Students' Scientific Club | النادي العلمي

# طبعا كدا انا قولت ليك أنواع مرض السكر و الأعراض الشائعة معاه .اظن كدا فهمت ؟
-اه فهمت طبعا ..بس كنت عايز أسألك هو ايه دور الأنسولين الأساسي في الجسم و ايه ال تسبب في أن الأنسولين يفرز بكميات قليله
- بص ي سيدي الأنسولين هرمون بيتم افرازه في البنكرياس و دوره الأساسي انك لما تاكل اي حاجه فيها كربوهيدرات زي السكر و السكر يتحلل الي جلوكوز هو بقي المسؤول عن دخول الجلوكوز الخلايا و ال بعد كدا بيستخدم ل انتاج الطاقه يعني الأنسولين ليه دور أساسي ل انتاج الطاقه
- جميل جدا 😊
-وبالنسبه السبب أن الأنسولين بيفرز بكميات قليله ده لان الخلايا المناعية بتهاجم خلايا البنكرياس المسؤولة عن تكوين الأنسولين ولأسف العلماء مش عارفين ليه ده بيحصل .

-ميه ميه طب لو عايز اتاكد ايه هي التحاليل اللازمه ؟
- فيه كذا تحليل بس الأشهر 🔬
1) Blood Glucose Test
2)Glucose in Urine Test
3)Ketones in Blood
4)Ketones in Urine
- و بالنسبه بقي لعلاج ؟
- بالنسبه لعلاج ف انت لازم تعرف أن مرض السكر هي طريقه حياه و أنه مرافق للمريض في كل حياته ولازم يهتم بعلاجه عشان ميحصلش اي مضاعفات . ف بشكل أساسي سواء Type 1 diabetes او Type 2 diabetes لازم ياكل اكل صحي منظم بنسب معينه مناسبه لمرض السكر ال عنده🥗 و يمارس نشاطات رياضيه🏃

بالنسبه للادويه 💊
Type 1 diabetes
لازم ياخدوا انسولين لان البنكرياس مبقاش يفرز انسولين اصلا بكميات مناسبه وده بتبقي حقن 💉💉أو مطخات الأنسولين زي Apidra, Humalog ,. Admelog

Type 2 diabetes
ممكن يكتفوا بتنظيم الاكل والنشاطات الرياضيه بس ممكن يستخدموا الأنسولين عشان يظبطوا نسبه السكر في الدم .

و لازم أقولك ف النهايه أن عدم الالتزام بالخطه العلاجيه ممكن يؤدي ل مضاعفات خطيرة ☢️زي
1) الزياده الشديده ف الوزن وده خاصه tybe 2
2) الدخول في غيبوبه طويله او قصيرة
3) ممكن يؤدي لتلف العين 👁️او الكليه أو الأعصاب او مشاكل بالقلب

# " هاي شوجر " اهلا ي حلوه ل نيلي كريم 🍰 وده عشان هي سكر زياده حبتين غير أن اسمها سكر وبس دا مش بيفكرني الا ب أشهر الأمراض المزمنه وهو مرض السكر .

- طب الاول تعرف حاجه عن مرض السكر؟🧐
- طبعا ده من أشهر الأمراض المزمنه ومرتبط بمعدلات السكر في الدم.

# صح زي ما انت قولت السكر يعتبر من أكتر الأمراض المزمنه ف مصر و ليه ي باشا نوعين أساسيين

1) اول نوع هو نقص الأنسولين ف الدم نتيجه ان البنكرياس لا يفرز الكميه المناسبه ال بيحتاجها الجسم وده بيتسمي" juvenile diabetes" لانه عاده ما بيبقي ف الاطفال و المراهقين بس في بعض الحالات بيجي للكبار .

2) تاني نوع أن خلايا الجسم معندهاش القدره أنها تستخدم الأنسولين" insulin resistance" و ده يعتبر النوع الأكثر انتشارا .

