Egyptian Technicians Sarcasm

بمناسبة الهجوم اللي حصل اول ما اتفتح الكلام عن لقب دكتور

طلع بعض الناس يبرروا اللقب بحجج غريبة شوية
مرة يقولك اصل اللي بيفتح عيادة يبقى دكتور
ومرة يقولك اصل محدش يرأسنا غير خريج من نفس تخصصنا

وده كلام الحقيقة يوقعهم في تناقض واضح

لان داخل تخصصات العلوم الطبية والصحية نفسها فيه تخصصات لا يرأسها الا خريج من نفس المجال ومحدش يشتغل مكانه اساسا
زي تركيبات الاسنان والرعاية التنفسية والصحة العامة وغيرها

ف هل ده معناه تلقائيا ان اي حد في التخصصات دي يبقى دكتور لمجرد ان المهنة خاصة بيه او ان محدش يرأسه غير تخصصه
طبعا لا

لان الحجة دي هما اللي اخترعوها بنفسهم ولما اتطبقت على غيرهم باظت

احنا قولناها قبل كده ولسه بنقولها
لقب دكتور قانونا مرتبط بالحصول على درجة الدكتوراه وفقط
غير كده انت زميل محترم هتقولي يا استاذ هقولك يا استاذ في شغلك ومحدش بينتقص منك
ولو حصلت وحد كتبلك جزاء تقدر تشتكيه في النيابة الادارية هتعمل معاه الصح

لكن متجيش تعمل قواعد على مزاجك علشان تبرر لقب وبعدها تزعل لما نفس القاعدة تتطبق على غيرك

واخصائي العلوم الطبية او العلوم الصحية مش محتاج يزايد على مكانته
يكفي انه واقف على ارض قانونية واضحة
ويكفي الاحكام اللي صدرت بالغاء كل ما هو تكنولوجي من المسمى والمؤهل والعودة للمسميات الصحيحة
وده حصل رغم ان نفس الفترة دي تم ضمهم للكادر ودي نقطة ناس كتير مخدتش بالها ضمونا للكادر في فترة وجيزة وهما عندهم علم اصلا بوجود احكام في نفس ذات الوقت ب الغاء كلمة تكنولوجي من الكلية ومسمي الخريج وحتي العودة للقرار القديم الخاص بالدراسات التخصصية ٣٧٨

ف بدل ما كل شوية يطلع حد يوزع القاب بمزاجه او يحتكر الاحترام لنفسه
خلينا نتفق ان القانون هو الفيصل

واحنا مكملين
والطريق لسه طويل

إلى كل الحاصلين على البكالوريوس التكنولوجي في العلوم الصحية

والذي تم الحكم بإلغاؤه والعودة لبكالوريوس العلوم الطبية، وده معناه إن في فرصة حقيقية لازم تتاخد بجدية دلوقتي

قدّموا أوراقكم لإعادة التكليف في أماكن عملكم وخاصة في هيئة الرعاية الصحية والتأمين الصحي الشامل، لأن الخطوة دي هي بداية تصحيح وضعكم المهني بشكل رسمي وانتقال من مسمى فني اتفرض سنين طويلة لوضع أعلى #أخصائي ودرجة تخصصية زي باقي الفئات الطبية

إنت مش أقل من أي حد في المنظومة، وإنت خريج بكالوريوس زي أي فئة طبية تانية بيتتعامل معاها على درجة تخصصية من أول يوم

مهم جدًا جدًا
مفيش حاجة اسمها سنتين تخصص في التعامل الرسمي أو الوظيفي
إنت معاك بكالوريوس تكنولوجي في العلوم الصحية وتم إلغاءؤه زي ما قولنا وفي اي وقت هيتم تغييره فلازم تتعامل وتقدم نفسك على هذا الأساس فقط
اخصائي في مجالك ✔️

وأي تعامل أو تقديم أوراق ماينفعش فيه كلمة فني ولا مؤهل فوق متوسط
التعامل لازم يكون ببكالوريوس فقط

المرحلة دي مش مرحلة تراجع، دي مرحلة تثبيت حق ورفع قيمة ومكانة
واللي جاي لازم يكون دراسة عليا وتطوير وانتقال كامل لوضع مهني محترم يليق بالمؤهل الحقيقي

الهدف واضح
إنهاء مسمى #فني نهائيًا والانتقال لوضع أكاديمي وتخصصي زي باقي الفئات الطبية بدون أي تقليل

