Asociación Dismacor

No ano 2025 recibimos a inestimable colaboración da Deputación da Coruña para o mantemento do noso Servizo Técnico de Atención ás Necesidades dos Nenos/as e Persoas con Discapacidade e a súa Familia.

A Deputación da Coruña colaborou con este servizo da nosa entidade mediante a concesión dunha subvención polo importe de 12.800,00€ , que corresponde cunha porcentaxe de financiamento do orzamento do servizo do 21,36%

Agradecemos, coma sempre, a confianza e o apoio depositados na nosa labor.

Queremos agradecer a Asociación Pro Enfermos Mentais (APEM) e ás persoas do Centro de Dia de Culleredo por contar con nós para conmemorar o Día das Persoas con Discapacidade e unirnos para reivindicar unha sociedade na que todas as persoas poidan formar parte exercendo os seus dereitos e deberes plenamente.

Gracias, coma sempre, ao Concello de Culleredo por confiar e apoiar a nosa causa e seguir demostrando o seu compromiso coa diversidade.

E por suposto, gracias e noraboa a todas as compañeiras do tecido asociativo que tamén participaron (Afadips, Alcer Coruña, Adaceco, Afaco, Anhida Coruña, Agraxfa, Asoc. galega Síndrome X Fráxil, Paskinson Galicia-Coruña, Asperga Coruña e Centro de día Coidamos de ti). Gracias pola vosa vontade de colaboración e a vosa axuda tan importante. Xuntos, conseguiremos grandes cousas.

Un ano máis e coas mesmas ganas de reivindicar, loitar e desfrutar. Por unha sociedade máis xusta, igualitaria e respectuosa.

Compartimos o noso agradecemento ao concello de Bergondo pola súa participación a través dunha subvención nominativa para dar conta do "Programa de Asesoramento e Intervención en Contorna Natural para persoas con Diversidade Funcional do Concello de Bergondo".

Nesta ocasión, concedéronnos 1000€.

Gracias por seguir contando con DISMACOR para atender ás vosas familias.

De novo neste ano podemos contar coa colaboración do Concello de Culleredo co servizo de desenvolvemento das habilidades sociais e promoción da autonomía para as persoas con diversidade funcional.
O Concello de Culleredo colaborou coa nosa entidade mediante a concesión dunha subvención polo importe de 4.500€.
Agradecemos a confianza depositada na nosa labor.

Participamos un ano máis no programa En Bergondo Coidamos, dando voz á realidade das familias diversas no Itinerario Educativo para Familias con Menores.

O Concello de Bergondo colabora coa nosa entidade mediante un convenio polo que nos outorgan 1000€, que corresponde cunha porcentaxe de financiamento do orzamento do 40'26% para a realización da charla "Familias Diversas, unha viaxe diferente".

Agradecemos, coma sempre, a confianza e o apoio depositados na nosa labor e todo o traballo que se está a facer desde servizos sociais do concello.

https://bergondo.gal/itinerario-psicoeducativo-para-familias-con-menores/

Esta semana avalíanse das probas da ABAU os estudiantes que acadaron o seu título de bacharelato. No 2024 máis de 13.000 mozos e mozas matriculáronse para estas probas, destes, 452 persoas requiren necesidades específicas de apoio educativo, e deses catrocentos, soamente 15 persoas en toda Galicia realizan os seus exames nun centro destinado para estudiantes con necesidades específicas ou discapacidade superior ao 65%.

Entre esas quince persoas atopábase a nosa Noa, demostrando, como o leva facendo desde o seu diagnóstico con 17 meses, que as etiquetas pouco teñen que ver con todo o que o esforzo e a dedicación poden conseguir.

Ter unha diversidade funcional e conseguir o título de bacharelato, non é doado. Ter unha diversidade funcional e participar nas probas da ABAU, tendo que desprazarte ata Pontevedra e modificar todas as túas rutinas (todos os que nos movemos nun mundo neurodiverso sabemos o que isto implica) é moi complicado.

E aquí estamos... Hoxe Noa animaba aos seus compañeiros e compañeiras que, de seguro, irán noutros anos. Nos seus ollos puidemos ver a satisfacción da recompensa dun traballo duro, que tantas veces se lles nega as persoas con diversidade. Pero tamén a emoción polos novos tempos, coñecedora do paso de xigante que acaba de dar.

Desde DISMACOR non podemos máis que dar a noraboa tanto a Noa como a súa nai e irmá, por todo o que significa chegar ata este peldaño no camiño. Lonxe quedan esas xornadas interminables acabando traballos que quedaran esquecidos ou revisando a maldita aula virtual... Gracias por deixarnos formar parte destes momentos e por compartir os vosos nervios e a vosa alegría con nós.

Noa, ábrese ante ti unha nova etapa de posibilidades na que, de seguro, seguirás demostrándolle ao mundo que os límites inventáronse para ser destruidos.

O xoves 2 de maio saíron as notas do proceso selectivo da Xunta de Galicia para postos de persoal funcionario subalterno.

Parabéns a todos/as os/as nosos/as alumnos/as polo esforzo, ilusión e ganas e en especial a M. I. por facer pleno e situarse entre as nove notas máis altas.

Ánimo a todo/as, non deixedes de loitar polo futuro co que soñades!

A información é a única chave que nos permite derrubar os medos e adaptar os nosos espazos para conseguir un mundo máis respectuoso e amable coa diversidade.

Grazas ao Colexio Andaina por permitirnos compartir cos cativos e cativas de primeiro da ESO unha charla formativa sobre as características das persoas con autismo. Estamos seguras de que o aprendizaxe desde pequenos lles permitirá mellorar a sociedade que construirán nun futuro.

Desde DISMACOR apostamos por unha oferta formativa e divulgativa do concepto de diversidade e desenvolvemos formacións adaptadas e individualizadas para dar conta das necesidades de cada persoa e de cada centro en particular.

Precisamos LOGOPEDA para unirse á nosa equipa!

Se estás interesado/a, fainos chegar o teu CV a [email protected]

Como cada ano, queremos darvos as grazas por seguir formando parte desta familia, por seguir confiando e apostando por acadar unha vida digna para todas as persoas que formamos esta sociedade. Grazas por seguir demostrando o tesón co que conseguides cada un dos vosos logros, que son de todos/as.

Non queremos deixar pasar a oportunidade de desexarvos boas festas e un moi próspero ano novo, esperemos que cargado de ilusión e forzas renovadas.

Tamén nos gustaría compartir con todos vós a iniciativa da nosa secretaria, que agasallou a toda a Asociación con 10€ de participación para o sorteo de Lotaría Nacional que se celebrará en Madrid o 22 de decembro, co fin de poder crear un programa de transición á vida adulta e emprego para os nosos usuarios/as. Gracias Cruz, agardamos que os teus (e nosos) desexos se fagan realidade!

Bo Nadal Familias!

Novamente recibimos a inestimable colaboración da Deputación da Coruña co noso Servizo Técnico de Atención ás Necesidades dos Nenos/as e Persoas con Discapacidade e a súa Familia.

A Deputación da Coruña colaborou con este servizo da nosa entidade mediante a concesión dunha subvención polo importe de 9.300,00€ , que corresponde cunha porcentaxe de financiamento do orzamento do servizo do 25,04%

Agradecemos, coma sempre, a confianza e o apoio depositados na nosa labor.