حضانه نور البيان

.......مُراجعة الدّرس السّابق
تُشكّل هذه الخطوة بداية أساسيّة في عمليّة تدريس الأطفال، وذلك لأن الدّرس الجديد يعتمد بأساسه على درس اليوم السّابق له، فيُنصح المُعلّم بتخصيص جزء من وقت الدّرس للقيام باستذكار ومُراجعة ما تمّ شرحه سابقاً، والتّأكد من حل المشاكل العالقة لدى الأطفال من خلال تقييم الواجبات البيتيّة وإلقاء نظرة شاملة على كل ذلك.

. تقسيم المعلومات
يعتمد المُعلّم النّاجح أثناء عمليّة تدريس الأطفال على استراتيجيّة التجزئة؛ ويعود السّبب في ذلك لكونه يعرف تماماً أن معالجة البيانات في الدّماغ تتم في حيّز صغير، وحين مُحاولة إدخال هذه المعلومات دفعة واحدة فإن الدّماغ يُصاب بالارتباك.التعليم من خلال التحدي جعل الأطفال يشعرون بالتحدّي هو من أساليب الدّراسة الفعالة، وعادةً ما يكون الهدف من ذلك دفع الأطفال للتفكير في طرق أبعد لحل المسألة، ويستطيع المُدرّس صنع أشكال مختلفة من التحدّيات بحيث يكون كل منها مقسماً على مراحل متدرّجة في صعوبتها، وينتهي الأمر بإرشاد المعلّم لطلّابه إلى كيفيّة الحل الصحيح.
طرح الأسئلة
تُعتبر استراتيجيّة طرح الأسئلة من الاستراتيجيّات عالية الفعالية في تدريس الأطفال، وتنبع أهميّتها من كونها تُشكّل مصدراً لإمداد المُعلّم بالقدرة على تحديد المجالات الرئيسيّة الّتي تُشكّل مشكلة لدى الطلّاب، ومن هذه النقطة يبدأ المعلم بتحديد المُساعدة الّتي يحتاجها طلّابه
..طرق أخرى لتدريس الأطفال
يُمكن للمعلّم الاستفادة من طُرق أخرى في تّدريس الأطفال، ومن ذلك:
الاهتمام بما يفعله ويقدّمه الأطفال وإظهار ذلك لهم من خلال التعليق على الحدث أو مُجرّد المُراقبة. تجنّب التعليقات العامّة والقيام بتحديد الأمور التي تحتاج إلى تعديل بدلاً من ذلك. التطرّق لوصف الطّريقة الصحيحة للقيام بالأمور المختلفة. تزويد الأطفال بالمعلومات بشكل مُباشر، كأسماء الأشياء وغيرها. توجيه سلوكيّات الأطفال بشكل مباشر دون إحراجهم.

......

إن #التعامل مع الأطفال يجب أن يكون في حرص شديد وذكاء أيضًا، ولكن إذا كان هناك بعض السلوكيات المزعجة لطفلك، ألم تسأل نفسك من قبل ما السبب وراء هذه السلوكيات؟ ولماذا يفعل الطفل تلك التصرفات؟

فربما الإجابة تكون أنت أيها الزوج أو الزوجة! لذلك إليك أحد الامور التي يقوم بها الوالدين تكون هي السبب وراء السلوك السيء لأطفالهما:-

1- الوعد بالعقاب وعدم تنفيذه إن لم تكن قادرًا على تنفيذ العقوبة، فلا تتوعد لطفلك بها، لأن مثل تلك التصرفات يجعل طفلك لا يحترمك، فضلًا عن أنه لن يصدقك بعد ذلك، لهذا يجب أن تكون حازمًا في تنفيذ عقوباتك .

2- أيها الوالدين أحيانًا الدلال الزائد يفسد الطفل أكثر.

3- الضحك على التصرفات السيئة المزاح أو الهزار مع الطفل في الأفعال الخاطئة، حتى وإن كانت طريفة بالنسبة للكبار، ستجعل طفلك يستهين بتصرفاته السيئة.

4- تلبية كل رغبات طفلك لا يجب أن يتعود طفلك على كثرة الهدايا، وأن كل طلباته مجابة، فمع الأسف تلك تعتبر واحدة من أكثر الأسباب وراء سلوكيات الأطفال السيئة، خاصًة صفة الأنانية.

