Oficina de Sustentabilidade - OdS

22/09/2025

https://www.instagram.com/oficina_sustentabilidade_udc?igsh=OGg3eHpueThjYWg2

12/05/2025

III Premio de Divulgación Científica Epifanio Campo para estudantes de grao, máster ou doutoramento da UDC

A finalidade deste premio é fomentar a participación do alumnado da Universidade da Coruña no ámbito da sustentabilidade e o coidado do medio ambiente, mediante a elaboración dunha proposta multimedia (fotografía, infografía, ilustración, vídeo ou animación 2D e 3D) para a divulgación de aspectos científicos relacionados coa economía circular, a auga, a enerxía e a xestión e valorización dos residuos industriais.

Neste premio pode participar, de forma individual ou grupal e con ata 2 solicitudes diferentes, calquera estudante da UDC matriculado nalgún grao, máster ou programa de doutoramento da UDC no 2024-2025 ou no 2025-2026.

🏆Un premio de 1.200 euros e tres accésits de 300 euros.

📽️Presenta a túa proposta multimedia (fotografía, infografía, ilustración, vídeo ou animación 2D e 3D) ao III Premio de Divulgación Científica Epifanio Campo, organizado pola Cátedra Epifanio Campo.

♻ Sobre un aspecto científico concreto relacionado coas temáticas: economía circular, auga, enerxía, xestión e valorización de residuos industriais.

👩‍🎓Dirixido a estudantes matriculados no curso 2024-2025 ou 2025-2026, nalgún grao, máster ou programa de doutoramento da UDC. Participación individual ou grupal. Máximo 2 solicitudes por participante.

🗓Data límite presentación propostas: 17 setembro.

ℹ Máis información e inscrición en: https://www.rodonitamedioambiente.com/actividades-19

23/04/2025

Este venres 25 estará a nosa bolseira da OdS intervindo neste evento tan interesante.🤩 Acompañada de outros exemplos de sustentabilidade, tanto da UDC como externos, farannos ver cómo a xuventude é motor de cambio para o coidado ambiental e social. Moda sustentable, upcycling, voluntariado, medio rural vivo. Queres coñecer as iniciativas e experiencias? Non o perdas! Anótate ➡️ 11504804-0371-4e26-8e32-f7295ec69367@e43eec22-52e6-4ec1-be1a-c15432be2d72/registration" rel="ugc" target="_blank">https://events.teams.microsoft.com/event/11504804-0371-4e26-8e32-f7295ec69367@e43eec22-52e6-4ec1-be1a-c15432be2d72/registration

Ayuda En Acción Asociación Ecoloxista ADEGA Universidade da Coruña

22/04/2025

O xoves 8 de maio, continuarase coas actividades de voluntariado ambiental no Monte da Fraga, para a restauración da balsa construída no ano 2013 ao abeiro de 'Charcas con Vida' para a creación de biotopos específicos a prol da biodiversidade.

O Punto de encontro será as 16:00h na porta principal da Facultade de Ciencias (A Zapateira) ; rematando aproximadamente as 18:00h as labores.

▫️Prazas limitadas. INSCRICIÓN OBRIGATORIA.
▫️É posíbel anotarse tempo parcial da actividade, mínimo asistencia 1 hora.
▫️As actividades da Oficina de Sustentabilidade de educación para a sustentabilidade están suxeitas ao recoñecemento de créditos para alumnado de Grao da UDC (1 créd. = 10 horas de participación).
▫️Recoméndase roupa, calzado cómodos, resistentes á auga/humidade do terreo, e levar auga.
▫️Actividade monitorizada por Asociación Ecoloxista ADEGA, e financiada pola Oficina de Sustentabilidade da UDC, no marco do convenio sectorial de colaboración entre a Concellaría de Medio Ambiente do Concello da Coruña e a Oficina de Sustentabilidade da Universidade da Coruña para a execución do proxecto de custodia e voluntariado ambiental no Monte da Fraga, no ano 2024.

21/04/2025

As contornas naturais son unha interesante ferramenta ás que se pode recurrir para a mellora do equilibrio e a propiocepción.

Este obradoiro guiado pola Prof. Andrea Seijo Ares da Facultade de Fisioterapia, coa colaboración de Stefano Taboada, bolseiro Green Campus do mesmo centro, consistirá na monitorización dunha sesión de traballo na praia de Oza, aproveitando os beneficios do contacto coa area para exercicios de equilibrio, estímulos propioceptivos e exteroceptivos, axuda ao control do estrés, conexión coa contorna natural. Na xornada agárdase tamén contar cos beneficios da luz solar cando se desenvolven actividades ao aire libre: vitamina D, impacto positivo no estado anímico, prevención de enfermidades.

