RetoqueRetro

Casa
España
A Coruña
RetoqueRetro

Recicla, recoge, reutiliza, reduce, renueva, reinventa, restaura, realiza, retoca..

Formamos parte de un pequeño grupo de profesionales que colaboramos, nos ayudamos e intercambiamos conocimientos por amor al arte. Y a la artesanía, al reciclaje, a la restauración, a la madera... y hasta a la carcoma.

26/11/2025

Hoxe presentamos a...

✨✨✨SARGO, Diplodus sargus✨✨✨

O sargo é un peixe costeiro moi común en Galicia, de corpo ovalado e comprimido, cunha banda negra característica na cola. Vive en fondos rochosos e aliméntase de crustáceos, moluscos e pequenos invertebrados. É unha especie moi apreciada pola xente do mar e forma parte da cultura mariñeira tradicional.

En galego recibe outros nomes como: chaparella, sargha, sargho picudo, sargu, xargho, pataraña, sargueta (o pequeno) e cachanécora (especialmente pequeno).

Esta peza nace a partir de boias, un bidón e diferentes utensilios cotiáns recuperados do litoral. Entre eles aparecen escobas, un recolledor e mesmo o escurridor dunha fregona, lembrando que obxectos tan domésticos como estes acaban, por desgraza, no mar. Tamén se integran partes de xoguetes e detalles pensados para conectar co público infantil.
Cantas pezas identificades vós?

Grazas a Ledicia polas fotos 📸 , á nosa deseñadora gráfica 🖥️ é a para que estes deseños se materialicen nunhas magníficas folsas de algodón reciclado que nos axudan a financiar a nosa asociación!
Moi pronto vos amosaremos modelos e como adquirilas!

En canto a Don Sargo, moi pronto fará o seu debut nunha nova exposición! Estade atentxs! 🌊💙🐟

̃a ̃a

22/11/2025

🌊✨ RetoqueRetro na Maker Faire Galicia – Xornada dos Oficios ✨🌊

O pasado venres 21 de novembro vivimos unha xornada inesquecible na Casa das Máquinas (Santiago de Compostela), convertida nun auténtico punto de encontro para explorar novas formas de crear, ensinar e innovar dende os oficios. Un espazo vibrante onde profesionais, creadorxs, investigadorxs e proxectos compartimos alma, orixinalidade e bo facer, repensando xuntxs o futuro da artesanía e da fabricación sostible.

En RetoqueRetro levamos parte do noso universo mariño: esculturas creadas a partir de lixo recollido nas nosas costas e as súas estampas impresas en bolsas de algodón reciclado que puxemos á venda. Xunto con elas, tamén amosamos unha pequena mostra do lixo real que dá orixe á nosa arte, porque a transformación comeza por visibilizar o problema.

Realizamos dous obradoiros que foron pura maxia creativa:

🎨 Obradoiro de estampación
Utilizando lixo mariño con diferentes formas e texturas, decoramos bolsas de algodón dando vida a peixes, cangrexos e monstros mariños cheos de cor e imaxinación.

🔧 Obradoiro de ensamblaxe
A partir de refugallos creamos pequenas esculturas cheas de personalidade. As mans das persoas participantes —nenxs, mozos e adultos— fixeron nacer pezas únicas que demostraron que a creatividade non ten límites cando a sustentabilidade está no centro.

O resultado? Espectacular. Cheo de vida, talento e conciencia ecolóxica.

Grazas a toda a xente que se achegou, que participou, que preguntou e que compartiu conversa. O ambiente foi inmellorable: rodeadxs de creadorxs con moita alma, ganas de experimentar e un bo facer que inspira e empurra a seguir creando.

💙♻️ Seguimos transformando lixo en arte… e arte en conciencia.

Grazas por convidarnos !! 🫶🏼

24/10/2025

PEIXE VENDIDO!! 🌊🎣🐟🩵
Este “Cabracho” atopou novo fogar en Dresden, Alemaña!
Que vos parece? Nós quedamos namorados desa cociña... e dese azul ultramar!!! 💙
Dende logo, o Cabracho, coas súas cores vermellas, non podería combinar mellor!

Así o pensou tamén o seu novo e feliz propietario, que —segundo nos contaron— cada mañá reservaba a mesma mesa para almorzar no ☕

Mil grazas, , o camping máis fermoso, cultural, musical, artístico e molón da Costa da Morte, por acoller e promocionar as nosas esculturas este verán na .
Con esas vistas á , quen non se ía namorar? 😍

E por suposto, mil grazas, Johannes!! 🙌
Por confiar en nós para levar arte de alta calidade ao teu fogar.
Arte con alma. Arte con conciencia.

Coa compra desta escultura, estás axudando á nosa asociación a seguir limpando as praias, a concienciar sobre o lixo mariño e a crear máis arte! 💪🌊

Adicámosche esta limpeza na Praia de Bens (A Coruña).
Grazas a ti, estes 4 kg de lixo non volverán nunca máis ao mar. 🌊🩵

18/10/2025

✨✨✨LIXO DELUXE✨✨✨
Temos o pracer de presentarvos unha nova exposición : Lixo Deluxe by RetoqueRetro!
Este mércores en Espacio Divergente, Rúa Colón 7 (Galerías Colón) en Vigo!
Vinde coñecer en vivo e en directo ás nosas criaturas mariñas feitas de lixo plástico mariño e a nós mesmos. Pasarémolo Deluxe! 💥
Pensa Diverxente e acertarás 💭💫

10/10/2025

💙🐟 A Ruta dos Peixes e dos Faros: grazas infinitas pola acollida! 🐟💙

Rematamos este verán coa emoción de ver como tantos lugares fermosos da nosa costa se converteron en singulares minigalerías de arte e reciclaxe grazas á vosa colaboración e cariño.