💢 👇
السلام عليكم
أنا عندي مشكلة ف الحضانة يا مستر ممكن تشور عليا أعمل أيه وممكن تنشرها على الجروب بدون اسم
أنا يدوب فاتحة من كام يوم
بس عندي كام ولد ف تمهيدي حرفيا مش بيبطلوا بكاء
وحاولت معاهم بكل الطرق هدايا والعاب وإني ادادي
بس الموضوع بقي صعب وبقيت أروح الحضانة نفسيتي بتتعب
أنا أشتغلت ف حضانات كتير مكانش بيحصل كده
ساعدوني ممكن أعمل ايه من فضلكم 😒

💢رأي المتواضع وفي انتظار تعليقاتكم
أولا بنجرب الانفصال التدريجي مع الطفل بيقعد ساعة او اقل ولو متواصل البكاء بنتصل بوالدته وبخليها تقف بره واقوله لو بطلت بكاء حالا وقلت يارب مامي تيجى هتيجى بسرعه ، هيعيط برده كررى الأمر هيسكت وهيقول الدعاء وهيلاقى مامي واقفه بحاجة حلوة كمان ، بنعمل كدا ثلاث او اربع ايام كل مره بنزود الوقت ربع ساعة ، لغاية ما يتعود ومع تفاعل المدرسات واحتوائهم هيكون كويس ، لو ما استجابش نهائى وعياط هيستيري بنعمل ايه ؟
بنخلي مامي معاه فى الكلاس ساعه وتاخده وتمشي لمده ثلاث ايام وبعد كدا تدخل ربع ساعة وتسيبه وتمشي ساعة وترجع تاخده وواحده واحده مع اطالة الوقت هيتعود ان شاء الله ،
اتعلمنا من اساتذتنا اننا بندعي للأولاد وكمان بنخليهم هما يدعوا لنفسهم
يقولوا ( يارب علمنا ، يارب فهمنا ، يارب اهدينا ، احفظنا واحمينا ) لازم يكرروها يوميا وان شاء الله ربنا يهديهم ويصلح حالهم

‏تبيض الدجاجة بيضةً واحدة رخيصة الثّمن
فتملأ الدُّنيا صراخاً !! 😲
وتضع السّمكة آلاف من بيض الكافيار غالي الثّمن
وهي ساكتة !! 🙄
- حضانات كتير بتبقى عامله هيصه وهالة وبروبجندا لكن للاسف فاضية من جوه ولا مستوى ولا اهتمام ولا غيره !!
- وحضانات تانية بسيطة وإمكانياتها محدودة ومتواضعة لكن الجوهر ثمين والمستوى والنتائج مدهشة 👉

دع إنجازاتك تتحدّث عنك 💪💪
أو بمعنى أصح وأوضح👇👇👇👇👇👇
(حاول عشان خاطري تبيض وأنت ساكت !!) 🙈🙈

ابدا كلامي ..تحيه لكل مدرسة حضانة💪💪
تحيه لكل ام قبل ما تكون مدرسة داخل فصلها 👩
تحيه لكل واحدة عندها ضمير💕 .. أوضح بقي يعني ايه مدرسة حضانة
وأقول ...
انك تشتغل مدرس و بالاخص لسن صغير زي مرحلة حضانة دي حاجة استحالة اي مخلوق على وجه الارض يفهمها او يحس بيها الا الي مارسها 👌👌
رسالة الاول لاصحاب اي مهنه غير تدريس الحضانة (احنا مش بندي 1 2 3 و لا A B C )😏 اه طبعا بندرس الحجات دي بس تبقى غلطان لو فاهم ان ده بس محور شغلنا 😒
احنا الي بنعلم مسك القلم 📒
و احنا الي بنعلم ازاي تكلم صح 👼
احنا الي بنعلم ازاي تقرا و انت مش عارف تقرا حتى كلمة من ٣ حروف 💖
احنا الي بنخليك تكتب اول كلمة في حياتك و احنا الي بنخليك تقول اول جملة مفيدة تعبر بيها عن نفسك في حياتك ✌
احنا الي علمناك تعرف اسمك... 🙋

سيبك بقى من كل ده و شوف الاهم
احنا الي بنعلم الثقة في النفس😊
احنا الي بنعلم حب المشاركة
احنا الي بنعلم مساعدة الغير
احنا الي بنعلم العمل الجماعي
احنا الي بنعلم عدم الانانية
احنا الي علمناك مفهوم الصداقة بين اصحابك 👬👫
احنا الي علمناك تثق في مين و تبعد عن مين
احنا الي علمناك مفهوم الاسرة و البيت🏡 و المدرسة🏤