🛑 رسالة مفتوحة إلى الأستاذ أحمد السيد الدبيكي (رئيس النقابة العامة للعلوم الصحية) التكنولوجية .
وايضا الي اعضاء هذه النقابة التي فقدت مصداقيتها امام الجميع ،

بصفتنا أبناء قطاع العلوم الطبية والصحية، وجب توضيح الحقائق الغائبة والتي يتم طمسها عمدًا أمام الرأي العام وأمام الخريجين :

يجب أن يعلم كل خريج سواء أكاديمي أو حتي تكنولوجي أن هذه النقابة هي نقابة عمالية تخضع لقانون النقابات العمالية وليست نقابة مهنية مستقلة
الانضمام إليها ليس فرضًا ولا يمنح حصانة مهنية حقيقية بل هو مجرد اشتراك في كيان يديره غير المختصين اكاديميا .

من غير المنطقي ولا المقبول أن يكون على رأس كيان يتحدث باسم العلوم الصحية والطبية شخص خلفيته الاكاديمية الدراسية باحث قانوني .
كيف لمن لا يعرف الفرق بين التحاليل الدقيقة أو الأشعة والتركيبات أن يدافع عن حقوقنا الطبية .

الأصل أن يكون النقيب ابنًا للمهنة حاصلًا على بكالوريوس العلوم الطبية التطبيقية ودراسات عليا في التخصص ليفهم طبيعة المخاطر والمسؤوليات التي نواجهها .

لقد تابعنا جلسات إعداد التوصيفات الوظيفية وكانت النتيجة كارثية بكل معني الكلمة ،
توصيف أخصائي المختبرات الحالي يعد إهانة للمهنة وهو نتاج طبيعي لجلوس غير المختصصين على طاولة المفاوضات
عندما يفشل النقيب في فهم طبيعة عملنا يخرج التوصيف ضعيف ومفكك وتضيع حقوق الأخصائيين العلمية والأدبية .

دمج التكنولوجي مع الأكاديمي.. جباية أم رعاية؟
إقحام خريجي القطاع التكنولوجي الذين لديهم نقابتهم المهنية وقانون خاص بالجامعات التكنولوجية في نقابة العلوم الصحية #العمالية ليس له تفسير سوى الرغبة في زيادة حصيلة الاشتراكات والأموال .
هي محاولة لجمع أكبر عدد من الأعضاء لزيادة النفوذ المالي دون تقديم أي مزايا قانونية أو مهنية حقيقية في المقابل .

كلمتنا الأخيرة:
نحن لا ننتمي لهذه النقابة ولا ننصح أي خريج يبحث عن كيان مهني حقيقي بالانضمام إليها .

وان كان علي النقابات العمالية ف حاليا يوجد نقابة العلوم الطبية التطبيقية والتي يرأسها فريق كامل من دكاترتنا المحترمين الحاصلين علي الدراسات العليا في جميع تخصصاتنا .
حقوقنا لن تأتي بإيصالات اشتراك في نقابة عمالية يرأسها غير المتخصصين بل ستأتي بانتزاع حقوقنا عبر مساراتنا المهنية والأكاديمية الصحيحة وكذلك النقابات المعنية بشئون مهنتنا .

من كام سنة:
"لا يا حبيبي، دول مش تبعنا خالص.. إحنا مسار وهما مسار تاني تماماً، ده إحنا هنرفع قضايا ونلغي كلياتهم من الجامعات عشان نمنع الخلط، والمهنة دي لأصحابها وبس!" 🚫
​الآن :
"ولا أقولك.. لِف وارجع تاني! الحسبة اتغيرت.."

⬅️ عدد أكبر = اشتراكات أكتر = فلووووس
في الخزنة 💵💰
​خلاص يا عم، طلعوا حلوين وبسمسم وتبعنا وزي الفل.. المهم "السبوبة" تفضل شغالّة والمصلحة تزيد، والمهنية تتركن على الرف! 🫡
​

ممكن تشاركونا تجاربكم ؟ في الكومنتات سواء ف معامل الحكومية او الخاصة ايا يكن ؟

أحدهم حاصل علي شهادة الماجستير
ف كانت كل التعليقات مقدرة له ولدراسته ونجاحاته
الا الصورم !
السؤال بيقول وضح
من هو صاحب هذا الصورم 🤣

إلى زملائي أخصائيين العلوم الطبية والصحية

في ظل التطورات الأخيرة في منظومة التعليم الصحي
أمام الفنيين الصحيين مساران لاستكمال حلمهم الأكاديمي ومن الضروري أن نفهم الفرق والفرص المتاحة بكل وضوح

