SMILE Family - sohag

شكرا ليكم علي الرحله الجميله دي يارب تكونوا اتبسطوا زينا
😎😍
👑

السلام عليكم ورحمة الله😃
بوووست التفاصيل😃
بكره ان شاء الله التجمع قصاد نادى الاطباء الساعه ١٢ باليل و ده عشان لو حد جه بدرى يقدر يستنى ف النادى و يشرب حاجة مثلا 😃
هنوصل القاهرة ان شاء الله و هنبدأ جولتنا بزيارة الاهرامات .. هنقعد هناك شوية و بعدين هنتحرك على دريم بارك .. هنقضي اليوم ف دريم لحد المغرب تقريبا..
و بعدين هنتحرك على كايرو فيستيڤال مول نقضي الليله هناك لحد اخر اليوم و نتحرك من هناك الساعه ١٢ ف طريق العوده باذن الله عشان نبقي ف سوهاج يوم الجمعه الساعه ٦ او ٧ صباحاً
رحلة سعيده معانا باذن الله و ياااارب كلنا نتبسط ^_^
** ملحوظه : لسه فاضل اماكن فاضيه لو حد حابب يحجز الحجز هيبقي بالاولويه :)

^_^

الرحلة اتأجلت عشان تبقي يوم ٣-١١ ان شاء الله
الحجز اتمد اسبوع كمان
الاماكن محدوده جدااا

يلا يا جمااااااعه النداء الاخير لرحلة دريم بارك ^_^
انهارده اخر معاد للحجز عشان نقدر نحدد هل وصلنا للعدد المطلوب ولا هنكنسل الرحله 😞
الحجز عن طريق رساله للبيدج دى فيها اسمك و رقم تليفونك و هنتواصل معاك فى طريقة الدفع :)
او بالاتصال بالرقم ده ..
Amr mostafa
0112 287 8016

السلام عليكم :)
سنه جديده و رحله جديده معاكم السنه دى 😃
كلنا طبعا زهقنا من الكوامل و محتاجين يوم نفرفش فيه قبل الميدترمات و زحمتها ^_^
رحلتنا السنه دى هتبقي للاهرامات و بعدين هنطلع على دريم بارك و بعدها هنقضى الليل كله ف كايرو فيستيڤال مول
اخترنا كايرو فيستيڤال لان الفتره دى ال anniversary بتاعه و بالتالى فى خصومات و تخفيضات كتيييير جداا للى حابب يشتري حاجة
الرحلة الخميس الجاى هنتحرك الاربع باليل و نقى الخميس كله هناك باذن الله و نتحرك الخميس باليل
..
سعر الرحله ١٩٠ جنيه
شامله مصاريف التنقلات و تذاكر الاهرامات و دريم بارك.
سااارع بالحجز 😃

اولاً طبعا حمدالله على سلامتك :)
ثانيا مكنش ينفع نرتاح ولا ننام حتى من غير ما نوصلكم اللى حصل جملة و تفصيلاً و نقدملكم كامل الاعتذار طبعا عن اللى حصل ده ..
المشكلة كلها بدأت لما بعض البنات اعترضوا على مول العرب و قالوا انهم عاوزين ش المعز او الحسين .. هنا الدكتور المشرف اتصل بالجامعه و سأل اذا امكن تغيير خط السير و لا لا .. فوجئنا ان التصريح ناقص جزئية القاهرة و ده كان غلط مسؤول رعاية الشباب لان هو اللى مسئول عن التصاريح ..
حاولنا بشتى الطرق .. اتصلنا برئيس الجامعه و اتصلنا بنائبه .. اتصلنا بعميد الكلية و بدكاترة كبار ف الكليه يتدخلوا بس فعلا الموضوع اتعقد .. وبقي اكبر مننا كلنا ..
يكفى بس اننا نقولكم اننا لو كنا عدينا بوابة الفيوم بس كان السواق هيترفد .. و الدكتور المشرف هيتحول التحقيق بتهمة اهدار المال العام .. و ده كان سبب من اسباب اننا منتغداش ف القرية اللى كنا قايلين عليها لانها بعد بوابة الفيوم مع العلم ان الاكل كان اتحجز و كان متجهزلنا كمان :)
حاولنا بكل الطرق اننا نبسطكم و قبلنا عدد اكبر من طاقة الاتوبيس بس عشان نرضيكم والله .. معظم الوقت كان فى اولاد منظمين بتبقي واقفة .. بنعترف برضو ان دى غلطه من الغلطات بس يعنى الحمد لله اننا تجاوزناها .