ناهيك عن الاكل 🍔🍖🍗🍕 والشرب 🍼🍷🍶 والادوية 💊 وزرع قيم الدين 🙏 والاخلاق 😌 ومحاولة زرع فكرة جديدة للطفل كل يوم 🔦والترفيه 🎡 دا غير الظروف اللى بتخليكى لازم تكونى جاهزة فى اى وقت لشغل مش شغلك 😂 زى انك تغيرى بامبرز 😷 تمسحى ترجيع 😷 تمسحى مناخير الولاد 😄😄 تربطى الشوز ١٠٠ مرة ف اليوم⁦⛸️⁩ وانتى مبسوطة مش متضررة😅 وحجات كتيير اوى مش هتفهمها الا اللى مارست المهنة دى ونجحت فيها ☺

محدش يقدر يقلل من مجهود الام👩 في كل الي تقال ده بس كل ام واثقة و عارفة ان في المرحلة دي بالاخص الحضانة هيه الي بتكون ليها التأثير الاكبر عن البيت بسبب عدد الساعات اللى بيكون معانا فيها 😚 و بذات لو الطفل حب مدرسته 👱في الحضانة بتكون مرايه بنسباله 💚.

و مفيش فرحة ممكن تساوي فرحتنا لما طفل يبقى عايز يجي الحضانة كل يوم بس عشان يكون معانا و يشوفنا
😍😍و طبعا انت بتتكلم على مشاعر مفيش اصدق منها في الوجود 😘😘.
يمكن في مصر مهنة التدريس دي ادنى مرتبات💸 👎👎مع ان لا كان حيكون في دكتور ولامهندس ولا مدرس و لا محاسب من غير وجود معلم و بالاخص برضوو مرحلة الحضانة 💜💪
لانها هي المرحلة الي بيتزرع فيها النوى الي حتطرح خير او شر بعد كده ✊
مهنتنا مهنه صعبه و متعبه و فيها مسؤولية كبيرة جدا طبعا ده لاصحاب الضمير فقط الي بيشتغله بضميرهم قبل اي حاجة تانية💟
اوعى فى يوم تقول شغلنتكم سهلة و كلها لعب🎠 🐎 عشان مهما كان ردي عليك عاقل و هادي اتأكد من جواية حكون مقتنعه قد ايه انت شخص لا تفقه في اي شئ بالمرة 😄

تاني هقول
تحيه لكل مدرسة حضانة 💋
تحيه لكل ام قبل ما تكون مدرسة داخل فصلها 💁
تحيه لكل واحدة عندها ضمير💚
تحيه لكل واحدة اتحملت مسؤولية زي دي 💪
واكبر تحية واجلال لكل حد استفدت منه فى المجال دا بمعلومة او فكرة او اسلوب مفيش حد بيوصل لوحده اكيد فيه ناس فضلها عليا ميتنسيش حتى لو مبقاش ليا علاقة بيهم وزى ما انا ممتنه لكل حد علمنى اتمنى انى اكون اثرت فى اللى علمتهم وفاكرين تعليمى ليهم 😍

احنا بنعمل حاجة مليون غيرنا ممكن يفشل انه يستحملها
لازم نفتخر بنفسنا حتى لو مجتمعنا ما اهتم ❤❤

ياريت محدش يهمش دورنا او يتهمنا بأن همنا ع الفلوس لان لو همنا الاول كان الفلوس حرفيا دى اخر مهنة كان ممكن نفكر فيها لما

يعنى محدش فينا مقطع الدنيا فلوس احنا همنا الاول هو النجاح والاحساس بالذات وكلمات الشكر وطبعا قبل كل دا رساله قدام ربنا سبحانه وتعالى وكل واحد ونيته

💢مفيش حضانة ناجحة ❤👇👇

🏵️ مفيش حضانة ناجحة بدون توفيق ربنا وعونه
🏵️ مفيش حضانة ناجحة بدون مدير مجتهد نشيط متطور
🏵️ مفيش حضانة ناجحة بدون فريق عمل متماسك ومتعاون
🏵️ مفيش حضانة ناجحة بدون معلمات بيحبوا الأطفال بجد
🏵️ مفيش حضانة ناجحة بدون أمهات متعاونة وملتزمة
🏵️ مفيش حضانة ناجحة بدون منهج قوي ومتميز وفعال
🏵️ مفيش حضانة ناجحة بدون خطة عمل منظمة ومدروسة
🏵️ مفيش حضانة ناجحة بدون رؤية ثاقبة طويلة المدى
🏵️ مفيش حضانة ناجحة بدون دعاية جذابة ودورية ومتنوعة
🏵️ مفيش حضانة ناجحة بدون جهد مستمر وتعاون كل الأطراف
🏵️ مفيش حضانة ناجحة بدون علاقات قوية وممتدة
🏵️ مفيش حضانة ناجحة بدون همة عالية وطموح مستمر