Dr. Zahra Ayman

النهارده هقول لك 7⃣ حاجات ابنك / بنتك هيفضل فاكرها عنك وصـــعب جداً ينساها 🤦🏻‍♀️

1⃣ هيفضل فاكر أسلوب كلامك معه

كنت بتكلمه ازاي بتعامل معه علي أساس انه ابنك بعطف وحنان واهتمام ولا كأنك مُديره عاوز كل حاجه تمشي مضبوط 🤷🏻‍♀️

2⃣ كان فين في حياتك
كنت بتسمعه وتفهمه وتهتم انك تديله من وقتك لأنك فعلا عاوز تقرب منه ولا بتسمعه علشان تعرف هو مخـــبي ايه عنك ويبقي طول الوقت تحت سيـــطرتك 🤷🏻‍♀️

🎯 خلي بالك ابنك/ بنتك بيعرف يفرق بين الأتنين وفاهم كويس أووي الفرق بينهم 😉

3⃣ هيفتكر لك الأوقات اللي حسسته بالأمان وانك بتحبه وبتحميه

4⃣ هيفتكر الأوقات اللي تعاملت معه فيها قدام الناس والأهل

اتعاملت معه برحمه وقبول واحترام لصورته الذاتيه واحتفظت بسريه أسراره ولسلوكياته واخطاءه ولا كنت بتتعمد قدام الناس تقـــلل منه وتشتـــكي منه وتقـــارنة باللي حواليه

🎯ابنك / بنتك لن يتجاوز الذكري دي هتفضل موجوده جوه عقله طول الوقت 🤷🏻‍♀️

5⃣ هيفتكر الأوقات اللي دافـــعت فيها عنه وعن حقه

في مدرسه او لو تعرض لموقف مُـــؤلم ... حد تنمـــر عليه مثلا

هل دافـــعت عن حقه وعلمته ازاي يدافع عن نفسه وثقته بنفسه تزيد

ولا
قولت له انت السبب ماانت اللي ضـــعيف 🤔🤷🏻‍♀️

6⃣ تعاملك معه لما يغـــلط
هل كنت بتتعامل معه علي أساس انه طفل بيتعلم فعادي يغـــلط عادي يتكلم غـــلط عادي يكتشف وعادي يتلغبط

ولا كنت بتتعامل معه علي أساس انه متعلم جاهز ممنـــوع يغـــلط ، ممنـــوع يعلي صوته ممنـــوع ممنوع وتتعامل معه علي انه كبير

لكن بتنسي إن حتي الكبار لسه بيتعلموا وبيغلـــطوا 🤷🏻‍♀️

7⃣ الأوقات الحلوه
( ابنك / بنتك استحاله ينسي أوقات الهزار واللعب والضحك والهدايا هل بتعمل كده معه حالياً و بتبني معه ذكريات سعيدة يفتكرك بيها ولا ذكرياتك معه كلها عنـــف وتهـــديد وعصبـــيه وغضـــب وصوت عالي)


🤷🏻‍♀️ طريقه تعاملك حالياً مع ابنك/ بنتك هي الذكريات اللي هيفتكرها عنك بعدين لما يتسأل عن طفولته وعلاقته بأهله 👌🏻


ربنا يحفظ أولادنا أجمعين ويساعدني علي تربيتهم بنفسيه سليمة 🤍

شاركيني ناوي تسيب ذكريات ايه لإبنك / بنتك! ؟

دي المواعيد الرسمية اللي أعلنتها وزارة التربية والتعليم:

*مواعيد تقديم المدارس للسنة الدراسية 2026 / 2027 في مصر* 🎒📅

*1. رياض الأطفال KG1 - حكومي + تجريبي + رسمي لغات*
- *يبدأ*: 1 يونيو 2026
- *ينتهي*: 30 يونيو 2026
- *السن*: لازم الطفل يكون 4 سنين على الأقل، ومايزيدش عن 5 سنين ويوم واحد في 1 أكتوبر 2026
- *التقديم*: إلكتروني أولاً على موقع الوزارة أو المديرية، وبعد القبول المبدئي بتروحي المدرسة بالأوراق

*2. الصف الأول الابتدائي - حكومي*
- *يبدأ*: 28 مايو 2026
- *التقديم*: إلكتروني أولاً، وبعدها استكمال الورق في المدرسة

*3. المدارس الخاصة والدولية + اليابانية + التربية الخاصة*
- *من*: 4 يونيو 2026 *لحد*: 9 يوليو 2026
- *ملاحظة*: لازم تسجلي إلكتروني الأول قبل ما تروحي المدرسة

