[CYC] Change Your City

[CYC] Change Your City غير من كليتك و مدينتك .. مسابقة هنقلب بيها موازين الكلية

06/10/2012

ان النجاح هو عباره عن عثره ع الطريق الصحيح

28/09/2012

شير لكل مبادئك
عرف العالم انت مين من خلالها

27/09/2012

1- لا تتعامل معى بمبادئك ولكن تعامل ع مبادىء المكان الذى يجمعنا فان كانت مبادؤك ارقى وارفع فلك ان تتعامل بها
2- اذكركم بقوله تعالى ( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن )
3-احترم المكان الذى انت به كى تصعد به فيصعد بك
4- نحّى اى اشياء خارج العمل جانبا عنه كى لا تخطىء
5- ليس كل المزح مقبول ولا الاسف معذور فلا تتعدى ف كليهما
6- قد يظن البعض تساهلت معه او قربك منه خطأ من منظوره الشخصى لسبب ما ( احذر )
7- قد يكون ف الصدق نفاق فاحذر ان تقع ف ذلك

12/09/2012

لو حاسس انك مش مبسوط اعمل اللى تحت ده و شوف النتيجة



اشتري علبة شوكولاتة مستوردة غالية و كلها.


..



بص على بنت حلوة و إعرف أنها لو عرفتك كويس أكيد هتحبك.



إلعب لعبة مالعبتهاش من و إنت صغير.



إعرق و إنهج و حس إنك عايش.



إطفي نور أودتك شغل التكييف إسمع أكثر مزيكا بتحبها و إسرح معاها.



بص لأهلك و عرفهم قد إيه بتحبهم.



بص للي تحتك و إعرف قيمة كل حاجة معاك.



بص للي فوقيك و إعرف إن رغبتك إنك تبقى زيهم هي اللي مدية طعم لحياتك.



إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..



روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..



في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.



إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.



إعرف إنك كائن مهم و في كل لحظة بتغير إتجاه التاريخ.



بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”



سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –



بص لبنت مغرورة و إضحك من جواك.



بص لبنت وحشة و عاكسها بنظراتك و إعرف إنها هترجع البيت مبسوطة.



بدون سبب إبعت رسالة لأي حد بتحبه قوله حاجة حلوة.



إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.



إضربها جزمة.



خلى اللي يكره يكره و اللي يشتم يشتم وإعرف إنهم مضيعين وقتهم.



إتأكد إنك لو عارف إنك هتموت بكرة هتعمل نفس اللي بتعمله دلوقتي.



حب جامد قوي حتى لو حبك مش هيستمر لحد بليل.



كل أكلة حلوة قوي.. بس ماتخليهاش تشبعك.



إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.



ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.



بطل خمرة و مخدرات.. و إتعلم إزاي تستمتع بحتى أوحش الحاجات حوليك.



أكسب نفسك و حب حد بيكرهك.



إكسب نفسك ثاني و حب حد بتكرهه.



إكسب نفسك ثاني و إنسى حد لسه بتحبه من غير ما تكرهه.



إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.



إنزل شجع مع الزملكاوية لما يكسبوا.. حتى لو إنت مش زملكاوي.



إقرا الكلام ده من غير ماتعلق عليه و لو مش عاجبك بطل قراية.



شوف فيلم الكيف و ماتتفرجش على آخر ربع ساعة فيه.



إتفرج على الناظر من أول ما بيظهر محمد سعد.



لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..



إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.



جرب أكلة جديدة في مطعم فخم.. ثمنها يخرب بيتك.. و روح و إنت مبسوط.



شد مع عربية سيات.



إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.



إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.



إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.



إفتكر قبل ما تنام كل الكلام الحلو اللي سمعت الناس بتقوله عنك.



كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.



كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.



شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.



فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.



سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.



إستحمى في نص ساعة.. خلى المية تنزل على وشك و إسمع صوتها كويس.



جيب لنفسك هدية و إستنى لحد عيد ميلادك و إديها لنفسك.



جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.



إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.



إشرب مية كثير.



ماتغضبش مهما حصل.



أشكر كل الناس بسبب و من غير سبب.



لو حد إتريق عليك إضحك.. حتى لو من جواك بتضحك عليه.



لو حد شتمك حط ده في تانك البنزين بتاعك علشان يبقى طاقة تحركك لقدام.



لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.



لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.



بص لإمبارح.. و شوف إتعلمت منه قد إيه..



خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..



إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..



إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.



لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..



إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.



إتبسط.. و لو مش عايز تتبسط.. مش هتعرف تعكنن عليا.





اصل انا مبسوط



لـ عمرو سلامة

10/09/2012

حين يغمرك الحزن تأمل قلبك من جديد، فسترى أنك في الحقيقة تبكي مما كان يوماً مصدر بهجتك.
جبران خليل جبران

01/09/2012

Stay Tuned for our Booth in "EED" Egyptian Engineering Day 2012
Tomorrow ... Making a New Legacy ;)
See You There ♥
.. [SSSE] | ICE - Tanta Student Branch Volunteers ...

اعرف نفسك انت ناجح ولا فاشل
01/08/2012

اعرف نفسك انت ناجح ولا فاشل

لا تخف كن شجاع فانت دائما يمكنك النجاح
01/08/2012

لا تخف كن شجاع فانت دائما يمكنك النجاح

كيفية الطريق للوصول للنجاح
01/08/2012

كيفية الطريق للوصول للنجاح

01/08/2012

النجاح الوحيد في الحياة هو أن تستطيع أن تحيا حياتك بالطريقة التي تريدها

01/08/2012

يقول علماء الاجتماع "إن قوة الكلمات تفوق أي قوة توصل لها الإنسان كالكهرباء أو الطاقة النووية" لذلك كانت كلمات العلماء والأدباء والمشاهير والشعراء ورجال الأعمال والنقاد والمحللين أقوى من أي قوة أخرى...

فاحذر مما تقول فبكلمه قد تقتل شخص وبكلمة قد تعيد الحياة لشخص مرة اخرى

Address

Faculty Of Engineering/Tanta University
Tanta

Telephone

01095612010

Website

Alerts

Be the first to know and let us send you an email when [CYC] Change Your City posts news and promotions. Your email address will not be used for any other purpose, and you can unsubscribe at any time.

Contact The School

Send a message to [CYC] Change Your City:

Shortcuts

Share

Category