Alngar for distribution

لا تخافوا ولكن احذروا ،، سيتم بدء الجروب الثالث اليوم ال ١٢ ظُهرا في سنتر النور في الزقازيق بالتوفيق🏆

- كلنا شوفنا الاعلان ده قبل كده و اتريقنا عليه وعديناه عادي للأسف زي ما هنعدي البوست ده
هكلمك في البوست ده عن ازاي تبقي حديث تخرج بس خبره 3:4 سنين في مجال المقاولات الكهربيه .. 😀
- المشكله بتبدأ من بعد اعدادي واللي بتتمثل انك بتخلص اعدادي ومش عارف تخش مدني ولا كهربا ولا ميكانيكا..
- فمثلا بتخش اولي كهربا تخش في دوامة الدراسه لحد ما تخلص اولي كهربا وانت مش عارف تتخصص ايه باور ولا اتصالات ولا حاسبات ومافيش حاجه في دماغك فماتبدأش تشتغل علي نفسك في مجالك غير بعد تالته كهربا اللي بتكون اخر أجازه في حياتك ف بتبدي تتوه مش عارف تاخد كورسات توزيع ولا كنترول ولا تنزل تدريبات ف تخلص رابعه وانت حديث تخرج فعلا ماعندكش أي خبره و عشان فيه زيك كتير فبيبقي صعب تلاقي فرصة شغل كويسه - بعيدا عن الواسطه يعني- طب وايه الحل ؟؟
الحل انك تبدأ من أجازة اعدادي ,, تخلص أجازة اعدادي وتبتدي تدور علي القسم اللي انت حابب تخشه وتبدأ تدور علي تدريبات هنا وهناك و تقعد مع مهندسين كبار في نفس المجال يدولك من خبرتهم ويقولولك تمشي طريقك ازاي وتبتدي تدور علي فيديوهات تعليميه للمبتدئين في مجالك لحد ما تدخش أولي تخصص وانت راسم طريقك ومحدد هدفك و عامل جدول زمني ل ده ,, تركز في دراستك وانت مكمل في زيادة خبرتك عن طريق فيديوهات تعليميه أو زيارات ميدانيه لمواقع
-وبعد أولي تخصص بتكون عرفت مبادئ تخصصك في مجالك وأصبح عندك أساس تقدر تبني عليه ومن هنا تبتدي تاخد كورس في المجال اللي انت عاوز تكمل فيه فعلا ومن ثم تنزل تدريبات في المجال ده وتشوف سوق العمل علي أرض الواقع - تبقي انت راجل فاهم توزيع او كنترول قد الدنيا وزمايلك لسه مش عارفين يفرقوا بين "thevenin" و "Norton" -
- بتخلص تانيه تخصص بتبقي تقلت في تخصصك أكتر وأكتر وانت شغال علي نفسك جنب الدراسه في مشاريع وكورسات و زيارات كتير ..
- من هنا تبدأ فايدة الواسطه - لو معاك واسطه تقدر تنزل شغل Part time او تشتغل freelancing سهل - ,, أما لو مافيش واسطه ف مافيش قدامك غير انك تنحت في الصخر وتعمل علاقاتك مع مهندسين كبار عشان يساعدوك توصل
- بتخش تخصصك وليكن كهربا باور بيبقي الناس مش عارفه الفرق بين البريكر و السويتش العادي وانت خبره سنتين وبتطلع مشاريع كامله من تحت ايدك
- بتقضي سنه تالته وانت شغال part time او freelancing وبتزيد خبره و ثقه في نفسك
- بتخش اجازة رابعه وانت خبره 3 سنين في مجالك وأكثر خبره من مهندسين كتير متخرجين وأكبر منك ,, بتبقي ساعتها مهندس خبره ناضج جدا فاهم سوق العمل ماشي ازاي راسم طريقك وأهدافك ,, - بتبدي تلم في خبرات كتير من مواقع ومكاتب استشاريه كتير وتحصل كل اللي ناقصك عشان تتخرج وانت خبره 4 سنين
- الدنيا مش هتبقي وردي قدامك لا هيقابلك طول الطريق مشاكل كتير وهتحلها وهتقوم وهتكمل حلمك للاخر و ان الله لا يضيع أجر من أحسن عملا
- كل الناس اللي اتخرجت وكانوا مقضيينها ندموا علي سنين الكليه اللي راحت لما اتخرجوا ولقوا نفسهم زي الاف غيرهم واتمنوا كان حد نصحهم النصيحه دي وهم صغيرين وكَما قالت فيروز يا سنين اللي رحتي ارجعيلي 💔
- مش كلام تنميه بشريه وكلام بيدجات لا ده تجربه شخصيه ومريت بكل حرف منها ,, كل كلمه هنا بُذل فيها مجهود وضغط وتوتر وقلة نوم وسفر
- باختصار شديد ,, خليك مختلف يا باشمهندس 😃

