Erasmus Afonso X O Sabio

Casa
España
Cambre
Erasmus Afonso X O Sabio

Página del grupo de proyectos europeos del IES Afonso X O Sabio de Cambre (A Coruña)

13/05/2026

Desde o 11 de maio, unha profesora
do noso IES, Laura Gonzalo, está a facer unha visita profesional a algúns centros no distrito de Matosinhos, no norte de Portugal, xunto a profesorado doutros centros do radio de acción do CFR da Coruña.
A primeira visita tivo lugar na mañá do martes 12, na que tivo a oportunidade de coñecer a Escola Secundaria da Boa Nova, na que se imparten estudos de 3º Ciclo de Ensino Básico, Cursos Científicos- Humanísticos e Cursos Profesionais a un total de 938 estudantes.
Resultou unha experiencia moi enriquecedora na que se poideron aprezar similitudes e diferenzas co sistema educativo galego e observar diferentes situacións de aprendizaxe, asícomo a estrutura organizativa e de espazos dunha escola secundaria de Portugal.

11/05/2026

Día de Europa!
Celebración anual de paz e unidade europeas.🇪🇺🫂

❤️

08/05/2026

O noso último venres na escola non puido ser máis intenso e especial. Comezamos cunha andaina inmersiva pola natureza ata o Centro de Recuperación de Animais Salvaxes, guiados polos nosos alumnos, que se converteron en perfectos cicerones da contorna. 🌿🐾

A mañá continuou coidando o interior: unha didáctica clase de benestar emocional, seguida dunha inmersión total nas aulas cos compañeiros italianos. O momento máis emocionante chegou coa entrega de diplomas Erasmus+ e a gala de premios dos xogos, pechando esta experiencia con moitas sorrisos e algunha bágoa de despedida.
Grazas, Fontanafredda! 👋🎓

❤️
+

07/05/2026

Coñecer a cidade de Pordenone ocupounos no día de hoxe.
Comezamos cun xogo de pistas👣 relacionado cos principais lugares da cidade e así aprendemos moito sobre o río, a ponte, as rúas, as igrexas e os seus habitantes.
Tivemos tempo libre para realizar algunhas compras e tomar un xeado.🍦
A tarde adicámola a coñecer o Museo do cómic no Palazzo del Fumetto.
Rematamos así outra xornada de descubrimentos e compañeirismo.🫂

❤️
❤️

06/05/2026

Hoxe mércores foi un día chuvioso ☔️ e de intenso traballo!
Pola mañá realizamos varias actividades: caviardage, poemas a partir doutros textos; taller musical 🎶, con cancións relacionadas coa auga; experimentos sobre a importancia da limpeza da auga, etc.
Tras xantar 🍽 na escola e recuperar forzas, continuamos coa gravación dunha entrevista dobre sobre a experiencia Erasmus+.
Finalizou a xornada coa creación dos posters de normas relacionadas co coidado da auga. 💧
Marchamos a descansar co traballo ben cumprido. ‎

❤️
+

05/05/2026

Hoxe martes o alumnado Erasmus viaxou ata a marabillosa cidade de Venecia.
Alí gozamos dunha visita guiada polos principais lugares venecianos.
Pola tarde coñecemos o Palazzo Mocenigo e participamos nun obradoiro no que creamos os nosos propios perfumes.
A pesar da choiva, foi unha excelente xornada de convivencia e aprendizaxe.😊

❤️
+

04/05/2026

Hoxe o noso alumnado foi recibido no instituto de Fontanafredda🇮🇹.
Despois da benvida e un percorrido polo centro, saíron de visita a Polcenigo. Alí, nunha preciosa paraxe natural, realizaron unha ruta ata o castelo 🏰medieval e continuaron ata o manancial de Gorgazzo.
Despois do xantar e celebrar o aniversario de Melissa e David, e xa de volta en Fontanafredda, realizaron un decálogo de normas relacionadas co uso responsable da auga. 💧
Xornada de moito traballo e aprendizaxe na natureza.😊

❤️

02/05/2026

Preparados para embarcar! ✈️
Boa viaxe a Fontanafredda 🇮🇹

❤️

30/04/2026

Este sábado 2 de maio, once alumnos e alumnas de 2° e 3° da ESO partirán, xunto con dúas profesoras, a Fontanafredda 🇮🇹. Devolverán así a visita que alumnado do Istituto compresivo statale Rita Levi-Montalcini nos fixera en febreiro.
Estamos seguros de que será unha experiencia enriquecedora!

❤️

29/04/2026

Esta semana, a nosa compañeira Lidia Gómez está a realizar un job shadowing en Polonia, no centro Jan Amos Comenius Economic School Complex, centro de referencia en Formación Profesional.
Na experiencia participan tamén profesores e profesoras doutros centros coruñeses e da contorna.

❤️
+

Dirección

Rúa Río Sil
Cambre
15660

Página web

http://progeuroafonsox.blogspot.com/

Notificaciones

Sé el primero en enterarse y déjanos enviarle un correo electrónico cuando Erasmus Afonso X O Sabio publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.