رؤية لتعليم قيادة السيارات

* * * اقرأ ما يأمن حياتك لسلامتك وسلامة اسرتك * * *

هل تعلم ما معنى الحروف الاتية التى تكتب على الكاوتش من الخارج .
J . K . L . M. . P. Q R . S . T. H ؟ و A او B او C

طبعا انا متأكد انكم بتقولون لأ ما بنديش اي اهتمام لهذه الرموز لذلك لا نستفيد من اخطاءنا السابقه وأغلبكم غيروا كاوتش سياراتهم بدون ان ينتبهوا لهذه الرموز مع انها اهم شي ..

واتمنى ان تنشروا الكلام ده عند اصحابكم لأهميته و خطورته على حياتهم و حياة عائلاتهم :

اولا : معنا الحروف التي في الاعلى

J يتحمل سرعة قصوى مقدارها 100 كم/ساعة.
K يتحمل سرعة قصوى مقدارها 110 كم/ساعة.
L يتحمل سرعة قصوى مقدارها 120 كم/ساعة.
M يتحمل سرعة قصوى مقدارها 130 كم/ساعة.
N يتحمل سرعة قصوى مقدارها 140 كم/ساعة.
P يتحمل سرعة قصوى مقدارها 150 كم/ساعة.
Q يتحمل سرعة قصوى مقدارها 160 كم/ساعة.
R يتحمل سرعة قصوى مقدارها 170 كم/ساعة.
S يتحمل سرعة قصوى مقدارها 180 كم/ساعة.
T يتحمل سرعة قصوى مقدارها 190 كم/ساعة.
H يتحمل سرعة قصوى مقدارها 200 كم/ساعة.
Vr يتحمل سرعة قصوى مقدارها 210 كم/ساعة.
Zr يتحمل سرعة قصوى مقدارها 240 كم/ساعة.
V يتحمل سرعة قصوى مقدارها 260 كم/ساعة.
W يتحمل سرعة قصوى مقدارها 270 كم/ساعة
Y مفتوح اكثر من 270 كلم / ساعة

ثانيا : الرموز في الكاوتش A او B او C
( تعني التحمل لدرجة الحرارة ) ومعناها :

A قوة تحمل حرارة مرتفعة . وهذا الذي يناسب الجو الحار مثل السعودية .

B قوة تحمل حرارة معتديلة . و هو يناسب الاجواء عندنا فى مصر .

C قوة تحمل حررارة منخفظة جدا . و هو مناسب لأوروبا

وهذا النوع سبب الحوادث وهو نوع رخيص وصاحب المحل لا يحذرك منه لأنه المستفيد الاول و بيبيعه رغم انه رخيص بنفس تمن الغالى اللى من نوعية A ، B

مع تحيات مركز رؤية / و كابتن : محمد صبري

.وضعت الادارة العامة للمرور مجموعة من الغرامات المالية الجديدة علي المواطنين
علي مخالفات المروربناء على قدر المخالفة وهي تبدأ من 100 جنيه وتصل لـ 50 ألف جنيه وجاءت قيمة الغرامة من 300 جنيه إلى 1500 جنيه وذلك عند تجاوز السرعة المقررة على الطرق وعند الاعتداء على رجال المرور وايضا عند ارتكاب فعل فاضح فى الطريق ومخل بالآداب والقيم كما توقع غرامة عند عدم استخدام اللوحات المعدنية المنصرفة من المرور والسير بدون فرامل بينما عند وجود هذا الشيء التالي في العربة والتي سوف تعرفونه خلال السطور القادمة تابعونا.

شيله من عربيتك فورا..دفع غرامة مالية عند وجود هذا الشئ في سيارتك

اذا قمت بتركيب تركيب زجاج فاميه داخل السيارة أو تركيب ملصقات داخل العربة تساهم فى إخفاء ملامح المركبة يتم توقيع غرامة مالية على مرتكب المخالفة تصل قيممتها من 100 لـ300 جنيه.

مخالفات المرور الجديده

يتم سحب رخصة القيادة من السائق وكذلك رخصة السير فى حالة عدم دفع التصالح الذى تبلغ قيمته 50 جنيهًا فقط.

