مبادرة ابو الهول للوعي التاريخي والاثري

صاحب الصورة توفى عام 1967 وجنازته عام 2024
جنازة بعد ٥٧ عاما من الاستشهاد فى حرب ١٩٦٧ حيث استشهد عن عمر ٢٢ عاما المجند فوزى محمد عبد المولى وتم العثور على جثمانه واوراقي بالصدفة من قبل هيئة بحثية فى سيناء فتم تسليم الجثمان لأهله وتم عمل جنازة عسكرية له دعواتكم له بالرحمة والمغفرة

فوزي من مواليد ١٨ يناير ١٩٤٥م، كان شاب اسكندراني بسيط من الدخيلة، وهوا في سن التجنيد خدم في حرب اليمن فترة، وبعدين نزل اجازة ٢٨ يوم عشان يتجوز، ورجع تاني عشان يخدم في سيناء سنة ١٩٦٧م، لكن للاسف يوم ٥ يونيو حصلت النكسة، ومعاه الانسحاب العشوائي لجنودنا في سيناء، وللاسف فوزي كان واحد من المفقودين اللي مرجعوش على بيوتهم ومحدش كان عارف مصيره ايه هوا ومئات من زمايله.

العيلة بعد فترة من الانتظار بتحتسبه شهيد، يمكن الام استنت كتير ييجي يخبط عالباب، العروسة يمكن كانت كل يوم تبص من الشباك مستنية عريسها ييجي من ضمن اللي عبروا الصحراء ونجوا، الاخ اللي كان وقتها عنده ٢٠ سنة مستني اخوه الكبير ييجي يشيل الحمل معاه في اي لحظة، لكن الانتظار طال، ومجاش، واحتسبته الاسرة شهيد.

تعدي السنين، شريط سريع على مدار ٥٧ سنة، من جمال عبد الناصر للسادات لمبارك .. سنين بتعدي، لحد شهر يوليو اللي فات ٢٠٢٤م فريق مؤسسة مدنية بيكتشفوا رفات جندي مدفونة في رمال منطقة الحسنة في وسط سيناء، ولاجل الحظ الحلو الجندي كان معاه كل متعلقاته، بطاقته الشخصية والعسكرية، متعلقاته الشخصية، مجموعة من الصور لزمايله وعيلته واخوه كان شايلها في جيبه، كل حاجة حفظتها الرمال.

تقوم وسائل الإعلام تنشر صورته والصور اللي كانت معاه في بوست، ولاجل الحظ ابن اخوه بيشبه عالاسم ويتعرف على صوره ابوه بين الصور اللي كانت في جيبه، ويجري على ابوه يابا هوا احنا كان لينا عم؟ الله يرحمه عمك فوزي، طيب على فكرة لاقوه!!

الاخ اللي كان ٢٠ سنة وقتها، اللي كبر وبقا الحاج عبد المولى محمد عبد المولى وعنده تقريبا ٧٧ سنة، بيشوف صورته، الامل بيرجعله تاني، اكيد منسيش اخوه، التاريخ نفسه منسيش اخوه، لسة فيه امل انه يتدفن دفن لائق في مقابر العيلة، وعليه بيقرر انه يتواصل مع الجهات المعنية عشان يتأكد من صحة الخبر ويمشي في الاجرائات.

الجهات بتبعت للاخ ان اخوهم في مستشفى السويس العسكري، بيعملوا تحليل DNA لاثبات ان الرفات خاصة بالاخ المذكور، وبتطلع النتيجة ايجابية، وال و بيتم تسليمه لاسرته في جنازة عسكرية تكريم اخير ليه ولاسرته، اللي النهاردة بس يقدروا يناموا مستريحين وهما عارفين مصير الاخ.

فوزي محمد عبد المولى شاهد ملموس بيفكرنا مين العدو الحقيقي، مين اللي غدر، ومين اللي لحد

الوفاة : يونيو ١٩٦٧
الجنازة : سبتمبر ٢٠٢٤

بيان اخباري

في يوم الثلاثون من سبتمبر " أيلول "

يحتفل العالم باليوم العالمي للمترجم .
و ذلك علي شرف القديس جيروم.
حيث قام القديس جيروم لأول مرة، بترجمة العهد الجديد من الكتاب المقدس الي اللغة اللاتينية.
معتمدا علي الوثائق الارامية و العبرية والسيريانية وما يتعلق بها من مخطوطات ومصادر في هذا السياق.

وتم هذا العمل في القرن الرابع الميلادي في كنيسة المهد بارض فلسطين.

وأطلق عليه اسم المرجع اللاهوتي الأول.

طرف الخيط.
الترجمة والبحث العلمي.الترجمة وتقدم ونهضة الأمم والشعوب.،الترجمة والتعايش العالمي.الترجمة طريق المجد وشمس المعرفة و الثقافة وافق الحضارة.

فريق بيرباست للدراسات التاريخية والأثرية