King's Academy

رسالة مهمة لكل ولي أمر حابب يشوف ابنه بطل حقيقي 🥇🔥

kings Academyإحنا مؤمنين ان
🏆 البطولة مش بتيجي من تمرين بس
البطولة بتيجي من دعم + وعي + صبر + شغل صح

وده أهم النصايح اللي بتصنع بطل 👇👇

🔹 1️⃣ الدعم مش الضغط ❤️
ادعم ابنك بكلمة حلوة، تشجيع، حضن…
الضغط الزايد بيكسر الثقة وبيقتل الموهبة ❌
البطل بيطلع من بيئة آمنة مش مخيفة 🛡️

🔹 2️⃣ حبّب ابنك في المكان 🏟️😍
لما الطفل يحب الأكاديمية ويحس إنها بيته التاني
هيدخل التمرين مبسوط وهيتعب وهو راضي 💪

🔹 3️⃣ اختار كابتن فاهم نفسية الطفل 🧠🥋
مش كل كابتن شاطر يبقى مناسب للسن الصغير
الطفل محتاج كابتن:
✔️ يفهمه
✔️ يحتويه
✔️ يعلّمه بحب قبل الشدة

🔹 4️⃣ متقارنش ابنك بغيره ❌⚖️
كل لاعب ليه توقيته
المقارنة بتكسر الثقة وبتعمل عقد نفسية
سيب ابنك ينجح بطريقته 🌱

🔹 5️⃣ ثق في الكابتن وسيبه يشتغل 🤝
التدخل المستمر بيشوّش الطفل
الكابتن شايف الصورة كاملة
وهدفه مصلحة اللاعب مش بطولة مؤقتة 🥇

🔹 6️⃣ ركّز على الأخلاق قبل البطولات 🧭
الاحترام، الالتزام، الانضباط
دول أساس أي بطل حقيقي
الميدالية بتيجي وتروح
لكن الأخلاق بتفضل 🏅➡️❤️

🔹 7️⃣ علّم ابنك يتقبل الخسارة 🔄
الخسارة مش فشل
الخسارة درس وتجربة
والبطل الحقيقي هو اللي يقع ويقوم أقوى 💥

🔹 8️⃣ امدح المجهود قبل النتيجة
قول له:
💬 أنا فخور بتعبك
مش بس: فين الكاس؟
ده بيزرع الثقة والدافع الداخلي 🌟

🔹 9️⃣ الانتظام سر التفوق ⏰
يوم تمرين رايح… يوم جاي
مش هيطلع بطل
الالتزام = تطور = بطولة 📈

🔹 🔟 التغذية والنوم جزء من البطولة 🍎😴
جسم سليم = أداء قوي
سهر كتير وأكل غلط
يعطّل أي موهبة مهما كانت 💔

🔹 1️⃣1️⃣ خلي الرياضة متعة مش عبء 🎯
اللعب بحب يطلع أبطال
اللعب بخوف يطلع انسحاب
الطفل لازم يضحك وهو بيتعلم 😄

🔹 1️⃣2️⃣ شاركه حلمه واحتفل بيه 🎉
بطولة صغيرة؟ صفق 👏
تحسن بسيط؟ شجع 💙
النجاح بيتبني بالاهتمام مش بالإهمال

✨ في kings Academy
💪 بنبني اللاعب بدنياً
🧠 ونأهله نفسياً
❤️ ونزرع فيه القيم قبل البطولات

🥋 نصنع أبطال على البساط… وأبطال في الحياة

ابنك مشروع بطل… وإحنا شركاء الرحلة 🌟

kings Academy #



#تايكوندو

شكرا علي اليوم الجميل و اللقاء المفيد ( تحت ١٧ سنة و فوق ١٧ سنة ) بين ابطال كينجز اكاديمي ونادي الموسسه العسكريه بالهايكستب و نادي سموحه ❤️❤️

شكرا المدير الفني لنادي سموحه الاولمبي Mohamed Magdy علي حسن الاستضافة

شكرا لكل مدربين نادي سموحه
فعلا يوم مفيد ومستوا مشرف ورائع لجميع ابطالنا وابطال فريق نادي سموحه و ان شاء الله يتكرر كتير الفترة القادمة 🤍

عشان تبقى ولى أمر ناجح فى التايكوندو
أولا كدا

التايكوندو من سن خمس سنوات او اقل حتى سن عشر سنوات مرح ولعب هتضغط على ابنك او بنتك عشان فلان علق ميداليه والا بنت فلانه سبقت بنتك انسوا الكلام ده