- بدأنا معاهم من شهرين و حاولنا نقدملهم كل اللي عندنا ونطلعهم أبطال في التوزيع والحمد لله خلصنا امبارح 60 ساعه لمدة 15 سيشن وبنتمنالهم كل التوفيق يارب فيما هو قادم ..
- كان بطل الجروب ده واللي استلم كاس ال " distribution league" بنسخته الأولي عن جداره واستحقاق والتزام في عمل التاسكات كانت المهندسه آيه عرفه والمركز التاني كان المهندس محمد بدر
- أما جايزة ال "best student" و دي بتتقدم للي بيتفاعل وبيسأل أكتر في السيشن علي مدار ال 60 ساعه راحت للمهندس عبدالرحمن محمود علي
- بدأنا حجز الجروب اللي هيبدأ يوم السبت الموافق 7/9 و العدد الباقي 5 والحجز هينتهي ،، لاننا هنشتغل جروب واحد فقط نظرا للانشغال
-فرّحنا جدا ردود افعال طلبة الجروب الي خلصنا معاهم امبارح وفرحنا اكتر ان حجز الجروب اللي هيبدأ تقريبا بيخلص خلاص بسبب ال "feedback" الحلو اللي نقلوه لزمايلهم عن الكورس و الصور دي جزء منه
- سجلنا فيديو لل "feedback" بتاع المهندسين عن الكورس وهيتم عرضه خلال يومين باذن الله بعد منتجته
- و ده لينك فورم الحجز واولوية الاماكن الباقيه بأسبقبة الحجز
https://docs.google.com/forms/d/e/1FAIpQLSdHtNh_B3UpY84Mb7KCgwj2DK0Ix5Zmh0u56GTKV-kxpUZJOQ/viewform

The champion of the first distribution league is loading ..
🏆💛

بيفرحنا جدا لما نشوف نتيجة تعبنا مع الناس وترجمة ده علي أرض الواقع ومن ثم رأي الناس اللي تعبوا معانا فينا في اخر الكورس 😃
- المهندس محمد أحد أهم مهندسي الجروب الحالي واللي بينافس وبشده علي كاس الجروب ك مركز أول وانتظروا فيديو لملخص اراء مهندسي الجروب الحالي علي المحتوي و المُحاضر ⁦..
's_enrich_this_field_together
💛

