صرخة انثى

تعلمت نغسل دوارة زوجوني 🙂🙂
@أبرز المعجبين

سلام شيرات اقسم بالله هذي نتاعي انا لعام ليفات تزوجت 21سنة قعدت شهرين زواج وطلقت 21 سنة خرجت بلحمل ب4 يام ماكنتش عارفة ودك عندي 22 سنة وبنتي 4 شهر ادعولي ليدرلي هكا ربي ياخض فيه الحق في هذو العواشير ونسمع خبرو يقلك دعوة 40 غريب مستجابة ادعولي معاهكم مع لعم رقيت وجريت وراني واللحمد الله ولاار تعطيل لي يجو باه يخطبوني من برا مايعاودوش يرجعو يقولو نجو ومتيجوش
{من رساليكم }

طفلة صغيرة تنحدر من "ولاية تيارت" الجزائرية تخطف الأنظار عبر السوشيال ميديا، لجمال ملامحها الفريدة من نوعها وعيونها اللامعة وشعرها الحريري الأبيض الطويل، كأنها شخصية من قصص سندريلا، ماشاء الله عليها ربي يحفظها 💙💚

لا تزال عملية البحث متواصلة عن في احدث صورة لها
🔴 اختنا #لزرق دعاء حاليا العمر 19 عاما ..
✅من مدينة #المسيلة بليدية اولاد ماضي سد الغابة
✅طالبة سنة اولى جامعي بالقطب الجامعي مسيلة
🔴يشهد لها الجميع بحسن الخلق وحفظ كتاب الله والتفوق في الدراسة
🔴مختفية منذ يوم الاثنين 11 فيفري 2025
🔴كانت لابسة حجاب اسود و تريكو ابيض .
🔴الطالبة نزلت من الحافلة *الكوس* صباح الاثنين في اشبيليا ( سانسو )
..... السبب.لحد الساعة.. مجهول🔴
🔴منذ تلك اللحظة انقطعت كل اخبارها حتى شريحة الهاتف والهاتف انقطع
🔴النداء موجه للجميع عامة ولسكان مسيلة خاصة
يمكن يكون واحد شافها ذلك اليوم ( 10فيفري ) ولا تصادف معاها...
🔴جزاكم الله خيراً اي شخص شافها يتاكد من الصورة..يتصل بالعائلة أو بالمصالح الامنية وجزاكم الله خيراً وبارك الله فيكم حتى يطمن قلب والدتها وتتاكد ان بنتها بصحة جيدة
🔴خاوتي جزاكم الله خيرا دعاء راهي أختنا...راهي بنتنا عاونوناعلى قدر المستطاع...بالبارتاج والدعاء.
🔴اوجه نداء اخر لسكان مسيلة وبالتحديد الي صادف التاريخ والوقت تواجدهم في اقليم الولاية.... بالاك كاش واحد يتذكر بلي شافها ذلك اليوم... ولا لمحها

عندي 8اشهر زواج كي قرب رمضان تفكرت مرت خويا لعام لي فات جوزنا معا أروع رمضان نوضو نطيبو وتعلمني نطيب وراتلي قاع أسرار طياب علمتني شغل دار تأمنوني جامي خسرت معانا في دار ولا قاتلي متعرفيش مالقري كونت نخسر مين داك كي تزوجت كونت نعرف كلش وكي خطبها جاها خويا كانت مريضة بالكو.نسار وريحت برات منبعد قعدت عندنا 5سنين راها مريضة بيه وخويا متأمنوش شحال يعشقها ملغري علبالو بيها مريضة وتزوجها ويداوي فيها وواقف معاها ويديرلها شاتبغي كانت بالحمل ولدت بنتها راهي عندي مسكينة زاد عليها الحال بزاف هي ديجا كان ضارها الكو..نسار دكا كل دقيقة تتقيا وراسها يوجع فيها ووجها صفر كي داوها للسبيطار قعدت يامات في السبيطار ودكا رجعوها لدار طلعت لشمبرتها الفوق انا كل ويكاند نروح ليها ندوشلها هو ونشفلها شعرها لبارح قاتلي ماما خويا يبكي بالدمعة ادعولها ربي يشفيها ان شاءلله تبرا ترجعلنا بصحة وعافية 🥺بسكو طبيب قالنا عندها كوراج قادر تتغلب على مرض 💔😔 شحال غاضتني مسكينة مزالها صغيرة عمرها غي 30 (متهزوش الستاتي الله يستركم منيش باغية مشاكل درتو باش تدعولها برك)

