عالم بدر

الأبناء لا يحتاجون بيتًا فاخرًا بقدر ما يحتاجون قلبًا مطمئنًا… 🤍
ولا يحتاجون والدين كاملين… بل والدين يخافان الله فيهم.

🔸 فكم من طفل عاش ببساطة… لكنه كبر سويًّا بسبب الرحمة والدعاء والكلمة الطيبة.
🔸 وكم من طفل توفرت له كل الأشياء… لكنه افتقد الأمان والحب.

التربية ليست كثرة أوامر،
ولا كثرة إنفاق،
بل هي تقوى تُصلح القلوب قبل السلوك.

قال تعالى:
﴿وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَحْنُ نَرْزُقُكَ ۗ وَالْعَاقِبَةُ لِلتَّقْوَى﴾

يارب أصلح أبناءنا،
وارزقنا الحكمة والرحمة والتقوى في تربيتهم. 🤲🏻

❌ “أنا بقيت عصبية على طول…”
❗ بس الحقيقة؟ مش دي شخصيتك… دي نتيجة ضغطك

في لحظة ضعف…
صوتك بيعلى، أعصابك بتشد، وكلمات بتطلع غصب عنك…

وبعدها بدقايق؟
تأنيب ضمير… ووجع في قلبك 💔

بس اسمعي دي كويس:
👉 أنتِ مش أم عصبية… أنتِ أم مضغوطة فوق طاقتك

💥 ليه بتوصلي للحالة دي؟
مش لأنك وحشة…

لكن لأنك:
- شايلة كل حاجة لوحدك
- تعبانة ومش بتاخدي راحة
- عايزة كل حاجة تبقى “مظبوطة”
- محدش بيسندك وقت ما بتقعي
- وطفلك… بيكرر نفس الغلط بدون ما تفهمي ليه

😔 طيب طفلك بيشوف إيه؟
مش “تربية” زي ما فاكرة…

هو بيشوف:
▪️صوت عالي = خوف
▪️عقاب = كذب عشان ينجو
▪️توتر = بعد عنك
▪️عصبية = حاجة يقلدها

💡 بدل ما تكتمي… جربي الحيل دي (بجد بتفرق):

1️⃣ زرار الطوارئ (10 ثواني)
لما تحسي إنك هتنفجري:
اسكتي… خدي نفس… عدي لـ10
👉 هتتفاجئي قد إيه القرار بيختلف

2️⃣ اهربي صح (مش هروب ضعف)
سيبي المكان لحظة
اغسلي وشك… اشربي مية
📌 تغيير المكان = تهدئة فورية للعقل

3️⃣ فضفضي على الورق مش على طفلك
اكتبي اللي جواكي… حتى لو كلام عشوائي
👉 الورق عمره ما بيتأذى… بس الطفل بيتأثر

4️⃣ بطّلي تبقي “سوبر وومن”
مش لازم:
البيت يلمع طول الوقت
طفلك يبقى ملاك 24 ساعة
✔️ الكمال وهم… والراحة اختيار

5️⃣ السر اللي محدش بيقوله: صوتك هو المفتاح 🔑
كل ما وطيتي صوتك…
طفلك هيهدى غصب عنه عشان يسمعك

6️⃣ وقتك مش رفاهية… ده إنقاذ
15 دقيقة بس ليكي:
☕ قهوة – 📖 حاجة بتحبيها – 🤲 دعاء
👉 دي مش دلع… دي إعادة شحن

7️⃣ غيري جملة واحدة… هتغير علاقتكم
بدل:
❌ "زهقت منك!"
قولي:
✅ "أنا عارفة إنك تقدر تكون أحسن"

