22/08/2025
🎙️يا ماما، علمي ولادك لما يطلبوا من حد يلعب معاهم ويقولهم: “لأ”…
يردوا بكل ثقة:
“براحتك… هنلعب مع ناس تانية عااادي 😎”
💪 خليهم يقولوها بثقة من غير ما يهتزوا أو يحسّوا إن في مشكلة…
وعرفيهم إن اللي مش عايز يلعب معاهم هو الخسران 🙅♀️.
🚫 مفيش داعي يبقوا مهزوزين الشخصية أو يستعطفوا حد عشان يلعب معاهم.
❌ ميعيطوش ولا يعتذروا إلا لو كانوا غلطانين فعلًا.
لأن في أطفال – لمجرد إن حد رفض يلعب معاهم – يفضلوا يعيطوا 😢 ويلفّوا وراه عشان يرضى عنهم ويلعب معاهم!
وممكن يوصلوا إنهم يدّوه لعبتهم بس عشان يرضى 😞.
💡 فـ قوّي شخصية ابنك، وعرفيه إنه غالي 👑… وإنه يقدر يعمل أصحاب كتير بيحبوه من غير ما يتحايل ولا يعتذر على حاجة هو مش غلطان فيها.