- من أول ما بدأنا و كان هدفنا الأساسي هو تغيير الصوره النمطيه لكورس التوزيع في الزقازيق تحديدا و استثارة السوق وتطويره لما يواكب سوق العمل لان السوق كان نام فتره طويله من غير أدني تطوير في المحتوي والاسلوب والهدفين دول انا شايف ان جزء كبير منهم لحد دلوقت اتحقق
- بدأنا في شهر3 اللي فات مع جروب برعاية اتحاد طلاب هندسة الزقازيق بس للاسف كنا مضغوطين في الوقت جدا وماقدرناش نطلع كل اللي عندنا
- اشتغلنا في اول شهر 7 مع جروب تاني برعاية الاتحاد مره تانيه وحاليا فاضل للجروب معانا اسبوع بس ويبقي مشوراهم معانا خلص ,, الجروب الحالي ليه عندي معزه خاصه لاننا وقتها ماكنش عندنا سبقة اعمال تشهدلنا ب محتوانا أو شرحنا بس الناس دي وثقوا فينا وبدأوا معانا الدبلومه وفاضلهم أسبوع ويخلصوا وعشان كده صممت انهم لازم يطلعوا أبطال في التوزيع وقد كان بتوفيق الله وحده
-------------
- النهارده جايين نعلن عن الدبلومه اللي هتبدأ في نص شهر 9 واللي هتستمر60 ساعه لمدة 16 سيشن وحابين نستعرض معاكم أهم اجزاء المحتوي اللي اشتغلناه مع الجروب الحالي واللي هنشتغله مع الجروب اللي هيبدأ كمان أسبوعين ..
1-كورس اتوكاد كهربي عملي لمدة 2 سيشن
2-يعني ايه مشروع ويعني ايه استشاري ومقاول عام ومقاول باطن و دور كل واحد فيهم في المشروع
3-علم الاضاءه واستعراض أهم مصطلحاته
4-اشهر انواع اللمبات والكشافات و اماكن استخدامها ومميزات كل منها وكيفية توصيفها
5- السيشن اللي بعده نبدأ في المشروعين اللي هتعملهم بايدك من اول جزء لاخر جزء معايا
6-switches و الفرق بينهم ثم توزيع الدواير الفرعيه
ثم شرح لوحات التحكم في الاضاءه (LQP)
7 - الفرق بين توزيع الاضاءه manual و بال dialux وامته بستخدمهم ,, ثم نبدأ ب شرح برنامج ال dialux بكل حساباته ونخلص بلان الاضاءه كامل بحيث تبقي خلصت بايدك 3 بلانات اضاءة في نهاية محتوي الاضاءه
8- احمال ال power من سوكيتس و تكييفات وسخانات وشفاطات وتوزيع لينياتهم (Wiring)
9-بنشرح ال Emergency Loads و standby supply systems وانواعها وبندخلهم في المشروع بتاعنا
10-حاجه اسمها load panel schedule وازاي منها بعمل اتزان للحمل
11- ال Load Estimation وازاي بقدر اخش الكود وافهمه واعمل load estimation للمشروع بتاعي
12-مابنشرحش السيركت بريكرز فقط لا بنشرح شابتر كامل اسمه ال Switching Devices واللي جزء منه البريكرز ثم بنزوم سوا علي القواطع وبنشرحها تفصيليا
13-الكابلات و توصيفها وانواعها و مكوناتها و طريقة تمديدها في الأرض و اختباراتها في المصنع وفي الموقع قبل التركيب و ف الموقع بعد مرور سنين عليها للتأكد من سلامتها وهنشتغل الكابلات من كتالوج أهم مورد ليها في مصر وهي شركة السويدي للكابلات ثم حسابات الفقد في الجهد و الشورت سيركت manual وبالايتاب ,, وبعدها هنشرح أهم حوامل الكابلات والفرق بينهم ومميزات كل حامل فيهم واستخداماتهم
14-فايدة ال Capacitor bank وازاي بيتم تصميمه وحساباته
15- Single line diagram للمشروعين بتاعنا (Manual&Etap) ومعاه بنشرح الصواعد (risers)
16- ال Feeding System كامل أو بما يسمي في السوق ب شغل (الانفرا) بجميع مكوناته بالتفصيل من محطة الكهربا حتي اخر اصغر مخرج في المشروع
17-محاضره كامله لوحدها عن العدادت وتركيبها واختباراتها وازاي تسرق كهربا وازاي تعرف اللي سارق كهربا
18-ب كده يبقي خلص جزء التصميم معانا بس هنضيف سيشن عن أهم ورقيات المشروع وايه هو الشوب دروينج
19-السيشن الأخير وهو تسعير المشاريع ف هيبقي اخر تاسك معانا هو انك المشروعين اللي صممتهم من الالف للياء بتختار واحد منهم وبتعمله tendering وبتطلع كمان ال dry cost للمشروع ك مقاول
---------------
- نظامنا كالاتي ..
1-انا بشتغل معاك مشروعين مش عشان اتعبك ,, لا عشان أديك خبرة المشاريع السكنيه والمشاريع التجاريه وتبقي طالع بأقصي استفاده
2-رقم واحد مش معناه انك هتتعب ,, لا هتتعب الكورس بمحتواه وتسكاته محتاج صحه واجتهاد غير كده ماتفكرش تحجز عشان مانتعبش بعض
3-اللي ناوي يعتمد علينا في كورس التوزيع دي حاجه غاليه اوي ومسؤليه كبيره علينا وباذن الله هتخرجوا ب خبره مختلفه عن أي مكان تاني
4-أسلوبنا مختلف وطوعناه بالاسلوب اللي هيخدم الطلبه أكتر لما تسمع الشرح و تطبق عليه وانت قاعد و تروح تاخد تاسك أكبر واهم تتعلم منه أكتر وتيجي نتناقش فيه أظن كده احنا نبقي عملنا اللي علينا معاك وهيبقي فيه درجات ومستويات وأسألوا الجروب الحالي عن ده
5-هاجي عليك اوي ف أجزاء التكنيكال لأن انت مهندس لازم تكون فاهم ومقدر الارقام اللي هتطلعها مش روبوت قاعد قدام برنامج بتطلع ارقام
6-الكورس مش توزيع مباني سكنيه فقط لا حضرتك أنا هعلمك التوزيع من A to Z من جهد ال 11 كيلو لحد أصغر مخرج ف المبني
7-هنخلق تنافسيه بينكم في كل جروب عن طريق rate لكل تاسك وهيبقي فيه زي نظام دوري بينكم واحسن اتنين جابوا نقط هنطبعلهم المشاريع بتاعتهم عشان يحتفظوا بيهم و أول واحد هنجيبله كاس هديه
8-انتظروا فيديو عن اراء الجروب الحالي في المحتوي و الكورس قريبا 😃
------------
لينك فورم الحجز للكورس في الزقازيق و احنا هنكلمك بعدها نقولك علي المواعيد والكورس سعره 700 جنيه
https://docs.google.com/forms/d/e/1FAIpQLSdHtNh_B3UpY84Mb7KCgwj2DK0Ix5Zmh0u56GTKV-kxpUZJOQ/viewform?usp=pp_url