ثانيا متبصش لابن غيرك

ينهار مش فايت الولد ابن استاذ فلان السنه اللى فاتت ابنى كان بيكسبوا شوفوا دلوقتى بيكسب ابنى ... ايوا يا فندم بيكسب ابنك عشان فى مرحله اسمها مرحله البلوغ وابن حضرتك لسه وابن فلان اللى مزعلك بتحسنه بلغ وجسمه بقا اكبر واقوى ونحب نطمنك ان ابنك لما هيبلغ هيفرحك بس انت متضغطش عليه و دعم فيه الثقه بالنفس

ثالثا الناس اللى خرجوا برايفت كلهم كويسين

اكيد يا فندم الناس اللى بتتمرن برايفت بتدفع فلوس للتمرين والفتنس والتغذية والانسان لما بيدفع بيلتزم يبقا هما نجحوا عشان التزموا جرب انت تلتزم كده وشوف ابنك او بنتك هينجحوا ازاى يبقى منعلقش اخطأنا على شماعة غيرنا

رابعا اوعى تكون من القطيع

فى اى نادى وفى كل مرحلة سنيه هتلاقى ولى أمر او اتنين بيلعبوا دور الكومندا أو القائد و هيفهموك انهم عايزين المصلحه العامه للفرقة و التايكوندو و الكرة الأرضية ويسخنوك عشان تعمل بلاوى مع الكابتن او المساعدين او المسؤليين والا هتبقا فى نظرهم ضعيف او معندكش ضمير 😂 ..دول بقا لا يهمهم مصلحه عامه ولا حاجه بس شغالين على النغمه ديه عشان يكسبوا الناس الطيبة اللى على نياتهم المهم بقا كل همهم انهم يعرفوا المدربين ان صوتهم جامد ومسموع عند الناس و يتخاف منهم 😳 😂فيهتموا بولادهم وينسوا الباقى اوعى تبقا من القطيع اللى بيساعدهم ، اوعى عشان ابنك او عشان بنتك انتوا اللى بتعملوه قائد وانتم اللى هيتم اهمال ولادكم فى الاخر عشانهم .. خدوا بالكم

خامسا الاحتواء

لما ابنك او بنتك ما يوفقش فى بطولة بلاش نجيب القديم والجديد ونقلب عليه المواجع كلها وانوا كان مهمل و عنده لامبالاه والكلام الكتير اللى بيوجع ... كده هتخليه يكره التايكوندو ويكرهكوا انتوا كمان ، هو محتاج كلام فى الفتره ديه يخرجوا من اللى هو فيه زى احنا لسه فى اول المشوار ولسه هنكسب وهنخسر وبعد كده اعرفوا انتوا قصرتم فى ايه وعالجوه بهدوء

سادسا متعومش على عوم حد

اولياء الامور لما بتقعد مع بعضها بيكلموا على المدرب وتلاقى ناس بتسخنك ان المدرب مش كويس ومفيش اى جديد مع الفريق والناس دول اصلا هتلاقيهم مش ملتزمين بس مبدأهم يانعيش عيشه فل يا نموت احنا الكل يعنى مش ملتزم ومش عايز حد يبقا كويس ولو جبتلو مدرب من السما هيطلع فيه القطط الفاطسه ..خدوا بالكم

سابعا متسمعش لحد

ركز مع ابنك او بنتك وسيبك من اى كلام حوليك اصلا فلان بيقول ان ابنك ضعيف فى الماتشات وبيخاف و كلام من اللى بيهدى النفوس اوعى حد يسخنك عشان فلان عايز يوقعك مع فلان وانت تفقد تركيزك مع اولادك ويجرك لحته تانيه خالص و فى الاخر انت اللى هتطلع غلطان..😳 بتبصلنا كده ليه ايوا هتطلع غلطان

ثامنا الاخلاق

التايكوندو مش لعب وضرب وبس التايكوندو اخلاق يعنى حاول تعلم اولادك الالتزام بمواعيد التمرين ولبس للتمرين ميبقاش ابنك جاى يتمرن بهدوم الدرس وكلام زى دا غلط علمه المسئوليه مش الجو سقع ياد اقعد من التمرين🤔 مره مع مره هتربى فيه عدم المسئوليه وعدم الالتزام

تاسعا التغذيه

اهتم بتغذيه مستقبلك ابنك او بنتك هما مستقبلك ودى مرحله تأسيس وبناء دايما اهتم بيهم وبصحتهم متسمحش لهم ياكلو من برا وعاوز ابنك يبقا اقوى جسديا ومناعه كمان

