اكاديمية افندينا لتعليم قيادة السيارات بسوهاج

26/09/2022

يفضل الوقوف ع حرف N اثناء الاشارات اوالتوقف السريع
وذلك لراحه الموتور وتقليل استهلاك البنزين .

26/09/2022

الناس اللى بتسوق الفتيس الأوتوماتيك 🙋‍♂️
دي الرموز الاساسية اللى بنشوفها فى الفتيس 👌🤓

الـ P يعنى Park ده اللى بتوقف بيه العربية ..
الـ R يعنى Reverse دى اللى بيخلى العربية ترجع لورا "مارشدير" يعنى ..
الـ N يعنى Neutral وده بيبقي وضع المور ..
الـ D يعنى Drive وده وضع السواقة أو المشى بالعربية عادي ..

===================

ملحوظات مهمة بقي 👍🦅

1 - لازم تبقى عارف إن العربية فى الأوتوماتيك مش هتدور وأنت على الـ D ولا هتدور وأنت على الـ R لأنه بـ إختصار الـ D و الـ R بيفصلوا كهربة عن المارش تماماّ وده مش هيخلى العربية تدور نهائى ..
=-=-=-=
2 - وأنت واقف فى إشارة هات الـ N اللى هو وضع المور عشان تريح تروس الفتيس شوية ومتلفش على الفاضى وتبقى العربية عايزة تطلع وأنت ماسكها فرامل ..
=-=-=-=
3 - وأنت بتجيب الـ D أو الـ R خلى رجلك على الفرامل لأنك لو جبت حاجة من دول من غير فرامل هتلاقى العربية مشيت من غير ما تدوس بنزين لأن التروس أتحركت وحركت العربية معاها ..
=-=-=-=
4 - مينفعش تنقل من نقلة لـ نقلة والعربية ماشية حتى لو ماشية على سرعة 5 كم يعنى مينفعش مثلاّ وأنت بتطلع من ركنة وجايب الـ D والعربية لسة بالراحة أوى أهى وبتطلع من الركنة تروح جايب الـ R عشان تعدل نفسك وتطلع!! لأ أنت كدة بتدمر تروس الفتيس مع الوقت لأن لازم العربية تقف وتروح جاى ناقل من الـ D للـ R والعكس ..
=-=-=-=
5 - نيجى بقى للأوضاع التانية وهى الـ L و الـ 2 والـ 3 :-

الـ L هو الغيار الأولانى وده الناس بتستخدمة فى المطالع الجامدة لأنه بيدى عزم شديد على سرعة قليلة بس خد بالك مينفعش تكون ماشى 60 ولا 80 وتروح جايب الـ L !! أنت كدة هتكسر الفتيس يعني أخرك 30 بالكتير تجيب الـ L عليها ..

الـ 2 وده الغيار التانى والأول مع بعض بيسمح للعربية إنها تننقل ما بينهم ..
الـ 3 وده الغيار الأول والتانى والتالت فقط مش بتنقل للرابع ..
ممكن عادى وأنت ماشى على الـ L أو الـ 2 أو الـ 3 تجيب الـ D مرة واحدة عادى لأنه كدة كدة شغال على جميع النقلات ف أى وقت عادى ..
=-=-=-=
6 - نصيحة ياريت الكل يعمل بيها لو عايز تحافظ على فتيس عربيتك .. وأنت بتركن أو بتقف بالعربية متروحش جايب الـ P مرة واحدة ومتشدش الهاند أو تجيب الـ P وتشد الهاند بعدها ..

الوقفة الصح بالفتيس الأوتو هو إنك خلاص هتبطل أهو وتنزل من العربية ركز بقى معايا .. تروح دايس فرامل وتجيب الـ N وترفع الهاند وبعد كدة تجيب الـ P

3 خطوات أهو من الشمال لليمين لازم تلتزم بيهم ده لو خايف علي فلوسك يعني والـ 3 خطوات دول معناهم إن أنت كدة حملت على الهاند بريك واللى وظيفتها إنها توقف العربية
لكن لما بتجيب الـ P وبعد كدة الهاند أنت كدة حملت العربية كلها بالمكنة بكله على ترس الفتيس ومع الوقت بيتاكل ويتكسر وترجع تقول ليه ده أنا كنت محافظ على العربية ..

