Mind Shift

10/11/2018

الحماس☀️ اللي بنبدأ بيه أي حاجة جديدة علينا سواء شغل جديد بيت جديد أو حتى أكلة جديدة أول مرة تجربها؛ احتمال كبير بعدها يقل تدريجي لو مفيش سبب يخلي حماسك دا يفضل😌، والحماس بيفضل لو انت مؤمن بالمكان اللي انت فيه.. هتفضل تنتج فيه أيًا كان اللي هتقابله في المكان ، ونتاجك دا هيكون أحسن حاجة لو حابب الشغل للشغل، وإنك تتطوع لل"المساعدة" مش لغرض تاني 👋
وجزء من إن الناس تفضل تنتج في المكان اللي هي فيه إنها تلاقي تقدير لشغلها اللي فات أوتشجيع للي جاي
وغير إنك تشجع، مطلوب منك تبقى مُشارك في اللي بيحصل عشان دول اللي هيتعاملوا بدالكم بعد كدا 🙋‍♀️

- اللجنة الرياضية فرقة تانية " أحمد الحداد"
- لجنة الأسر فرقة تانية " نورهان خضر"
شارك في العموم واختار اللي هيمثلك بعد كدا 🔥
Ahmed Elhadad
Nourhan Khedr
📢

19/10/2018

استنونا في القريب العاجل⏳

#فكرة 💡

*We are who knock the ideas*
say our name..
-Mind Shift ☀️

#فكرة 💡
⏳

19/10/2018

*We are who knock the ideas*
say our name..
-Mind Shift ☀️

#فكرة 💡
⏳

01/10/2018

قيل"كثرة الضحك يُميت القلب" وقيل"الضحك من غير سبب قلة أدب" دي أمثال شعبية مشهورة.
وثبت علميًا صحة المقولتين من خلال دراسات اتعملت في جامعة برمنجام وأثبتوا إن كتر الضحك "Excessive Laughter" فعلًا ممكن يكون خطر على الصحة وممكن يوقف القلب وبيجيب أزمة ويعمل إغماء يعنى بيموت وكتر الضحك بيدل برضه على وجود أمراض نفسية.

ومع ذلك فالضحك له فوائد كتير منها إن الضحك بيحسن الهضم وبيزود الشعور بالسعادة😁

ويؤكد العلماء إن مفيش نسبة معينة من الضحك عشان يكون صحي، يعني اضحك بس متزودش😌

30/09/2018

ترسيخًا لمبدأ المساواة؛ الكلية ركبتلنا شاشتين واحدة للماتشات عشان الشباب والتانية للمسلسلات التركي والهندي عشان البنات 🙄
الكلية دي كريمة أوي يا بابا 😂

29/09/2018

استنونا قريب 😎
#التكية 📢

التّكْيَة ❤

أكبر تجمع ثقافي فنّي حصل في تاريخ صيدلة،
من سنتين أعضاء اللجنة الثقافية في الاتحاد قالو ليه منجمعش الأعمال الثقافية في حاجة واحدة، بدل ما كل أسرة أو لجنة بتشتغل لحالها ونبقي شغّالين علي نفس الخط!🤔
بس قعدت فترة كدا فكرة ملهاش ملامح محددة لسّة،

الفكرةكِبرت وحطينا الأساسيات بتاعتها لحد ما بقيت التّكْية في شكلها دلوقتي❤

طب ليه أكبر تجمع ثقافي؟ لأنها تُعتبر بتضم كل كيانات الكلية،
زي اللجنة الثقافية والفنية بالاتحاد، الجمعية الأدبية، أسرة لينك،أسرة ليدرز، وأخيرًا أسرة مايند شيفت ❤

السنة اللي قبل اللي فاتت التّكْيَة خرجت للنُور واستمرت لحد دلوقتي ❤
مع بداية سنة جديدة راجعين تاني وبقوّة ❤
استنُونا قريبًا جدًا😎

#التّكْيَة❤

29/09/2018

لو حد قالك إن الرياضة مضرّة هتصدقه!
-لا طبعًا مش هصدقه😌
طب إيه رأيك إن الرياضة ممكن تبقى مضرة لو زادت عن حدها.
-طب إزاي؟!🤔
هقولك، ممارسة الرياضة أكتر من ساعتين يوميًا لمدة أسبوع بيحمل عليك جهد زيادة فبيزود إفراز الكورتيزول.
-وفين المشكلة؟!
المشكلة إن الكورتيزول لما يزيد بيعمل ضعف مناعة، ضغط عالي، سكر، التهاب مفاضل، وجع في العضم، هشاشة، مشاكل في عضلة القلب والأمعاء.😱

وده يعتبر أكبر مثال على مقولة "الشئ اللي يزيد عن حده يقلب لضده"؛ يعني مارس الرياضة بس بشكل معتدل ومنظم عشان تحافظ على صحتك وتكون في أحسن حال 💪

06/09/2018

"أهلًا بكم في واقع أهدافنا" 🎉

حاولنا بقدر المستطاع نعرّفكم إحنا مين وبنعمل إيه، لكن لينا لقاء آخر في الدراسة بعون الله.

"الفكرة باقية والأفراد زائلون"😌

☀️

20/08/2018

قبل الزحمة وأكل اللح... ششششش بس بقى 🔥😂
كل سنة وانتم أطيب من السنة اللي قبلها 🐑♥️
متقعدوش في البيت اخرجوا أي مكان🎉

احكولنا عن ذكرى ليكم في عيد فات 🤔

13/08/2018

"وَالْفَجْرِ وَلَيَالٍ عَشْرٍ"

‏ﺧﻴﺮ ﺃﻳﺎﻡ ﺍﻟﺪﻧﻴﺎ تعدوا، فاستغلوها كما يجب.
إﻧﻬﺎ ﺍلعشر الأوائل من ذي الحچة. 🕋

تقبل الله منا ومنكم فيهم صالح الأعمال🙌