كيف بدأ ال feeding system أو ما يُسمي ب شبكات التوزيع الأرضيه للجهد المنخفض ؟ 😃
تم تسميتها بالشبكه الأرضيه لأن الربط بين مكوناتها يكون من خلال كابلات تُدفن في الأرض -بديهيات- ويوجد منها نوعين :
أولا محطات التوزيع الثانويه العامه :
و هي تلك المحطه التي تخدم أكثر من جهة خدميه في أماكن متفرقه وتتكون من قسمين ..
وهما القسم الابتدائي : والذي يكون بداخل حدود المحطه ويحتوي علي كلا من وحدة الربط الحلقيه (RMU) -إن وُجِدت وسيتم التحدث عنها تفصيليا فيما بعد- و محول التوزيع وصندوق التوزيع الرئيسي
أما القسم الثانوي : فهو الذي يكون خارج حدود المحطه ويكون في أماكن متفرقه وِفقا لطريقة التصميم وتلك الأجزاء غالبا ما تكون عباره عن صندوق توزيع فرعي (بيلر) و لوحة التوزيع الرئيسية للجهة الخدميه كما هو موضح في الصوره ..
ثانياً محطة التوزيع الخاصه :
هي تلك المحطه التي تخدم جهة خاصه مثل العماره السكنيه وتتكون من قسمين ..
وهما القسم الابتدائي : ويحتوي علي كلا من وحدة ربط حلقيه (RMU) -إن وُجِدَت- ومحول التوزيع
أما القسم الثانوي : ف هو عباره عن لوحة التوزيع الرئيسيه للمبني (MDB) والتي تقوم بدورها بتغذية عدد من لوحات التوزيع الفرعيه(SMDB) لتغذية كل طابق من طوابق البنايه والتي بدورها تعمل علي تغذية لوحات التوزيع النهائيه (FDB) كما هو موضح في الصوره ..

انت ك ديزاينر بتحط قيمة معينه ل load من غير load ازاي !؟ 🤔
- الأحمال الكهربيه في المباني السكنيه متنوعه و كتيره
بتنقسم لأحمال اضاءه وأحمال باور ..
هنتكلم النهارده عن أهم أحمال الباور علي الاطلاق وهي "السوكيتس"
- السوكيتس من أهم احمال الباور الموجوده في أي مشروع وأكثرها حيره لينا ك ديزاينرز لسبب مُعين وهو أن السوكيتس بتعتبر الحمل الكهربي الوحيد الغير معلوم مِقداره تحديداً يعني ممكن نحط في السوكيت شاحن تليفون أو شاحن لاب أو مكواه أو حتي تلاجه بمعني ان الحِمل مش ثابت زي حمل الاضاءه او التكييف .
- ف كان لازم الكود يتدخل لتنظيم عملية حساب أحمال السوكيتس واللي بينص ان ال normal socket حملها 250VA في الكود المصري و 180VA في ال NEC
- كثير من المهندسين فاكرين ان الارقام دي هي القيمه العظمي اللي بتتحملها ال normal socket بس لا ده خطأ فادح الأرقام دي بتعبر عن القيمه المتوسطه للاحمال اللي هتشيلها السوكيت واللي افترضها الكود عشان انا ك ديزاينر أقدر احدد سُمك السلك المُغذي للينية السوكيت أو سِعَة القاطع اللي بيحمي نفس اللينيا
- انما القيمه العظمي اللي بيتحملها ال normal socket بتوصل ل ٢٢٠٠ VA تقريبا وال power socket ل ٤٠٠٠ VA تقريبا

