Balance توازن

👍فن التجاهل
من أهم وأول خطوات السلام النفسى ودا سلوك بنستخدمه للدفاع أو تحسين الصحه النفسية ⚘️
# يعنى إي التجاهل ؟؟؟
✅ ️يعنى عدم التفاعل مع مواقف أو أشخاص هيحصلنا بسببهم أذى نفسى والتفاعل معاهم هيسبب لنا توتر أو مشاكل أو....
✅️ التجاهل الذكى وسيلة فعالة جدااا لتحسين الصحة النفسية
# طيب نتجاهل إى ؟ ومين ؟
✅️ نتجاهل أى موقف يؤذينا ويؤذى مشاعرنا ويشغل تفكيرنا بشكل سلبى .
ونتجاهل الأشخاص ال وجودهم حِمل علينا وعلى أعصابنا ونفسيتنا .
الاشخاص ال طول الوقت بيصدروا طاقة سلبية .
الناس ال طول الوقت عايزه تاخد من طاقتك .
الناس ال بتقلل من قدراتك وأفعالك وتخليك تحس إنك مقصر .
# طيب لو الناس دى من الدايرة القريبة ليا ومينفعش أبعد عنهم أوأتجاهلهم ؟؟؟؟
✅️ يبقى تجاهل جزئي
بمعنى اعملهم mute أضعهم على وضع الصامت
يعنى اسمع بس بدون تركيز فى الكلام ولا اهتم بالكلام ولا أفكر فيه
💓 أركز على صحتى النفسية وبس
سلامى النفسى لازم يكون هو أهم أولوياتى .
دمتم فى راحة بال ورضا من الرحمن 💜

فاضى شوية نشرب قهوة ف حته بعيدة .☕️

✅️ مهم جدًا يكون لك وقت تفصل فيه من ضغوط الحياة ( مشاكل ، الشغل ، البيت ، الاولاد ، المسؤليات وو........).
وقت تريح عقلك من التفكير وتاخد نفس عميق وتعمل حاجه لك انت ، تكون بتحبها تقعد فى مكان بتحبه تشرب حاجه أو تتمشى بدون هدف أو تقعد فى مكان وتبص للسماء أو للبحر لو مدينتك فيها بحر.
✅️ مهم جدا تفريغ الضغوط ال حواليك.

الكبت لوقت طويل وعدم الراحة من التفكير شئ مرهق ومؤذى جدًا مش بس نفسياً لا كمان صحياً .❌️

لازم تاخد فاصل عشان تقدر تكمل .

يجي حد يقول انا مش قادر انزل .
تمام وانت فى البيت خصص لنفسك وقت تقعد لوحدك تفصل فيه من التفكير الزائد وأشكال تانية من الفريغ لو بتحب ترسم، ارسم .ممكن تسمع قرآن أو موسيقى أو تقرأ حاجه بتحبها أو أى شئ بتحبه .

هيفرق معاك كتير جدًا عشان تعرف تواصل مهام الحياة .

💓 حب نفسك وصاحبها .
⚘️ طبطب على قلبك .
🤲 واستعن بربك .

دمتم فى راحة بال ورضا من الرحمن 💜

- انا قصرت ☹️
- كان فى نتيجة احسن من كدا .
- كان ممكن انجز حاجات اكتر من كدا .
كل دى أسئلة بنسألها لنفسنا ، دا مش تقييم ايجابى .ولا عتاب لنفسى لا دا اسمه :
# جلد الذات ❎️
جلد الذات دا من مسببات القلق والتوتر وكمان ممكن يكون عائق لإنجاز الاهداف .
لازم أصاحب نفسى وأقدرها وأقدر تعبها وأتقبلها ولازم اعرف قدراتى وإن كل واحد قدراته مختلفة عن غيره وبدل ما اعاتب نفسى وأحسسها بالتقصير ...
أشجع نفسى وارضى وأسعد بإنجاز العمل ال عملته
# ✅️ بلاش تقارن نفسك وإنجازاتك بحد تانى كل واحد له ظروفه وأسلوب حياته .
✅️ المهم انك تكون راضى ومتصالح مع نفسك .
** ✅️ يعنى يكون فى توازن لا تضغط على نفسك بزيادة .، ولا تروح للكسل بزيادة .
اعمل ال عليك واستعن بربك .
دمتم فى راحة بال ورضا من الرحمن 🩷

** الوصول إلى المثالية
من أقوى أسباب القلق والتوتر .
ما هى المثالية ؟
مفهوم المثالية المتعارف عليه هو إنى أكون شخص بدون عيوب و لا يخطئ ويقوم بكل المهام بدقة ١٠٠ % مهما كانت كثيرة .
ودى مغالطة كبيرة جداااا ❌️
ربنا سبحانه وتعالى لم يخلق انسان بدون عيوب أو معصوم من الخطأ ، إلا الرسول عليه الصلاة والسلام .
# ما هى المثالية ال تحقق لى الصحة النفسية ؟
المثالية مش انى اعمل ١٠ حاجات فى نفس الوقت وبنفس الكفاءة وكأنى أخطبوط 🐙
# # المثالية هى إنى أكون شخص عندى أخلاق ومبادئ وقلبى نقى مفيش فيه اى ضغينه أو كراهية أو ......
✅️ هى إنى كل يوم أسعى إنى أكون شخص أفضل من امبارح مش أفضل من الآخرين .
✅️ ركز مع نفسك ، انت مش موجود فى الدنيا عشان تبهر الآخرين .
و لو كل واحد ركز مع نفسه مش هيبقى فى آخرين ! 🤭
دمتم فى راحة بال ورضا من الرحمن .💜

( حب ، غضب ،فرح ، ملل ، سعادة، خوف ، راحة ، اطمئنان، قلق .........)
كل دى مشاعر بتكون وجداننا وشخصيتنا، على مدار اليوم بنتنقل من شعور لآخر .
بس السؤال الاساسى فى صفحتنا ازاى نوصل للصحة النفسية ال محتاجينها عشان نقدر نتعامل مع الحياة .
# التوازن
التوازن من اهم العوامل ال بتساعدنا على تحسين صحتنا النفسية .
يعنى بلاش ننجرف ونبالغ فى اى شعور
وخاصةً الغضب .
وهنا فى توازن هنعرف ازاى نعمل توازن عشان نقدر نوصل للصحة النفسية
ودايماً بنقول
# التوازن وَعىّ لا سكون
يعنى لازم نفهم مشاعرنا كويس ونحدد اهدافنا . التوازن مش معناه تخاذل وسكون وانعزال بالعكس دا فهم لنفسى ولأهدافى وعوامل راحتى وأمانى بشكل يخلى العقل والقلب متفقين على طريق واحد وهدف واحد وهو راحتى النفسية .

* دمتم فى راحة بال ورضا من الرحمن .

احتفال أبناء كيان بعيد الأضحى المبارك
(خروف العيد من عجينه السكر والبسكوت )
كل عام وانتم بخير
أعاده الله عليكم بالخير واليمن والبركات 💗