يتم توقيع غرامة من 100 جنيه إلى 500 جنيه لعدم اتباع تعليمات رجال المرور.
بينما يتم دفع قيمة غرامة من 200 جنيه إلى 2000 جنيه إذا تم ترك مركبة ونجم عنها توقف حركة المرور ثم غرامة 300 جنيه لعدم وجود طفاية حريق في السيارة .

دفع غرامة من 500 جنيه إلى 1500 جنيه لـ:السير بالمركبة التي تنبعث منها رائحة كريهة.

اغلب اعطال العربية ✋🔧🚘

١_ صوت طقطقه في الملفات ( كوبلن )
٢_ صوت طقطقه وانت بتلف الدركسيون شمال ويمين وانت واقف ( علبة دركسيون او بارات علبة دركسيون )
٣_ تخبيط وشخلله في الارض المكسره ( جلب مقصات او بيض مقصات )
٤ _ رعشه في الدركسيون وهزة في الموتور وانت واقف علي السانسية او او مدي غيار ودايس فرامل قواعد موتور
٥_ العربية مكتومه والسحب ضعيف معاك ( تنضيف بوابه - فلتر بنزيز - فلتر هوا - قلب طلمبة بنزين ضعيف - بوجيهات )
٦ _ استهلاك البنزين عالي عن الطبيعي ( حساس شكمان - فرن الشكمان مشروخ - بوجيهات - رشاشات )
٧ _ هزة في العربية علي سرعه من ٣٠ ل ٩٠ مثلا ترصيص عجل امامي
٨ _ هزة او رعشه مع دوسة الفرامل طنابير
٩ _ العربية بتعوم معاك علي السرعات او في الملفات وانت علي سرعه ( شدادات خلفيه او مساعدين خلفي )
١٠_ لمبة ال D بتنور وتطفي معاك وانت ماشي ( سوتش نقلات او فيوز )
١١ _ رجه وغربله في العربية في الطالعه في المانوال ( طقم دبرياچ )
١٢ _ صوت تكتكه مستمر من ناحية الموتور كستبانات
١٣ _ العربية بتسقط غيار وال Rpm بيعلي في منازل الكباري او المنحدرات ( ده عادي سيفتي في الفتيس عشان تساعد من تقليل سرعة العربية مساعده مع الفرامل )
١٤ _ العربية بتسخن وترجع لدرجة الحرارة العاديه بسرعه ( تنضيف دورة التبريد او تاخد هوا لدورة الميه )
١٥ _ العربية بتحدف يمين او شمال ( ضبط زوايا او كاوتش )
١٦ _ العربية بتاكل زيت والزيت بينقص باستمرار ودخانه سوده من الشكمان ( طقم شنبر )
١٧ _ خبكه وانت بتدي غيار او بتنقل من p ل r او من n ل d ( قاعدة فتيس )
١٨ _ العربية بتبطل وانت ماشي ومش بتدور علي طول وبعد دقيقتين تدور عادي وتمشي شوية وتبطل ( قلب طلمبة بنزين ) لما بيسخن بتبطل ولما بتقف شوية يبرد بتدور تاني
١٩ _ لما بتلف الدكسيون في الملفات والدركسيون مبيردش لماكنه تاني ( صليبة دركسيون او علبة الدركسيون )
٢٠ _ صوت قطه وانتي بتهدي تاخد مطب او في الطلعه بتروح وتيجي بارات علبه دركسيون
٢١ _ صوت تزييق في المطبات او الطرق المكسره ( لف شكرتون علي مفصلات الشنطه وقفل الكنبه الخلفيه _ او علي الكاسيت )
٢٢ _ صوت تزييق في التاره وتحس بتقل في التاره ( بطاحات )
٢٣ _ لمبة البطارية نورت وانت ماشي والباور فصل والعربية سخنت ( سير مجموعه )
٢٤ _ العربية بطلت وانت ماشي ومش عايزة تدور اول حاجه تعملها تبص علي سير الكاتينه لو مش مقطوع اتاكد ان السير مش مفوت وربنا يسترها .
٢٥ _ صوت صفاره من جنب الموتور اليمين ( شداد المجموعه )
