25/06/2023
بخصوص صعوبة امتحان الكيميا السنادى وزعل طلاب كتير انهم محلوش كويس واللي يقول حلمي ضاع أو الكليه اللي كنت حاططها لنفسي كده مش هلحقها حابب اقول كلمتين..
١-عمر ما كان حلك الكويس لامتحان ماده معينه ضامن ليك انك تجيب مجموع عالي وتدخل الكليه اللي انت عايزها ولا عمر حلك الوحش ( من وجهة نظرك ) لامتحان ماده معينه انك كده مش هتلحق حاجه وحلمك ضاع وكل الكلام ده اللي هو في الاول والاخر وسوسة الشيطان ليك..
٢- اوعي تفتكر ان زعلك علي امتحان هيزودلك درجات ولا هيرجع بيك الزمن انك تمتحن تاني وتصحح غلطاتك خليك عارف انك سلمت ورقتك خلاص وزعلك او فرحك مش هيغير حاجه اللي هيغير هو انك تنسي الماده اللي امتحنتها وتدخل في اللي بعدها علطول علشان ده اللي بيفرق الطلاب عن بعضها كل سنه.
وأخيراً "لا يليق بالمؤمن في تقلُّب أحواله؛ إلا أن يُحسِن الظنَّ بربِّه، ولو كانت النوازل تفتكُ به فتكًا"
أحسنوا الظن بالله يرحمكم الله. 🤍
