كيان بصمة التطويري

هي اي الدنيا غير بس شوية وقت بنعدي بيهم حلوين او وحشين كدا كدا هيعدي
طيب الصح بقي اني اخلي الوقت دا يعدي عليا وانا مبسوط ولا وانا دايما مدايق ومخنوق ومش عارف ابسط نفسي؟

الصح اني دايما اختار نفسي فكل مرة اتعب فيها او احس ان الدنيا جات عليا لازم اختار نفسي
وعلشان ابقي مع نفسي بجد واعرف الاقيني بجد بسرعة اشوف اي ناقصني طبعا بتكون روحك مكسورة وحاسس بخنقة يبقي بشكل مباشر بدون تفكير الصلاة والقرآن ثم من بعدهم اكلم حد انا بطمنله وبرتاح معاه فكلامي عادي نتناقش نضحك نهزر المهم نقضي وقت لطيف طيب ودي كمان نقطة مش اساسية يعني ممكن مكلمش حد واكتفي بنفسي...
ثم من بعدها اشوف أحلامي ايه؟
هل انا بدأت ولا لسا متعطل وابدا ف خطواتي بشكل فعلي مش مجرد تفكير لو ف أخطاء اصلحها وتعلم منها مفيش اكمل ف باقي خطواتي ودايما استعين بأهل الخبرة
مفكرش ف الانتحار ولا الموت ولا البعد و الاختفاء كل دا ضعف وهروب
لما تحب تهرب اهرب من نفسك لربنا ومن ربنا ارجع لنفسك تاني ملكش غير نفسك وبس بعد ربنا عز وجل
مفيش أشخاص يهمهم اساعدك وانك تكون بخير
والناس اللي المفروض هما سندك وامانك هما اه جنبك بس مش فاهمينك ومش فاهمين تفكيرك ولا شخصيتك ف برضه هتلف تلف وترجع لربنا ونفسك وبس
يبقي مفيش داعي للزعل ولا للهم ولا الخنقة وجلد الذات المهم تعرف انت عايز ايه وتعرف توصله...
ودا هو هدفك من الدنيا ورسالتك وبس... متهلكش روحك ف غير كدا.


#كوتشينج

بالتوفيق للقائد الشاطر 💞💞

🛡️ حسام أبو القاسم – نموذج للشباب المصري المشرف ✨

👤 الاسم: حسام أبو القاسم
🎂 العمر: 25 سنة
📍 من: محافظة سوهاج
💼 المهنة: استشاري تدريب وتطوير مهني – محاضر – لايف كوتش
🏆 اللقب: أصغر مستشار تدريب وتطوير مهني في مصر – "البروف مدرب الشباب"

---

🌟 رحلة مشرفة
- استطاع أن يثبت نفسه كأصغر مستشار تدريب وتطوير مهني في مصر.
- مؤسس كيان بصمة التطويري وعضو نقابة المدربين.
- كاتب ومعد برامج تدريبية، يقدم محتوى متنوع يجمع بين الفكر العملي والإبداع.
- حصل على بكالوريوس علوم الرياضة، إلى جانب مجموعة من الدبلومات المتخصصة:
- تدريب المدربين (TOT)
- إدارة الموارد البشرية (HR)
- إدارة الأعمال
- لايف كوتشنج
- العلاقات العامة (PR)
- الماركتنج والسيلز

---

🌟 التميز والإنجازات
- يقدم تدريبات متنوعة تشمل: إعداد القادة، المشروعات الصغيرة، التسويق، إدارة العلاقات العامة، وتنمية المهارات القيادية.
- يمنح شهادات تدريبية معتمدة من جهات كبرى داخل مصر وخارجها.
- يتميز ببرامج تدريبية وخطط عمل عملية تساعد الشباب على تطوير أنفسهم وبناء مستقبلهم.
- طموحه لا يتوقف، ويسعى دائمًا لمزيد من الإنجازات في مجال التدريب والتطوير.

---

🏆 قصة مشرفة
حسام أبو القاسم، ابن محافظة سوهاج، يبلغ من العمر 25 عامًا، أصغر مستشار تدريب وتطوير مهني في مصر، ومؤسس كيان بصمة التطويري. شخصية قيادية ملهمة، يقدم تدريبات معتمدة في مجالات متعددة، ويُلقب بـ "البروف مدرب الشباب". يمثل نموذجًا للشباب المصري الطموح الذي يرفع اسم بلده بالعلم والعمل والإبداع. ✨🇪🇬
تكريم الشخصيات المشرفة

التجاهل والبرود حتي وان كان مصتنع هو السبيل الوحيد للنجاة... وبمرور الوقت هيتم التأقلم.

https://forms.gle/KpJdjNfU1k5MHmBT9
سجل دلوقتي 💚

بصمة اسم ليه معني ليه أثر
انك تسيب بصمتك ومتكونش مجرد شخص عابر فالحياة
تتعلم وتعلم تكبر وتكبر ناس معاك بصمة بداية كل حاجة حلوة بداية نجاح بداية تحقيق الذات بداية حب الخير بداية الكارير اللي بجد... كلنا لينا احلام ولينا أهداف وكلنا مستنيين اللي يشدنا ويمد ايده لينا علشان نكمل المشوار بحب وبشغف واحنا كلنا أراده
ملكش حجة انك تفضل زي م انت من غير م تحاول من غير متتعب لنجاحك ولمستقبلك
خليك عارف انك تستحق وانك قد اي حاجة بس انت تصدق نفسك وتكون مؤمن بانك صاحب بصمة

