Real Academia Galega

📷✒️Este xoves, 18 de xuño (19h), falamos da ollada nas mulleres da fotógrafa, investigadora e tradutora Ruth Matilda Anderson. Agardámosvos na Fundación Luis Seoane con Alba Rodríguez Saavedra, autora de 'Ruth Matilda Anderson: tradutora das marxes' (Edicións Laiovento), Brais Lorenzo - Fotógrafo e Ana Cabana, historiadora de Grupo Histagra Usc. Presenta a académica Marilar Aleixandre.

🎼Contaremos tamén con Cantigas e Agarimos

📌🎦 Entrada libre. Emisión en directo na web da Acadèmia Valenciana de la Llengua

A ollada nas mulleres de Ruth Matilda Anderson centra a xornada do grupo 'Pensamento e ensaio' A ollada nas mulleres de Ruth Matilda Anderson centra a xornada do grupo 'Pensamento e ensaio' 10/06/2026 O grupo de traballo Pensamento e ensaio da Real Academia Galega dedicaralle a Ruth Matilda Anderson (Nebraska, 1893-Nova York, 1983) o seu cuarto encontro anual. A sesión, de entrada libre, ter...

O académico Antón Santamarina explica as razóns que levaron á Real Academia Galega a restablecer a forma histórica "Alfoz do Castrodouro" para chamar oficialmente este concello lugués.

é unha serie divulgativa sobre a nosa toponimia do Seminario de Onomástica da RAG co apoio da Xunta de Galicia Política Lingüística.

Concello de Alfoz

O Seminario de Onomástica responde: Alfoz do Castrodouro | Antón Santamarina Neste vídeo da serie O Seminario de Onomástica responde, o académic...

Cinco séculos despois do seu nacemento, Camões “transborda contemporaneidade” e celebrámolo porque precisamos del “porque nos interpela, en cada un dos seus textos, a discutir cuestións que están hoxe no centro da orde do día”, destaca Joaquim Coelho Ramos. O comisario xeral adxunto da Estrutura de Missão para as Comemorações do V Centenário do Nascimento de Luís de Camões participou na inauguración da exposición 'De aquí o xerme saíu. Presenzas galegas de Camões', coa que arrincou hoxe na Casa Galega da Cultura de Vigo a xornada homónima da homenaxe que se lle rendeu en Galicia ao gran clásico das letras portuguesas. A Fundación Penzol, a Real Academia Galega e o Consello Da Cultura Galega, da man de Luís de Camões 500, organizaron este encontro sobre o autor, cuxas raíces familiares están a esta beira do Miño, coa colaboración do Consulado-Geral de Portugal em Vigo, o Camões - Centro Cultural Português em Vigo, o Concello de Vigo e Falamos de Libros. A cita continuou coa presentación do volume 'Camões en Galicia', de Xosé Manuel Dasilva; unha quenda de relatorios na que o presidente da RAG afondou no tópico do galego e do seu falar na literatura lusa dos tempos do homenaxeado; un recital organizado pola Sección de Literatura da RAG e mais unha ofrenda floral ante o busto de Camões.

📌Todos os detalles 👇
https://academia.gal/-/-de-aqui-o-xerme-saiu-lembra-o-vinculo-de-camoes-con-galicia-no-seu-quinto-centenario

A Illa de San Simón acolle este sábado unha homenaxe a don Xesús Alonso Montero, mestre de mestres e presidente da Real Academia Galega entre 2013 e 2017. O actual máximo responsable da institución, Henrique Monteagudo, será un dos intervenientes nesta lembranza do intelectual, catro meses despois do seu pasamento.

O académico correspondente Ramón Nicolás Rodríguez, tamén intervirá nunha xornada que rematará cunha ofrenda musical de Amancio Prada.

