كل ما يتعلق بعلم الأدوية واستخداماتها �
20/11/2022
مضادات الالتهاب اللاستيروئيدية
😫 الأكثر تأثيراً على المعدة:
⬅️ اندوميتاسين indomethacin
⬅️ بيروكسيكام piroxicam
⬅️ كيتورولاك ketorolac
⬅️ اسبرين Aspirin
😌 الأقل تأثيراً على المعدة:
⬅️ سيليلكوكسيب celecoxib
⬅️ ايبوبروفين ibuprofen
💔 الأكثر تأثيراً على القلب:
⬅️ سيليكوكسيب celecoxib
⬅️ ديكلوفيناك diclofenac
❤️ الأقل تأثيراً على القلب:
⬅️ نابروكسين Naproxen
معاناه يوميه للصيدلي 😂😂
10/08/2022
◀️النهارده معانا حاله من حالات الديرما المشهوره جدا في موسم الصيف ألا وهيا 👈 tinea versicolor او ما تسمى بالتينيا الملونه......
👈السبب؟ ارتفاع درجه الحراره والتعرق الزائد او سوء التنشيف بعد الاستحمام (ترك بيئه رطبه ع الجلد تساعد في نمو الفطر المسبب لها)
👈 الأعراض؟ بقع ملونه بلون يختلف عن طبقه الجلد في أماكن الرقبه والظهر وتحت الإبط .
👈 العلاج؟
1. Systemic antifungal as:
Fluconazole 150 ( flucoral, treflucan, Diflucan, fungican, Nasowell, Naviluca ) Or itraconazole Or ketoconazole
بستعمل كبسوله اسبوعيا لمده اربع اسابيع ☑️
2.Topical antifungal as :
Clotrimazole Or miconazole Or terbenafine
بستعمل دهان او سبراي لأي منتج تجاري يحتوي على اي ماده من التلاته دول تلات مرات في اليوم بعد التشطيف جيدا
3. Antifungal soap :
Fungicare soap Or sulphur soap.
بستعمل صابون للتشطيف مرتين يوميا
👈 النصائح :
1. التنشيف بعد الاستحمام جيدا.( مع تغيير الفوط بإستمرار)
2. عدم التعرض للشمس لوقت أطول.
3. عدم استخدام المنتجات الزيتية ع الجلد.
4. ارتداء ملابس فضفاضه مصنوعه من القطن لتقليل العرق.
صباح الخير رجعنالكم من تاني ☕🌹
... ..... .... .....
كورس ال OTC مجانا لمده شهر كل يوم هنتناول مجموعة من الأمراض مع التشخيص والعلاج... البدايه من أول الشهر بإذن الله نفعني الله وإياكم ❤️💊
كل عام والأمه الإسلاميه بألف خير وسعاد اسأل الله ان يعيده علينا وعليكم بالخير واليمن والبركات ❤️
صباح الخيرات ☀️🌙
النهارده هتكلم عن بكتريا حلزونيه تقريبا موجوده عند نص سكان الكوكب اسمها Helicobacter pylori (جرثومه المعده) وطبعا دي بكتريا جرام نيجاتيف يعني شرسه وخطره جدا والكلام اللي متداول بقى كتيير عنها.....
👈 طيب من اسمها كدا اعرف هيا بتتواجد فين تحديدا؟؟؟
في منطقه ال pylorus في أسفل جدار المعده واللي بيفصل بين المنطقه دي وال small intestine فتحه (صمام) تسمى pyloric sphincter
👈 طيب هيا بتدخل تعمل ايه في الجسم؟؟؟
والله يسيدي دي بتدخل تستوطن جدار المعده وأحيانا لو انت حظك وحش تعدي ع الإثني عشر وهنا تكمن الخطوره اوي وبتاكل في طبقات المعده حتى توصل لل muscle ذات نفسه.... (عافانا الله وإياكم 🤲)
👈 طيب أعرف منين اني مصاب بيها او عندي جرثومه في المعده؟؟؟
في الغالب بتبقى عندك بس بتكون مش واخده راحتها لأن مناعتك شغاله تمام بس فيه تلات علامات يعرفوك إنك مصاب بيها؟؟؟؟
١. فقدان الشهيه
٢. ظهور كريات الدم الحمراء في القئ او البراز
٣. مغص في بعض الأحيان وميل إلى القئ
👈 نعالجها إزاي دي يا دكتور؟؟؟؟؟؟
في مجلات علميه كتيير كتبت مقالات عن علاج الجرثومه بس هنذكر كل أنواع العلاج وامتى اختار نوع العلاج المناسب...