عاشرا المدرب

المدرب دا زيه زيك كل هدفه يشوف اولاد حضرتك احسن اولاد بيشاركك فى التربيه دايما اتكلم معاه متبقاش تتكلم عليه🙅 لان بردو الكلام بيوصلو وهيبقا شكلك وحش ..😂

اخيرا

ابعد عن المشاحنات وعن كلام المحيطين ولو قعدت فى قعدة جايبن سيرة فلان سلم وامشى واوعى تتكلم على حد عشان الكلام هيوصلو بعد دقيقتين وركز مع ابنك عشان جلسات النميمه ديه انت ملكش فيها انت هدفك هو نجاح ابنك اوعى حد يبعدك عن الهدف ده
واوعى تستعجل نجاح ابنك وانو يعلق بدرى عشان تفرح فرحة السراب او الفرحة المؤقته لا احنا عايزينك تفرح فرحة مستمرة بنجاح ابنك فى العمومى و اخيرا اوعى تستكتر حاجه على ابن فلان او بنت فلانه عشان ربنا يكرمك فى ابنك أو بنتك .. وحاول توفر لابنك مناخ جيد ومتخلهوش تحت ضغط
وإن شاء الله ربنا يوفق أولادكم وبناتكم ونشوفهم أبطال .

شوفته علق ميدالية دهب🥇 او فضة🥈 او برونز 🥉؟!

تعرف بقى ايه اللورا الكواليس؟!!!🤔

ام بتنزل تودي وتجيب النادي يوميا وتقعد تنام علي نفسها ف التمرين اللي بيخلص ١٠ و١١ بالليل دا طبعا بعد مابتكون خلصت الاكل وكل شغل البيت قبل ماتنزل😭

واب طالع عينه في الشغل ليل نهار علشان يوفرله فلوس التمرين والبرايفت والادوات واللبس والمرواح والمجي 🙆🏻‍♂️

عمرك سألت نفسك هما حرموا نفسهم من ايه علشان الولد يوصل للميدالية دي؟!

تعرف انهم ممكن اجازة الصيف كلها تعدي وميحسوش بيها اصلا ولا يقدرو يسافرو ولا حتى يخرجو يغيرو جو علشان التمرينات والبطولات 😏

طب شوفتهم وهما قاعدين صيف شتا ف الحر والبرد ف قلب النادي عشان التمرينات😬

شوفته وهو طالع م المدرسه امه بتأكله ع باب الشقه واحتمال ميبقاش في وقت فتاخده ع التمرين على طول وهو مش شايف قدامه ؟؟؟؟😔
او يرجع يوميا من المدرسة على درس على تمرين واتنين مفيش وقت للراحة ويرجع ١٢ بالليل ومطلوب منه يصحى بدري علشان يعيد نفس اليوم وطبعا كل دا بالخناق والمناهده علشان مفيش طفل مثالي🤦🏻‍♀️

جربت احساس الهوم ورك وهو بيتعمل ف النادي بين التمارينات علشان مفيش وقت 🙃!!!!

طب شوفته وهو عنده بطولة وعليه ميزان ومحروم من كل حاجه وعمال بيجري هنا وهناك علشان يجيب ميزانه .. ميقدرش ياكل بسكوته ولا كيس شبسي زي بقيت الاطفال 🥲

طب شوفت شدت اعصابه وهو مطلوب منه يتمرن يوميا علشان يحقق في البطولة وفي نفس الوقت يذاكر وميأثرش في الدراسة

لما تشوف ولد من دول قول بسم الله ماشاء الله وافرح له واتمني البركة ليه ولأهله

وقد تأتيك النعمة لأنك تمنيتها لغيرك

بطل رياضه في مصر يعني أم مضحية براحتها وأب شقيان على ولاده واولاد مضغوطين وطالع عينهم

الاكاديمي رقم واحد في رياضة التايكوندو بوسط الدلتا وكل يوم بنثبت دا بنتائج ابطالنا والجهاز الفني بقياده كابتن Mohamed Eltorky
مليون مبروك ابطال الفريق ترتيب عام ثالت في بطوله الجمهوريه تحت 14 سنه شكرا علي الاداء المشرف و والحصول علي مراكز متقدمه بعد اداء مشرف وعالمي

البطله ملك عبد الرؤوف مركز تاني
البطل ادم اسلام جمال مركز تالت
شكرا مدربين الاكاديمي
ك فتحي الشحات
ك ندا محمد حسن
ك محمد الشحات
ك احمد ايمن
شكرا باقي اولادنا الابطال علي الاداء المشرف وشكرا اولياء الامور كلها على الدعم المستمر لابطالنا ومدربينا والقادم افضل بإذن الله

