13/11/2018
Charla do fotodocumentalista Xosé Abad, impulsor da rede , na Biblioteca do Castrillón, onde falará da realidade das persoas refuxiadas. Mañá, mércores, as sete da tarde. A conversa con Abad, de entrada libre, está encadrada na iniciativa “Corazón de Barrio”, dedicada este ano á Paz e á Non Violencia
Abad enfrontará aos asistentes á realidade na que sobreviven millóns de persoas refuxiadas en distintas partes do mundo mentres os Estados incumpren os acordos internacionais que obrigan á acollida e amparo da poboación migrante. Precisamente, arrincou no 2016 para dar unha resposta social a esa realidade fronte á deriva que os Gobernos estaban a tomar, dando as costas a eses desprazados e desprazadas. O obxectivo do movemento Acampa é promover o rexeitamento social a esas políticas que pretenden converter aos refuxiados e refuxiadas nunha sorte de potenciais delincuentes, á vez que dificultan ou mesmo ilegalizan o traballo das ONG e organizacións que traballan in situ nos campos de acollida, ou ben se encargan dos rescates no mar Mediterráneo, espazos onde cada día está a suceder o éxodo.
O movemento Acampa, que o próximo xuño celebrará en a terceira edición de Acampa pola paz e o dereito a refuxio, naceu para denunciar unha realidade que moitas veces os Estados ocultan. Trata de remover conciencias para que a sociedade impoña aos gobernos a defensa real dos Dereitos Humanos deses millóns de persoas desprazadas.
A primeira Acampa pola paz e o dereito a refuxio centrouse nas migracións froito dos conflitos armados, mentres que este 2018 tivo como eixe as migracións por cambio climático. O próximo xuño, cando se celebre a terceira edición (Xardíns de Méndez Núñez, A Coruña), a cidadanía terá a oportunidade de coñecer polo miúdo a realidade das mulleres refuxiadas.
A iniciativa “Corazón de Barrio” que se celebra no Castrillón ten unha programación de actividades variada. Destinada a distintos colectivos e idades, esta vez está dedicada á Paz e á Non Violencia. O seu obxectivo é dar a coñecer o proxecto da II Marcha Mundial pola Paz de 2019. O encontro co fotodocumentalista Xosé Abad conta, ademais, coa colaboración da Asociación Humanista Internacional Mundo sen Guerras e sen Violencia.
Camiño da Nonviolencia. Mundo sen Guerras e sen Violencia