21/09/2022

علامات موجودة في تابلوه العربية 🚘🚕 اتعرف عليها 🙋‍♀️
تضئ جميعها عند فتح الكونتاكت
ولكن إذا استمرت أحد هذه العلامات في الظهور بعد تشغيل السيارة 🚗
فإنه يدل علي وجود خلل وعطل معين في السيارة

20/09/2022

19/09/2022

أشارات المرور 🚦🚯⚠️

19/09/2022

عايزين نوفر في إستهلاك_البنزين 😭

انت تعرف إنك ممكن توفر في إستهلاكك للبنزين حوالي ٣٧% 😄
ولكن للأسف ناس كتير مننا بتتعامل مع العربية بشكل عشوائي !! رغم إنك ممكن تتعامل مع عربيتك بنفس الطريقة المعتادة ولكن ببعض الحاجات اللي تاخد بالك منها 👌 وهو ده بقي موضوعنا أنهاردة 👇
إزاي تقلل من أستهلاك البنزين في عربيتك ؟!
تعالوا نعرف مع بعض في ٣ دقااااايق 🕜

=======================

أول عامل وأهم حاجة هو ضغط الهوا في الكاوتشات بتاعة والعامل ده هو أهم عامل ممكن يخلي العربية تسحب بنزين بشكل أعلي من معدلها بحوالي ٦% وموضوع ضغط الهوا ده يفضل إنك تزود هوا للكاوتشات بشكل أعلي شوية عن العادي يعني ميزيدش عن ٥.٠ بار عن القيمة المقررة لكاوتشات عربيتك.

=======================

تاني حاجة يمكن ناس كتير متعرفش عنها حاجة إن عدم صيانتك للعربية أو الصيانة الضعيفة ده بيخلي الموتور يسحب بنزين بشكل أعلي وتقريبآ بنسبة من ١٠ لـ ٢٠% عشان الموتور يغطي العيب اللي فيه يعني مثلاّ عندك عيب في حساس الأكسجين وعالجته أنت كدة من غير ما تحس بتوفر في البنزين تقريباّ ما لا يقل عن ٤٠% وبدون مبالغة في الأرقام.

=======================

تالت حاجة هي نوع الزيت اللي بتحطه في الموتور بيبقي ليه عامل كبير جداّ جدآ في إنه يوفرلك بنزين لان كل ما كان الزيت نضيف ولزوجته كويسة يخلي الأجزاء الداخلية للموتور تشتغل بسهولة ومتسحبش بنزين.

=======================

أنت عارف إنك لما الصبح بتنزل وتفضل مدور العربية علي السلانسيه أنت كدة بتسحب بنزين بمعدل صفر كيلو للتر الواحد يعني كل صفر كيلو الموتور بيسحب لتر بنزين !! تخيل 😪 .. الصح بقي إنك لما تنزل الصبح دور عربيتك وهي نص دقيقة بس لو عربيتك إنجيكشن وتبدأ بعد كدة تتحرك ونصيحة للناس اللي أول ما بتتحرك بالعربية بتقوم قارصة أنت كدة بتخلي الموتور يسحب بنزين ضعفين معدله يعني حوالي ٣٥% أعلي من المعدل الطبيعي ده غير إن الزيت لسة مبيكونش لسة لحق يوصل لأجزاء الموتور فا أنت كدة بتخبطه في بعض.

