Twitty Nursery حضانة تويتي

16/04/2018

ابداعات كتاكيتى ،، ربنا يبارك فيهم ويحفظهم

16/04/2018

فريدة القمر نورتينا يا صغنونة

10/04/2018

حواديت

10/04/2018

كبرنا وقربنا نوصل ل٢٠

04/04/2018

سااااااااااعة بس

انا إحترت ...

هل التلفزيون و باقي الأجهزة الألكترونية (موبايل - تاب - اي باد - العاب) مسموحة لإبني ولا لأ ؟ .. طيب لمدة قد ايه ؟ .. و من سن كام ؟! كلام كتير مختلف و متضارب اعمل ايه ؟!!!

👈 النهاردة جايب لكم حاجتين مهمين جدا !! توصيات الجمعية الامريكية لطب الأطفال بخصوص التعرض للأجهزة دي بعيدا عن الفتي المنتشر على النت .. و برنامج ممتاز ينظم وقت الفرجة على التلفزيون .. نركز بقى

- قبل سن سنة ونص : ممنوع بتاتا تحت اي ظرف الطفل يقعد قصاد التلفزيون او الآيباد او غيره من الأجهزة دي .. الحاجة الوحيدة المسموحة هي محادثات الفيديو عبر الانترنت مع شخص (حقيقي) اخر

- من ٢ ل ٦ سنوات : ما تزيدش عن ساعة واحدة فقط يوميا ولازم يتفرجو و في حد بالغ جنبهم .. ليه ؟!!

1. يتابع المحتوى اللي بيتفرجوا عليه و يتأكد انه مناسب ليهم
2. يجاوب على أسئلتهم و يشرح لهم الحاجات اللي مش فهمينها عشان ميقعوش في حيرة و تشتت
3. يتفاعل معهم من غير ما يسألو و يسألهم هو و يتناقش معهم عشان يتأكد ان المحتوى واصل لهم بشكل صحيح

- أكبر من ٦ سنوات : ممكن من السن ده يبتدي يتفرج لوحده من غير ما نبقى قاعدين جنبه بشرطين ..

1. احنا نبقى متأكدين ان المحتوى مناسب لسنه
2. الوقت اللي بيقعده ميكونش مأثر على باقي أنشطته الحياتية .. زي الأكل و النوم و الرياضة و المذاكرة

و الجمعية الامريكية لطب الاطفال طورت برنامج يساعد الأهالي على تنظيم و ترتيب وقت الفرجة على التلفزيون لأولادهم ..

لينك البرنامج:

https://www.healthychildren.org/English/media/Pages/default.aspx

لينك التوصيات:

https://www.aap.org/en-us/about-the-aap/aap-press-room/Pages/American-Academy-of-Pediatrics-Announces-New-Recommendations-for-Childrens-Media-Use.aspx

Dr. Ahmed Amin

ملحوظة : التوصيات دي مبنية على عشرات الدراسات في الموضوع ده .. مش عايز الاقي التعليق الجميل بتاع (ما انا اتفرجت و اتربيت على التلفزيون و محصلتش حاجة و طلعت زي الفل) .. انتي متأثرتيش غيرك ممكن انه يتأثر .. و كمان غالبا حضرتك مطلعتيش زي الفل ولا حاجة 😀

03/04/2018

بيت الكور ،،، افضل طريقة لتعليم الالوان

26/03/2018

صغنونة ومفترية

24/03/2018

خليكى ماما بدرجة صديقة
منقووووووووووول
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