٢٦- عيب في علبة الدريكسيون :- تعتبر من أهم مكونات العفشة لأنها لو بايظة وكل عفشتك سليمة هتحس كأنك راكب مراجيح وتسمع تخبيط فى أى مطب وعشان تتاكد إن علبة الدريكسيون عندك سليمة هز الدريكسيون وعينيك على العجل لو لقيت مع اى حركة بسيطة للطارة الكاوتش بيتحرك يبقى كدة علبة الدريكسيون عندك سليمة ومفيش فيها بوش غير كدة يبقى العلبة مبوشة ولازم تعملها طقم إصلاح وممكن تكون العلبة مفيش فيها بوش بس العلبة نفسها من جوة بدأت تروسها تتاكل وتضعف ودي بتبقى أسمها حشوة علبة الدريكسيون وبتضطر تغيرها لما تسمع صوت خبط مع أى أرض مش ممهدة
٢٧- عيب في الإسكاترة :- ممكن الإسكاترة تسرب زيت الباور فا تلاقي الطارة فيها صعوبة في حركتها وفى الحالة دي الإسكاترة بتتحل وبيتعملها طقم إصلاح والجوانات بتغيير والأويل سيلات الداخلية اللى بتحجز الزيت.
٢٨- عيب في عمود الصليبة :- هو عبارة عبارة عن العامود الموصل للحركة من الطارة للإسكاترة ولما بتبوظ بيكون فيه بوش بسيط جداّ لما بتلف الطارة وحاجة شبه النقرة كدة.
٢٩- عيب في التيش الداخلى والتيش الخارجى :- التيش عبارة عن دراع صغير فى أوله بيضة متحركة بتنتهى بمسمار بيتركب فى نهاية كل جنب من جوانب الجريدة المسننة اللي بتكون موجودة في الإسكاترة وفى الناحية التانية من التيش مسمار تاني بيتركب فى التيش الخارجى وهو هو بظبط التيش الداخلي في وظيفته ووظيفة الإتياش دي إنها تنقل حركة الجريدة المسننة للعجل والإتياش دي لما بتبوظ بتحس بصوت خبط فى العجلة نفسها اللى بيبقى التيش بتاعها بايظ ده غير إن التوجية بيبقى خفيف جداّ لما تيجى تكسر شمال مثلاّ وعلى السرعات العالية فوق الـ 100 مثلاّ بتلاقى العربية خفيفة فى التوجيه كأنها هتتقلب.
٣٠- عيب في المقص العلوى والمقص السفلى :- المقص العلوى بيكون على شكل مثلث فى الجنبين وبيكون ممسوك فى جلبة محكمة جداّ وفى أول المقص بتكون موجودة بلية بعمود صغير بتتركب فى الجنب المخصص ليها أما المقص السفلى ده عبارة عن عامود بيكون فى أخره جلبة وفى أولة جلبة الجلب دي كلها لازم تكون سليمة واإا هتحس بأى مطب وهتحس بتخبيط ده غير عومان العربية.
٣١- عيب في كاوتشة الميزان (مسمار الميزان) :- كاوتشة الميزان من أهم المكونات المسئولة عن حركة العربية لأنها بتكون فى الجنب الواحد من 4 كاوتشات ووظيفتها إنها بتفصل بين أجزاء العفشة وبتركب على حاجة أسمها أطباق + مسمار الميزان ومن عيوبها لما بتبوظ إنك بتلاقى العفشة خفيفة مع مطبات الهوا بالذات.
٣٢- عيب في الكبالن :- وظيفة الكبالن إنها بتنقل الحركة من الفتيس للعجل وبيبقي فيه 2 كوبلن واحد داخلي بينقل الحركة من الفتيس للكوبلن الخارجي وبعد كدة بيقوم الكوبلن الخارجي ينقل الحركة دي منه للعجل علي طول والكوبلن بيتكون من مجموعة من البلى ولازم يكون البلي ده محتفظ علي طول بالشحم بتاعه طب لو الشحم ده بدأ يتسرب ؟! هنلاقي صوت طقطقه في الملفات وطبعاّ في الحالة دي لازم الكوبلن الخارجي يتغير وإلا هيفرك ودي بتبقي مصيبة لو أنت علي سرعة عالية أما عن الكوبلن الداخلي فا ده بيبقي عمره طويل جداّ ونادراّ ما بيبوظ.