*4. بعض المدارس الدولية - تقديم مبكر*
مثال: المدرسة المصرية الألمانية KG1 بدأ التقديم 24 مارس 2026 وخلص 24 أبريل 2026

*5. بداية الدراسة*
العام الدراسي الجديد هيبدأ *12 سبتمبر 2026*

*خطوات التقديم الإلكتروني باختصار:*
1. ادخلي موقع الوزارة أو المديرية التعليمية التابعة لمحافظتك
2. اختاري نوع المدرسة وسجلي بيانات الطفل وولي الأمر
3. ارفعي الأوراق وحددي الرغبات حسب التوزيع الجغرافي
4. تابعي النتيجة على الموقع، ولما يتقبل مبدئياً روحي المدرسة بالأصول

*أوراق هتحتاجيها بعد القبول المبدئي:*
- استمارة التقديم الإلكترونية مطبوعة
- شهادة ميلاد كمبيوتر + صور
- صور بطاقة الأب والأم
- 8 صور شخصية للطفل 4×6
- إثبات سكن + البطاقة الصحية
صورة مناسبة لهذا المنشور

محمد عبد اللطيف: نستهدف تحويل التعليم الفني لتعليم دولي متطور بشهادة دولية

منعا للخبطة.. دي قصة تغيير المناهج لكل الصفوف:

= أولى ابتدائي: عربي (بدون تغيير) (إنجليزي بدون تغيير) رياضة (ياباني تم التغيير).

= تانية ابتدائي: عربي (بدون تغيير) (إنجليزي مكمل بدون تغيير) رياضة (ياباني هيحصل تغيير).

= ٣ ابتدائي: عربي (بدون تغيير) (إنجليزي مكمل بدون تغيير) رياضة (ياباني هيحصل تغيير).

= ٤ ابتدائي: كله بدون تغيير ما عدا العلوم هتكون يابني.

= ٥ ابتدائي: كله بدون تغيير ما عدا العلوم هتبقى ياباني.

= ٦ ابتدائي: كله بدون تغيير.. ما عدا العلوم هتبقى ياباني.

= أولى إعدادي: بدون تغيير.

= تانية إعدادي: بدون تغيير.

= ٣ إعدادي: نظام جديد.

= نظام البكالوريا: كله جديد.

= البكالوريا: مواد العلوم والرياضيات (منهج ياباني).

= ٢ ثانوي عام: بدون تغيير.

= ٣ ثانوي عام: بدون تغيير.

= ده الثابت حتى الآن بخصوص العام الدراسي المقبل 🙏

تغيير شامل في منظومة التعليم بقرارات تُعلن لأول مرة:

لو عندك طالب في أي صف دراسي أو مرحلة تعليمية اقرأ الكلام ده علشان فيه مفاجآت جديدة لازم تعرفها:

أولا: السنة الجاية لو ابنك في تانية ابتدائي أو تالتة ابتدائي هيلاقي منهج الرياضيات متغير كله.. هيلاقي منهج ياباني.. منهج الرياضيات بتاع تانية وتالتة السنادي هيتلغي كله ويتعمل مكانه منهج رياضيات جديد.. ياباني.

ثانيًا: خلال ٣ سنين من النهاردة هتتغير مناهج الرياضيات لجميع الصفوف الدراسية.. كلها هتبقى رياضيات يابانية.. من أولى ابتدائي لحد ٣ ثانوي.. بس السنة الجاية تانية وتالتة ابتدائي فقط.. وكدة كدة رياضيات أولى ابتدائي اتغيرت السنادي وبقت رياضيات ياباني.

ثالثا: العلوم والرياضيات في نظام البكالوريا هتبقى ياباني.. يعني هتلاقي رياضيات ياباني فيزياء ياباني كيمياء ياباني أحياء ياباني.. المناهج الجديدة اللي هتنزل البكالوريا ياباني.. والكلام على الصفوف الثانوية الثلاثة مش صف واحد.

رابعا: كتير جدا كانوا اتكلموا واشتكوا من مناهج العلوم بتاعت ابتدائي.. فلو ابنك بقى رايح رابعة أو خامسة أو سادسة ابتدائي مش هيلاقي مناهج العلوم بتاعت السنادي.. هيلاقي مناهج علوم كلها ياباني.. يعني مناهج علوم جديدة بتدرس في اليابان.. هندرسها باللغة المصرية للمدارس العربي.. وباللغة الإنجليزية لمدارس اللغات (تجريبي وخاص).. بس هتتراجع مع أساتذة الجامعات المصرية لما تخلص عشان تبقى بلغة وثقافة مصرية.