كل سنه وانتم طيبين ي باشمهندسين💛
بوست النهارده عن العدادات وهنتكلم النهارده عن مصطلح مهم جدا في العدادات ألا وهو ثابت العداد ..
-----------
في الجهد المنخفض في حالة زيادة تيار حمل المنشأه عن أقصي أمبير يستطيع العداد قراءته بدون تلف او انصهار ملفاته بفعل التيار العالي ،، يتم استخدام محول تيار (CT) قبل العداد يعمل علي تصغير قيمة التيار ل قيمه معينه يستطيع العداد قرائتها بدون انصهار ملفاته
-(مثال)-
فرضاً لدينا منشأه حملها 150kw ،، صمم نظام للعدادات لهذه المنشأه !
--
تيار الحمل = .8*220*150000/3 = 284 امبير وهو أعلي من التيار الذي تتحمله ملفات العداد ❌❌
ف يتم استخدام محول تيار قبل العداد ⁦✔️⁩⁦✔️⁩
- يتم شراء محول تيار 400/5 (CT actual)
وشراء عداد يقرأ كل 5 أمبير ( خَرج ال CT ) ل 800 امبير( أي ان العداد يمثل CT وهمي ويسمي بال CT designed ) (800/5)
- اذن ثابت العداد = CT actual/ CT designed = .5
ولذلك عند قراءة الحمل من العداد يتم ضرب الحمل * .5 حتي يتم تحصيل الحمل الحقيقي
--ملحوظه--
1- في حالة ال High voltage يتم استخدام ال VT مع ال CT ولذلك عند حساب ثابت العداد يتم الاخذ في الاعتبار نسبة تحويل محول الجهد و محول التيار
2- هناك بعض العدادات قد يكون داخلها محول تيار
3- سنتطرق لبعض الحسابات الاخري لتصميمات العدادات لاحقا متي يتم استخدام عداد single phase أو عداد three phase او محول تيار مع العداد

بمناسبة موسم الحج ،، ف حبينا نعرف المهندسين بتوعنا ازاي بيتم تغذية الحرم المكي بالكهرباء وازاي بيتم دخول المولدات الاحتياطيه في الخدمه وبعض المعلومات عنها في حالة انقطاع الكهربا من مصدر التغذيه الرئيسيه
-------
وحبينا نكمل للناس المعلومه التكنيكال عشان نبقي غطينا الموضوع كله ..
لما الكهربا تفصل عن المسجد الحرام بيبدأ يحس ب ده اتوماتيكيا حاجه اسمها (under voltage relay) ويبدأ ينقل ده لحاجه اسمها (Automatic transfer switch) اللي بدوره بيفصل سكينة المحول وبيشغل المولد الاحتياطي بس مابيدخلوش في الخدمه لحد ما يقوم - في الفتره البسيطه دي بيبتدي نظام ال (ups) وهو عباره عن بطاريات تقوم بتغذية الاحمال الحرجه جدا في المسجد لفتره بسيطه حتي يتم دخول المولد في الخدمه وتغذية احمال المسجد - و بيبتدي المولد يغذي احمال المسجد حتي يتم رجوع التغذيه من المصدر الاساسي مره اخري 🔥

70 ثانية تعيد التيار الكهربائي للمسجد الحرام في حال انقطاعه 70 ثانية تفصل بين انقطاع الكهرباء وعمل مولدات الطاقة الكهربائية بمحطة كدي للتغذية الاحتياطية، وهي المحطة المسؤولة عن تغذية المسجد الحرام في حال فقدان التيار من المغ...

اللهم كما تمنيناها بصدق ،، فاكتُب لنا وقفةً علي عرفات العام القادم نحنُ وكل من قالَ آمين يارب 💛

#كلُ_عامٍ_وأنتم_بخير 💛