19/03/2024
ESKOLA AGENDA 2030
Eskolako Agenda 2030 programak herritar ahaldunduak eta kontzientzia ekosoziala dutenak sortu nahi ditu, ikasleek modu aktiboan parte har dezaten udalerri gero eta jasangarriagoak lortzeko bidean.
Eskola Agenda30 egitasmoan, herriko ikastetxeek g*i baten inguruan eskolako eta herriko diagnostikoa egiten dute. Jasotako datuekin Udalari proposamenak luzatzen dizkiete eta bakoitzak bere mailan konpromezuak hartzen ditu. 2022-23 ikasturtean, energiaren g*ia landu ondoren, denon artean adostu zuten 2023-24 ikasturterako herri mailan egin beharreko eskuhartzea bateratua izango zela. Horrela, Eibarko ikastetxeak, Udala eta Debegesa elkarlanean adostu zuten aurtengo helburua herriko eraikin publikoetan energia aurreztea izango zela. Honela, ikastetxe bakoitzak bere pegatina diseinatuko du eta mezu egokiak aukeratuko ditu.
Ikastetxeko eko-ordezkariek bildurik erabaki zuten energia gehien gastatzen den eraikinetan kokatuko zituztela sortutako pegatinak: Portalea, Udaletxea eta Ipurua eta Orbea kiroldegiak. Baita ere adostu zuten zein puntu diren zaindu behar direnak energia aurrezteko, hala nola: leihoak, ateak, interruptoreak, iturriak, dutxak, igog*iluak, pantailak eta inprimag*iluak.
Gure ikastetxeari leihoetan ipintzeko pegatinak tokatu zitzaion. Pegatinaren aukeraketa prozesuan Lehen Hezkuntzako ikasleek parte hartu dute: 3.ziklokoek pegatinak diseinatu zituzten eta denen artean, bozkaketa baten bidez, pegatina egokiena aukeratu zuten. Irabazlea 6.mailako Jare Amillategik egindako pegatina izan da.
Laster barru, goian aipatutako eraikinetan, herriko ikastetxeek energia elektrikoa eta ura aurrezteko helburua duten pegatinak itsatsita ikusiko ditugu.
