مدرسة رسالة السويس _ Resala School Suez branch

06/10/2021

بمناسبة ذكري نصر أكتوبر 1973 🇪🇬
إلي أسود الوطن وخير أجناد الأرض ♥️

تحيه تقدير وإعتزاز إلي الشهداء وإلي أسرهم وإلي الأبطال الذين يحتفلون معنا بمرور ٤٨ عاماً على النصر المجيد...

وستظل ذكرى أكتوبر فخراً ورواية تحكيها أجيال لأجيال✨.. وسنظل نذكركم ي أبطال💪.

Content Created & Designed by: Sara Ahmed

07/09/2021

المدارس ع الأبواب ومش كل الناس جاهزة ليها ..في كتير ناس محتاجين يفرحوا أولادهم بـ شنط المدرسة وأدواتها وغيره🤦 ..
تقدر تكون سبب فـ فرحة طفل لما تشارك معانا فـ حملة "ورقة وقلم" بـ كتب دراسية مستعملة📚 وأدوات مدرسية📏✏️ وكمان تقدر تساهم فـ ثمن شنطة واللي سعر تكلفتها ١٥ جنيه بس😊
متفوتش فرصة الثواب العظيم دا وكون جزء من فرحتهم 💙

Written By : Manar Adel
Motion Graphic & Directed by : محمد جمال ف*ج
Voice Over : Aya Hamed

27/07/2021

كنا سألنا قبل كده طول فترة الدراسة دي إحنا أتعلمنا أيه؟ أو إحنا بنتعلم ليه أصلا؟!!

الإجابة اللي الكل عارفها أننا بنتعلم عشان نشتغل في وظيفة كويسة ومحترمة ( بس طبعا أغلبنا عارف أنها دلوقتي بقت بتمشي بالحظ و...) 🙄

بس في إجابة تانية لو فكرت مع نفسك هتشوف إنك أستفدت 👇🏻❤
• تقوية العلم الإيماني بالله _عز وجل _ عرفنا ربنا لما فكرنا، اتعلمنا الدين لما قرأنا، فسرنا الظواهر الكونية لما فهمنا.
• من الصعب حد يخدعك أو توقع نفسك في خطر.
• تطور أي مجتمع بيكون بتطور العلم فيه.
• التقليل من الفقر والبطالة.
• الإنسان المتعلم تفكيره بيتغير عن الباقي ف تبقي نظرته أكتر إيجابية من الآخرين.
• الناس ديمًا بتشوفه أنه أكتر مسؤولية، وهو أكتر واحد بيكون عارف يحدد هدفه و يضع خطه ليه.
• بيحاول يغير من مجتمعه للأفضل وأنه يتخلص من العادات السيئة.

يا تري أنت من الاشخاص اللي بتفيد بعلمها الناس اللي حواليه ولا لاء؟! 👀

.

23/07/2021

زي ما وعدناكم في البوست اللي فات اننا هنحل ليكم مشكلة المادة اللي معقدة نص أطفال مصر ومحيرة أهالي كتير. 🤦🏻‍♀️

فجينا ليكي بالحل يا ست الكُل. 😎

الموضوع كله عبارة عن خمس طُرق عشان تأسسي طفلك في الحساب.👇🏻
أول طريقة عندي وهي:-
⬅️المكعبات والحساب:-
تعتبر المكعبات من أساسيات تعليم الحساب للأطفال، عشان الاطفال هيبدأوا في عَد المكعبات تنازلي وتصاعدي وبعدها ننتقل مع الطفل لمستوى أعلى ،وهو أنه يحاول يجمع المكعبات. 👏🏻
هديكي مثال :-
هنحط المكعبات جنب بعضها وفي حالة الطرح هتخفي المكعبات، وبكدا طفلك هيتعرف على أسس الجمع والطرح حتى لو هو مُتقنها.👌🏻

تاني طريقة وهي👇🏻
⬅️أستخدام الفاكهة والخضراوات:-
ممكن نستخدم الطريقة دي بعد وجبة طعام طفلك هتعملي كالآتي:-
هتحطي أنواع وأشكال الفاكهة المختلفة قدامه وهتعدي معاه ، ولما يجاوب صح هتشجعيه علي أنه ياكل فاكهة كنوع من أنواع المكافأة. 😉

