TICO-Eng_ZU مكتب التايكو كلية الهندسة جامعة الزقازيق

البوست اللي فات فهمنا يعني ايه ابتكار و قولنا أننا مش بنبتكر لمجرد الابتكار لكن بنبتكر للوصول لهدف معين.

فقامت الأمم المتحدة بتحديد هذه الأهداف و هما 17 هدف للوصول إلي عالم أكثر استدامة و دا اللي بِ يسعي له العالم كله حاليًا و هيقوم على أساسه مؤتمر COP27 و اللي هيُقام فى شرم الشيخ الشهر القادم.
و دول هم الأهداف ال 17 للتنمية المستدامة. 👇🏻

مساء الخير

اتكلمنا كتير عن الابتكار و التطوير..
طب ايه مفهوم الابتكار عندنا ؟ 🤔

الابتكار : هو خلق طريقة جديدة و مبتكرة تتناسب مع المستهلك و احتياجاته الحالية سواء كانت تكنولوجيا أو افكار جديدة متاحة للحكومات أو الأسواق أو المجتمعات.

بمعني لو فكرنا فيما ما بعد الثورة الصناعية لحد دلوقتي هنلاقي ان السيارات اتغيرت من أول التصميم الخارجي ليها لعند المحرك و البطارية و دايما فى تطوير مستمر.

مثلًا قبل كدا كانت العربية بتشتغل بمحرك ديزل حاليًا بتشتغل بمحرك كهربا ، هو دا الإبتكار اللي بنتكلم عنه.

مع مفهوم الابتكار بيظهر مفهومين كمان و هما : الاختراع و التحسين.
الاختراع : و هو خلق نظام جديد و أفكار لم تكن موجودة مسبقًا.
التحسين : و هو تعديل بيتم على شيء أو نظام موجود بالفعل .

طب فهمنا يعني ايه ابتكار و تطوير .. أنا هطور ليه أصلا أو ايه هدفي؟
طبيعي اي حاجة بنعملها بتكون ب هدف معين
ف منظمة الأمم المتحدة وضعت 17 هدف فيما يعرف ب أهداف التنمية المستدامة و دا اللي هنتكلم عنه المرة الجايه إن شاء الله.

انتظرونا 🔥🏃🏻

زي ما عرفتوا إن شغلنا هو دعم الطلبة فى القيام بأفكارهم و تنفيذها.
ف دول مجموعة من الشباب اشتغلوا على فكرة و هي كيفية خلق و تصنيع filament ل مكينة 3d printer بطريقة مبتكرة من خلال تحويل البلاستيك إلي filament بتصنيع ماكينة يمكنها القيام بالدور دا.

و دول زمايلنا اللي قاموا ب البروجكت دا :
أحمد محمد خضر فرقة تانية ميكانيكا
أميرة محمد حسن فرقة تانية ميكانيكا
أسامة إبراهيم فرقة تانية ميكاترونكس

لي أنت كمان ميكنش عندك فكرة زي دي .. كون تيمك و أعرض فكرتك و هنساعدك فى أي وقت مستني ايه 😉

مسابقة المجلس الأعلي للثقافة التابعة ل وزارة الثقافة المصرية
تستهدف المسابقة إيجاد حلول للمشاكل البيئية
و تنقسم إلي اطارين : اتجاه البحث العلمي
اتجاه الأفكار المبتكرة

آخر موعد للتقديم : 30 نوفمبر 2022
طريقة التقديم : مقر المجلس الأعلي للثقافة
1 شارع الأوبرا-الجزيرة-المجلس الأعلي للثقافة-إدارة المسابقات.

الجوائز :
المركز الأول 7000 جنية لكل فرع من الفرعين
المركز الثاني 5000 جنية لكل فرع من الفرعين
المركز الثالث 3000 جنية لكل فرع من الفرعين

موقع المجلس الأعلي للثقافة : http://scc.gov.eg/?fbclid=IwAR3vZ8Sm5WWxBYc5rY1vRYWrtB4XfcCGKXqoRhlQAPx2CrxW9fXAlrSonRQ

مساء الخير أو صباح الخير على حسب توقيتك

كام واحد فينا جاله فكرة بروجكت و عايز ينفذها
او خلونا نقول كام فكرة جاتلك اصلا ؟

-ممكن يكون ردك انه لا مجليش اي افكار او ما شابه قبل كدا
طب يا سيدي كمل معانا بردو .. 🏃🏻‍♀️

الكلام قد يبان غريب عليك و دا اللي جايين نعرفه انهارده
اعتقد بقا عند اغلبنا فكرة عن ايه هو مكتب التايكو و بيعمل ايه

انهارده جايين نتكلم بشكل اوضح عن هنعمل ايه ؟

زي ما عرفنا أننا بنخلق جو من الابداع و الابتكار داخل الجامعة و بالأخص كلية الهندسة و دا يقيننا منا بأن كلية الهندسة هي منبع الابتكار و رائدة التقدم الذي تسعي إليه اي أمة.