O luns 15 de xuño celebraremos en Vigo o quinto centenario de Camões, o gran clásico da literatura universal en portugués. O país veciño púxolle oficialmente fin o pasado 10 de xuño, Día de Portugal, a dous anos de conmemoracións do quinto centenario do seu bardo, mais a festa na súa honra continua aínda en Galicia, de onde procedían os seus devanceiros e onde suscitou tamén paixóns nas nosas letras. A Casa Galega da Cultura será o epicentro da celebración galega, unha xornada aberta ao público que arrincará coa inauguración dunha exposición que exhibirá, entre outros documentos, unha proba da galeguidade do tataravó do homenaxeado.

O programa continuará pola tarde coa presentación dun libro sobre a súa relación con Galicia, relatorios que se deterán, entre outros temas, en 'Os Lusíadas' (1572), o poema épico de Camões que narra a viaxe marítima de Vasco da Gama á India; e un recital de poemas da súa autoría no que se cantará "Verdes são os campos" na versión musicada de Zeca Afonso.

📌Máis información sobre a xornada coorganizada pola RAG, a Fundación Penzol, o Consello Da Cultura Galega e Luís de Camões 500 coa colaboración do Concello de Vigo, o Consulado-Geral de Portugal em Vigo, a Editorial Galaxia Falamos de Libros e Camões - Centro Cultural Português em Vigo 👇
https://academia.gal/-/as-presenzas-galegas-de-camoes-pollenlle-o-ramo-dende-vigo-a-celebracion-do-seu-quinto-centenario

O Concello de Castro Caldelas denomínase xa oficialmente "O Castro de Caldelas", tras a actualización do Nomenclátor de Galicia de acordo co informe correspondente da Real Academia Galega. A académica correspondente Luz Méndez explícanos neste novo episodio da serie 'O Seminario de Onomástica responde' as razóns desta decisión. Con ela iniciamos unha nova quenda de episodios nos que afondaremos nos motivos dos cambios que atinxen aos nomes dunha ducia de municipios do país.

'O Seminario de Onomástica responde' é unha iniciativa divulgativa da RAG co apoio da Xunta de Galicia Política Lingüística.

O Seminario de Onomástica responde: O Castro de Caldelas | Luz Méndez Neste vídeo da serie O Seminario de Onomástica responde, a académic...

A académica María López Sández participou este luns na entrega dos premios que conectan Emilia Pardo Bazán con Palavea. Os galardóns da Asociación de vecinos "Os nosos lares" Palavea, cos que colaboramos dende a súa posta en marcha cadrando co centenario do pasamento da escritora, distinguiu seis relatos de autoras e autores da Coruña á Fonsagrada.

📌 Todos os detalles en https://i.gal/NCfz5

📣Ruth Matilda Anderson. A ollada nas mulleres, xornada do grupo de Traballo Pensamento e ensaio da RAG
⏰📍Xoves, 18 de xuño (19 h) na Fundación Luis Seoane. Entrada libre

🎙️✒️Alba Rodríguez Saavedra, autora de 'Ruth Matilda Anderson: tradutora das marxes': Traducir para visibilizar. A Galicia en feminino plural que reivindicou Ruth Matilda Anderson

🎙️📷Brais Lorenzo, fotoxornalista: Fotografía, memoria e territorio. Un diálogo fotográfico con Ruth Matilda Anderson. Habitar o baleiro

🎙️✒️Ana Cabana Iglesia, profesora de Historia da Universidade de Santiago de Compostela: As mulleres do rural galego nos tempos de Ruth Matilda Anderson: traballo e traballos

🎼Pandeireteiras de Cantigas e Agarimos: Actuación musical

Coordina a académica Marilar Aleixandre
Apoia o Concello da Coruña

Universidade de Vigo Edicións Laiovento

O luns 8 de xuño entregaremos canda a Asociación de vecinos "Os nosos lares" Palavea os galardóns do certame de relato breve convocado por esta entidade co nome da Erbeda, o topónimo literario que Emilia Pardo Bazán creou para este barrio coruñés. Estades convidados e convidadas a nos acompañar a partir das 12:00 horas na Fundación Luis Seoane.

O Certame de relato breve A Erbeda é unha iniciativa dos Nosos Lares coa colaboración da RAG, o Concello da Coruña e as librarías Xiada, Moito Conto e Librería Formatos.