الطريقة التالتة هي. 👇🏻
⬅️النقود المعدنية:-
تعتبر الطريقة دي من أكثر الطرق اللي بتجذب الأطفال عادةً، عشان كدا أعملي صندوق مخصوص وحطي فيه جنيه كل يوم بحيث أنه يتعود علي العَد مع شرح ايه اللي ممكن يشتريه بعدد الفلوس دي. 💫

رابع طريقة وهي.👇🏻
⬅️أوراق الكوتشينة والحساب:-
أول ما هيلتفت ليه الطفل في البداية هي الألوان والأشكال المطبوعة، عشان كدا لازم تديه وقته في الأستكشاف وبعدها ساعديه عشان يتعرف على الأرقام وترتيبها بالتسلسل من الأقل للأعلى. 🤗

خامس طريقة وهي👇🏻
⬅️لعبة إكمال الرسم بالأرقام:-
هي لعبة بسيطة على شكل كراسة رسم، بحيث يكمل الطفل الرسم بالأرقام، وبكدا هيبدأ يحفظ تسلسل الأرقام لغاية ما تكمل رسمته. 👏🏻

بكدا نكون عرفناكي علي زتونة الموضوع وده كان دورنا. 💪🏻

دورك أنتي بقا ودور كل أم أنكم تبدأوا تنفذوا الخطوات دي ومع الأستمرار هتلاقوا نتيجة هايلة و بالتوفيق لكل أطفالنا. 🤝🏻

.
.

20/07/2021

عيدكم مبارك ومليئ باللهجة والفرح والسكينة، وكل عام وأنتم بخير وبصحة وسعادة. 💙

.

18/07/2021

الطفل: يا ماما أنا زهقت بقا من المسائل الكتيرة دي هي ليه بجد مش بتخلص؟ 🥺
الأم: هو انت كل ما تذاكر حساب تقعد تقول كده كل شويه؟ 🤔

دي مشكلة بتقابل كل الأهالي لما تيجي تذاكر حساب مع أولادهم وللأسف مش بيلاقوا ليها حل. 🤷🏻‍♀️

عشان نتفادى المشكلة دي في المستقبل لازم نعلم الطفل أساسيات الحساب. 👌🏻
لازم تبدأي مع طفلك خطوة بخطوة وتحاولي تبسطي ليه الأمور عشان ميتعقدتش من المادة ويكرها.🤦🏻‍♀️

كمان عشان تعليم الحساب للأطفال يُعتبر من أكتر المهارات اللي لازم وضروري إن يهتم الأهل بتعليمها لأولادهم في سن صغير. 🤷🏻‍♀️

السؤال اللي جه في دماغك دلوقتي هو أنك أزاي هتعلميه حساب وهتمشي معاه خطوه بخطوه؟🤔
ده دورنا بقا، إحنا هنعرفك ايه هي طرق تأسيس الأطفال في الحساب وهي عبارة عن خمس طُرق بس. 👀

شوفتي الموضوع بسيط إزاي، استنونا في البوست الجاي عشان تعرفوا زتونة الحساب. 😌

.
.

13/07/2021

زي ما كلمناكم في البوست اللي فات عن أهمية اللغة الانجليزية لطفلك، فجه دور إننا نقولك على خطوات أساليب تعلم اللغة. 😉

١) لازم يبدأ في أقرب وقت:-
يعني عشان تعلمي الطفل لغة تانية تبدأي فورًا بغض النظر عن عمره، لأن الأطفال عشان يقدروا يتعلموا لغة تانية فلازم يكونوا بادئين بدري؛ لأن كل ما كان الطفل عمره صغير كل ما كان أحسن. 💪🏻

٢) لازم يتعلم الأساسيات أولًا:-
دي من أهم الخطوات أن يتعود الطفل على إصغاء للغة الإنجليزية، يعني إيه الكلام ده؟!
يعني إنه يقدر يميز الفرق بين طبقات الصوت حتى قبل أنه يتقن اللغة، إبدأي بتعليمه الألوان والأشكال والعَد و غناء أغاني بتشمل الكلمات الأساسية، وأنه يميز الأشكال والألوان باللغة الإنجليزية في البيت وبراه وغرفته وألعابه والأشياء من حواليه. 🤗
كمان من أكتر الطرق اللي بتجيب نتيجة لتعليم طفلك اللغة الإنجليزية هي سماع الموسيقى، وعشان كده لازم يسمع أغاني تعليمية بشكل دائم وبعد مدة هيكون طفلك قادر يردد الكلمات المسموعة. 😁
كمان أن الاندماج في الأنشطة اللي بيحبها طفلك هيخلي تعلم اللغة أسرع وأسهل. 🤝🏻