#رسائلكم
عندي خويا مرته إنسانة ماشاء الله عاقلة بزاف ربي يرحمها عندها غير 25 بصح عقلها كبيير وتصبر بزااف وكانت تبغي خويا بزااف الحق خويا تاني يبغيها ودار حوايج شابين على جالها بصح كان مخصرها في حاجة وحدة برك هي كان يهدر مع البنات كل مرة تحكم عليه حاجة وتسامحه وهي جاية كتومة متبينش بصح مرات تبان عليها ومرات حتى تمرض ونقول صاي غادي تموت وكي سقستيها قلتها علاش راكي تسمحيله كل مرة قاتلي نبغيه ومكانش لي ميخطأش بصح هي مسيكنة من الداخل مدمرة مع ان تقدر تروح عندها بوها وامها علابالي ميسمحوش فيها لانها عينيهم بصح هي كانت تصبر
وخويا كان كل مرة يطلب السماح تسمحله ويعاود خويا كان لباس بيه بصح من بعد ولاو يصروله المشاكل بزاااف والمصائب كان يحصل فالعين خطرة يروحله دارهم خطرة اكسيدو خطرة ضيعله لوطو المهم بزاااف انا حسيت مرته راهي مظلومة حتى وتسمحله خطرة لقيناها ميتة قالونا سكة قلبية لان في هاذيك اللية زعفت بزاااف دروك خويا راه ندمان بزااف قالي بسبابي ماتت وقالي كان عندي كنز وضيعته قالي يتمت ولادي عنده 2 وخسرت اعز شخص على قلبي قالي كنت كل مرة نقول هاذي التالية ونلقا الشيطان غرني راه باغي يهبل لا ياكل لا يشرب
ادعولها بالرحمة مسكينة وهو ربي يسمحله
الانسان ميحس يقيمة الحاجة حتى يفقدها تهلاو فالناس لي تبغيكم

#رسائلكم
انا عزباء وكلما يخطبوني نشرط داري وحدي دار مش ايطاح واغلبيه يرفضو حتى جا هدا اخر واحد وهو وحيد لي سقساني علاه حابة دار وحدك قتلو تحب صراحه انا قد ملاحتي قد قباحتي يعني نسمع واحد يقيسلي فالهدرة مستحيل نسكت نشوف واحد شاف فيا شوفه متعجبنيش نقدر نوض ندابزو نورمال نطيب حاجه ويعلقو عليها يقدرو يموتو بتسسم غدائي فنهار لي بعدو ونتا لمخازرة على خدمه ولمعانده منحملهاش نخدمو قاع نقعدو قاع ونتا راجلي يصرف على حد غيري منقبلهاش وصراحتي نقولها فلوجه نحبك نحبك منحبكش نقولك فوجهك منحملكش قالي نتي، خصك جزيره وحدك مش دار وحدك وخرج يضحك انا قلت صاي راح مايوليش ليوم نتفاجأ بابا قالنا راهم جاين يكملو هدرة سمانه جايا مهيم انا خبرتو وهو يتحمل مسؤوليه وخبرتكم نتوما غدوة متقولوش مشاورتيناش وجايا تشكي هاني علمتكم

#رسائلكم
راجل أختي عيط لراجلي حب يتسلف عليه 50 مليون و قالو نرجعهملك على عام راجلي قالو معنديش بصراحة محبش يسلفو درك ماما و اختي عيطلو مخلاو فيا مبقاو و قالولي راجلك مههوش راجل علاه متحليش ضيقت اختك عبالهم بلي راجلي عندو هذا المبلغ درك ماما قاتلي دبري راسك قنعي راجلك يسلف اختك مكانش داري مبقيتيش تدخليها واختي قاتلي والله لساني مبقى يخاطب لسانك لممات وش ندير تعيشو والله غاضتني روحي ملقيت حل كيفاش نتصرف راجلي حكيت معاه قالي منمدش منين جاتو هو يرجعهملي ع عام صح راجل اختي يخلص 3 ملاين و اختي عندها زوج ولاد دبرو عليا وش ندير وش نقلهم تعيشو جواب مقنع

#رسائلكم #منقووووووول
ضاربت انا وراجلي دبزة كبيرة وانا بالحمل سبني وعايرني وخرج وزاد رسلي مساج قالي مغاديش نبات في الدار انا زعفت وتقلقت وحلفت والله منفوتهاله نضت فرغت الدوى لحمر في سروالي وفي قشي وبعثتله فوطو من خلعة جا يجري ويرجف قتله ديني عند طبيب بريفي داني قتله عطيلي ثلثمية الف وستناني ندخل عند طبيبة ونجي دخلت قعدت نضحك ونهدر مع النساء لي تم وخرجت قالي وهو مخلوع شاقاتلك طبيبة قتله قاتلي زعفتي بزاف ومراكيش تاكلي فيتامينات داني ضربت الشواء والفريت على قلبي وزادلي ساشية تاع فواكه وتبناج والثلثمية محمية بيها جيبي باش يتربا وميعاوش ينارفيني