عالم رياض الأطفال
Cooperation is the foundation of every successful project in life, 🦾🥰
and it is the motto of our children at
kids Academy interactive section 🤍💚
أكبر إستثمار للوالدين ..هو ترگ إخوه متحابين 👌
النجاح ممكن يكون صدفه .. لگن الإستمرايه رغم الصعوبات هي الأقوي 🎈👌
الأطفال في القسم التفاعلي 😆
ربنا يحفظكم حبايبي 🥰🎈
13/05/2026
🎈سمايل گيدز ترحب بأطفال شهر مايو الجدد 🥰
مطلوب معلمات للعمل
بكل جديه خبره في مجال التأسيس تخصص لغه عربيه ولغة انجليزيه
11/05/2026
نزلت البوست دا👇
اسألوا الولاد هتعمل إيه لو صحيت لقيت نفسك في الغابة لوحدك؟
متعرفش إنت فين ولا فيه حد حواليك اسألوا من غير ما تساعدوهم 👀
أنا عايزة أشوف تفكيرهم الحقيقي
⭕ ولاد قالوا هاعيط أو هانادي على ماما
(تفكير عاطفي واعتمادي)
دول أطفال الجهاز العاطفي عندهم هو اللي بيدي رد الفعل الاولي
أول رد فعل هو طلب الأمان من مصدر الحب.
محتاجين نمرنهم على إنهم يفكروا في ايه هي الخطوة اللي بعد كدة؟
اسألوهم طيب لو ماما بعيدة ومش سمعاك إيه أول حاجة تعملها لحد ما توصلها؟
⭕ ولاد قالوا هاصوت بصوت عالي جدا عشان حد يسمعني
(تفكير خطي)
ده طفل عملي ومباشر، بيفكر بطريقة خطية:
شاف مشكلة إن أنا وحيد قال الحل أخلي حد يسمعني بسيطة مش كده 😅
محتاجين نوسع تفكيره عشان يشوف حلول تانية غير الصوت في حالة إن الصوت منفعش او اننا كنا بعيد اوي عن ان حد يسمعنا🤷
ونسأله طيب لو صوتك راح هاتتصرف ازاي؟
⭕ ولاد قالوا هاولع نار
(تفكير عملي)
ده طفل عبقري وعملي جدًا عقله استدعى مهارة حياتية
ألا وهي علاقة النار بالنجاة عموما
عنده ذاكرة قوية استرجعت معلومات من فيلم أو كتاب
محتاجين ننمي عنده التفكير في العلاقات بين الاشياء
ونسأله طيب والنار دي هتولعها منين؟ ولو معندكش ادوات هاتتصرف ازاي؟
⭕ ولاد قالوا هادور على النهر أو هاعمل مركب
(تفكير تخطيطي وتنفيذي)
دي عقول تخطيطية من الطراز الأول.
شافوا الغابة فكروا في المية كدليل حياة وطريق للخروج.
الطفل اللي قال مركب ده عقل تنفيذي عالي بيفكر في التصنيع من الموارد المتاحة
ومش بعيد يكونوا اتفرجوا على فيلم أرلو😁
محتاجين نغذي عقلية المهندس اللي جواهم
ونسألهم طيب هانعرف منين اننا ماشيين صح؟
وافرض ملقيناش نهر🙆
⭕ ولاد قالوا هاطلع على أعلى شجرة أو مكان عشان أشوف منه
(تفكير استراتيجي)
ده طفل بطبعه مش بيتصرف قبل ما يعرف الموضوع ماشي ازاي او ايه هي المعلومات اللي معاه
عشان بيستخدمها كسلا..ح
بيوقف نفسه ويقول محتاج معلومات أكتر قبل أي خطوة
دي مهارة كبح الاندفاع اللي كلنا نحلم نعلمها لأولادنا
اللهم بارك 🥰
اسالوا الولاد وقولولهم إنت قائد استكشافي عظيم طب لو نزلت من الشجرة ولقيت طريقين هتختار إزاي؟
⭕ ولاد قالوا هافضل ماشي أستكشف أنا فين
(تفكير استكشافي )
ده عقل يحب التحدي والمغامرة بدل الخوف حب الاستطلاع هو اللي بيحركه
مشكلته الوحيدة انه بيندفع من غير خطة
محتاجين نعلمه يوقف شوية ويرسم خريطة ذهنية للأماكن اللي عدى عليها
ونسأله هنا طب و انت ماشي عشان متوهش وتعرف ترجع هاتحط علامات ايه في طريقك؟
⭕ ولاد قالوا هادور على حيوانات ألعب معاهم
(تفكير خيالي)
في العالب الاطفال دول صغننين
وعايشين في عالم الخيال والسحر
الطفل هنا رفض المشكلة تمامًا وحولها للعبة.
