Juan De Antxieta Musika Eskola

16/03/2026

METALEN ENTZUNALDIA

Zein gustora betetzen dugun gure aretoa musikaz. Oraingoan metalen txanda izan zen eta adin desberdinetako musikariak elkartu ziren putz eginez musika sortzeko. Lan ederra!

03/03/2026

Itsas-piano baten teklak. Esku urduriak zuri-beltzaren gainean. Adin desberdinetako talentua. Zumarraga, Segura zein Azpeitiko ikasleak txalo artean.

Pasa den larunbat goizean Piano Jaialdiaren antolatzaileetako bat izan ginen. Hainbat herritan, 500 piano jotzailetik gora izan ziren doinu ederrez pianoak astintzen. Gurean bi saio izan genituen eta bi orduz musika gozoz bete genuen Soreasu antzokiko oholtza.
Eskerrik asko

25/02/2026

PIANO JAIALDIA

Itsas-piano bateko tekla zuri-beltzak astintzeko aukera. Soreasu bezalako antzoki batean jotzeko pribilegioa. Sarritan bakartia dirudien instrumentu baten jotzaileak elkartzeko aitzakia paregabea.

Euskal Herriko musika eskolen elkarteak antolatzen duen Piano jaialdiaren egoitza izango gara larunbatean. Saio bikoitza izango da oholtza gainean: lehena 10:30ean hasiko da eta bigarrena 11:30ean. Banaka, binaka zein hirunakako emanaldiak. Bi, lau zein sei eskutara. Etxekoak eta beste herri batzuetako pianistak elkartuko dituen ekimena.

14/02/2026

Kaleak girotzen hasi zen Banda Gaztea lehengo ostegunean eta hemen dira datozen zitak. Giroak ez digu laguntzen baina saiatuko gara kaleak alaitzen. Ondo pasa karnabalak!

06/02/2026

Datozen hitzorduak:

Igandean, otsailak 8, Karnabaletako doinuak abesten izango gara Azpeitiko Musika Bandarekin eta abesbatzarekin batera. Sanagustin kulturgunean, 12:30ean.

Asteazkenean, otsailak 11, zeharkako flauta ikasleen entzunaldia. Arratsaldeko 17:30ean hasita, musika eskolako aretoan.

Otsaila betea dator!!!

28/01/2026

Aste bat pasa da danbor soinuak itzali zirela. Datozenei begira jarri gara jada, baina ezin ahaztu zein ondo pasa genuen. Herria esnatu, alaitu eta musikaz jantzi genuen. Txistulariak, txilibiteroak eta danbor joleak izan ziren protagonista urteko egunik musikazaleenean. Herrigintza eta transmisioa ere helburu ditugulako.

24/12/2025

EGUBERRI ON!!

Gabon zoriontsuak opa dizkizuegu. Gabon kantez edo bestelako doinuez beteriko egunak izan ditzazuela. Zoriontasuna kutsatzeko, falta direnak gogoratzeko, jatorduen pisua arintzeko, jolasak laguntzeko… beti da lagun izan daitekeen melodiaren bat. Musikak jarrai dezala.

13/12/2025

ENTZUNALDIAK

Oporrak hartu aurretik, gure ikasleek lehen hiruhilekoan landutakoa erakusteko aukera izango dute. Saxofoia, pianoa, tronpeta zein sokak izango dira gure aretoko protagonista eta haur zein helduek musika sortzeko duten gaitasuna erakutsiko digute.

Datorren astearte zein ostegun arratsaldeetan, oporren aurrekari…URTEKO AZKEN ENTZUNALDIAK! Gerturatu eta gozatu gurekin.

03/12/2025

Euskararen eguna pasa berri den honetan, une ezin hobea iruditzen zaigu azken Zezilia kontzertua gogoratzeko.

Azken urteetako ohitura bihurtu dugu kontzertu hau euskal musikaz janztea eta, aurten ere, modu berezian landu genuen gure abeslari, talde zein kantuen transmisioa.

Eskerrik asko zuei, sortzaileoi, euskaraz musika sortu eta hunkitzeko gaitasuna bizirik mantentzeagatik.
Euskara eskutik eskura!

22/11/2025

Musika taldea da. Kolektiboan zerbait ederra sortzeko aitzakia.
Musika indarra da. Eragiteko modu bat, bide bat edertasunerantz.
Musika pasioa da. Konexioa bilatzeko akuilua.
Musika dibertsioa da. Elkarrekin algaretan urtzeko eragilea.
Musika batura da. Helburuak elkartzeko puzzlearen motibazioa.
Musika kontzentrazioa da. Energiak pilatzeko bidaiaren iparrorratza.

Zezilia eguna da gaur eta musikarien eguna ospatzeko aitzakiarik ez zaigu falta.

Ez daitezela doinuak isildu.

📸 GUKA

17/11/2025

Kurtsoa hasi zenetik bi hilabete besterik ez dira igaro, baina kontzertu berezi bat dakargu urtero moduan. Musikarien eguna ospatzeko elkarrekin: azaroaren 19an, 19:00etan, Soreasu antzokian. Zain izango gaituzue!

30/10/2025

Zenbat gustatzen zaigun gure irakasleen ibilbide oparoa jarraitzea!
Zorionak Intza!

¡Intza Martin Egañak X. Donostiako Orfeoia–Musikene Saria jaso du!🏆👩‍🎓

Musikeneko Pedagogia ikasleak ‘Euskal kantu tradizionalen presentzia Gipuzkoako Musika Hizkuntzako ikasgeletan. Proposamen didaktikoa’ izeneko jaso du saria.

🎓🏆¡Intza Martin Egaña recibe el X Premio Orfeón Donostiarra–Musikene!

La alumna de Pedagogía de Musikene ha obtenido el galardón por su titulado ‘La presencia de canciones tradicionales vascas en las aulas de Lenguaje Musical de Gipuzkoa. Propuesta didáctica’. 🎶📖