08/03/2024
اليوم العالمى للمرأة لازم ننزل فيه بوست عالمى بردو 😎
كل سنة وبنات وستات علوم بخير وسعادة ✨🩷🩷
وكل سنه المرأة من الزهرة والرجالة من اورانوس الحقيقة يعنى 🤷🤷
بمناسبة اليوم العالمي للمرأة 👩
احنا بندعم بنات علوم ، لانهم فعلا بيستحملوا كتير في الكلية دي :D
نقدر نقول ان بنات علوم من البنات المشهورة انها بتتعب وتطحن في الجامعة ، مش بتستريح لاء!☝
_في حاجات بتميز بنات علوم عن أي بنت في الجامعة :
١) بتحضر أغلب المحاضرات ، وبتقعد أودام وتحجز الصف كله لصحابها ، وتحافظ عليه باستماته لحد ما يوصلوا 😂
٢) لو لاقيتها قاعدة ساكته ومتنحه ، لمصلحتك متكلمهاش دلوقتي عشان بترتب جدول المحاضرات في دماغها !
٣) عندها علم كافي بشغل الPR ، لأنها بتقف بالساعات أودام المكتبة ترتب الورق وتشوف محتاجه ايه وتجيبه .
٤) بتتحمل الضغط لأبعد الحدود .
كويزات / ميدترم / فاينال/ عملي / أورال...
٥) في عز ضغطها لو حد طلب منها اي مساعدة بتساعده .
٦) في الوقت اللي بيحتفل غيرها بالفلانتاين ، هي بتفاصل في تمن الضفدعة اللي هتاخدها البيت تتمرن عليها !
٧) غالبا لو في أي مكان هتعرفها ، لانها دايما شايلة حاجات (بالطو/ورق/شنطة معمل..).
٨) عندها صبر ، وده طبعا لانها بتحضر سكاشن بال ٤ ساعات واقفه على رجليها!!
٩) طموحة جداا لأبعد الحدود .
١٠) على الرغم انها مبتخرجش كتير بس اقل حاجه بتفرحها ، وخصوصا الساعه ولا الساعتين الفاضيين بين المحاضرات مع صحابها :D
بنات علوم مثال للبنت المجتهدة ، الطموحة ، مُتحملة المسئولية ، دايما بتتعب وتدور على أماكن ومواعيد محاضرات وسكاشن ، تصوير ورق و امتحانات ✌
ستظل العلومنجية دائما مميزة ^_^
👩✌
👩😍
26/01/2023
01/04/2022