=======================
شوية معلومات بقي كدة صغيرة حطها حلقة في ودنك 😄 👇

- أنت تعرف إن مثبت السرعة وأنت علي طريق السفر بيوفرلك مش أقل من ١٤% من نسبة أستهلاك العربية للبنزين.
- أنت تعرف إنك لما تزود سرعتك من ١٠٠ كم لـ ١٤٠ كم إن أستهلاك البنزين بيزيد بنسبة ٣٠%.
- أنت تعرف إنك لما بتقلل سرعتك من ١٠٠ كم لـ ٩٠ كم أنت بتقلل أستهلاك البنزين لحوالي ١٥%.
- أنت تعرف إن الوقت اللي هتوفره لما بتسوق بسرعة ١٤٠ كم مقارنةّ بسرعة ١١٠ كم هما دقيقتين بس !!
- أنت تعرف إنك وأنت ماشي علي طريق السفر مثلاّ وفاتح الشبابيك بتاعة العربية في الحالة دي إنت مفيش فرق بينك وبين اللي مشغل التكييف بظبط لأن بدخول الهوا للعربية بيتقلها وبيزود مقاومة الموتور وجسم العربية للهوا فا بالتالي الموتور بيسحب بنزين أعلي من معدله عشان يعوض وتقدر يواجه الهوا !!
- طب أنت تعرف إن كل ٤٥ كجم زيادة في العربية سواءّ بقي شخص أو أي حاجة بتتحط في العربية ده بيزود أستهلاك البنزين بنسبة ٣%.
- طب أنت تعرف إن يفضل إنك متسيبش تنك البنزين يقل عن النص عشان متسيبش مساحة كبيرة للبنزين إنه يتبخر بسرعة بحيث إنه بيتفاعل مع الهوا اللي جوة التنك.
- فلاتر العربية سواءّ هوا أو بنزين وتغيير البوجيهات في مواعيدها كل ده بيظبط الأستهلاك.

=======================

اعرف عربيتك صح 👷🏻‍♂️⚙️

18/09/2022

التصرف السليم لإيقاف السيارة عند انفجار احد الاطارات وانت تقود السياره بسرعة تتجاوز100كم/ساعة... 🚘

1/ النصيحة الأولى :
عند إنفجار أحد الإطارات حاول أن تبقى هادئاً قدر الإمكان وقم بتثبيت( المقود.الدركسون ) بكلتا يديك بقوة .

2/ النصيحة الثانية:
وهي الأهم أبقي قدمك بعيداً عن الفرامل ولا تقم بضغطها نهائياً ..

3/ النصيحة الثالثة :
أبقى بمسارك ولا تحاول تغييره أو الخروج من الطريق ، أبقى على مسار مستقيم قدر الإمكان.

4/ النصيحة الرابعة :
إذا كانت سيارتك ذات ناقل حركة يدوي , قم بتغيير التعاشيق ( السرعات ) للأدني تدريجياً ولاتقم بهذه الخطوة إلا بعد التأكد من أنك تسطير على السيارة جيداً , أما إذا كانت سيارتك ذات ناقل حركة أتوماتيكي , فسوف تقوم بهذه المهمة لوحدها ).

5/ النصيحة الخامسة:
لا تحمل همَّ الفرامل فإن السحب ( Drag ) الناتج عن الإطار المنفجر سوف يقوم بمهمة الفرامل وتخفيف سرعة السيارة .

6/ النصيحة السادسة :
عند إنخفاض السرعة الى50 كم/ ساعة , يمكنك ضغط الفرامل بلطف حتى تتوقف السيارة

أنشرها لعل وعسى.... أن تكون سبباً في نجاة نفس مع تمنياتنا للجميع بالسلامة ...

17/09/2022

صباح الابتسامه

16/09/2022

للمبتدئين
اعرف فتحة تنك العربيه

16/09/2022

عصا الاشارات ( الغمازات )

_ عند الاتجاه لليمين نرفع العصا ( لاعلي ) اي يظهر في التابلوه السهم اتجاه اليمين مضاء باللون الاخضر
_ عند الاتجاه لليسار نحرك العصا ( لاسفل ) يظهر في التابلوه السهم في اتجاه الشمال مضاء باللون الاخضر
_ عندما تريد التهدئة او الوقوف نقوم بتشغيل زر الانتظار .

16/09/2022

ازى تشترى وتفحص عربيه مستعمله
موضوع كامل + ٢٥ صوره للتوضيح