1. Triple therapy
( amoxicillin + PPI + clarithromycin)
2. Quadriple therapy
(bismuth + ppI +metronidazole + tetracycline)
3. Levo triple therapy.
(levofloxacin + amoxicillin + PPI)
ولو خدت العلاجات دي كلها ولسه بتشتكي من وجودها يبقى هنتدخل ال rifabutin اللي هو last choice في ال triple therapy وبكدا نكون قضينا عليها بفضل الله 🤲
👈 طيب انت قلت امتى اختار العلاج المناسب؟؟
فيه دراسه بتقول ان الجرثومه ليها مقاومه عاليه لل clarithromycin فبالتالي لو تم استخدامه مش هيكون ليه لازمه بس برضو هنبدأ بنوع العلاج دا لأنه الأفضل... طب وامتى استخدم النوع التاني؟؟ لما يكون النوع الأول مجابش نتيجه والتالت هكذا.....
(طبعا فتره العلاج بتقعد من 7 ل14 يوم وأحيانا بتقعد شهر)
👈 طيب بتنصح المريض بنظام غذائي؟؟؟
ممنوع السكريات والحمضيات والأكل اللي كله توابل وناكل حاجات مسلوقه خفيفه ع المعده وربنا يجيب الشفاء من عنده ان شاء الله ❤️
20/04/2022
الماده الفعاله التانيه معانا في الأدوية اللي تأثيرها الجانبي خطير جدا لو زادت عن الجرعه المعتاده وهيا ال
بتركيزات في السوق من 100 ل 400 مجم حسب الشكل الدوائي
👈 قبل ما نعرف خطرها هنتكلم عن الميكانيزم؟؟
1. Phosphodiestrase inh. :
👈 بتمنع الانزيم دا يشتغل على ال receptor الخاص بيه فبتزود تركيز ال cAMP واللي بدوره بيعمل smooth muscle relaxtion فبالتالي بيعمل bronchodilation توسع الشعب الهوائيه.. وليه تأثير على عضلات القلب برضو بيزود ال inotropic وال chronotropic..
👈 طيب ايه استخدامات الماده الفعاله؟؟
1. Chronic bronchitis
2. emphysema
3. shortness of breath
👈 طب الجرعه يعم؟؟
قرص يوميا في الظروف الاعتياديه لأن الجرعه الموصى بيها للكبار في اليوم هيا من 400 _600 mg....
👈 ايه المشكله بقا في دا كله؟؟؟
لو زودت في الجرعه لشخص عنده مشاكل في القلب اصلا او عنده arrythmia ⚠️⚠️ كدا الراجل هيروح فيها وهتزود الطين بله... دا غير كدا هتعمله تشنجات عصبيه لأنها بتأثر ع ال CNS وبتأثر على GIT
👈 طب ايه التوصيات؟؟
تسأل المريض قبل ما تكتبله الجرعه عن حاجتين :
١. لو عنده مرض عصبي
٢. لو عنده مرض في القلب
٣.لو عنده قرحة معده
#وشكرا
16/04/2022
النهارده عايز اتكلم عن #خطر ماده فعاله متواجده في السوق من زمان وهيا مستخلصه من نبات اسمه Digitalis....
(lanoxin 0.05,0.25, 0.5 microgram) (cardixin 0.25)
_ الماده دي انتشر عنها بسبب سوء الاستخدام او سوء الإرشادات من قِبَل الساده الدخلاء في مهنه الصيدله وتسببت في حالات وفاه منها شخص اتوفى من يومين بسبب نفس الموضوع!!!!!! 💔
👈تعالو نتكلم الأول عن الماده دي بالتفصيل؟؟؟؟؟
اولا:الماده دي بتشتغل ازاي ببساطه شديده؟
بتشتغل على حاجتين؟؟
1.Na/k atpase blocking
فبتزود دخول الصوديوم جوا الخليه العضليه القلبيه وتطلع البوتاسيوم بره يعني وبعدين ييجي Na/ca atpase intiating فيزود دخول الكالسيوم جوا الخليه فيخلي انقباض العضله القلبيه في حاله اللا استقطاب زي الفل 💕↗️↗️ يعني بيزود ال inotropic +
2. Parasympathetic (vagus nerve)
هنا بيقلل ال heart rate معدل ضربات القلب فيمنع حاجه اسمها atrial fibrillation ذبذبه الأذين المستمره تحس ان ضربات القلب عاليه ع الفاضي يعني بيقلل ال chronotropic
👈 سيادتك انت بقا بتستخدمه ليه كمريض؟؟
لو عندك رجفان او رفرفه في عضله القلب ومستمره بتروح تعمل رسم قلب وتعرضها على الطبيب المختص فيكتبلك الدوا دا 👨⚕️💊
👈 جرعته ايه يبني صدعتنا بقا؟؟؟؟ حاضر هقولك 👀
الجرعه الاعتياديه هيا :نص قرص او قرص مره واحده بعد الفطار يوميا ⚠️⚠️⚠️وفي حالات بتستدعي قرص مرتين يوميا بس استنى ( راحه يومين الخميس والجمعه).......
