10/07/2026
بسم الله نُكْمل ما بدأناه .. بسم الله توكلنا على الله 🍂
مواعيد دفعة 2027
◆◆ تعليمات هامة :
1. بداية الحجز : الحجز هيكون تسجل بياناتك معايا ( اسمك + سنة كام + نمرتك + نمرة ولي أمرك) .. الحجز مهم جدا جدا جدا لأن كل صف دراسي مالوش غير ميعاد واحد والحضور هيكون بأولوية الحجز ولن يتم فتح مجموعة جديدة إلا لو المجموعة اللي قبلها اكتملت .
2. بداية الحصص : 1 / 8 .. هنبدأ نشتغل في المنهج مباشرة ، فلازم تحضر من أول حصة عشان مفيش حاجة تفوتك .
3. الحضور والغياب : الالتزام بحضور كل حصة من أولها وعدم التأخير .. أول 10 دقايق من الحصة براجع الواجب وبعد كدة ببدأ أشرح على طول .. لو هتغيب حصة لازم ولي أمرك يستأذن مني بمكالمة .
4. الواجب : أهم حاجة من وجهة نظري هو الواجب فلازم تهتم بيه وتحل بنفسك وتشوف إيه المشاكل اللي قابلتك واللي يقف عليك نحله سوا في الحصة اللي بعدها .
5. أدواتك لازم تكون معاك كل حصة ( كتاب المعاصر + كشكولك + قلمك + آلتك الحاسبة ) ..
6. امتحان الشهر : في نهاية كل شهر هيتعملك إمتحان على اللي اتشرح طول الشهر ولو فيه أجزاء معينة مش مفهومة هنبدأ نراجعها سوا .
7. مسابقة : هنحاول كل شهر نعمل مسابقة للطلاب المتفوقين وفيه جوائز قيمه جدا .
8. متابعة شهرية : في نهاية كل شهر هيتم التواصل مع ولي الأمر للتأكيد على 3 حاجات ( عدد الحصص اللي الطالب حضرها + درجته في امتحان الشهر + حساب الشهر خالص ولا متأخر )
9. حساب الشهر : كل شهر بشهره وغير مسموح بالتأخير ( كل واحد له ظروفه وعنده مصاريفه وأولوياته ) ف زي ما أنا ملتزم ومش مقصر معاك اتمنى التعامل بينا يكون متبادل .
10. رسالة أو مكالمة من ولي الأمر : أتمنى من وقت للتاني كل ولي أمر يتواصل معايا بمكالمة أو حتى رسالة على الواتساب يستفسر فيها عن مستوى الطالب ومدى التزامه لأن ابنك هو تحويشة عمرك وزرعتك اللي لازم تهتم بيها .. ابنك بياخد 5 أو 6 دروس ف اعمل حسابك كل أسبوع تكلم 2 مدرسين مختلفين وتسأل عن ابنك مش هتخسر حاجة .
11/01/2025
21/09/2024
26/08/2024
06/08/2024