٣٣- عيب في الطنابير :- طبعاّ الطنابير مهمة جداّ لأنها هي اللى بتتركب فيها العجلة ولازم تكون مظبوطة ومفيش فيها أي ريجة وأى تلف بيحصل في الطنابير هتلاقي رعشة على السرعات العالية ورجة مع الفرامل ومش هتلاقي بدال الفرامل ثابت لما بتضغط عليه
٣٤- عيب في المساعدين والسوستة والبطاحة :- المساعد يعتبر برضو من أهم المكونات الأساسية فى العفشة لأنه بيخلى العربية متميلش جامد لو بتاخد ملف وبيحافظ جداّ على شاسية العربية ونعومتها وراحة في المطبات ولو حصل غير كدة يبقى المساعد ده بايظ أما السوستة بقي هي اللي بتبقى رافعة العربية وبتخفف الحمل عن المساعد ده غير تخفيف الإحساس بالمطبات فا لو لقيت جنب أوطى من جنب يبقى كدة السوستة ودعت اما البطاحات فا دي بتبقى راكبة فوق المساعدين ومتصلة بجسم العربيه وبتبقي عبارة عن كاوتشة ومجموعة رولمان بلى بتخلى المساعد يلف مع كسر العجل سواء يمين أو شمال فا لما تسمع صوت تزييقة فى الكسرات أكشف عليهم.
٣٥- عيب في بلية الطنبورة :- طبعاّ إحنا عارفين إن بلية الطنابير مهمة جداّ لأنها بتنعم حركة العربية والبلية دي بتبقي موجودة جوة سرة اللى بيبقى فيها مسامير العجل وعشان تعرف حالتها بترفع العربية وبتحرك العجلة لو لقيت حركة العجلة خشنة وفيها صوت نحر يبقي البلية دي لازم تتغير.
أعطال الفرامل😀
٣٦- دواسة الفرامل محجرة او ناشفة يبقي عطل في السيرفو
٣٧- صوت صفارة مع دوسة الفرامل يبقي التيل عاوز يتغير او جديد بس خامته وحشة او الطنابير عاوزة تتغير
٣٨- الفرامل واطية او مسافة الدوسة زادت يعنى لازم البدال بينزل معاك بزيادة يبقي تيل الفرامل محتاج يتغير لانه انتهى أو محتاج ظبط رجلاش للفرامل الخلفية وممكن يكون سدد في بلوف مشترك (الضفدعة )وآخر حاجة الماستر العمومي
٣٩- رعشة في العربية مع دوسة الفرامل
يبقي الطنابير عاوزة تتغير او تتخرط ومعاها تيل جديد
٤٠- البدال واطي معاك في اول دوسة ولما تدوس تانى تمسك كويس يبقي دورة الفرامل واخدة هواء ويتم صرفه بانك تضغط فرامل ورا بعض كام مرة وواحد يفك مسمار الهواء وانت ضاغط وتكرر العملية لحد ما الهواء يتصرف والبدال يبقى عالى وتمسك معاك
٤١- لو الدواسة بتهرب معاك للآخر في التهدئة (لو داخل علي مطب مثلاً) وبتمسك كويس لو دوست فرامل مفاجئ يبقي ماستر عمومي من غير ما تفكر
٤٢- العربية بتحدف يمين مع دوسة الفرامل
يبقي ماستر العجلة الشمال مش شغال او تيل منتهي وعايز يتغير
٤٣- العربية بتحدف شمال مع دوسة الفرامل
يبقي ماستر العجلة اليمين مش شغال او تيل منتهي وعايز يتغير
٤٤-صوت شخللة في العجل وتروح مع دوسة الفرامل يبقي تراجع كاوتش مسامير هواء الماستر أو سوست التيل