من شهر بنتي يوميا ترجع بالسندوتشات وانا ازعق معاها وهي تقولي حاضر وترجع بردوا بيها
لحد من اسبوع ترجع واللانش بوكس فاضي وانا مبسوطه قولت اخيرا اقتنعت
لحد ف يوم بدور ع حاجه تحت سريرها اكتشفت بواقي السندوتشات
زعلت قوي مش ع السندوتشات علي قد مازعلت انها بدأت تخبي علي وتكذب
ونادهتها ولمتها جامد وخاصمتها
ف نفس اليوم باقلب في جروب صاحبتي مروه للتربيه
ام منزله شكوي عن بنتها 11سنه وانها فوجئت بالبنت بعد مافتشت ف موبايلها بتكلم اولاد
ومش بس كده دي بنتها الطفله اللي مامتها بتسرح لها شعرها بتصور مناطق من جسمها وتبعتها
ازاي بنتها وصلت للمرحله دي ومن امتي وهي ماتعرفش وعرفت عن طريق الصدفه
الست اتصدمت وهي بتقرا مش متخيله دي بنتها ولا دي مصطلحاتها ولا طريقة تفكيرها
حست انها عايشه مع بنتها وحاطه صوره لبنتها انما الواقع مختلف ومخيف
وانها ماتعرفش بنتها وعايشه مع انسانه غريبه لا عارفاها ولا فاهماها
ساعتها قلبي اتقبض وبدأت احس ان كده بدأت مع بنتي مرحلة انها تخاف مني وتخبي عني علي اساس تتقي زعلي
زي ماردت علي لما سالتها ليه خبيتي عني انك مابتاكليش الساندوتشات ؟
قالت عشان بتكشري وبتزعلي مني
واكتشفت ان اساس المشكله مش هي
المشكله في انا
واني بدل مااصلح المشكله عقدتها بخصامها
نادهت عليها
قولت لها بقولك ايه ايه رايك كل اسبوع نقضي ساعه نسميها ساعة بنات ؟
انا بقالي فتره مش مهتمه بشعري وبشرتي وعايزه حد يشجعني
نعمل انا وانتي حاجات بتاعت البنات نخط كريمات وماسكات وومكن اكلادور
وبيبي ليس لشعرنا وكل اسبوع لينا ساعه مع بعض لوحدنا
فرحت قوي وجريت تحضني
وقعدنا نتكلم وبدات تقولي ع حاجات بتضايقها مني
زي انها عايزه تبقي تقعد علي رجلي زي اخوها البيبي واحضنها والعبها زيه
وشويه ونصحتني اني لازم اشتغل ماهو مش معقول كل حاجه احتاجها اطلبها من بابا
وهو بقي يرضي او مايرضاش
وحكت لي عن جارتنا اللي جابت ورقة الماث درجه وحشه وخبتها عن مامتها
وبدات الحواجز تتكسر مابينا وتعاملني كصاحبتها
وتقولي انتي بتحطي 2ساندوتش حطي واحد بس عشان اقدر اكله
حسيت اني بدات الطريق الصح ف علاقتي معاها
صحيح لسه بنزعق ومابتسمعش الكلام احيانا وبشخط عادي
بس ع الاقل ف نهاية الاسبوع بنصفي كل ده في ساعة جلسة البنات
وبقت بتستني الاسبوع يجري عشان نقعد الساعه بتاعتنا وقبلها عماله تحضر ف الحاحات
الدنيا ماليانه مشاغل بس ساعه تقربنا من ولادنا وتجعلنا اصحابهم تستحق نكنسل اي حاجه عشانها
لكل اب احنا مقدرين تعبك عشان توفر لزوجتك واولادك عيشه كريمه وان الدنيا بقت غاليه وصعبه
بس من فضلك وسط زحمة مشاغلك اعمل ساعه لاولادك شوف اهتمامتهم كوره عربيات اتكلموا قرب منهم
دورك مع اولادك الصبيان اهم واخطر واشد تأثير من زوجتك
لكل ام واب
قربوا من ولاددكم انزلوا لمستواهم وحاولوا تطلعوهم لمستواكم اكسروا الحواجز والمسافات مابينكم
بدل مايجي الوقت وتكتشفوا انكم ماتعرفوش اولادكم ولما تحاولوا تقربوهم هم هيمنعكم لانهم اتعودوا عليكم بعاد
منقول

ام جويريه

22/03/2018

التنويع مهممم

ولادك خلصوا أكل و انتي قايمة تشيلي الأطباق .. بتبصي للاطباق بفخر و فرحانه انهم خلصوا اكلهم كله و مسحوا اطابقهم اللي كانت مليانة على عينها مسح و كان ناقص ياكلوكي انتي كمان ؟!!

