Miss/Sara English Teacher يلا نفهم

لما ابن حضرتك يسألك يا ماما
في الاتوبيس يعني ايه ؟
*(on) the bus ولا (in) the bus*
طبعا حضرتك هتردي بكل ثقه يتبعها نظره فخر 😀😀 وتقولي *in* ) the bus)
😢طيب ليه يا ماما ؟؟؟
علشان في يعني *in* يا قلب ماما 😍
حرااام عليكب هتضيعي الواد 👊👊😂

بص يا قلب ماما 😀 انا هقولك طريقه علشان متتلخبطش بين *in* و *on* في / علي
لاني كنت بعاني من الموضوع ده وانا صغير ف سنك كده 😊

🌷لو تقدر تقف و تقعد في و سيله المواصلات دي مهما كانت حط *on*
*on* a bus اتوبيس / on a train قطار/
on a horse حصان/ on a tram الترام /
on a bike الدراجه

🌷لكن لو مش هتقدر تقف استخدم *in*
in a taxi تاكسي / in a truck شاحنه/ in a car سياره

*👈استني عاوز اقولك حاجه* *كمان*
القارب اللي هو Boat أو canoe هتاخد *in*
لان لكل قاعده شواذ

طيب يا ميس *by* دي هستخدمها امتي 🤔🤔
هقولك *by* بنسنخدمها مع وسائل المواصلات بصفه عامه
و معناها بواسطه بشرط أن لا يسبقها أداة زي *a*
*I will travel by car* انا سوف اسافر بواسطه السياره

غني معايا 😅😅
🌷In.. On.. At 🌷
شهور .. أيام.. ساعات💃💃
أكتر 3 حاجات بتلخبط الكبير قبل الصغير :D

= و هما In , on , at 😞

هنتكلم عن كل واحدة فيهم بالنسبة للـ Time
و للـ Location ;)
°°°°°°°°°°°°°°
🌷أول حاجة هنتكلم عنها هى In و دايماً ميِّزها بـ أنها Bigger و General عن أخواتها On , At يعني ايه الكلام دا ؟!

بالنسبة للـ Time فـ هى دايما ليها علاقة بـ الحاجات المدة الكبيرة زى مثلا :
لو هنتكلم عن القرن
The centuries in the 1800’s

لو هنتكلم عن الأسابيع
Weeks >> In 2 weeks

*الشهور بصفة عامة مش متحددة بالايام
Months >> in july , May , … etc

*للكلام عن السنين
Years >> 1970 , 2017 ,...etc

*العقود
Decades >> The 80’s

*زى فصول السنة
In winter

أما لما نيجى نتكلم عن In بالنسبة للأماكن ليها 3 حالات :

_لو هتتكلم عن Country زى =In England
_لو هتتكلم عن city زى =In London
_لو هنتكلم عن neighborhood =زى In Chinatown

و هنا هتلاقى أمثلة على In :
_ In the morning
_ In the evening
_ In the afternoon
_ In the Easter holiday
_ In the christmas holiday
_ In the winter
_ In the summer
_ In 2013
_ In the 21st century
_ In August
_ In December
_ In three hours
_ In three hours from now

°°°°°°°°°°°
🌷تانى حاجة هنتكلم عليها هى On ، و دى بتكون فى الحاجات المحددة أكتر منها عمومية و ميِّزها بأنها Smaller و Specific عن اخواتها ^_^
مع الأماكن : لتحديد أماكن الأشياء
( عندما يكون الشئ ملامس للسطح ) :
I know I left my wallet on the table.

عند ذكر رقم طابق في مبنى:
They live on the 5th floor.

بالنسبـة للـ Time :
*بنستخدمها مع الـ Days
*بنستخدمها مع الـ Weekend

_ On Saturday , Monday , ...etc
_ On sunday Morning
_ On Friday evening
_ On Easter Monday
_ On Christmas Day
_ On Saturday at night
_ On june 13th
_ On a summer evening
_ On a cold day
_ On that day
°°°°°°°°°
🌷أما بقا لو هنتكلم عن At ، فـ دى تقدر تميزها بأنها Very Specific و كمان Smallest عن أخواتها .

فى حالات الـ Time بالنسبة لـ At بتيجى مع at 7 am و at 7 pm
و مع at 6 O'clock "الساعة عموماً "

و لو هنتكلم عن At بالنسبة للاماكن فـ هى بتكون لـ Address و Specific location

_ At 9 O’clock
_ At Christmas
_ At Easter
_ At noon
_ At night
_ At midnight
_ At the weekend
_ At lunch Time
_ At dinner
_ At that time
_ At the moment
_ At 15 Ahmed Essmat street next to the store

١٨ كلمه ف سنه رابعه
٣٠ كلمه في سنه خامسه
٥٠كلمه في سنه سادسة
البرجراف بالمواصفات الجديدة 🤗