و دا اللي بنحاول نوصله فى الوقت الحالي و هيتم على عدة مراحل من أول مفهوم الابتكار لحد الوصول بفكرتك للتصنيع و خلال المراحل اللي هنمر بيها دي كلما يكون فى فرصة فى أي مكان سواء مسابقات او ندوات هنبعتها هنا على البيدج.

تمام اوي كدا... نستفيد ازاي من خدمات و انشطة المكتب؟
حضرتك لو عندك اي فكرة أو مشروع قابل للتنفيذ و بيخدم المجتمع و تابع لأهداف التنمية المستدامة تقدر تبعتلنا ماسدج و هنوافيك بالتفاصيل
ايه هي التنمية المستدامة دي ؟ دا اللي هنبدأ فى الكلام عنه المرات الجاية إن شاء الله

كونوا على الموعد 🔥

هنستناكم بكرا فى قاعة ال video conference فى الدور الأرضي بمبنى العلوم الأساسية كلية الهندسة جامعة الزقازيق الساعة العاشرة صباحًا.

يسرنا إعلامكم عن ورشة عمل يقدمها مكتب ال TICO بجامعة الزقازيق بعنوان "" براءة الاختراع و تحفيز الابتكار ""

يقدمها الأستاذ الدكتور: محمود السطوحي (مدير مكتب ال TICO بالجامعة) و الأستاذ الدكتور: هاني الباسوسي (وكيل كلية الصيدلية لشئون الدراسات العليا و البحث العلمي و عضو مكتب التايكو).

و ذلك يوم الأحد الموافق 25/9/2022 في تمام العاشرة صباحًا

بقاعة ال video conference فى الدور الأرضي مبني العلوم الأساسية (25) كلية الهندسة جامعة الزقازيق.

وسوف تتناول :

1.كيفية التقدم بطلب الحصول على براءة الاختراع من مكتب براءات الاختراع المصرى.

2.الخطوات التي يجب على المتقدم اتباعها أثناء التقدم وفحص الطلب ومكونات ملف التقدم
3.بعض الجوانب القانونية الخاصة ببراءات الاختراع .

على من يرغب الحضور التسجيل فى الفورم :
https://forms.gle/xUDZ6K7Eb8U2a89H7

يسرنا إعلامكم عن ورشة عمل يقدمها مكتب ال TICO بجامعة الزقازيق بعنوان "" براءة الاختراع و تحفيز الابتكار ""

يقدمها الأستاذ الدكتور: محمود السطوحي (مدير مكتب ال TICO بالجامعة) و الأستاذ الدكتور: هاني الباسوسي (وكيل كلية الصيدلية لشئون الدراسات العليا و البحث العلمي و عضو مكتب التايكو).

و ذلك يوم الأحد الموافق 25/9/2022 في تمام العاشرة صباحًا

بقاعة ال video conference فى الدور الأرضي مبني العلوم الأساسية (25) كلية الهندسة جامعة الزقازيق.

وسوف تتناول :

1.كيفية التقدم بطلب الحصول على براءة الاختراع من مكتب براءات الاختراع المصرى.

2.الخطوات التي يجب على المتقدم اتباعها أثناء التقدم وفحص الطلب ومكونات ملف التقدم
3.بعض الجوانب القانونية الخاصة ببراءات الاختراع .

على من يرغب الحضور التسجيل فى الفورم :
https://forms.gle/xUDZ6K7Eb8U2a89H7

هنكمل انهارده كلامنا عن مهام بقيت المكاتب زي ما عرفنا عن مهام مكتب ال TTO و ال GICO
هنتكلم انهارده عن مهام مكتب دعم الإبتكار التكنولوجى (TISC).