🎯 نفس الموقف… رد مختلف = نتيجة مختلفة

🧡 أهم حاجة تفهميها:
أنتِ بشر… مش آلة
الغلط عادي… بس التكرار هو المشكلة

اعتذارك لطفلك = قوة مش ضعف
حبك ليه مش مشروط بسلوكه

✨
الأم الهادية مش اللي مبتغضبش…

الأم الهادية هي اللي بتعرف تمسك نفسها قبل ما تخسر ابنها

🌱 ابدئي بحاجة واحدة بس من اللي فوق…

وقوليلي بعد كام يوم:
فرق ولا لأ؟ ❤️

🌙 رحلة الأذكار اليومية للأطفال 🌙

السلام عليكم! 🌸
​كتير مننا بيدور على طرق مبتكرة عشان يحبب ولاده في القرآن ويخليهم يفهموا معانيه. جهزتلكم التصميم دة لسورة المسد وقولت لازم أشارككم بيه.
​التصميم مقسم السورة لـ 4 أجزاء، كل جزء معاه آية وشرحها وصورة بتعبر عنها.. بجد فكرة ممتازة للتثبيت المعنى.
​يلا نخصص وقت النهاردة نقعد مع أولادنا ونشرحلهم السورة دي من خلال التصميم ده، ونكلمهم عن أهمية الأخلاق وإن الفلوس مش بتنفع لو الإنسان مش طيب.
​بالتوفيق لكل أم بتجتهد في تربية أولادها! ❤️

✅️ أولادك في امتحانات وفي اللجنة مش هتكوني معاهم، مش معاهم غير ربنا عزوجل، فكثفي لهم الدعاء خاصة في السجود وبين الصلاة والإقامة،، رددي ..

🪷 ​اللهم لا سهل إلا ما جعلته سهلاً وأنت تجعل الحزن إذا شئت سهلاً، فيسر عليهم كل عسير يا رب العالمين، ​رب اشرح لهم صدورهم ويسر لهم أمورهم واحلل عقدة من ألسنتهم يفقهوا قولهم، كما دعا سيدنا موسى عليه السلام طلباً للانشراح والفهم ووضوح البيان.

🪷 ​يا حي يا قيوم برحمتك نستغيث أصلح لهم شأنهم كله ولا تكلهم إلى أنفسهم طرفة عين، ​اللهم استودعتك ما قرأوا وما حفظوا وما تعلموا فرده إليهم عند حاجتهم إليه إنك على كل شيء قدير، فإليك وحدك نودع أماناتنا وأنت القائل في سورة يوسف فالله خير حافظاً وهو أرحم الراحمين، احفظ عقولهم من التشتت وأفكارهم من النسيان.

🪷 ​اللهم ذكرهم ما نسوا وعلمهم ما جهلوا وافتح عليهم فتوح العارفين، تيمناً بقولك في سورة البقرة واتقوا الله ويعلمكم الله، فالعلم منك وبفضلك وحدك.

🪷 ​اللهم انفعهم بما علمتهم وعلمهم ما ينفعهم وزدهم علماً، ​وبارك في عقولهم وأوقاتهم واجعلهم من المتفوقين في الدنيا والنافعين لأمتهم، فالبركة جند من جنودك وقد أمرتنا بطلب الزيادة في العلم حين قلت في سورة طه وقل رب زدني علماً. فزدهم علما ونجاحا وتوفيقا

كل سنة وانتي طيبة يا حبيبتي يا ام نيلي ❤️🎂
ربنا يجعل أيامك كلها فرح وسعادة، ويكتبلك الخير في كل خطوة في حياتك 🤍
اللهم ارزقها راحة البال وسعة الرزق، وحقق لها كل اللي نفسها فيه يا رب 🌸
اللهم بارك لها في بنتها وخليها من الذرية الصالحة، واحفظها بعينك اللي مبتنامش 🤲💖
اللهم تمم حملها على خير وقومها بالسلامة، وارزقها طفل سليم معافى، واجعله قرة عين ليها يا رب 👶🏻✨
وخلي أيامها الجاية كلها طمأنينة وفرحة وسعادة 🥹💞
اللهم احفظها من كل شر، وابعد عنها أي تعب أو حزن، واكتب لها عمر مليان خير وبركة ❤️
وارزقها القوة دايمًا زي ما هي، وفضلها سند لكل اللي حواليها 🤍
يا رب اجعل كل دعوة في قلبها مستجابة، وكل حلم نفسها فيه قريب منها 🙏💫
وما تحرمهاش من ضحكتها الحلوة أبدًا 🥰
كل سنة وانتي طيبة يا أغلى صاحبة وأخت، وربنا يخليكي لينا دايمًا يا رب ❤️🎉

سيب كل واحد يعيش براحته ، سيب اللي يسأل عليك يسأل
واللي ينشغل عنك ينشغل واللي يفضل في حياتك ينور
واللي مش عايز برضو كان منور متفرضش نفسك على حد
خليك ضيف خفيف في حياة اللي حواليك
ومتبقاش كتير اللوم والشكوى إدي فرصه لكل واحد يختار المساحه اللي عايز يبقى فيها ف حياتك !!

