

Lunes	09:00 - 18:00
Martes	09:00 - 18:00
Miércoles	09:00 - 18:00
Jueves	09:00 - 18:00
Viernes	09:00 - 14:00

Teléfono

988 27 14 00

Página web

http://www.viladoarenteiro.com/

Notificaciones

Sé el primero en enterarse y déjanos enviarle un correo electrónico cuando Colexio Plurilingüe Vila do Arenteiro publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.