A Ruta dos Peixes e dos Faros non sería posible sen vós:
🌊 Faro Vilán - Camariñas e Curbeiro Camariñas en Camariñas
🏕️ en Muxía
🏠 en Fisterra
🌅 en Corcubión
🪸 en Cee
🎨 en Santiago
🐟 no Grove
😺 e na Coruña

Mil grazas por abrirnos as portas, por darnos espazo para expoñer as nosas obras e por apoiar o noso proxecto vendendo as nosas bolsas — que nos axudan a manter viva a nosa aventura artístico-recolectora de lixo nas praias ♻️✨

Grazas tamén a tódo-los medios de comunicación que nos déchedes cobertura.

E grazas infinitas a quenes mercáchedes as nosas bolsas solidarias....e ata as nosas esculturas!! 🌊💙

Seguimos transformando refugallos en vida, e arte en conciencia.
💫 Vémonos na próxima marea! 💫

09/09/2025

🎉 ¡He conseguido la insignia de talento emergente esta semana! Es un reconocimiento por crear contenido atractivo que despierta interés entre mis fans.

09/09/2025

Esta escultura de corvo mariño cristado (cormorán moñudo) feita con plásticos mariños, xorde dunha historia curiosa: o corpo principal era un xoguete de pato sen cabeza atopado na praia. Ao investigalo soubemos que se empregan como señuelos en acuíferos e parques naturais para atraer aves.

As súas partes están feitas cos refugallos que máis atopamos nas nosas costas:

ás de pneumáticos e plásticos,

patas de paus de batea de mexillón,

peito cunha roda de xoguete e nasas de polbo ilegais,

colo con tuberías,

peteiro con perchas de mercado,

cabeza dunha lámpada de obra, transparente para mostrar a guinda do pastel: un peixe de cebo de cana de pescar con anzó, como se o estivese a tragar.

É un recordatorio do que acontece no mar: case todas as aves mariñas inxiren plásticos ou aparellos de pesca. Moitas pasan estes residuos ás crías, que poden morrer por inanición ao encher o estómago de lixo. Tráxico, non? 😫

O corvo mariño cristado é unha das aves máis emblemáticas da costa galega, cunha poboación que resiste grazas á protección, pero sempre vulnerable á contaminación mariña.

A obra está instalada no onde forma parte dunha exposición que fomos construíndo pouco a pouco este verán e que xa viron milleiros de visitantes. Un espazo para aprender, coñecer e concienciar 🌊💙.

📍As primeiras fotos son no paradisíaco entorno da Salazón e o Acuario do Grove. As últimas, en Camariñas, onde fixo parada no .No vídeo podedes escoitar o momento no que Lucía e Rocío decidiron bautizalo “Villy”, en honra ao emblemático Vilano 😁.

25/08/2025

🌊✨ Xa estamos no ABANCA Pantín Classic Pro 2025 da man de .gal !

Na nosa carpa podedes coñecer aos nosos protagonistas feitos con plásticos recollidos do mar:

🐟 O Salmón atlántico, símbolo de forza e resistencia.
🏄 O Surfista, feito de rede e cores, lembrando a conexión entre o océano e o deporte.
🐴 O Cabaliño de mar, fráxil e máxico coma os ecosistemas que debemos coidar.
🐢 A tartaruga e o Peixe demo, testemuñas silenciosas da contaminación mariña.
🐧 E o noso querido Pingüín Filomeno, que nos recorda a beleza e a vulnerabilidade da fauna mariña.

O surf vive en harmonía co océano, e tamén é un altavoz para xerar conciencia sobre a súa protección. Cada escultura lembra que o lixo que chega ao mar tamén pode transformarse en arte e en mensaxe.

📅 Estaremos aquí ata o domingo 31.
Hoxe gozamos dun obradoiro de arte efémera con nenos, e mañá ás 12:00 e o sábado ás 16:30 repetiremos!

Achegádevos e deixádevos inspirar pola forza do mar e a creatividade da sustentabilidade 🌊💙

20/08/2025

🌊 Fainos moita ilusión contarvos que este sábado estaremos no evento máis esperado do ano!
No Tinglado de Pantín .gal
Abanca Pantín Classic Surf Pro 2025! .events
Atoparédesnos nos FALADOIROS DE PANTÍN dende a conciencia-acción, cos nosos obradoiros de arte efémera de lixo mariño! E o que nos fai aínda máis ilusión: poderedes visitar unha exposición das nosas esculturas de lixo plástico que será permanente durante todo o evento, o 31 deste mes! 🐟🦐🐠🦀🐙
Vémonos! 🏄🏼‍♀️

Dirección

A Coruña
15002

Teléfono

+34659010487

Página web

http://www.retoqueretro.org/

Notificaciones

Sé el primero en enterarse y déjanos enviarle un correo electrónico cuando RetoqueRetro publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.