شدد قانون المرور الجديد 2021 العقوبة على قائدي السيارات، ووصلت إلى الحبس لمدة 6 شهور عند ارتكاب مخالفات حددها المشرع في المادة 75 في التعديلات الجديد للقانون الذي بدأ تطبيقه خلال فبراير الماضي.

وينص القانون على «يعاقب بالحبس مدة لا تزيد عن 6 شهور وبغرامة لا تقل عن ثلاثمائة جنيه ولا تزيد على ألف وخمسمائة جنيه، أو بإحدى هاتين العقوبتين تلك المخالفات اثناء قيادة السيارة وهي:

1- قيادة المركبة في حالة عدم وضع الملصق الإلكتروني أو إتلافه، أو إخفائه، أو نقله لسيارة أخرى، وكذلك حال العبث به لإلغاء صلاحيته.

2- -قيادة السيارة بسرعة تجاوز الحد الأقصى المقرر للطريق.

3- عدم وضع مركبة النقل السريع للوحات المعدنية المخصصة لها أو استخدام لوحات معدنية غير لسيارة أخرى.

4- تطبق عقوبة الحبس أيضا حال قيادة سيارة بدون من الفرامل.

5- إثبات بیانات غير صحيحة للسيارة في الطلبات التي حددها القانون.

6- في حالة تعمد السائق المركبة تعطيل حركة المرور بالطرق.

7- يحبس أيضا السائق في حالة تغيير بيانات السيارة أو لون اللوحات المعدنية المقررة المركبات النقل.

8- قيام قائد المركبة بفك الكلابش سيارته.

9- في حالة عدم استيفاء إجراءات الخاصة بالترخيص في إنشاء مدرسة خاصة بتعليم قيادة السيارات.

10-التعدي قائد السيارة على أحد أفراد شرطة المرور أثناء تأدية عمله.

11-ارتكاب قائد المركبة ارتكاب فعل فاضح داخل سيارته.

12-قيادة المركبة ليلا دون استعمال الأنوار الأمامية أو الخلفية.

هام جدا لصحتك

يوفر استخدام الغاز الطبيعى كوقود للسيارات 60% من تكلفة استخدام "البنزين" كوقود للسيارات كما أنه يحافظ على الأجزاء الداخلية لمحرك السيارة ويقلل من تكليف صيانة السيارة وبديل آمن ويطيل عمر زيت محرك السيارة، كما أنه من مصادر الطاقة النظيفة التى لا ينتج عنه أى انبعاثات ضارة حيث أنه غير سام وخالى من مُركبات الرصاص والشوائب الكبريتية ويحافظ على البيئة من التلوث.

وتزود أسطوانة الغاز الطبيعى التى يتم تركيبها بالسيارة بنظام غلق أوتوماتيكى مهمته غلق الأسطوانة تماما لمنع تسرب الغاز، وذلك إلى جانب تصنيع أسطوانة الغاز الطبيعى المضغوط وفقا لمعايير أمان عالية وتحت إشراف جهات تفتيش ‏دولية، حيث يتم تصنيعها من سبيكة من الصلب المخصوص لتحمل الضغط العالى للغاز الطبيعى الموجود ‏داخلها.‏

وأعدت إحدى شركات قطاع البترول والمتخصصة فى تحويل السيارات للعمل بالغاز الطبيعى، دراسة عن فرق التكلفة بين استهلاك الغاز الطبيعى والوقود للسيارات وتضمنت الدراسة، أن استهلاك 10 لتر من بنزين 92 يتكلف 80 جنيها فحين أن فرق الوفر عند استهلاك 10 متر مكعب من الغاز والذى يساوى إجمالى 35 جنيها وبذلك فإن الوفر المالى سيكون 45 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 92 ونفس الكميات من الغاز الطبيعى سيكون 16200 جنيها.

أشارت الدراسة والتى حصلت اليوم السابع على نسخة منها، إلى أن فى حال استهلاك 15 لتر من بنزين 92 يتكلف 120 جنيها فحين أن فرق الوفر عند استهلاك 15متر مكعب من الغاز والذى يساوى إجمالى 52.5 جنيها وبذلك فإن الوفر المالى سيكون 67.5 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 92 ونفس الكميات من الغاز الطبيعى سيكون 24300 جنيها.

وأوضحت الدراسة، إلى أن فى حال استهلاك 20من بنزين 92 يتكلف 160 جنيها فحين أن فرق الوفر عند استهلاك 20متر مكعب من الغاز والذى يساوى إجمالى 70 جنيها وبذلك فإن الوفر المالى سيكون 90 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 92 ونفس الكميات من الغاز الطبيعى سيكون 32400جنيها.

