عشيرة الجواله صيدلة طنطا

اليوم الثالث من ايام المهرجان ❤️
اتأخرنا عليكو معلش 😁

بعد اول ايام المهرجان ،وما كان فيه من شغل شاق ،الحمد لله وصلنا ثاني ايام المهرجان🦦

من فاعليات اليوم الاول للمهرجان السابع عشر ❤️

بدايه رحلتنا من كليه الصيدله الي ارض مجمع سبرباي للمشاركه في المهرجان السابع عشر للجوالين والجوالات ،من اجل المتعه🥰 والحصول علي المراكز العليا 😎

وقولنا وعود في يوم هنعود.. ❤️⚜️
وعدنا في المهرجان السادس عشر بالعودة بقوة في المهرجان السابع عشر والحمد لله كنا اد التحدي وبانتهاء المهرجان الكشفي السابع عشر لجوالي وجوالين جامعة طنطا حصل وفد كلية الصيدلة (وفد الفلاحين) على المركز الثالث على جامعة طنطا بمشاركة 11 وفد على مستوى الجامعة وكالعادة في وقت قياسي من الترتيبات والتجهيزات ⚜️❤️

ولولا الناس دي وتعبهم مكناش وصلنا فكل الشكر ليهم ❤️

قاده العشيره : مصطفي سلامه ، احمد عواجه ، احمد فتحي ، منه محمد

الوفد :
جوالين :شهاب سليم ، ادهم الشرقاوي ، عمر عجرمه ، احمد سعفان ، اسامه حموده،
الجوالات:هايدي وليد ، نوران العزب ، ريهام سرحان، ندي ناجي ، غفران الشرقاوي، شروق امين
المدرب : شيماء عبد الغفار
خريج: محمد خالد

جايين اجمد في الدورة ١٨⚜️
ولسة الحياة جوالة.. ⚜️❤️

مسااائوا جوالة ✌️♥️

استكمالاً لقصتنا معكم التي بدأت يومي الكشف الطبي مروراً بالتأهيلية و دورنا ف الكشف لكم عن الجوالة هناخدكم في جولة تعريفية بسيطة متبوعه بالصور عن معسكر السنة اللي فاتت بسبرباي ✨👇

مدة المعسكر بتكون أسبوع و بيشارك ف المعسكر ده كل كليات جامعة طنطا و بيكون المعسكر ف مجمع سبرباي ، كل كلية بتكون ليها أرض و بنبدأ ف نصب الخيام ف أول يوم و بنبدأ تاني يوم و لحد آخر المعسكر في سلسلة من المسابقات النارية بين كل الكليات ( دينية - فنية - ثقافيه - يدوية ) .

ف وسط الدراسة و تعب الكلية هتكون عايز تفصل دماغك عن كل حاجه ف الحياة و بييجي هنا دور المعسكر و قدرته إنه يخلي الأسبوع ده أحلى أسبوع ف السنه كلها .
ومش بس الجواله يعني المعسكر السنوي.. ب العكس الجواله هتلاقيها معاك ف كل خطوه 💖💖

جه دورك دلوقتي تكون جزء مننا عن طريق إنك تملى الفورم ده
https://docs.google.com/forms/d/e/1FAIpQLSfS9zKtkAvLIni9BM359AM2Bl1g0bB7U7w6wEM-_YHZo0WBJQ/viewform?usp=sf_link

🔥💯

الكشفية حياة تُعاش و ليس كلمة تُقال

من المنطلق ده حبينا نوفر علي طلاب الدفعة الجديدة و كنا معاهم لحظه بلحظه أثناء الكشف الطبي نعرفهم يعني ايه جوالة وايه وجه الاستفادة منها ،والحمد لله كان فيه إقبال كويس من الطلبة..
و دي صور لبعض أفراد العشيرة خلال الكشف الطبي و جزء من خروجاتنا المتكررة *طبعا* اللي مبتخلاش من الهزار و الضحك و اللي تبينلك إن احنا فعلا تيم واحد كيان واحد ♥️

و لسه الحياة جوالة ⚜️♥️

السلام عليكم ورحمة الله وبركاته يا أبطال ❤️
دقت ساعة العمل، دقت ساعة الاجتماعات والمسابقات فالجوالة أخيرًا🥁🥳
بنجتمع بالجوالين الجدد نتعرف علي بعض ونشرِكهم ف جو الالفة م بيننا ونفكر بعض بأساسيات ومبادئ الجوال الحقيقي وصولًا إلى مجالات الجوالة ومسابقاتها ومعارضها وكل الانشطة اللي بتتم فيها🎪🎽

بس المرة دي خصصنا الكلام اكتر عن المجال الديني ومسابقات حفظ القرآن الكريم والترتيل والتفسير والاحاديث والسلف✨
وكمان قطعنا شوط كبير ف ال presentation skills واي الأخطاء اللي نتجنبها واحنا بنعرض افكارنا لاي شخص وازاي نقدمها ف انسب صورة تناسبها وتناسب موضع الكلام وقتها بحيث نقدر نوصل الرسالة المرغوب فيها 🤝

والنشاط والتآلف ما بين الجوالين الجدد كان ظاهر جدا في تفاعلهم واستفساراتهم والروح الطيبة اللي بتنم عن حماس قوي قدام بإذن الله 💪

من هنا نبدأ ونستمر ف طبخ العظمة علي نار هادئة 🎖

مسا الخير.. يلا عشان هنكمل كلامنا عن مجالات الجوالة 😎⚜️
نخش ف الموضوع علي طول🚶🏼‍♂️

هنبدأ بواحد من أهم المجالات اللي هو( المجال الديني) :
هنحفظ فيه القرآن بتجويده وتفسيره وهنحفظ الأحاديث ونعرف معانيها..

لسة مخلصتش،، هنعمل مسابقات للتقييم كمان💯

مخلصتش بردو،، هنتعلم كتابة وعرض الأبحاث الدينية..
خلصت خلاص🚶🏼‍♂️

وطبعا عشان الجوال نافع♥️، ف دا هينقلنا لمجال مهم تاني وهو (الخدمة العامة):

هنشتغل فيه شغل تطوعي عشان نخدم البيئة والناس اللي حوالينا زي أننا هندهن الأرصفة ونقص الأشجار وهنعمل حملات توعوية💪 .
والأهم من دا أننا هنزور الأيتام و ذوي الاحتياجات الخاصة نشاركهم جزء من وقتهم ونلعب معاهم🤸♥️
و هنختم بالكلام عن المجال الرياضي 🏃🏻‍♂️⚽

اللي بتتم فيه مسابقات على انواع مختلفة من الرياضات زي
( كرة القدم ، تنس الطاولة ، العدو ، الشطرنج ، .... إلخ ) 🤾🏻‍♂️🏆

بس ياسيدي ،،كدا خلصنا كلامنا عن مجالات الجوالة مفاضلش غير انك تملي الفورم وتنضم لينا♥️🕺
و دا فورم الانضمام لينا منتظرينكم جميعا يا أبطاااال 😊♥️
https://forms.gle/J3fUytNm1BV6N4VPA