تهدف (أسرة معا) لخلق جيل من المثقفين و الواعيين
30/03/2025
خلاص هنودع رمضان واحنا بنتمنى إننا نكون من الفائزين فيه، ممن غُفرت ذنوبهم، و رُفعت درجاتهم، وكُتبت لهم الرحمه والعتق من النيران
ختم الله صيامكم بالقبول.🩵
ومع وداعه بيهل علينا العيد، و إظهار الفرح فيه عبادة
قال تعالىٰ "ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ"
فخلوا البهجة تملأ قلوبكم، وابدأوا العيد بتكبير وتهليل.✨
كل عام وأنتم بخير، عيدكم مبارك ، وتقبل الله منا ومنكم صالح الأعمال.✨🩵
تبدأ العشر الأواخر، وسواء استغليت اللي فات او قصرت فيه فالعشر الأواخر فرصه كبيرة تتدارك الي فاتك.🌖✨
العشر الأواخر من رمضان هي أفضل أيام الشهر، وكان الرسول ﷺ يجتهد فالعبادة فالعشر الأواخر ، وكان يعتزل الدنيا ليصفو قلبه لله.
تخيل أفضل أيام في أفضل شهر في السنة!
يكفي ان فيها ليلة القدر، الليلة التي أنزل فيها القرآن، وهي خير من ألف شهر.✨
"مَن يَقُمْ لَيْلَةَ القَدْرِ، إيمَانًا واحْتِسَابًا، غُفِرَ له ما تَقَدَّمَ مِن ذَنْبِهِ"!
وفي ليلة من ليالي رمضان يقال انها ليلة القدر بتتنزل فيها الملائكة ويُكتب فيها قَدَر العباد للسنة القادمة!
متضيعش الفرصه دي، واستغل الأيام الأخيرة بالصلاة، والذكر، وقراءة القرآن، والدعاء.💙✨
انقضى العشر الأوائل وبدأت العشر الثانية! 🌔
الأيام بتمر بسرعة رهيبة!!
عشان كدا زي ما قال سيدنا عمر بن الخطاب "لا تَصغُرنَّ همَّتُكم" ✨
دخلنا في العشر الثانيه من رمضان، و زي ما احنا عارفين ان رمضان شهر الخير والبركة، بس ناس كتير بيكونوا متحمسين جدا في أول عشر أيام وبعدين عزيمتهم وحماسهم يقل.
وعشان كدا بيكون في جهاد ومقاومة للنفس ومحاولة للثبات في كسب الأجر..
"وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا"
يعني اللي بيجاهدو نفسهم ربنا هيهديهم لطريق الجنة، فمحاولاتنا للثبات في الأيام اللي بتقل فيها همتنا اجرها أكبر وأعظم!💙✨
وهي فرصه لو حصل تقصير في العشر الاوائل للعودة، وفرصة نستعد فيهم للعشر الأواخر عشان نستقبل الأيام العظيمه القادمه بهمة.
الشهر يمر سريعًا ولا يعود! "أَيَّاما مَّعْدُودَاتٍ"⏳
رمضان.. فرصتك تبدأ من جديد!🌙✨
تخيل يكون عندك فرصة تفتح صفحة جديدة مع ربنا، صفحة بيضا مفيهاش ولا غلطة، بس المطلوب منك حاجة واحدة.. إنك تاخد الخطوة!
فرصة ربّانية للتغيير والتوبة.. "الصلوات الخمس، والجمعة إلى الجمعة، ورمضان إلى رمضان، مكفرات لما بينهن إذا اجتنبت الكبائر"
يعني لو اجتنبنا الكبائر بس رمضان دا واللي بعده، ربنا هيغفر لنا ذنوب 11 شهر بينهم!
عشان كده جبريل عليه السلام دعا على اللي يضيع رمضان بدون ما يُغفر له، ونبينا ﷺ أمّن على الدعوة!