شاف الغابة = ملاهي حيوانات.
عندهم إبداع عالي جدا لكن محتاجين يتعلموا إن فيه فروق بين الخطر والمرح من غير ما نكسر خيالهم
اسألوهم دي فكرة ممتعة بس لو الأسد جاي يلعب معاك وجري وراك هتعمل إيه؟
انا عن نفسي هاعمل نفسي من بنها😁
⭕ ولاد قالوا هافرك عيني يمكن أكون بحلم
(تفكير مجرد)
ده طفل عبقري في التفكير المجرد.
مش بيقول هخاف بيقول "يمكن ده مش حقيقي ده تفكير فلاسفة
فيه نوعين من الأطفال بيقولوا كده
1. المفكر العميق: وده فعلاً بيختبر الواقع عشان يتأكد انه واقع
2. المتجنب بيستخدم الجملة عشان يرجع ينام وميواجهش المشكلة
محتاجين نفرق بينهم ونشوف هل هو بيفكر ولا بيهرب؟
ونسأله طب لو فركت عينك ولقيت نفسك لسه في الغابة هاتعمل ايه؟
⭕ ولاد قالوا هادعي ربنا ومش هاتنقل من مكاني
(تفكير ايماني _ توكل بالله )
ده طفل عنده إيمان عميق وبوصلة روحية قوية
شاف إن الحل مش في إيديه ففوض الأمر لله وثبت نفسه
محتاجين نضيف للتوكل بقى 👈اعقلها وتوكل
يعني ادعي ربنا وأنت في مكان آمن بس برضه دور على مية أو حتة دافية
ونسأله طيب وانت بتدعي ايه الحاجة اللي ممكن تعملها تخليك في امان وتسهل على اللي بيدور عليك يلاقيك؟
⭕ ولاد قالوا هارجع أنام تاني أنا أصلاً بخاف أبقى لوحدي
(تفكير تجنبي )
الحل دا كان من مراهقة
أخطر وأصدق إجابة الطفل ده مش كسول هو متجمد من الرعب دي استجابة طبيعية عند الخوف الشديد.
محتاجين نشتغل على بناء الأمان الداخلي قبل ما نشتغل على مهارات النجاة
ونسأله طب لو فعلا نمت ولما صحيت لقيت نفسك جعان وبردان هاتعمل ايه؟
👈 وفي الآخر كل إجابة هي خريطة لعقل طفلك
فيه طفل بيفكر بـ قلبه (العياط والصريخ)
وفيه طفل بيفكر بـ إيديه (النار والمركب)
وفيه طفل بيفكر بـ دماغه (الشجرة والنهر)
الغرض مش نعرف مين اللي صح
الغرض نعرف ابنك بيفكر إزاي عشان نكمل له النقص ونقوي له القوة
أسئلة مفتوحة زي دي بتخلينا نلعب مع أولادنا ونفهمهم، وبنمرنهم على أهم مهارة وهي
مواجهة المشكلات بمرونة😀
10/05/2026
اسألوا الولاد هتعمل إيه لو صحيت لقيت نفسك في الغابة لوحدك
متعرفش انت فين ولا فيه حد حواليك
اسألوا من غير ما تساعدوهم👀
أنا عايزة أشوف تفكيرهم الحقيقي
اكتبولي ردودهم… وهقولكم كل رد معناه إيه 👇