انجاز دولي جديد لنجم منتخب مصر ونادي الجيش وKing's Academy بقياده مديرفني فريق التايكوندو مMohamed Eltorky يحرز المركز الثالث والميداليه البرونزيه في بطوله التضامن الاسلامي المقامه بالمملكه العربيه السعوديه
مليون مبروك 💪🙏❤️ للبطل محمد موسي رغم انه اصغر لاعبي منتخب مصر الاول الا انه قدر يكسب لعيبه دوليه واولمبيه وان شاء الله القادم افضل
وشكر خاص لاستاذ سيد موسي ولي امر الاعب الي تعبه السنين الي فاتت ودعمه المستمر للبطل ومدربينه والقادم افضل بإذن الله

الحمدلله الذي بنعمه تتم الصالحات ابطال King's Academy بقياده مدير فني فريق التايكوندو كMohamed Eltorky يتالقون كلعاده ويحصدون المراكز الاولي في معظم موازين بطوله جامعات طنطا للتايكوندو
وابطالنا
حسن محمد
ندا محمد
فتحي الشحاته
رودينا ابو زيد
محمد الشحاته
محمد يونس
علي النمس
روان زفتاوي
منه صلاح
محمد صلاح
مصطفي النحاس
شكرا ابطال الفريق علي الاداء المشرف وشكرا اولياء الامور كلها على الدعم المستمر لابطالنا ومدربينا والقادم افضل بإذن الله

💙 قوة الأم والأب 💙

خلف كل رياضي محرّك خفي...
أحيانًا لا نراه في التمارين، ولا نسمعه في البطولات،
لكنّه موجود، يدفع كل خطوة، وكل ضربة، وكل جهد. 🫶🫶🫶

الأب والأم يمكن أن يكونا المعادلة المثالية:
✨ هما من يشجعان عندما يظهر التعب.
✨ وهما من يُصرّان على عدم الغياب.
✨ ويعرفان متى يضغطان ومتى يحتضنان.
✨ ويؤمنان، ويستثمران، ويرافقان في الطريق.

لكن... يمكن أن يتحوّلا أيضًا إلى أكبر عائق 😮 💨

عندما لا يُظهران الاهتمام، عندما ينتقدان أكثر مما يُحفّزان،
عندما تُطفأ النار بدل أن تُشعل. 😖

فالبطل لا يُصنع فقط فوق البساط،
بل يُصنع أيضًا في البيت،
بالحبّ، والدعم، وقدوة الوالدين. 🥋

لأنّه عندما تعمل العائلة والرياضي في نفس الاتجاه...
لا حدود لما يمكنكم تحقيقه معًا.

� لما يكون في البيت بطل رياضي 🥋🏆

لما ابنك يختار طريق الرياضة، مش هو بس اللي بيتغيّر…
العيلة كلها بتتغيّر ❤️

الصبح مبقاش كسل ونوم 💭،
بقى نشاط وطاقة 💥، وصوت المنبّه بقى معناه:
“يلا يا بطل.. يوم جديد وتمرين جديد!” 💪

البيت نفسه بيختلف —
فاكهة وخضار أكتر 🍎🥗، ضحك أكتر 😊، وحياة منظمة أكتر 🌙
نوم بدري، تمرين بجد، وحلم بيكبر كل يوم ⭐

الرياضة بتعلّم الطفل الالتزام والاحترام والمثابرة 🥋،
بس العيلة هي اللي بتعلّمه الحب والدعم والتحدي 👨‍👩‍👧‍👦

الأهالي بيتعلّموا الصبر،
ويشجعوا حتى في الأيام الصعبة 🙌،
ويفرحوا بكل خطوة صغيرة قبل الكبيرة ❤️

الإخوات كمان بيتحمسوا،
وبيكتشفوا إن الأحلام بتكبر لما نعيشها سوا 💫

وجود ابن رياضي مش مجرد تمارين وبطولات…
ده إنك تعيش الشغف والطموح كعيلة واحدة 🔥

كل تعب ليه قيمة، وكل إنجاز بيفرح،
وكل دمعة مجهود أغلى من أي ميدالية 🥇

لأن لما ابنك بيقاتل عشان حلمه…
إنت كمان بتتغير وبتكبر معاه 🌱

في King's Academy
مش بس بنخرّج أبطال
✨ إحنا بنربّي إنسان مختلف… بطل في حياته قبل بطولاته ✨
وتس 01002068264

's Academy #تايكوندو