احنا مش اول مره نطلع رحلات و يمكن الكلية والجامعه كلها كمان عارفة مين سمايل و رحلاتها ..
بس دى اول مره فعلا الرحلة مش هقول تبوظ لكن مننفذش على الاقل برنامجها ..

بنعتذر منكم كلكم على اللى حصل ده .. فى منكم اللى هيقدر الظروف اللى حصلت .. و فى اللى هيقول بعد اول كلمتين احنا مالنا لكن فى كلا الحالتين احنا مش هنرضي بده ..
الاسماء كلها اسم اسم اللى موجوده ف الكشوف سواء من الكلية او من براها هتتعوض عن اللى حصل باذن الله :)
ده وعد مننا و ف رقبتنا لحد ما يتنفذ :)
...
برضو حابين نوضح حاجة للى فكر ف انه المفروض الفلوس تقل بسبب اللى حصل ده ف حابب اقولكم ان ال ١١٠ اللى اتدفعت دى ١٠٠ منهم لوادى الريان و كل اللى عملناه هناك سواء بوردينج اوبن تايم او فالوكه او تذاكر دخول او غدا . و ١٠ دى للسواق و الكارتات ..
يعنى مول العرب مكنش عليه فلوس اصلا :)
لان الاتوبيس مجانى بسبب انه من الجامعه .
..
بنتمنى انكم تقدروا اللى حصل او على الاقل تتفهموا الموقف .. انتوا ليكم كامل الحق فى الغضب .. و احنا بس حبينا نوضح كل حاجة لانكم مننا و مينفعش اى معلومة حتى لو كانت صغيرة تستخبي :)
.
واخيرا انتوا اخدتوا شوية صور زى الفل انهارده ^_^
.
يارب يكون مهما كان اليوم بسيط بس خفف عنكم شوية من ضغط المذاكرة و رفهتوا و نكون نجحنا ولو حتى ب ١٪ من غرضنا اننا نبسطكم ^_^

شكرا ليكم و لكل اللى تفهم و بناكد على وعدنا اللى وعدناهولكم اننا هنعوضكم باذن الله :)

لكل اللى حجزوا معانا ف رحلة وادى الريان ان شاء الله ^_^
فى شوية تنبيهات كده عاوزين ننبه عليها لازم تعملوها :O
1- لازم تعملوا حسابكم و تجيبوا معاكم لبس تانى لاننا هنتبهدل ف وادى الريان ف هنلبس اللبس التانى ف القرية لما نروح نتغدا
2- اعملوا حسابكم ف ازايز مايه برضو لا ربما يعنى :D
3- التجمع الساعه ١٠ ان شاء الله و ياريت منتأخرش عشان هنتحرك ١١ بالظبط باذن الله
4- اعملوا حسابنا ف اكل معاكم 😂😂
نروح و نرجع بالسلامه و يااارب نتبسط كلنا ^_^
Enjoy it to the maaaaax 😍😍

:)

وصل وصل وصل :D
الرحلة اللى ناس كتيير طالباها ^_^
وااااادى الريااان 😍
برنامج الرحلة هنتحرك من هنا يوم الجمعه الجاية باليل الساعه ١١ ان شاء الله هنوصل و هنتسلق جبل المدوره .. و بعدها هندخل الوادى و نستمتع بالشلالات و المناظر الطبيعية
هنركب مراكب و هنتفرج على المناظر الجميلة ف المحميه 😍😍
و بعدين هييجى وقت اللعب بقي ف الرملة مع فترة التزحلق على الرمال ^_^
هنلعب كورة و طايره على الشط ^_^
هيبقي فى باراشوت بس ده هيبقي اختياري و سعره ٨٠ جنيه تقريبا
بعد ما نقضى اليوم الجميل ده هنكون جوعنا طبعا .. هنطلع على قرية اريبيان نايتس هناخد الغدا هناك و نغير هدومنا اللى اتبهدلت ف الوادى :D
و بعد كده هنطلع على مول العرب اللى عايز يدخل سينما او يتمشي او يتعشا او يشترى اى حاجة :D
و بعد كده هنتحرك للعوده الساعه ١٢ من هناك عشان نكون هنا يوم الاحد الصبح باذن الله :)
كل ده فقط ب ١١٠ جنيه بس ^_^
الحق احجز مكانك لان العدد صغير جدا .
" هذه الرحلة تعاون مشترك بين اسرة سمايل و اتحاد طلاب كلية الطب البيطرى ^_^ "