مهام مكتب دعم الإبتكار التكنولوجى (TISC)

1. إعداد سياسة الملكية الفكرية بكلية الهندسة-جامعة الزقازيق
2. أعداد مطبوعات عن حقوق الملكية الفكرية وتوزيعها على جميع تخصصات كلية الهندسة-جامعة الزقازيق.
3. عمل أنشطة وفاعليات داخل الجامعة للتوعية بحقوق الملكية الفكرية وكيفية الحفاظ عليها (مؤتمرات
- ورش عمل - ندوات.)
4. إعداد مادة تعليمية عن حقوق الملكية الفكرية.
5. المساعدة فى عمل إجراءات التقدم لتسجيل براءات إختراع.
6. إعداد مطبوعات عن أهمية وثقافة الإبتكار وتوزيعها على جميع تخصصات الهندسة بالكلية.
7. عمل أنشطة داخل الجامعة للتعريف بثقافة الإبتكار وللترويج للأبحاث التطبيقية.
نشر مستمر لمعلومات عن براءات إختراع وحقوق الملكية الفكرية من خلال الموقع الإلكتروني
.(TICO-Eng_ZU)

و إحدي ورش العمل هذه ستقام يوم 25/9 سارعوا بالتسجيل بها.

معسكر الابتكار التابع لل ISF للمهتمين ..

لو انت طالب في كلية عملية يبقى متفوتش فرصة التسجيل في معسكر الابتكار i-Camp

معسكر الابتكار هيوفرلك فرصة مجانية عشان تعرف أكتر عن مبادئ ريادة الأعمال، وتكتسب المهارات اللي تؤهلك لسوق العمل، وكمان هتعرف ازاي تبدأ Startup بعد التخرج، وتتعلم الخطوات والمهارات المطلوبة، وازاي تجذب المستثمرين وتقنعهم بفكرتك.

كل ده هيكون من خلال محتوى مميز ومحاضرين خبراء هيكونوا معاك خطوة بخطوة عشان تنجح في اجتياز الدورة التدريبية الأولى من i-Camp

الدورات التدريبية هتكون أون لاين على مدار أسبوعين من الأجازة الصيفية.
سجل دلوقتي قبل انتهاء ميعاد التسجيل واللي هيكون يوم 10 سبتمبر.
https://icamp.untapcompete.com/

تواصل معنا عشان تعرف تفاصيل أكتر عن معسكر الابتكار
i-Camp

‎
‎

‎‏

مساء الخير !

اتكلمنا المرة اللي فاتت عن مهام مكتب ال (TTO)
بإذن الله هنتكلم النهاردة عن مهام مكتب ال(GICO)

تتمثل مهام المكتب في :
1. عمل أنشطة وتنظيم فعاليات للتعريف بفوائد وأساليب و مجالات التعاون الدولي

2. التعريف بأساليب وبرامج و مشروعات التواصل و التبادل العلمي على مستوى الطلاب والباحثين وأعضاء هيئة التدريس بين جامعة الزقازيق وجامعات ومعاهد أخرى

3. التنسيق لعمل برامج و مشروعات تبادل علمي بين كلية الهندسة جامعة الزقازيق وجامعات ومعاهد أخرى خاصة في المجالات البحثية و التكنولوجية و زيادة وتوسيع الشراكة مع تلك الجامعات والمعاهد

4. التوعية بمبادرات و مشروعات التعاون الدولي بكلية الهندسة جامعة الزقازيق ودعمها

5. التنسيق لعمل وتفعيل ومتابعة تنفيذ اتفاقيات تعاون دولية مع جامعة الزقازيق خاصة في البحث العلمي و التكنولوجي

6. تبني إعداد ومتابعة سياسة للجامعة في التعاون الدولي في مجالات العلوم والتكنولوجيا

7. تقييم دوري لأهداف جامعة الزقازيق البحثية و التكنولوجية و مدى مواكبتها للوضع العالمي والتطور العلمي و التكنولوجي والصناعي

8. البحث عن والتعريف بجهات التمويل الدولية ( الحكومات، الجامعات، المعاهد، المؤسسات، خلافه)

9. أخيراً وليس آخراً إعداد وتطوير مستمر لنظام إدارة المعلومات (MIS) التعاون الدولي في مجالات العلوم والتكنولوجيا يتم ربطه مع الموقع الإلكتروني للمركز(TICO-ZU)