"مَن أدرك شهرَ رمضانَ فماتَ فلم يُغْفَرْ لهُ فأُدْخِلَ النَّارَ فأبعدَه الله، قُل: آمين، فقلتُ: آمين"
مش بس كده، رمضان هو شهر الرحمة والعتق من النار، "ولله عتقاء من النار وذلك كل ليلة"، يعني كل يوم فيه فرصة تكون من العتقاء!
وكل الأجواء مهيأة للتغيير.. "إذا جاء رمضان فُتّحـت أبواب الجنة، وغُـلّـقـت أبواب النار، وصُفّـدت الشـياطين"، كأن ربنا بيهيّئ لنا الدنيا كلها عشان نرجعله.
رمضان هو الشهر اللي ربنا وعدنا فيه باستجابة الدعاء، هو شهر العطاء والكرم، رمضان فرصة وهدية من ربنا.. لازم كلنا نغتنمها!
كل عام وأنتم بخير، ربنا يجعلنا وإياكم من صوّامه، وقوّامه💙✨
27/01/2025
رحلتنا انتهت هنا، والفورم قفلت، لكن لوحتنا هتفضل تترسم وهيفضل كل شخص في معًا بيكمل جزء فيها.✨
كل تفصيلة فاللوحه بتحكي قصة، وكل خط فيها بيعبر عن مجهود كبير.🖌️
ورغم اننا وصلنا للنهاية، بس دي هتكون بداية حاجات أحلى بإذن الله استنوا مننا كل جديد.🩵
26/01/2025
اللوحة بتاعتنا بتترسم بقالها أكتر من 13 سنة، وكل حد شارك فيها كان ليه بصمة خاصة، بصمة بتمثل جزء من حلم كبير بنبنيه مع بعض.🩵
اللوحة دي مش مجرد ألوان وأشكال، دي حكايات وأحلام وطموحات بتكمل بعضها.✨
لكن للأسف الفرصة مش هتفضل مفتوحة كتير، الفورم قربت تقفل، وده وقتك إنك تكون جزء من اللوحة.⏳
يلا، لو لسه ما شاركتش، الفرصة قدامك دلوقتي،الحق املأ الفورم!
https://forms.gle/g49h77FiJTWyVizG8
25/01/2025
تخيل نرسم شخص رأسه أكبر من جسمه، أو نرسم نملة بحجم كبير وفيل صغير، أو نخلط أكتر من نوع رسم في لوحة واحدة من غير تناسق... مينفعش، صح؟
عشان كده لازم نهتم بقواعد الرسم ونوازن النسب، لكن مين اللي بيمثل القواعد والنسب دي في معًا؟📝
هنتكلم النهارده عن لجنة الـ HR.
دايمًا ورا كل فريق عظيم، فيه أبطال خلف الكواليس، وأبطالنا هنا هما لجنة الـ HR، هما اللي بيبنوا روح الفريق، ويدعموا كل ميمبر عشان يطلع أفضل ما عنده.✨
في لجنة الـ HR مش بس بنركز على تنفيذ القواعد، إحنا بنقيم، بنحفز، وبنشتغل على تطوير كل فرد عشان يفضل منتج ومبدع، مش بس كده، إحنا بنساعد إن كل لجنة تقدم أفضل ما عندها، ونتأكد إن الكل شغال في بيئة مريحة.🩵
لو حابب تكون جزء من فريق بيبني بيئة عمل مثالية للإنتاجية والإبداع، متنساش تملأ الفورم!
https://forms.gle/g49h77FiJTWyVizG8
24/01/2025
عشان اللوحة تطلع بأفضل شكل، لازم نركز على التفاصيل، ونستخدم أدوات مناسبة بميزانية مدروسة.💰
وميزانية يعني OC، وهي اللجنة المسؤولة عن توفير وإدارة الموارد المالية، مش بس كدا، هي كمان بتمثل روح معًا في الإيڤنتات، وبتوفر ال speakers اللي هيعرضوا اللوحة اللوحة ويعبروا عنها بشكل مثالي.🎤
لجنة الـ OC مش بس بتدير الميزانية، وبتمثل معًا في الإيڤنتات، لكن كمان هي المسؤولة عن روح التعاون داخل معًا والدمج بين الأعضاء.🩵
لو عايز تطور مهارات التواصل، وتكون متحدث لبق، متنساش تملأ الفورم!