خامسا: لو رايح أولى بكالوريا أو أولى ثانوي.. هتلاقي البرمجة في وشك.. على منصة يابانية.. وحتى لو رايح أولى ثانوي فني.. برضو هتدرس البرمجة.. المادة مكملة مش هتتلغي.. ده هيدخل معاها كمان مادة الثقافة المالية بس دي مفيهاش نجاح ورسوب دي مادة نشاط.. لكن مادة البرمجة أساسية ومفيهاش كتب وفيها نجاح ورسوب.

سادسا: الموضوع مش هيقف عند المناهج الياباني لكل الصفوف.. ده هيكون فيه تدريب ياباني لكل المعلمين.. تدريب لمدة سنة كاملة.

سابعا: لو ابن حضرتك في مدرسة دولية.. فهو هيكمل دراسة مواد الهوية الوطنية (التربية الدينية، واللغة العربية، والتاريخ).. المواد دي أساسية ومش هتتلغي ولا هتكون خارج المجموع.. والمدرسة اللي هتخالف هيتحفظوا عليها.

ثامنا: هتطبق البكالوريا التكنولوجية.. ودي غير البكالوريا المصرية بتاعت الثانوية العامة.. دي بكالوريا تكنولوجية فنية.. خاصة بالتعليم الفني.. ودي فيها محاولات امتحانية مختلفة ومسارات شبيهة بمسارات البكالوريا وتقدر تحسن مجموعك وكدة.. وأي طالب هيتخرج منها هيكون واخد شهادة من دولة أوروبية.. علشان المدارس التكنولوجية هتكون تحت شهادات دولية بحيث اللي يتخرج يشتغل بالشهادة الدولية.. والحكومة عايزة يكون فيه إقبال على التعليم التكنولوجي أكتر من الإقبال على البكالوريا والثانوية العامة.

ده اللي واضح للعام الدراسي المقبل من النهاردة.. واللي عرفته إن فيه مفاجآت تانية بالجملة لسه مظهرتش.

وده ملخص كلام وزير التربية والتعليم النهاردة قدام جلسة مجلس الشيوخ.

كله ياباني 🤝

- قال تعالى :
﴿وَٱللَّهُ جَعَلَ لَكُم مِّنۡ أَنفُسِكُمۡ أَزۡوَ ٰ⁠جࣰا وَجَعَلَ لَكُم مِّنۡ أَزۡوَ ٰ⁠جِكُم بَنِینَ وَحَفَدَةࣰ وَرَزَقَكُم مِّنَ ٱلطَّیِّبَـٰتِۚ أَفَبِٱلۡبَـٰطِلِ یُؤۡمِنُونَ وَبِنِعۡمَتِ ٱللَّهِ هُمۡ یَكۡفُرُونَ﴾«[سُورَةُ النَّحۡلِ: ٧٢]»

- وقال سبحانه :
﴿وَأَنكِحُوا۟ ٱلۡأَیَـٰمَىٰ مِنكُمۡ وَٱلصَّـٰلِحِینَ مِنۡ عِبَادِكُمۡ وَإِمَاۤئكُمۡۚ إِن یَكُونُوا۟ فُقَرَاۤءَ يُغۡنِهِمُ ٱللَّهُ مِن فَضۡلِهِۦۗ وَٱللَّهُ وَ ٰ⁠سِعٌ عَلِیمٌ﴾«[سُورَةُ النُّورِ: ٣٢]»

تأمّل كيف قرن الله بين الزواج والرزق،
وكيف جعله سبحانه بابًا من أبواب السكينة والخير والبركة.

فالزواج ليس مجرد علاقة بين رجل وامرأة،
بل نعمة يُبارك الله بها الأعمار، ويوسّع بها الأرزاق، ويجعل فيها مودة ورحمة وسَعة.

ولذلك كان من أعظم ما يحفظ البيوت:
تقوى الله، وصيانة النعمة من الذنوب والمعاصي،
فإن المعصية تُطفئ بركة الطاعة، وتُكدّر النعم وإن كثرت.

فاللهم بارك في بيوتنا، وارزقنا الحلال الطيب،
وأدم علينا نعمك، ولا تجعل للذنوب طريقًا يفسد علينا ما رزقتنا إياه. 🤍

POV:
٩٩٪ من الناس
اللي بتحاول تضايقك

بتضايقك بالحاجات اللي بتحرق دمها هي أو بتفرق معاها هي
مش بتفرق معاك انت!

