29/08/2026
قال رسول الله ﷺ:
«إنَّ اللهَ تعالى يُحِبُّ إذا عمِلَ أحدُكمْ عملًا أنْ يُتقِنَهُ»
سواء مدرب بقاله سنين في المجال أو مدرب لسه جديد وبيبدأ أول خطواته في التدريب
يا جماعة… خلونا دايمًا نفتكر إن:
مش كل لاعب عندك لازم يبقى بطل…
بس كل لاعب عندك لازم ياخد حقه منك. ❤️
مش معنى إن اللاعب مستواه ضعيف إننا نهمله،
ومش معنى إن إمكانياته محدودة إننا نقول:
"ده مش هيجيب ميداليه 🥇."
لأ…
اشتغل معاه.
أسّسه صح.
علّمه الصح.
اصبر عليه.
وركز في التفاصيل الصغيرة.
ـــــــــــــــــــــــــــــــــــــــــــــــــــــــــ
يمكن اللاعب ده ما يجيبش ميدالية النهارده…
وممكن إمكانياته ما تكونش كبيرة.
لكن دورك كمدرب إنك تعمل اللي عليك.
يمكن بعد فترة تلاقيه اتطور جدًا،
وممكن حتى لو ما بقاش بطل، يكون خرج من عندك وهو أحسن من الأول بكتير. ❤️
وده في حد ذاته نجاح.
---ـــــــــــــــــــــــــــــــــــــــــــ
… ما تخليش الميدالية هي اللي تحدد اهتمامك باللاعب.
اللاعب اللي مستواه عالي محتاج منك شغل…
واللاعب اللي مستواه ضعيف محتاج منك شغل أكتر.
لأن في النهاية…
دي مهنتك،
وده شغلك،
وده أكل عيشك،
وقبل كل ده… دي أمانة.
إنت مش مطلوب منك تضمن إن كل لاعب هيجيب ميدالية.
إنت مطلوب منك تعمل اللي عليك.
