02/02/2023
0️⃣ إحنا مين ؟
شركة مُتخصصة في تأسيس طلبة المرحلة الثانوية والجامعية في علوم الحاسب والبرمجة في نطاق محافظة سوهاج.
1️⃣ ايه خبراتكم وبدأتوا إزاي ؟
احنا بدأنا كنشاط طلابي في كلية الحاسبات والذكاء الإصطناعي جامعة سوهاج كل تركيزنا اننا نتعلم بأستمرار و نفيد زمايلنا الطلبة في الكلية , وبالفعل اشتغلنا علي نفسنا كويس جدًا واتقبلنا في منحة من اكبر المنح الي بتتقدم في العالم في البرمجة وبقي عندنا خبرة بسيطة جدًا بدأنا ننقلها لزمايلنا في الكلية ونجحنا في تدريب وتأسيس 628 طالب في جامعة سوهاج بمختلف الطُرق و الوسائل و التدريبات علي مدار 3 سنين , وبقي عندنا خبرة كويسة جدًا في تأسيس الطلبة وده خلانا نكون جزء من المدربيين في المنحة الي اتقدمتلنا ك طلبة في البداية ونجحنا عن طريق المنحة في تدريب 200 طالب جامعي و 973 طالب في المرحلة الثانوية بمدارس WE للتكنولوجيا التطبيقية والبرمجة في مختلف محافظات مصر (القاهرة,المنصورة,المنيا,السويس,اسكندرية)
بمُجمل تقريبي 2000 طالب في المرحلتين الثانوية والجامعية.
2️⃣ هتقدمولنا ايه و ايه المختلف بينكم وبين اي مكان بيدي كورسات ؟
هنقدملك كورس تأسيسي في المقام الاول , مفيش عمارة بتتبني علي الهوا مُتفقين علي ده ,ده الي بيحصل مع اغلب الشباب الي بيحب يشق طريقه في البرمجة
بيحاول يتعلم من غير ما يتأسس صح ف بيواجه صعوبة كبيرة جدًا فأنه يكمل رحلته التعليمية عشان الموضوع بيبقي مُعقد اكتر كل فترة
البرمجة علم تفكير منطقي له اساسيات مُعينة لازم الطالب يبدأ بيها ودي اصعب مرحلة في رحلته مع البرمجة,
لأنه لو اتأسس صح ,طبيعي اي حاجة بعد كدة هيتعلمها هيتعلمها أسهل بكتير جدًا من الشخص الي بدأ غلط واظن ده وضحلكم بردو الفرق بينا وبين اي مكان تاني
اغلب الأماكن التانية بيبقي غرضها مادي في المقام الأول ف بيهمل مصلحة الطالب علي المدي الطويل وقد ايه هيساعده علي استمراريته في التعلم,
شركتنا مُتخصصة في التأسيس لأن ده أسلم بداية لأي طالب مُهتم بالبرمجة واكيد في مميزات تانية كتير جدًا هتعرفوها عن طريق بوست الكورس.
عدد الطلبة الي هنقدر نشتغل معاها محدود جدًا لأن احنا محتاجين نقدملكم خدمة مُتميزة بأقل ثمن .
انتظروا تفاصيل الكورس وتابعونا . 💙✨
