Mr / Belal mahmoud

سنة كاملة عشناها سوا.. بتعبها وسهرها، بضغطها وخوفها، وكمان بضحكتنا ولمتنا في الحصص. والنهارده بنقول رسمياً نهاية المشوار

بعد بكرة هتكون آخر ورقة امتحان بتسلموها، وهتبدأوا مرحلة جديدة خالص في حياتكم. عايزكم تدخلوا اللجنة دي وأنتوا رافعين راسكم، واثقين إنكم عملتوا اللي عليكم وتعبتوا، وربنا عمره ما هيضيع تعبكم

كنت ليكم مدرس، وأخ، وصديق.. والنهاردة أنا فخور بكل واحد فيكم وواثق إنكم قدها💪

طمنوني عليكم بعد بكرة، وبداية جديدة لرحلة نجاح تانية في حياتكم! 🦅✨
#دفعه2026 #فيزياء

وراء كل رأي جميل قصة تعب ومثابرة وخطوة صح اتاخدت في وقتها عشان تنور طريق المستقبل كلامكم مش مجرد تقييم عابر ده الحافز الأكبر اللي بيخلينا نطور من نفسنا كل يوم عشان نكون دايما عند حسن ظنكم
ثقتكم هي الأمانة اللي بنشيلها فوق راسنا مفيش حاجة بتفرحنا أكتر من إحساسكم بالفرق وتخطي الخوف من المادة وتحويله لشغف وتفوق شكرا لثقتكم الغالية، ودائما مع بعض من نجاح لنجاح أكبر
شكرا من القلب لكل طالب وطالبة شاركونا تجربتهم وفخورين جدا بوجودكم في عيلتنا الكبيرة! ❤️🎓
#دفعه2026 #فيزياء

غلق الحجز للصف الثالث الثانوي والبكالوريا حاليا😔
عشان اخواتنا وابطالنا في تالته ثانوي يقدروا يكملوا مراجعتهم بإذن الله علي خير هنوقف حجز البكالوريا وتالته ثانوي
وبإذن لله نستكمل الاسبوع القادم حجزنا يا ابطال 2027👀
#بكالوريـــا