A actividade completarase cunha xornada de recollida de residuos no campus.

Coidando do que nos coida: relación simbiótica entre o medio ambiente e a saúde.

23 de Abril de 18:00 a 19:30h.

Organiza a Facultade de Fisioterapia, Campus de Oza UDC.

Inscricións:
https://forms.office.com/pages/responsepage.aspx?id=PuqhzrJgdU-mwqYCLo-WG8ILFfd7Qv5OgHbEVTT5ac1UM0ZWWFdNSllZNVhJQzlBTUJNQ0NPQlFQSy4u&route=shorturl

09/04/2025

Compartimos esta interesante actividade na que participa alumnado da Facultade de Ciencias, Universidade da Coruña a través dunha materia ApS.

Este sábado 12 de abril temos unha nova cita cos Encontros Naturalistas! Nesta ocasión poñeremos o foco nun dos maiores perigos que sofren os nosos anfibios: os atropelos nas estradas.

Comezaremos ás 20:30h cunha charla moi especial na Sede da Reserva da Biosfera Mariñas Coruñesas e Terras do Mandeo, onde o alumnado do Grao en Bioloxía da UDC presentará os resultados dun proxecto de Aprendizaxe-Servizo realizado no encoro de Abegondo-Cecebre.

E despois... botas e lanternas! Sairemos ao campo para facer unha observación nocturna de anfibios polos concellos de Abegondo e Carral, acompañadas pola Asociación Brexa, que nos amosará unha zona onde colaboran na súa conservación.

A actividade é de balde e aberta a todo o público. Non perdas esta oportunidade única para descubrir o fascinante mundo dos anfibios e entender mellor os riscos que enfrontan. Anímaste a vir?

Info e inscricións en https://bit.ly/4ckkZHs

31/03/2025

O vindeiro mércores 2 de abril, faremos unha visita guiada á exposición de residuos "Modelo Nostián" para conmemorar o Día Internacional Residuo Cero. Inscríbete! https://www.udc.es/gl/novas/Actividade-para-celebrar-o-Dia-Internacional-do-Residuo-Cero/

27/03/2025

Mañá, na facultade de Dereito, celebrarase a mesa redonda sobre 'Novos proxectos industriais e defensa do territorio: O caso de Altri'. Esta actividade, incluída no ciclo marzo ambiental 2025, precisa inscrición: https://bit.ly/4iENfqB

📅 Xoves, 27 de marzo de 2025
⏰12:00 h
🏛 Salón de Graos da Facultade de Dereito

Organiza Oficina de Sustentabilidade - OdS da UDC.

11/03/2025

Xa estamos en pleno Marzo Ambiental 2025!💚 ainda estás a tempo de anotarte en moitas actividades, só tes que buscar as que máis se axusten ás túas inquedanzas para a sustentadilidade, agardámoste!
https://www.udc.es/gl/novas/Marzo-Ambiental-2025/

12/02/2025

📣Xa está aquí o 4º reto do proxecto europeo 1.5 Lifestyles para promover actitudes sostibles na cidadanía!

Todas as persoas que publiquen en RRSS fotos ou vídeos onde se observen comportamentos responsables co medio ambiente en torno a este desafío e utilicen a etiqueta poderán participar no sorteo de diversos agasallos.

Velaquí algunhas ideas:

1. 🌍 Sabías que a media de pegada de carbono na UDC no 2022 foi de 831 kg CO2/persoa? É hora de medir a túa pegada e ver como podes reducila!
2. 🚶‍♀️🚴‍♂️ Pequenos cambios contan: camiñar ou usar a bicicleta en lugar do coche pode reducir a túa pegada de carbono significativamente. Anímate!
3. 🛒🥦 A comida que eliximos tamén ten un gran impacto. Optar por produtos locais e de tempada pode reducir a nosa pegada de carbono.
4. 📊 Canto sabes sobre a túa pegada de carbono? Utiliza unha calculadora en liña e descobre que áreas podes mellorar.
5. 🔌 A enerxía que consumimos é clave. Cambiar a lámpadas LED e reducir o uso de electrodomésticos pode facer unha gran diferenza.
6. 🌳Plantar árbores e reducir o plástico son accións poderosas. Cada pequeno xesto conta para diminuír a nosa pegada de carbono.
7. 🏡O teu fogar pode ser máis sostible. Considera mellorar o illamento e utilizar enerxías renovables.

Lembra que os retos acumúlanse cos anteriores, polo tanto os Retos nº 1, 2 e 3 seguen operativos.

🌳🌲Anímate a participar polo ben do planeta!!!🌊🌍

🔗+info: https://bit.ly/retoplaneta