٣) استخدم التكنولوجيا:-
التكنولوجيا في وقتنا ده هي أفضل وسيلة لتعلم الطفل لغة انجليزية. ✅
فأول حاجة هتتعمل، إنك هتبحثي علي السوشيال ميديا عن معلومات زي قصص الأطفال باللغة الإنجليزية أو ألعاب تعليمية أو برامج ترفيهية، وكمان عشان تستفيدي من وقت طفلك لإستخدام الأجهزة الذكية لمصلحته وتسمحيله بمتابعة رسوم متحركة أو برامج تلفزيونية باللغة الإنجليزية. 😌

٤) اطلبي مساعدة محترف في اللغة:-
إنك تطلبي المساعدة من مصدر مختص بتعليم الأطفال دي حاجة كويسة جدًا ودي بتكون في حالة أن الأهل معندهمش قدرة على تعليم اللغة الإنجليزية أو معندهمش الوقت الكافي لتعليم أطفالهم.

٥) الممارسة والإستمرار بشكل دائم:-
دروس اللغة الإنجليزية المتكررة هتعلم طفلك الأساسيات الجيدة للغة، بس لازم إيجاد وسيلة ليمارس طفلك ما تعلمه بشكل جاد. 👌🏻
هو ممكن يكون كفاية أن الطفل يسمع أو يعيد الكلمات البسيطة في المدرسة أو المعهد، لكن عشان يتقن اللغة فهو هيحتاج للممارسة الفعلية. 🧐
إن وجود مدرس متخصص باللغة حول الطفل هيساعده على إتقان اللغة بشكل يومي في مختلف تفاصيله اليومية، يعني مثلًا كوجود مربية أو صديق عشان يساعد الطفل على إتقان اللغة بشكل طبيعي ويجبره على إستخدامها ليوصل أفكاره للشخص ده، وده هيحفز طفلك على إستخدام اللغة مع اللي حواليه في المطاعم أو الشارع، وكمان في المستقبل ممكن يتعرض بعض الأطفال لفرصة السفر ومقابلة متحدثين أصليين للغة.

٦) شاركي طفلك تعلم اللغة:-
معظم الأهالي بيتبعوا الطريقة التقليدية فبيدخلوا أطفالهم لمدرسة خاصة لتعلم اللغة وده بيخلي النتيجة سيئة لإن الطفل بيدخل في نمط الروتين، لكن لو شارك الأب أو الأم طفلهما تعلم اللغة، فهيحققوا حتمًا نتايج فريدة ومميزة هتشجع الطفل وتدعمه. 💪🏻

وبكده نكون عرفناكم على الخطوات والأساليب اللي هتمشوا عليها. 🤗

لو عاوزين تعرفوا ازاي تبدأوا معاهم خطوة بخطوة، استنونا في البوست الجاي. 💙

.
.

08/07/2021

مدرسة رسالة السويس هي الكيان الكبير اللي هدفه يوصل لكل الطلاب ، ويعلمهم مجاناً..
فبالتالي محتاجين نكبر المكان بتاعنا بمتطوعين جداد.💙

واللجان المتاحة هي:-

1️⃣ اللجنة الإعلامية وتنقسم ل3 لجان:-
_الماركتينج والسوشيال ميديا (Social Media) : كتابة المحتوى ونشره وتسويقه ومسئول عن البيدج.

_تيم IT: تصميم الWebsite الخاص بالمدرسة. 🧑‍💻

_الميديا (Media): تصميم الديزينات والتصوير والمونتاج.

