16/08/2026
7 سنين من ميرار… 7 سنين مليانين بتفاصيل ووجوه وحكايات كتير، وكل سنة فيهم كانت بتضيف فصل جديد للحكاية. ❤️
والسنة دي، قررنا نحتفل مش بس بمرور 7 سنين، لكن بكل شخص كان جزء من الرحلة دي، سواء طالب، محاضر، موظف، أو حد شاركنا لحظة من لحظات ميرار. ✨
احتفالنا كان يوم مختلف بكل تفاصيله؛ ضحكنا، لعبنا، اتنافسنا، كسبنا، اتصورنا، اتكرمنا، وأكلنا سوا… والأهم إننا قضينا وقت جميل مع بعض وعملنا ذكريات جديدة هنفضل فاكرينها. 🎉
شكرًا لكل طلاب ميرار اللي حضروا وشاركوا وفرحونا بوجودهم.
وشكرًا لكل المحاضرين والموظفين اللي كانوا جزء أساسي من كل خطوة في رحلة ميرار.
وشكرًا لضيوفنا المميزين على وقتهم وخبراتهم والكلام اللي شاركونا بيه. ❤️
وشكر خاص لكل شخص كان جزء من ميرار في أي وقت خلال الـ7 سنين اللي فاتوا… حتى لو كانت رحلته معانا بدأت من سنين، وجودك فضل جزء من الحكاية. 🥹
انبسطنا بيكم أكتر مما نقدر نوصف، وفرحتنا الحقيقية كانت إننا شوفنا عيلة ميرار كلها بتتجمع وتحتفل سوا. ❤️
دي مش مجرد صور من يوم احتفال…
دي ذكريات جديدة انضمت لقصص ميرار. 📸
شكرًا إنكم كنتوا جزء من الحكاية، وشكرًا لكل لحظة حلوة عشناها معاكم.
والحكاية لسه مكملة… واللي جاي أحلى بإذن الله. ❤️
7 Years, Countless Stories.