يعني اللي عنده نقص ومتعور من كل حتة هيحاول يقل منك
والجعان ومحروم هيضايقك ف حقك والفلوس

اللي مش حابة شكلها وجسمها وناقعة وشها ف الدقيق طول الوقت هتصطادك ف شكلك ولبسك طول الوقت

اللي عنده رفض ناحية عياله ومش شايف غير عيوبهم كل ما يشوف عيالك يحبطهم بالكلام أو يحبطك فيهم

اللي ما صدق يبقى ليه لأزمة وقيمة واستحمل الإهانة عشان يوصل لمنصب معين هيحاول يعمل فيك كل الحاجات اللي كانت بتدمره نفسياً ع ما وصل

اللي سمعته زي الزفت أول حاجة هيعملها هيشوه سمعتك
اللي عارف إنه مضطرب ومش متزن وتصرفاته بتقلل منه ويحاول يثبت عدم منطقية تصرفاتك وإنها نابعة من مشاعر مش متزنة

زي الشيطان أكتر حاجة وجعته إنه خرج من الجنة فلما حب يأذي آدم حب يعيشه شعور الغل اللي عاشه واللي جننه إن آدم تأقلم وعاش واستغفر وهو عايش بغله لحد دلوقت..

حتى أول فتنة عملها ع الأرض هي إنه خلى ولاد آدم يتقاتلوا بسبب الحسد وعدم الرضا..

لو فهمت اللعبة دي معظم الحاجات اللي كنت بتشخصنها عليك وتوجعك هترجعها لأصحابها وتعيش مرتاح ومتوازن.♥️

سَيعوضك اللّٰه حتي تطمئن روحك ..
لقد نُمت ولم يُسهرك ألَم أو مرض او زلازل. وقُمت ولم تُفزِعك مصيبة، وأصبحت من نومك وأنت بخير ؛ أنت في نعمة يصغر معها كل همّ،
لا تجعل همومك الصغيرة تُنغّص عليك هذه النّعَم الكبيرة. فـ والله لو فقدت شيئًا منها لعلمت أن همومك تلك كانت لا شيء، وأنك كنت تملك أكبر نعمة كن من الحامدين 🙏🏻.
‏- ثُم تُنادي يا جبّار إجبرني ،
فيجبر كُل الصدوع التي في قلبكِ، وينبُت مكانها ورداً .
‏"قاوم حتى لو وصلتَ ممزقاً ، لذّةُ الوصول ستُرممكَ ".
"ثق بربك.. فمن أضآء الكون بعد ظلامه،،
قادر على إضآءة أمنياتك وأحلامك.."

اللهُم نَجاة كنجاة يونس،
‏وعوضاً كعوض يوسف🤍

لا تبحث عن أحد , طالما لم تغيّر عنوانك

امشي في طريقك مهما كانت حالتك النفسية
اشتغل على هدفك حتى لو زعلان
ذاكر حتى لو مش قادر
انزل شغلك وانت تعبان
وروح كليتك وانت مخنوق

مش لازم تكون في أفضل حالة علشان تبدأ
لكن لازم تبدأ علشان توصل لأفضل حالة

كمل طريقك حتى لو الظروف كلها ضدك
حتى لو حزين، حتى لو متألم، حتى لو مضغوط
اوعى تستنى الظروف تتحسن
لأن الانتظار ممكن يسرق عمرك كله

ولو كان النجاح سهل , كان الكل وصل
استعن بالله ولا تعجز
وافصل بين ظروفك وهدفك
وحاول , حتى لو المحاولة صعبة

ومتتنازلش عن حلمك لأي ظرف
ولو وقعت مرة , قوم تاني
واصبر واثبت، ده قدر ربنا ومكتوب

ابتسم , مش علشان الدنيا سهلة
لكن علشان انت أقوى منها
وخلي اللي حواليك يشوفوا نورك حتى لو جواك تعب

الناس ممكن تساعدك مرة
لكن محدش هيشيلك طول الطريق
مش علشان بيحبوكش
لكن لأن كل واحد شايل همه زيه زيك

ادعي دايماً
“اللهم أبعد عني من يظهرون الحب نفاقاً، واصرف عني كل سوء”

افتكر دايماً
الدنيا مش مستاهلة نحمل نفسنا فوق طاقتها
وكل اللي بنمر بيه , مرحلة وهتعدي

خلي أملك في ربنا كبير
واسعى ,وابتسم , وكمل

✅ : يعتمد جدول امتحانات الفصل الدراسي الثاني للعام الدراسي ٢٠٢٥ / ٢٠٢٦