Urola Ikastola BHI

Casa
España
Azpeitia
Urola Ikastola BHI

Urola Ikastola BHI Bigarren Hezkuntza

20/12/2023

Urte berrian Azpeitiko gurasoek eskeinitako zaletasun tailerretan parte hartzeko aukera paregabea izango duzue.

Nori zuzenduta: DBH1 eta DBH2.

Izenemate datak: Abenduaren 18tik-2024ko urtarrilak 10era (13:00ak arte).

Interesatuak gmail honetara([email protected]) idatzi. Bertan adierazi aukeratutako tailerraren izena, izen-abizenak eta maila.

Informazio gehiago gure web orrian.

20/12/2023

Hona hemen leihaketaren III.edizioko irabazleak!
Aurten apaingarri asko eta oso onak aurkeztu direnez, oso zaila izan da irabazleak aukeratzea!
Zorionak irabazleei, parte hartzaile guztiei eta epaimahaikideei zuen laguntzagatik!
Oso ondo pasa oporretan!

20/12/2023

Erasmus+ 2023 akreditazioa

Joan zen ostiralean, Urola Ikastolak, beste 15 ikastetxerekin batera, Europako Batzordearen aitorpena jaso zuen, datozen 4 urteetarako internalizazio-estrategian hartutako konpromisoagatik. Bertan izan ziren Erasmus koordinatzaileak diren June Aramendi eta Maite García Eusko Jaularitzako Hezkuntza Sailaren errekonozimendua jasotzen.

18/12/2023

4.DBHko ikasleak Bordelen egon gara. Esperientzia polita izan da eta bertan leku polit asko bisitatu ditugu: Bassin de lumières museoa, Girondins monumentua, katedrala, Gabonetako azoka… Eta nola ez ba, krepe onak ere jan ditugu! Errepikatzeko moduan!

05/12/2023

Azaroaren 30ean eta Abenduaren 1ean Leonera irteera egin genuen Geografia eta Artearen Historia ikasgaiko Batxi 2ko ikasleok.

Ostegunean, Burgosen geldialdia egin ondoren, bazkalordurako Leonera iritsi ginen. Arratsaldean San Isidoro basilika bisitatzeko aukera izan genuen. Hurrengo egunean, katedralera bisita burutu genuen, eta hirian zehar ibilbidea egin genuen San Marcos ostatura iritsi arte. Azpeitiara bueltan, Fromistan geratu ginen San Martin de Tours eliza ikusteko.

05/12/2023

DBH 3B-ko Komunitate proiektuko ikasleak arropa bilketa bat egin nahi dugu. Jasotako arropa Azpeitiko Elkargunera eramango dugu gehien behar duten pertsonek eskuragarri edukitzeko. Beraz asko eskertuko genuke behar ez dituzuen arropak ikastetxera ekartzea. Gehien behar dena: mantak, 11-18 urte bitarteko mutilen arropak eta oinetakoak dira. Baina beste arropa motak ere jasoko ditugu.

Egunak: Abenduak 12, 13 eta 14

Ordua: 11:20tik 11:50era

Tokia: -1 solairua

Ikastetxean ahaztuta utzitako arropak jasotzera etortzeko aukera ere egongo da. Ez bada inor bere bila etortzen Elkargunera eramango dira Escribe un pie de foto...

04/12/2023

2023-2024 ikasturte IOB ( ikasle ordezkarien batzordea) martxan da. Ikasmaila bakoitzeko ordezkari banaz eta OOG-ko(ordezkaritza organu gorena) kideez osatu da talde hau. Ikastetxean ikasleen ahotsa izatea da bere ardura nagusia, beraien kezka eta ekarpenak bideratuz.