https://forms.gle/g49h77FiJTWyVizG8
23/01/2025
اللي بيميز اي لوحة ويبرز جمالها هي الألوان ودا بالظبط الي بتعمله لجنه الـ Media.🎨
لجنة ال Media بتمثل صورة معًا عالسوشيال، وهي اللي بتوثق كل اللحظات الجميلة اللي بنعيشها خلال الايفينتات.
واللجنة بتستخدم كل ألوانها ومهاراتها عشان تعلن عن الإيڤنتات وتوثقها، من بوستات، ديزاينات، صور، وڤيديوهات.
هنا بس تقدر تخلي الذكريات تعيش للأبد.🩵
لو حابب تكون جزء من لجنة بتصنع الذكريات وتوثق اللحظات متنساش تملأ الفورم!
https://forms.gle/g49h77FiJTWyVizG8
22/01/2025
كل لوحة بتبدأ من فكرة بتخطر لفنان، وفكرة يعني Activity💡
لجنة الـ Activity هي لجنة من أنشط اللجان في معًا، وهي المسؤولة عن كل الافكار الكريتيڤ اللي بنشوفها في الايفينتات.✨
لو شايف ان عندك فكرة أو لمسة مختلفة تقدر تضيفها فلجنة الActivity هي المكان المناسب.
هنا هتتعلم تفكر برا الصندوق، وهتشوف فكرتك وهي بتترسم قدامك وتتحول لإيڤنت على أرض الواقع.🖌️
لو نفسك تحول خيالك وأفكارك لواقع، متنساش تملأ الفورم!
https://forms.gle/g49h77FiJTWyVizG8
21/01/2025
معًا المرادي هتكلمنا عن نفسها برداء مليان روح وألوان 🎨
مجتمع معًا زي لوحة كبيرة، وكل شخص فينا بيضيف جزء جديد فيها، شخص بيضيف فكرة، والتاني بيضيف لون، وشخص بيحافظ على ان اللوحة تكون متناسقة، كل شخص ليه دور ولمسة مختلفة عشان في النهاية نطلع صورة مليانة ابداع.👨🏼🎨
معًا نشاط طلابي بيستخدم لمسته الابداعية في انه يعمل ايڤنتات في مواضيع مختلفة ثقافية وتوعية.✨
بدأت معًا من هندسة وكبرت عشان تشمل طب وتربية وتجارة..
واللي بيميز معًا هي أدبياتها اللي بتمثل الاطار اللي بيحفظ اللوحة وبيحافظ على روح التعاون والاحترام بين افرادها.🩵
لو حابب تكون جزء من اللوحة وتكتشف لمستك متنساش تملأ الفورم!
https://forms.gle/g49h77FiJTWyVizG8
20/01/2025
مستعدين نفتح الريكروت تاني!
قررنا ندي فرصة جديدة لطلاب الفرقة الأولى والتانية عشان ينضموا لأسرة معًا، ويستغلوا شغفهم وأفكارهم المميزة ويطوروها.✨
قبل كدا شبهنا معًا بالكتاب، لكن معًا بلجانها وجوانبها المختلفة اللي بتكمل بعض، مش بس كتاب، لكن ممكن تكون حاجات كتير، تفتكروا معًا المرادي هتكلمنا عن نفسها بأنهو رداء؟ 🎭
لو متحمسين تعرفوا أكتر عن معًا وازاي تكونوا جزء من رحلة مليانة ابداع وألوان، تابعوا البوستات الجاية!