- جميل اوي الكلام ده. تقدر تقولي ايه هي أعراض مرض السكر 🤔

-طبعا بس ركز معايا .. في البدايه لازم أقولك أن أعراض مرض السكر بيختلف من شخص لآخر و مش لازم يبقي عنده كل الأعراض و أشهر الأعراض دي

1) Extreme urintation and extreme thrist
وده نتيجه زياده معدلات السكر ف الدم و بالتالي الجسم بيتخلص من السكر ده عن طريق kidney و بعدين خارج الجسم و طبعا لازم يبقي مع السكر مايه عشان اكتمال عمليه urination و بالتالي ده بيؤدي لعطش الشديد وممكن كمان يسبب جفاف و حكة لجلد

2) التعب الشديد و الإرهاق 😞

3) ونتيجه انخفاض الأنسولين في الدم فمرضي السكر بيشعروا دائما برغبه قويه لتناول الاطعمه ذات المزاق السكري 🥧

4) وبالنسبة للأطفال فهو عاده ما يسبب ليهم نقص ف التركيز عن الاطفال الطبيعين🤦😣

ولازم في الاخر تعرف أن مريض السكر بيبقي اكثر عرضه لاصابه بالعديد من الأمراض زي تصلب الشرايين او أمراض الكليه نتيجه نقص الماء أو ألتهاب الاعضاء الآخري.

جاهزون ي اطفال 🔥اهلا كابتن يلا بينا نكمل علاج البرد

بص ي باشا انا لما باجي اعالج فيرس البرد بعالج الاعراض وليس الفيروس لان الفيروس هيقضي فترته ويتكل .
بينا نعالج الاعراض بالنسبة للحمي والتهاب الحلق والصداع بندي ال adult دوا acetaminophen وده من ضمن الأودية اللي بتصرف بدون روشتة طبية (otc) زي Tylenol وغيرها من مسكنات الألم الخفيفة زي(advil وmotrin وغيرهم
• جرعة ال acetaminophen (الباراسيتامول) لا تتعدي ٤ جرام ف اليوم ولو حد عنده فشل ف وظائف الكبد يبقي متزودش عن ٢ جرام عشان دي فيها دم ي سيد
• طبعا مش هينفع ادي أطفال مسكنات ألم زي الأسبرين بس هديهم acetaminophen ولا ال Tylenol ولا ال advil..... دي بدايل اكثر أمانا من الأسبرين
• الأطفال اقل من ٣ شهور مينفعش ادي acetaminophen
• الأطفال اقل من ٦ شهور مينفعش ادي ibuprofen او الأطفال اللي عندهم جفاف او vomiting
• وبلاش اسبرين مع الاطفال لانه بيعمل متلازمه Ray .
• بنسخدم قطرات او بخاخات للاحتقان بس لمدة خمس ايام بس متزودش عشان بتعمل اعراض ارتدادية ويبقي كأننا مستخدمناش بخاخ ولا قطرة زي مزيلات الاحتقان عن طريق الفم زي ال pseudo ephedrine psudaphid R) ودي بتسبب أرق وعصبية وتهيج عشان كده ممنوع مع الحوامل واللي عندهم ضغط دم مرتفع
• ادوية السعال :
تهدئ من اعراض السعال ونزلات البرد زي dextromethorphan
• لتخفيف التهاب الحلق استخدم أقراص استحلاب زي cepacol او غرغرة بماية وملح كذا مرة ف اليوم.

• عشان تعرف تسلك انفك كويس وتجيب كل اللي جوا بره 🤧😂 ف أدوية زي uaifenesin (Robitussin® ، Mucofen® ، Humibid LA® ، Mucinex® ، Humibid E®)

• عشان نخفف سيلان الأنف أو ضغط الجيوب الأنفية - اديلوه (Flonase® ، المتوفرة otc أو موميتازون (Nasonex® ، لازم الدكتور يكتبه )

• طب لتجفيف الأنف
-ادي مضادات الهيستامين:
• زي ديفينهيدرامين (بينادريل). لأن الادويه دي تخليك تشعر بالنعاس ، تجنب القيادة والمهام المعقدة الأخرى أثناء تناول هذه الأدوية.
• لوراتادين (كلاريتين) ، المتاح (OTC) ، هو بديل لا يسبب النعاس ، ولكنه قد لا يكون فعالًا مثل مضادات الهيستامين الأخرى لتقليل أعراض البرد والإنفلونزا.
• تشمل مضادات الهيستامين الأخرى المتاحة بدون وصفة طبية Allegra® و Zyrtec® و Xyzal®.

• اوعي تستخدم دواين ليهم نفس المادة الفعالة زي مضادات الهستامين او مزيل الاحتقان او مسكن الآلام عشان هيعتبر جرعة عالية ممكن تعمل toxicity.
• ممنوع استخدام أدوية otc للأطفال اقل من ٦ سنوات ماعدا خافض الحرارة ومسكن الالم عشان تعالج السعال و نزلات البرد عشان الأدوية دي ليها آثار جانبية ع الطفل.
• معلومة ف منتهي الأهمية والخطورة :مينفعش تاخد مضاد حيوي ف البرد مش هيعمل حاجة ليه؟
لان البرد عدوي فيروسية والمضاد الحيوي مش بيشتغل الا ع العدوي البكتيرية.