17/11/2023

Joan den azaroaren 9an Bilboko Euskalduna Jauregian Ikastetxeko eta kanpoko hezkuntza-bizikidetzari buruzko jardunaldia ospatu zen Hezkuntza Sailak eta el Correok antolatuta. Bertan izan ziren María José Díaz-Aguado Jalón (Hezkuntzako Psikologiako katedraduna eta Unibertsitate Konplutentseko Psikologia Prebentiboko Unitateko zuzendaria) eta Javier Urra (zuzendari klinikoa eta RECURRA-GINSOko Zuzendaritza Batzordeko presidentea).
Maria Jose Diaz-Aguado eskola-bizikidetza eta ongizate sozioemozionala eraikitzearen gaur egungo erronkari buruz aritu zen eta Javier Urra bizikidetzan prestatzea eta trebatzeari buruz..
Ondoren, mahai-ingurua egin zen Berritzegune Nagusiko Iñigo Ramosen gidaritzapean guztion arteko bizikidetza eraikitzeari buruz. Bertan parte hartu zuten gure ikastetxeko Maite Garcíak, Oiongo eta Otxandioko kideek, eta gure ikuskaria den Aurora Urangak. Besteak beste, mahai-inguruko gaien artean gure ikastetxeko Izar-hitz eta patio eraldaketari buruz hitz egin zen.

15/11/2023

Urola Ikastolako Euskara Normalizazioak aurtengo ikasturterako jarritako erronketako bat ikasleek osatutako Euskara Batzordea sortzea zen. DBH3ko bost ikaslek osatzen dute aurten batzordea, eta euskararen aldeko ekintzak aurrera eramateko zeregina dute: Euskararen Txokoa elikatu, irakasle eta ikasleen artean euskararen inguruko informazioa zabaldu, Euskararen Egunaren antolaketan lagundu…
Hurrengo urteetarako erronka batzordea egonkortu eta sendotzea izango da.

10/11/2023

DBH4.mailako fisika eta kimikako ikasleak, Zientzia astearen ekitaldien barruan, EHUk antolatutako Bilboko Zientzia Azoka bisitatu zuten azaroaren 8an.

Euskal Herriko Unibertsitatean egiten diren ikerketak eta esperimentuak ikusi eta ezagutu zituzten eta Zientzialari eta ikertzaileekin hitz egiteko eta zalantzak argitzeko aukera izan zuten.

Azoka bisitatu ondoren Portugalete eta Getxo udalerriak batzen dituen “Zubi esekia” ezagutzera hurbildu ziren, 2006. urtean UNESKOk GIzadiaren Ondarea aitortu zuen Bizkaiko Zubia izena emanik. Bertan bisita gidatu bat egin zuten gure ikasleek.

05/11/2023

Berrikuntza pedagogikoen barruan, bertatik bertara, PLASTIKA gaira sarrera gisa, GASTEIZko ARTIUM MUSEOra bisitaldia + tailerra burutu ditugu 23/10/10 eta 23/10/11 egunetan DBH1eko zazpi talderekin.
Hainbat kultura eta arte-adierazpen ulertzea eta modu kritikoan balioestea izan da helburua. Era berean, arte-hizkuntzak ezagutzea eta haien kodeak erabiltzea arte- mezuak ekimenez, irudimenez eta sormenez adierazi eta komunikatzeko.

03/11/2023

Aurten ere Euronet 2000 sarea osatzen duten Europako hainbat ikastetxek AGM Urteko Batzar Orokorra egin dute eta Urola Ikastolako ordezkariak ere bertan izan dira. Urriaren 26an egin zen batzarra Portugalen, Famalicão herrian kokatuta dagoen Forave lanbide heziketa eskolan, hain zuzen. Bertan, datozeen hilabeteetarako elkarlanerako bideak aztertu eta ekintzak abian jartzeko oinarriak zehaztu dituzte

Dirección

Perdillegi 3
Azpeitia
20730

Página web

http://www.urolabhi.hezkuntza.net/

Notificaciones

Sé el primero en enterarse y déjanos enviarle un correo electrónico cuando Urola Ikastola BHI publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.