1️⃣ مسار سنتي التخصص البكالوريوس التقني
هذا المسار جاء كحل عملي لمواجهة محدودية المقاعد في الكليات الحكومية وقيود السن التي كانت تقف عائقاً أمام الكثيرين هو جهد مشكور لرفع الكفاءة وقد صدرت قرارات بالفعل بمساواته مع خريجي الكليات في المسمى الوظيفي أخصائي والمؤهل

2️⃣ مسار كليات العلوم الطبية والصحية
وهو المسار الذي يمنحك كامل امتيازات خريجي الكليات الجامعية مباشرة والخبر الأهم الآن هو الحديث عن فتح سنة التجسير للحاصلين على التخصصية لتمكينهم من معادلة شهاداتهم لتصبح خريج كلية علوم طبية

💡 نصيحة من القلب ممكن تتقبلوها وممكن لا ليه التجسير فرصة لا تعوض
نحن نعلم يقيناً أن خريجي المعاهد الفنية الصحية هم من صفوة الطلاب وتنسيقهم كان ولا يزال ينافس كليات القمة لكن الواقع المجتمعي والمهني أحياناً يضع حواجز وهمية بسبب مسمى معهد

لذا نصيحتي المخلصة لكل زميل
اغتنم الفرصة إذا أتيحت لك فرصة التجسير سواء كانت سنة أو 6 أشهر لتصبح رسمياً خريج كلية العلوم الطبية فلا تتردد

اكسر الحاجز هذه هي فرصتك الذهبية لتجاوز مسمى معهد الذي يلاحق البعض رغم كفاءتكم التي تسبق مسمياتكم

استثمر في نفسك ضحي بالوقت والجهد الآن لترتاح أنت وأبناؤك مهنياً وأدبياً طوال العمر

🤝 لنتحد تحت راية واحدة
الهدف ليس مجرد الحصول على شهادة بل أن نجتمع جميعاً تحت مسمى واحد وكيان واحد خريجي العلوم الطبية والصحية
التفرقة لا تخدم إلا من يريد إضعاف دورنا الأساسي في المنظومة الطبية
نحن قوة واحدة ومستقبلنا يبدأ بقرارك اليوم بتطوير تعليمك

#مصر

صباح الخير

في الفترة الاخيرة بقى فيه زيادة كبيرة في اعداد الصيادلة او سوء توزيع فـ بدأنا نشوف ناس منهم داخلين مكلفين للعمل في المعامل وبنوك الدم

وده حصل فعلا مع زميلنا الدكتور / مصطفى لما قرر يسوي حالته الوظيفية ويبقى اخصائي مختبرات طبية
القرار ده فرق معاه جدا في موقف زي اللي حصل

لما اتكلف بعض الصيادلة يشتغلوا في بنك الدم للاسف بسبب عدم وجود اماكن ليهم في الصيدلية

كانوا داخلين بفكرة انهم هيبقوا مشرفين على المكان
لان الصورة القديمة عندهم ان اللي شغال في بنك الدم فنيين مؤهلهم فوق متوسط والصيادلة طبعا مؤهل عالي بكالوريوس !
وزي م احنا عارفين الفنية لا تشرف علي التخصصية ب حكم القانون
الموضوع اتصعد ووصل لمدير المستشفي علشان يعرفوا ان الدكتور مصطفي اخصائي مختبرات ومعاه بكالوريوس في العلوم الطبية ومسوي حالته الوظيفية علي اخصائي

لما لقوا اللي قدامهم اخصائي مختبرات طبية وده تخصصه ودارس المجال ده كله
الوضع اختلف تماما
مبقاش فيه الكلام ده

الرسالة هنا بسيطة
لو قدامك فرصة تسوي حالتك او تعيد تكليفك لتخصصك متضيعهاش
لان في وقت الجد اللي بيفرق هو انت مين فعلا على الورق وفي الشغل مش انت جاي منين ،

لو مش مستعد تتناقش وتجادل وتثبت يبقى غيرك هيكتب اسمك بطريقته ،
وده ال عملوه ف التوصيفات الوظيفية ، والمسميات وكل ال بيحصل ،
ف ال معندوش صبر ميضيعش وقته في الكلية دي😊

علي كده دكاترة الجامعات ال من طب وعلوم ال بيدرسوا للطلبة متخرجين من كليات طب تكنولوجي وعلوم تكنولوجي 🤔😂😂