حضانة وروضة امال الغد للغات رضع تمهيدي كجي ١ وكجي ٢ الخاصة

اللهُمَّ إِني أسألك الصبر عند القضاء، والفوز عند اللقاء، ومنازل الشهداء، وعيش السعداء، والنصر على الأعداء، ومرافقة الأنبياء اللهم اسال صلاح حال ذريتي وان تجعل قلوبهم لرضاك وان ترزقني برهم اللهم انك عفو تحب العفو فاعفو عنا امين يارب

الفرق بين مفهوم التربية ومفهوم الرعاية ،
هو هو نفس الفرق بين اللي في الصورتين .

اللي في الصورة الأولى بنتي اللي بربيها .
واللي في الصورة التانية قطتي اللي برعاها .

الأولى ( الإنسان ) :
بأكلها حلو وبشربها حلو ومعيشها حلو
وبتحبني جدا وبحبها جدا وفي مشاعر حلوه متبادله بينا
وبعلمها دين وأداب وأخلاق وثقافه
وبحاورها وبفهما وبناقشها وبحترمها وبقدرها .
بعلمها تفرق بين الحلال والحرام
بعرفها الصح من الغلط
بفهمها إيه هو العيب وإيه هو اللي مش عيب .

التانية ( الحيوان ) ؛
بأكلها حلو وبشربها حلو ومعيشها حلو ،
وبتحبني جدا وبحبها جدا وفي مشاعر حلوه متبادله بينا
وبدربها على مكان الحمام ومكان الأكل والشرب ومكان النوم .
بس كدا

بس كدا ؟ آآآه والله بس كدا !!!

المشكلة :

للأسف كتير من أولياء الأمور بيجي يشتكي من سوء أخلاق ولاده ويقولك :
أنا ربتهم أحسن تربية
مقصرتش معاهم أبدا في أي حاجه ( طيب يا عم الحج علمتهم إيه )
أكلتهم أحلى أكل وشربتهم أحلى شرب
وجبتلهم أحسن لبس وأجمل لعب وعلمتهم أحسن تعليم .

تقولوا بس كدا ؟ يقولك : آه بس كدا .

تسئلوا :
ربتهم على دينهم من صغرهم ، لا
زرعت فيهم الحياء من طفولتهم ، لا
علمتهم أداب الأكل والاستئذان والكلام مع الكبار ، لا
ثقفتهم جنسيا وفكريا وإيمانيا .... إلخ ، لا
كنت بتاخد بالك من الناس اللي بتخالطهم علشان خاطر ولادك ، لا
غيرت من سلوكك علشان خاطر ولادك ، لا
كنت عامل ضوابط للتلفزيون والنت والتابلت ، لا



طيب
مبروك يا عم الحج
إنت رعيت حيوان مربتش إنسان ،

وجي زعلان !!!

حضانه آمال الغد - بحث Google