دايما النجاح ليه طريق ومعانا النجاح ليه الف طريق وعلشان الناس اللي بتنجح من حقهم يكبروا ويفرحوا بنجاحهم ف احنا النهاردة بنهني ونبارك للناجحين
تحت رعاية مستشار التدريب والتطوير المهني والمؤسس
د/حسام ابو القاسم
بيتم تجديد الثقة للاستاذه رانيا محمد كـ مدير إدارة
وتم ترقية الاستاذ محمد حيدر كـ مدير تنفيذي
وتم ترقية الاستاذه رضوي سمير كـ مدير التنسيق
كل الدعم وكل التهنئة للقادة بندعمهم فكل خطوة ليهم احنا معاكم ي قادة ف طريق النجاح. 💚

وبعد طول انتظار راجعين بهدية لطيفة ليكم علشان نصالحكم بعد الغياب... انتظرونا بهدوء للي جاي 😉
هنكمل الرحلة. 💚

نجاح صاحبك او حد تعرفه يخليك انت ي تفرحله ي تشجعه وتكمل معاه وتاخد خطوة او يكون شخص مرشد تتعلم من أخطائه وتدعيله بالتوفيق... او متفكرش فيه خالص لا بخير ولا بشر وتسيبه لطريقه...
طيب لو حصلك حاجة غير دول وبصتله باي شكل تاني... كدا يبقي عندك مشكلة كبيرة اوي محتاج تعالجها.

الحياه مش انك بس تعمل فلوس... الحياة مش بس انك تشتغل شغل كويس... الحياة مش بس انك تعرف تعيش كويس...
_ كل دا مهم ومحدش يقدر ينكر أهميته وانه من ضمن مصادر السعادة والحياة الأساسية يعني مبقاش رفاهية انك تسعى للفلوس والشغل الكويس لا ف عصرنا دا بقي فرض عليك...
_ لكن وجهة نظري ان اهم من كل دا تعرف صح تعيش انك تكون فعلا مبسوط وتكون بتعمل اللي نفسك فيه بجد وانك متكونش مجبر ع شئ ف فعله ع مدار حياتك... انك تختار حياتك وطريقتك واسلوبك انت فيها... بأن ميكونش مفروض عليك تعمل حاجة معينة علشان بس تضمن المعيشه... طيب امتى دي كانت حياة اللي انت فيها مبتعملش حاجة غير انك تلحق تعيش وبس... طيب امتى هتنبسط... وانت ف العشرينات مقيد بقيم مجتمعية تكاد تكون مريضة وان مينفعش تلعب وتعيش كدا حياة اللهو لازم تشيل المسؤولية... رغم ان ضد فكرة اللهو لمجرد اللهو والمرح وخلاص لا... لكن مع انك تعيش مبسوط... وف سن ال٣تلاتينات انت لازم بقي تتجوز ازاي عندك ٣٠ سنة ولسا اعزب... ف برضه مينفعش تعمل اللي نفسك فيه ولا تحقق حلمك ولا حاجه... لا تفضل ف دايرة الشغل علشان تقدر تتجوز اي بنت مناسبة وبس شكرا... اصل انت مش هتكون بتحب لانك لو بتحب هتبقي عايز تتجوز من غير م حد يقولك ي بائس... متزعلش من صراحتي 🙂... هو بعده انت قطر الأحلام بقي بتحسه داس ع وشك ف سن الأربعين... رغم انه لا لسا قدامك فرصة بس لا... مسؤولية البيت والولاد هتحجمك وهتحجم كل تصرفاتك علشان تكون راجل قد المسؤولية ومش مستهتر وتنفع تكون اب... هوب بقي انت خلاص ف دايرة الحياة وتطلع اب ناجح... ولكن مرشد لأولادك فاشل معلم وصديق فاشل وممكن كمان تكون زوج فاشل... ودا بختصار لانك معشتش حياتك وفضل فدايرة الخوف وبس انك خايف ع نفسك من كل شئ وانك متعرفش يعني ايه تكون سعيد... ف بكل بساطة انت معرفتش تسعد نفسك من البداية وسلمت لافكار ومعتقدات غلط من صغرك فهل هتعرف تعمل دا مع ولادك... ممكن اه وممكن لا حسب فكرك وحسب وعيك ومدي نضجك...
_ بختصار ي رفيقي عيش حياتك عيش سنك عيش وسيبك من اي معتقدات مجتمعية او اسريه معقده 🙂... خليك سعيد العمر مبيتكررش مرتين... هي مرة وحدة بس.
خليك مختلف عن الجميع اعمل الصح لنفسك.

كل عام وانتم بخير

عيد مبارك ينعاد علينا وعليكم بالخير واليمن والبركات وكل عام وانتم بخير جميعآ 💚🌙