وذكرت الدراسة، إلى أن فى حال استهلاك 25من بنزين 92 يتكلف 200 جنيها فحين أن فرق الوفر عند استهلاك 25متر مكعب من الغاز والذى يساوى إجمالى 87.5 جنيها وبذلك فإن الوفر المالى سيكون 112.5 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 92 ونفس الكميات من الغاز الطبيعى سيكون 40500 جنيها .

أما فيما يتعلق باستهلاك بنزين 95 فأوضحت الدراسة، أنه فى حال استهلاك 10من بنزين 95 يتكلف 90 جنيها فحين أن فرق الوفر عند استهلاك 10 متر مكعب من الغاز والذى يساوى إجمالى 35 جنيها وبذلك فإن الوفر المالى سيكون 55 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 95 ونفس الكميات من الغاز الطبيعى سيكون 19800 جنيها.

وأشارت الدراسة أنه فى حال استهلاك 15 لتر من بنزين 95 يتكلف 135 جنيها فحين أن فرق الوفر عند استهلاك 15متر مكعب من الغاز والذى يساوى إجمالى 52.5 جنيها وبذلك فإن الوفر المالى سيكون 82.5 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 95 ونفس الكميات من الغاز الطبيعى سيكون 29700 جنيها .

أوضحت الدراسة أنه فى حال استهلاك 20 لتر من بنزين 95 يتكلف 180 جنيها فحين أن فرق الوفر عند استهلاك 10متر مكعب من الغاز والذى يساوى إجمالى 70جنيها وبذلك فإن الوفر المالى سيكون 110جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 95 ونفس الكميات من الغاز الطبيعى سيكون 39600 جنيها.



أما فيما يتعلق باستهلاك 25 لتر من بنزين 95 يوميا فأوضحت الدراسة، أنه فى حال استهلاك 25 من بنزين 95 يتكلف 225 جنيها فحين أن فرق الوفر عند استهلاك 25 متر مكعب من الغاز والذى يساوى إجمالى 87.5 جنيها وبذلك فإن الوفر المالى سيكون 137.5 جنيها وبالتالى فإن الوفر السنوى من الاستهلاك عند استخدام نفس الكميات يوميا من بنزين 95 ونفس الكميات من الغاز الطبيعى سيكون 49500 جنيها .

يذكر أن إحلال الغاز الطبيعى محل البنزين كوقود للسيارة يوفر مبالغ طائلة لمالكى السيارات ، حيث أن وزارة البترول لديها مراكز لتحويل السيارات للعمل بالغاز الطبيعى فى المحافظات المختلفة،كما أن هناك توجهات من جانب الدولة للتوسع فى استخدام الغاز الطبيعى كبديل للمحروقات الأخرى، لما له من مردود إيجابى على العائد الاقتصادى والأثر البيئى حيث يعد وقود نظيف صديق للبيئة حيث يقلل من نسبة انبعاث غاز أول أكسيد الكربون بنسبة 86%، و يقلل من نسبة انبعاث غاز ثانى أكسيد الكربون بنسبة 21%، ويخفض إجمالى انبعاثات الرصاص لعدم احتوائه على أى من مركبات الرصاص، و يخفض إجمالى انبعاثات غاز ثانى أكسيد الكبريت، حيث أن نسبة الكبريت فى الغاز الطبيعى نسبة ضعيفة جداً بالمقارنة بوقود (سولار / بنزين) .

وكان الدكتور مصطفى مدبولى، رئيس مجلس الوزراء، كان قد عقد اجتماعاً خلال منتصف الشهر الجارى ،لمتابعة تنفيذ برنامج تحويل المركبات للعمل بالوقود المزدوج (بنزين - غاز طبيعى) كما كلّف رئيس مجلس الوزراء، بإعداد تقرير عن التمويل المطلوب لتنفيذ المشروع، وخطوات ومراحل التنفيذ، مؤكداً أن البرنامج يستهدف تحويل المركبات للعمل بالغاز الطبيعى، وفى الوقت نفسه إنشاء محطات التموين التى تسمح بتقديم هذه الخدمات.

ويبلغ سعر المتر المكعب من الغاز الطبيعى 3.5 جنيها وسعر لتر "بنزين 92" 8 جنيهات وسعر لتر "بنزين 95" 9 جنيهات