بتقولي في نفسك آدي الامهات ولا بلاش !! طول عمري ام واعية و ناصحة و مثالية ولا الست الفاضلة فيفي في زمانها ؟!!

بتبصي بطرف عينك لمحتى الواد سلطان و اخته سلطانه قاعدين على الكنبة ..

حسيتي ان سلطان شفايفه باهته و لونه مصفر و تحت عنيه اسود و كمان بيتعب من اي مجهود ؟؟

جنبه سلطانه شعرها منكوش و هايش و مقصف و بيقع و ضوافرها على طول بتتكسر و مش بتطول زي زمايلها ؟؟

بتقولي في نفسك هو الاكل مش بيحوق في العيال دي ليه !! اجيبلهم ايه تاني ؟؟ .. هي العيال دي عيانه ولا الأكل مش مكفيهم و بيتكسفوا يطلبو تاني ؟؟

لا انا مش هسيب عيالي هفتانين كده .. انا بكره هزودلهم الأكل و اغصب عليهم ياكلوا لحد ما يخلصو اطباقهم كلها ..

ارجوكي متعمليش كده .. و ركزي في الكلام اللي جاي ..

مشكلة ولادك يا فندم مش كمية الأكل خالص !! مشكلتهم ان محدش قبل كده كلمك عن حاجة اسمها الوجبة المتكاملة !!

👈🏿 ايه هي الوجبة المتكاملة دي يا دكتور ؟؟!

((تعريف الوجبة المتكاملة : هي الوجبة اللي تحتوي على مكون واحد على الأقل من كل مجموعة من مجموعات الأكل الأربعة))

👈🏿 يعني ايه ؟! ايه مجموعات الأكل الاربعة دي يا دكتور ؟!!!

شوفي يا ستي .. الأكل بيتقسم لأربع مجموعات

1. مجموعة النشويات: زي الرز و البطاطس و العيش و المخبوزات
2. مجموعة البروتينات: زي اللحمة و الفراخ و السمك و البيض و الفول و العدس و الحمص و غيرها من البقوليات
3. مجموعة الفيتامينات و الأملاح : و دي بيمثلها الخضار و الفاكهة
4. مجموعة الألبان: و دي يدخل فيها اللبن و منتجاته من زبادي و جبن

أكلك لازم يبقى فيه حاجة من كل مجموعة .. غير كده ميبقاش لا صحي ولا متكامل .. خليكي واعية

خليك واعية و مثلا لما تعملي لابنك ساندوتش جبنه الصبح .. حطي عليها خيار ..

خليكي واعية ولما يعوز ساندوتش تاني خليه فول .. و اديله معاه فاكهة

خليكي واعية و حطي في بالك انك مثلا لما تعملي صينيه بطاطس و تأكليها لولادك مع الرز .. انتي كده بتديله نشويات في نشويات بس !!

خليكي واعية و متنسيش طبق السلطة مع الأكل .. متنسيش الفاكهة و يا ريت ياكلوها قبل الأكل بنص ساعة ..

خليكي واعية و قيسي على كده حاجات كتير ..

خليكي واعية و احفظي المجموعات دي و حطيها في بالك و انتي بتختاري اكل ولادك

اختاري اكل اولادك بعناية .. صدقيني .. العبرة بالكيف مش بالكم

Dr. Ahmed Amin

-----------------------------------------------

مجموعات الأكل حاجة مهمة جدا عشان نفهم ان شاء الله البوست الجاي اللي هيبقى عن انواع الأكل اللي هندخلها للرضيع .. اعرفوها كويس استعدادا للبوست الجاي ان شاء الله

21/03/2018

حفلة عيدالأم
كل سنة وانتوا احلى مامات ،، ربنا يبارك فى ولادكم وتشوفوهم ناجحين ومتميزين

08/03/2018

اكل البيبي