السلام عليكم و رحمه الله و بركاته
اجمع هنا لعشاق الجراحه ^_^
ايوه :D
#سمايل عامله عشانكوا مفاجأه
ان شاء الله يوم 25 هنبدا معانا و معاكوا
"Most Common Equine Surgery "
العمليات الى معظمنا بيلاقيها اما بيتخرج و مبيكونش عرف يتعلمها
هيكون فى شرح نظرى الاول و بعدين الشغل العملى ان شاء الله
ان شاء الله ده كله هنتعلمه
و كل واحد هيشتغل عملى ... ايوه حضرتك عملى و مش هتمشى غير و انت فاهم و مجرب كل حاجه

مش عايزين منك حاجه غير البلطوا و استعد عشان فى دم و حاجات كده D:
فى اوتوبيس هيتحرك بينا يوم الخميس من الجامعه ان شاء الله الساعه 9

المعاد : الخميس و الجمعه الساعه 9
المكان : مستشفى الصلعا
التجمع : امام المشرحه
الاشتراك : 30 جنيه

سنه سعيده علينا كلنا :)

على فكره .. مفيش سنه كانت أوحش من اللى قبلها ولا فى سنه أحسن من اللى قبلها ..
كل الموضوع مرتبط بيك انت .. مرتبط بسنه حققت فيها إنجاز ولا لأ ؟.. سنه حصلتلك فيها حاجة حلوة ولا لأ ؟ .. سنه لا قدر الله حصلتلك فيها حاجة وحشة ولا لأ ؟
انت .. انت بس تقدر تخلى السنه الجديده أحلى ^_^
انت بس اللى تقدر تبسط نفسك و تفرحها .. انت ممكن ف عز زنقتك و ضيقتك تفتكر موقف حلو ضحكك او بسطك فتلاقى نفسك بتضحك و تلاقى كل الحزن ده اختفى :D .. ولو حتى للحظة :)
و مش بعيد كمان بعد فترة يبقي ده نفسه موقف مضحك يضحكك ف عز ضيقتك تانى :)
محدش يقدر يفرحك غير نفسك مهما اللى حواليك عملولك .. اشتغل على كده السنه دى .. اشتغل على انك تفرح نفسك :)
اتعلم ده على الاقل .. هتفشل مره بس لازم هتنجح بعد كده ^_^
قرب من ربنا .. متقولش انك لسه صغير وانه لسه بدرى و لما اكبر ابقي أتوب :D
احنا كبرنا خلاص و كل سنه بتعدى بتنقص من عمرنا .. الحق بقي و انوى تتغير و اكيد ربنا هيكرمك و يساعدك ف ده :)
متقولش ان السنه اللى فاتت وحشة وكويس انها خلصت .. قول السنه اللى فاتت حلوة بس ان شاء الله اللى جايه هتبقي احلى ^_^
كلكم عارفين الكلام ده .. بس كلكم محتاجين اللى يقولهولكم ..
كلموا كل اللى بتحبوهم يا جماعه و اطمنوا عليهم .. كلموا قرايبكم اللى ليكم فترة مبتكلموش بعض عشان متخانقين معاهم ! ..

اقعدوا و اتكلموا مع اهلكم كتيير و احكولهم كل حاجة ف حياتكم .. محدش هيخاف عليك ولا يوجهك صح غيرهم :)

كل ما تخاف من امتحان افتكر ان درجتك مكتوبالك من قبل حتى ما تمتحن .. انت بس اسعى ^_^

الحياه ابسط من اننا نعقدها و نقفلها ف وشنا و وشوش الناس .. اللى اتغير و عاوز يسيبك سيبه و متمسكش فيه لانه مش هينفعك .. اللى لسه بيحبك هيفضلك و هيفضل خايف عليك مهما حصل ..

لو انت عايش بمبدأ معين الكل شايفه غلط حاول السنه دى تغير منه .. مبقولكش متبقاش صاحب مبدأ. لأ .. غير المبدأ لمبدأ أحسن منه .. اتغير للصح :)

ملحوظه صغيرة بس .. النور قطع وانا بكتب البوست ده 😂
بس برضو متفائل و ان شاء الله هتبقي سنه سعيده ^_^
Happy new year ✌
Just do your best then take a rest :)


^_^
.
A. El Zohiryyyy 😇 :D

كل سنه و انتم طيبييين ^_^
سنه سعيده علينا كلنا ان شاء الله ^_^

حملة " كساء " لسه مستمره مع اسرة سمايل :)
اى حد من اى كليه معاه لبس مش محتاجه و حابب يتبرع بيه يقدر يسيبه عند عم عبدالفتاح امين مشرحة طب بيطرى :)

ربنا يجعله فى ميزان حسناتنا جميعاً ^_^