Eslam mohamed

-ابدأ رحلة التغيير، اختر نظامك الغذائي، التدريبي الآن
-ابدأ في تعلم مجال التدريب والتغذية من خلال الدورات المتاحة على موقعنا، وكمان تقدر تتعرف على كورسات سوق العمل , كورس مشروع الجيم من خلال الموقع الخاص بنا
eslammohammed.com نبذه بسيطه
-انا إسلام محمد مواليد 1988♥️
-طموح لدرجه الجنون تقريبا بفكر طول الوقت إزاى أوصل لحلمى وهدفى لدرجه إنى أوقات بسرح و أتكلم مع نفسى بصوت عالى عن أفكار بتكون فى دماغى عاوز أنفذها.
متعودتش أيأس ولا أخاف من المواجهة ﻷنها تقريبا بتحسم الأمور وخصوصا فى هدفك أو حلمك
-بدأت فى مجال الرياضة لما علمت فكرة فاكر وقتها لما رحت أشترى الأجهزة ولقيتها غالية عليا مايأستش
اشتريت حديد وعملتها على إيدى فى ورشة صغيرة أعرفها
كنت بسمع تقريبا صوت فى عقل الناس بيتشكل فى ردود أفعالهم لما يعرفوا إنى بتمرن على السطح نظرات كلها إستخفاف وتكسير مقاديف بس ولا كنت بشغل بالى كمل لنفسك عادى ولا كان فى دماغى اتشهر ولا حاجة
-عملت فورمة
-ومع أول فيديو عملته وعلى كام شير وكام كومنت والفكرة عجبت ناس وبقيت لازم أعمل فيديوهات قررت أفهم على قدى علشان يدوب أعرف بس أقول المعلومة
كتاب جاب كتاب ومقالة جابت فيديو وفهمت أكتر من اللى كنت محتاجه وبقيت بعمل فيديوهات من جيم السطح وبقيت أفيد الناس على قد معلوماتى
برضو الناس اللى حواليك اللى هما أقرب ناس ليك ممكن أصحابك أو حد من العيلة بقو يستخفوا أكتر وكل ما تبعد عن دايرة معارفك كل ما هتلاقى اللى يشجعك ويدعمك
-كبرت وكبرت الفكرة وقررت أنى مقفش عند معلومات أخدتها من فلان أو من مقالة
ورحت أخدت كورسات كتير وتقريبا مكنش ليها لازمة أانها كانت
كلام بيتحفظ مش معتمد على الفهم يعنى علشان تاخدها لازم تكون صاحب خلفيه رياضية كبيره (كل ده بصرف من جيبى على حاجه بحبها مش أكتر ) شغال إيه فى الوقت ده ؟ شغال موظف عادى
رجعت تانى للمقالات وبقيت أترجم وهكذا لحد ما بقيت صاحب خلفية رياضية الحمد لله كويسة
روحت أماكن بعيدة عنى و ﻷنى من المنصورة فمشوار القاهرة عليا سفر
بقيت أسافر 5 ايام فى الأسبوع وأخد أجازة أو أغيب من الشغل علشان أخد دروات وأخدت الحمد لله
-وبعد فترة بقيت معتمد دوليا ﻷ بقيت بفضل الله من اأصغر المدربين المعتمدين دوليا
pt
Cft
-معتمد من قبل الإتحاد المصرى لكمال اﻷجسام
ودبلومات تانية فى تأهيل الإصابات، التغذية،التشريح العضلى
بعدها اتعرض عليا سفر كتير جدا جدا جدا فى دول عربية و أوروبيه بصراحة كنت بخاف من فكرة السفر ولأنى متعلق جدا بأولادى وأهلى كنت برفض
-بدأت اتابع أونلاين وعملت نتائج خيالية لف فى البيدج وهتعرف وهاتشوف متابعين من كل أنحاء العالم والحمد لله بقى معايا عدد وليا دخل أكبر من دخلى من شغلى بمراحل كتير جدا بدون مبالغة ولله الحمد
-بدأت أعطى كورسات أونلاين فى التغذيه واتعرض عليا كتير أحاضر فى مراكز تدريب (ده بسبب طبعا الفيديوهات وطريقه شرحى وتلخيص المعلومه من شكل معقد لبسيط)

__________________________________
▪️▪️ليا أكتر من لقاء تلفزيونى▪️

▪️📺قناه الحدث بصفتى مؤسس جيم السطح
▪️📺بانوراما فود بصفتى ( خبير تغذيه رياضيه)
d(حوار عن حياتى الشخصية (مرتين dmc📺▪️.
▪️📺التحرير. خبير تغذية رياضية ومخطط أحمال )▪️📺قناه cbc سفره بصفتى (خبير تغذيه رياضيه )(مرتين)

🔗لينك الحلقات
📺قناة cbc سفره (رضوى الشربينى)
https://youtu.be/cvkYaXcXBWI
📺قناة dmc (السفيرة عزيزة) عن حياتى
https://youtu.be/FcVuB1QBJxI
لقاء اخر dmc رياضة
https://youtu.be/_R4r0PEucaQ
https://youtu.be/sNW-AI2tMvA
https://youtu.be/ktLR2w6lVb4
📺قناة الحدث
https://youtu.be/fIqw9jBuLZU
📺قناة الصحة و الجمال
https://youtu.be/No7u46FN4Do
📺قناة cbc سفرة (رضوى الشربيني)
https://youtu.be/rTbOk9eI4dA
https://youtu.be/g4V56LtgRmw
📻حوار إذاعى
https://youtu.be/zogEOMwTPDo
📺 جزء ايفنت جامعة بنها
https://youtu.be/5DfdIrMQaTk
___________________________
-أكتر من حوار صحفى مع
▪️جريدة الدستور وأكتر من جريدة الكترونية
▪️جريدة الاخبار المصرية
▪️جريدة روز اليوسف
▪️جريدة روز اليوسف تانى
_________________________

-عملت أكتر من ايفينت ( event) فى أكبر الجامعات المصرية
(الإسكندرية - حلوان -عين شمس -بنها) وتم تكريمى من تلك الجامعات

واكتر من ايفنت خاص
▪️مع صناع الحياة فى جامعة الازهر

__________________________
-ومن فتره قريبة فتحت جيم وإن شاء الله فى فتره أقرب هيكون ليه فرع تانى وثالت .....وتكون سلسلة كبيرة إن شاء الله
سواء أنا كنت ملهم ليك
أو حافز إيجابى بيشجعك توصل لهدفك وحلمك
أو كنت ساعدتك توصل لهدفك
أو واخدنى قدوة
•إنجح لنفسك إجبر كل اللى حواليك يقتنع بنجاحك
•عافر الفرصة إنت اللى بتخلق فرصة نجاحك
•صدق نفسك وخليك مؤمن بقدراتك مهما كانت بدايتك
تحديث
الحمد لله فى احداث كتير حصلت تبعوع صورها فى الكومنت