👈 اشمعنا بقا راحه يومين افهمها دي 🤔؟؟؟
ال digoxin للأسف فتره نصف العمر بتاعته 40 ساعه يعني ايه؟؟؟ يعني بيوصل لنص تركيزه في الدم بعد تقريبا يومين 😱😱 ⚠️⚠️يعني ممكن يتراكم في الدم ويعمل مشاكل؟؟؟؟
اه ويموتك كمان 🙂
👈 طب الحل؟؟؟
انك يعم لما تستخدم الدوا كمريض تبقا عارف جرعته كويس وانك لازم ترتاح يومين متاخدش الدوا دا يفندم ❤️
👈 طيب حاجه تانيه عايز تعرفها ؟؟
لا شكرا يعم
24/03/2022
2nd lecture 📸
19/02/2022
مساء الخير يا دكاتره سنه تانيه فارم دي 😍
اولا : كل سنه وانتم طيبين وان شاء الله يكون ترم سعيد على الجميع وبدايه موفقه بإذن الله...
معاكم اخوكم أحمد صقر الفرقه الرابعه هبدأ معاكم كورس فارما ١ الترم دا ✅
تقسيمه الماده كالآتي من حيث المحتوى :
1.General (introduction)
2. Autonomic nervus system
3. cardiovascular system
من حيث الدرجات الماده من 150 درجه :-
75 درجه بيبر
20 درجه شفوي
30 درجه عملي
15 ميد
10درجات حضور وغياب وانشطه
______________________________________________________________________________
ان شاء الله الترم يكون لذيذ خالص ونتابع مع بعض أول بأول وتشرفوني بالامتيازات 💪♥️♥️
دا جروب التيليجرام هينزل عليه الورق والفيديوهات الخاصه بالشرح 👇
https://t.me/joinchat/ZUmSLmfOUEJiZGM0
05/01/2022
#طبعا و اكيد بييجي ع بال اي شخص وهو معدي على اي صيدليه يلاقي الشعار ده 🤔 طب هو ايه فكرته واشمعنا اتعمل الشعار دا مخصوص للصيدله عموما؟؟؟؟؟
الشعار ده هو رمز لإله الطب عند الإغريق القدماء ، و المعروف عندهم باسم (اسكليبيوس)، والراجل ده ينحدر من عائلة تعاطت الطب في زمنهم (يعني ناس درست الطب من جذوره) ، وجدُِّه على ما قالوا هو الإله (أبولو)، وهو أيضاً من آلهة الطب، وزوجته أو ابنته على الخلاف بين مؤرخيهم هي آلهة الصحة واسمها (هيجيا).
وبيرمزو لل الإله بصورة رجل يحمل بيمينه عصا يلتف حولها ثعبان، والرجل هو (اسكليبيوس)، والعصا شعار المسافر الذي لا يقر له قرار، والثعبان دليل المعرفة، وهو اللي عرف اسكليبيوس بنبتة الحياة، وهي أن اسكليبيوس هذا كان مسافراً، وفي أحد الأيام طلع له ثعبان وهو في الفلاة، فمد عصاه إلى الثعبان ولما التف حولها رفعه إلى أعلى وضربه على الأرض، فمات الثعبان ، وبينما هو ينظر إليه إذ خرج ثعبان آخر يحمل في فيه نبتة حتى وضعها في فم الثعبان الميت، وما هي إلا لحظات حتى عادت الحياة إلى الثعبان الأول، فعلم اسكليبيوس بسر هذه النبتة وأصبح يستخدمها في إحياء الموتى.
وطبعا قرروا يحطو الكأس مكان العصا في الشعار لما لقو بنته في الصوره ماسكه الكأس فيه دوا فقالو دا الأصلح والأدق عشان يعبر عن الصيدله. وبسس كده يعم ☺️