على الرغم من عدم وجود لقاح حاليًا ضد نزلات البرد بس نتمني يبقي ف لقاح للبرد مستقبلا .
دمتم بخير ♥️
إعداد :
مي عبدالحليم سرور
ياسمين ناصر
إيمان عبد المجيد داغر
إسراء أسامه حسين
تحت قيادة :
مريم محمد

المثل الشعبي يقولك اي؟؟ اسال مجرب ولا تسالش طبيب 😂طب تعال انا بقا انا هكلمك عن فيرس بيصيب كل العالم مالك اتخصيت دا انا قصدي البرد انت فكرت اي 😂
بص يا سيدي ببساطه اول ما تحس انك داخل عليك برد تبقي همدان سيكا ف رشح خفيف ممكن كحة حاسس انك مش عارف تبلع ريقك حاجات ف اول دور البرد بتبقي خفيفة اللي هو لو لحقتها كده خلاص انت في السليم

بص معايا اول ما يظهر عليك دور البرد اعمل اللي هقولك عليه ده
١- نام شوية حلوين وريح جسمك خالص
٢-اشرب سوايل كتير ع اد ما تقدر
٣-شم هوا رطب وخد شاور دافي عشان استنشاق البخار وانت ف الشاور هيساعدك ع تسليك الدنيا
٤- السوايل الدافية والشوربة عامل مساعد جدا لأنها هتخفف انسداد الأنف وتخفف البلغم كمان بمعني أصح هتسلك الدنيا
٥- كل الفيتامينات (اضرب فاكهة وخضار وكل بروتين ظبط جهازك المناعي عشان هو كمان يظبطك
٦- بلاش لبن لان اللبن بيزود كثافة الsputum اللي هو البلغم اللي بيبقي عرض رخم من ضمن اعراض البرد .
٧- اوعي تشرب كحوليات وانت عندك برد لانه بيضعف المناعة

طب لو انت بقا سبت نفسك لحد ما زاد عليك هسيبك انا كده حيران لا طبعا بص ي باشا لو ظهر عليك سخونيه مرتفعه، ودنك بتوجع، فيه صداع وعمال بتكح علي اخرك وغيرها من اعراض البرد الشديده عاوزه تعرف اي العلاج عليك وعلي البوست التاني بقا 😉استنونا 🔥

إعداد :
مي عبدالحليم سرور
ياسمين ناصر
إيمان عبد المجيد داغر
إسراء أسامه حسين
تحت قيادة :
مريم محمد

مساءك لذيذ ي رايق 🤝
بينا اقولك معلومه علي السريع طبعا كلنا عارفين البرد ده يعتبر اشهر مرض في تاريخ الانسانيه 😂
البرد ده عباره عن عدوه جايه من شويه فيروسات كده علي الله حكايتها واشهر الفيروسات دي اللي هو rhinoviruses وبيقعد من ٥ ل٧ ايام وبعدين بتخف منه خالص
طبعا هو معدي لاي شخص انت علي اتصال بيه من خلال العطس، السلام بالايد وكل ده لانه بيفضل متواجد علي الاسطح المعدنيه لمدة كبيرة عشان كده بنقول نغسل ايدنا دائما .
احيانا بعض الاشخاص ي دوب لسه مخلص الدور يرجعله تاني طب ليه ؟ بص ي معلم البرد ده بيجي بسبب ٢٠٠ نوع فيروس فممكن يجيلك نوع بعده نوع تاني وطبعا الاجسام المضاده اللي الجسم كونها تختلف برده ولهذا الجسم هيقابله من اول وجديد وبرده لان فيرس البرد ممكن يفضل في جسمنا اساسا اسبوعين 😔
الاحتياط لا محاله واجب وده برد يعني مش بعبع لا تقلق عزيزي القاريء بس كده خلصت جولتنا النهارده استناني بقا اعالجك البرد ده يلا سلام♥️🔥
إعداد :
مي عبدالحليم سرور
ياسمين ناصر
إيمان عبد المجيد داغر
إسراء أسامه حسين
تحت قيادة :
مريم محمد