بعد مهزلة التغير في المواصفات كل ترم مش هقول كل سنه
نتعلم نأسس أولي تانيه تالته
احنا نهتم بالجرامر بوجه عام بعيد عن المنهج
نهتم بالكتابه وتنمية المهارة
نهتم بالفونكس ومهارة القراءة
لو الطفل وصل تالته ومتعلمش كويس اي حاجه من دول
مش هتلاقي نتيجة كويسة مهما حاولت
كمان مناهج الكونكت مش عايزة الطالب الضعيف
يا تبذل مجهود كويس من اول مرحله الكجي يا متندمش ع مستوي ابنك 🙄

جمل بسيطه للإملاء♥

I love you too Remas&Rodina♥🌹

The Present Perfect المضارع التام
لما المضارع التام إتولد 🧒🏻 اُمه وأبوه إتخانقوا يسموه إيه. أبوه قال نسميه تام علي إسم جده وأمه قالت نسميه ( لسه ) وعلشان ماحدش يزعل سجلوه في الورق ( تام ) وبقوا ينادوله ب ( لسه )
إصحابه في المدرسه مابقوش يحبوه علشان إسمه ال ( present perfect ) ومابقوش فاهمين هو إزاي مضارع وتم خلاص وكانوا متلخبطين جداً بس نوسه زميلته 👧🏻 حاولت تفهمه وراحت قالتله
👧🏻 خد يا ( تام ) السندوتش ده 🍔
🧒🏻 لا شكراً أنا ( لسه ) واكل ( I have just eaten ) كوارع وكرشه 🥘 😂
👧🏻 طب خد عصير 🍹
🧒🏻 شكراً يا نوسه أنا ( لسه ) شارب ( I have just drunk ) حلبه حصي
👧🏻 طب تيجي نذاكر 📝
🧒🏻 أنا ( لسسسسه ) مخلص ( I have done ) الواجب
👧🏻 هو أنا كل ما أقولك حاجه تقولي ( لسسسسسسسه ) عاملها

🧒🏻 أنا أصلي ( لسسسسسسسه ) مخلص كل حاجه حالاً علشان كده إسمي ( تام ) لإن اللي عملته تم خلاص ولإنه مش من زمان ولسسسسسسه مخلصه حالاً ولسه ليه أثر ( الكوارع لسسسسسه في بطني ما إتهضمتش - والحلبه لسه في بقي 😋 )
فهو قريب للمضارع وملمس معاه فعلشان كده إسمي ( المضارع التام )

👧🏻 طب إنت بتتكون من إيه ؟
🧒🏻 بتكون من ( have أو has ) وال past participle اللي هو التصريف الثالث
👧🏻 لا مش فاهمه إمتي have وإمتي has وإيه التصريف الثالث ده !!!
🧒🏻 هبسطهالك يا نوسه ما تستعجليش الضمائر سبعه بنقسمهم تقسمتين
- ( I - you - we - they ) + have + p.p
- ( he - she - it ) + has + p.p
👧🏻 طب ( have /has ) معناهم إيه يملك مثلا
🧒🏻 لا خالص مش يملك والمفأجاه إن مالهمش أي معني 🕺🏻 هما بنلزقهم في النص وخلاص علشان اللي بيسمع يفهم إن ده مضارع تام 😂

👧🏻 يااااه بجد طب إيه التصريف الثالث ده 🙇🏻‍♀
🧒🏻 للفعل في الإنجلش ثلاث أشكال ( أول للمضارع - وثاني للماضي - وثالث اللي بنتكلم عنه ) زي
- work / worked / worked.
- walk / walked / walked.
- call / called / called.
والمفاجأه إن معظمهم زي ما إنت شايفه كده. الثاني زي الثالث أخره ed سمعينا زغروطه بقي 💃🏼
وساعات بيبقي الفعل irregular غير منتظم شكله بيتغير زي
- drink / drank / drunk.
- speak / spoke / spoken.
- choose / chose / chosen.

👧🏻 ياااه ده سهل أوي أنا ( لسسسسسسسسسه ) حالاً أول مره أفهمها
🧒🏻 قلتي ( لسه ) 😂 يبقي فهمتي يا نوسه قوليها بقي بالإنجلش
👧🏻 حاضر ( I have understood ) noooooooow 💃🏼💃🏼💃🏼

الزتونه 🥳🥰 :-
للمضارع التام أكثر من إستخدام 💪🏻
- الإستخدام الأشهر والأكثر عن حاجه لسسسسسسه حاصله حالاً في التو والبو 😂😂.
- بنستخدمه برضوا مع حاجه حصلت ومش عايز أحدد وقتها ( I have seen this movie before ) شفت الفيلم قبل كده
خاصة مثلا لو إتكررت كثير ( she has read this book many times ) ماهو أكيد مش هنفتكر قرأته إمتي وإمتي قرأته كثير وخلاص.
ومع التغيبرات غير اللحظيه لو واحده خست فأكيد ماخستش يوم الخميس الساعه سته 😂 😂 لا مافيش وقت محدد فهتقولها ( you have lost some weight )
هو ده ال( present perfect ) اللي كنا بنخاف منه 😍😍😍

معلومه في حدوته 🥰🥳💪🏻🤍💚💖

افكار سهله لفهم الطفل♥