2️⃣ لجنة العلاقات العامة:-
تيم PR ، مسؤول عن أي تعامل خارجي بين المؤسسة و أي جهة أخري، وتوفير Speakers أو مدربين أو Sponsors، ومسؤول عن توفير أحتياجات النشاط.📱

3️⃣ اللجنة التنظيمية( Operation Committee):-
تنظيم الأحداث أوفلاين أو أونلاين،
وتوفير مستلزماتهم، وتحديد المواعيد وتنظيم الاجتماعات.
بالأضافه ل حجات تانيه أكتر هتعرفها عن اللجان لما تبقي معانا.🤝🏻♥️
لو عاوز تكون جزء من مدرستنا، وتفيد الطلبة، وتتعلم أكتر عن كل لجنة تقدر تملي الفورم من اللينك ده:-
https://forms.gle/g2ctPmL9RLc5o3gq9

06/07/2021

زي ما أحنا عارفين أن اللغة الإنجليزية دلوقتي من اللغات الأساسية، فمن الضروري إن طفلك يتعلمها. 😁

مش بس كدا دي كمان هتساعده يتعرف علي ثقافات جديدة وهتفتح طرق تفكير جديدة لطفلك وتهيئ ليه نجاح أفضل. 👌🏻

معظم الأهالي اللي بيدرسوا اللغة الانجليزية وبيتكلموا بيها عندهم قدرة إنهم يعلموا أطفالهم لغة ثانية بدون مساعد، بس لازم يكون فيه أساليب وقواعد لغوية لازم إتباعها عشان الطفل يكتسب اللغة، وده بيسبب مشكلة كبيرة لمعظم الأهالي. 🤦‍♀️

عشان كل مشكلة، وليها 100 حل في إحنا موجودين عشان نوفر لكم حل مناسب للمشكلة دي. 🤗
عايزين تعرفوا إيه هي الخطوات والأساليب اللي هنمشي عليها عشان نعلم الطفل اللغة بطريقة صح.
مش بس كدا ده كمان هنقولكم أزاي هتبدأوا معاهم خطوة بخطوة. 😉

استنونا في البوستات اللي جاية عشان تعرفوا السر. 💙

.
.

07/06/2021

وأخيرآ خلصنا أيفنت الثانوية العامة في شهر ⚡💕
بالرغم من ضيق الوقت اللي بنمر فيه من امتحانات ودراسة وأمور تانيه ، معانا ناس مترددتش لحظه أنهم يشاركوا في الأيفنت ده 🔥
حاولوا يساعدوا طلبه الثانوية العامة أنهم يكملوا طريقهم ويدعموهم في رحلتهم التي قاربت علي الأنتهاء🏫✈️
بنشكر كل الأسبيكر إلي حضروا معانا وسهموا في أن يكون ليهم أثر في حياه الطلاب ⚡📝
Dr Alaa Ahmed , Dr Abdullah Ali
Eng Ahmed Nawwy , M.S Rawan Sobhy
M.S lamiaa Ibrahim ,M.S Aya Mohammed , M.S Fatma adbulal

شكرًا جدًا ليكوا وأنكوا شاركتوا في الشئ العظيم ده✨♥️
وأخيرآ تم بحمد الله
#الثانوية العامة في شهر

06/06/2021

تفتكر مين الأحسن التربية الحديثة ولا التربية التقليدية؟! 🤔

الأول كده تعالي نعرف اي الفرق بينهم؟
_ التربية الحديثة هي تربية تركز علي كل طالب أي المهارات والمميزات اللي عنده وإزاي أنمي منها ( علي حسب مستوي كل طالب) ، كمان تعتمد أكتر علي الانشطة لابراز قدرات الطلاب.
_ التربية التقليدية هي تربية تتعامل مع الطلاب علي أنهم علي نفس القدر من التركيز والفهم والاستيعاب، تعتمد علي طريقة التلقين.💙

دي بعض أساليب التربية الحديثة :
• أسلوب المناقشة
•أسلوب المحاضرة التقليدية
• أسلوب حل المشكلات التعليمية
• أسلوب المشروعات التعليمية
• أسلوب القصص التعليمية
• أسلوب الرحلات الميدانية
( لكل أسلوب منهم عيوب ومميزات لو حابب تعرف اكتر عنهم قلنا في كومنت 👇)

كلا من التربية الحديثة والتربية التقليدية ناجحين في ظروف مناسبة لكلا منهما واعطاء نتيجة وتطور لدي الطلاب 👌🏻
استنونا في تفاصيل اكتر عن التربيه الحديثه والتقليدية.🔥❤️

10/05/2021