أنا عدى عليا ف حياتي بني آدمين كتير قوي منهم اللي خرج بلا رجعة، ومنهم اللي علاقتنا بقيت من بعيد لبعيد بعد ما كنا قريبين جدا، ومنهم اللي علاقتنا بقيت عادية بلا أسباب، ومنهم اللي علاقتنا بقيت أقوى بالسنين، بس من كل ده طلعت بملحوظة بقيت مؤمن بيها جدا وهي.. إوعى تصدق إن مفيش حد مابيتغيرش .. إوعى

يمكن اكتر حاجه بضيع فيها يومى هي مظهري
حتي لو هنزل بالعبايه السوده اجيب طلبات😉
لازم احس انى راضيه عن نفسي ١٠٠ فى الميه
ولو هياخد مني وقت😍
عمرى ماتحججت بشغلى او مضغوطه او مسؤلياتى او عيالى
كل دى حجج فارغه انتى بتتسندى عليها علشان تريحى نفسك
أوعى تنزلي من بيتك وإنتي مهملة نفسك…
الدنيا مبتديش فرصة تانية للانطباع الأول 👌

حتى لو زعلانة…
حتى لو مخنوقة…
حتى لو في مشكلة مخلّية قلبك تقيل…

إنتي مش مطالبة تروحي تحاربي الدنيا،
بس على الأقل انزلي وإنتي راضية عن شكلك.

مش عشان حد.
عشانك إنتي.

لأن أول ما تبصي لنفسك في المراية وتقولّي:
“أنا حلوة… أنا مرتبة… أنا تمام”
مودك بيتعدل لو ١٠٪ بس… والـ١٠٪ دول بيغيّروا اليوم كله.

الدنيا – للأسف – بتشوف الظاهر.
والناس بتحكم من أول ثانية.
فليه تسيبي صورتك في إيد مزاجك؟

انزلي وإنتي شايلة ثقتك قبل شنطتك.
، عدّلي طرحِتك ، اختاري لبسك بحب. نسقى الوانك
مش شرط تكون غاليه او براند الاهم تكون مريحه ومنسقه
إنتي مش خارجة استعراض…
إنتي خارجة تمثّلي نفسك بأفضل نسخة.
الاهم تكونى من جوه وبره احساسك الداخلى هيفرق جدا على الخارجى طول مانتى نقيه ونضيفه داخليا
هتنورى من بره وتكونى براقه🤩

وفوق كل ده؟
إنتي متعرفيش هتقابلي مين النهارده.
فرصة؟
شغل؟
حد يقدّرك؟
كلمة تغيّر يومك؟
والاهم تكونى وجه عن قيمك ومكانتك

خلي شكلك يقول:
“أنا ست بتقدّر نفسها… حتى وهي تعبانة.”

لأن الست اللي بتهتم بنفسها…
بتفكّر نفسها كل يوم إنها تستاهل أحسن معاملة.
مين معايا فى الكلام ده

ايه الحاجه اللي حريصة تكوني قدوة امام اولادك فيها في رمضان .سواء اب او ام ...

اولادنا بتعلموا مننا اكبر بكتير من جمل النصح والارشاد
من غير ما تقولي هو بيقلدك بالبضبط
بيشوف ردك
بيشوفك صلاتك
بيشوف بتسمعي ايه .حرصك علي القران .حرصك علي الصلاة
بتجيبي سيرة حد
راضين ولا ساخطين
بتبري والديك ولا مكبرين
..وحاجات تانيه كتيرة
ف... خلي بالكم
ويا رب
هب لنا من ازواجنا وذرياتنا قره اعين واجعلنا للمتقين اماما .
صباح الرضا والقبول
بدريه محمد💕